انحراف ام
البارت ١٢
الطريق كله بالي يم محمد صورته متروح من بالي
كلش انقهرت عليه وضجت
بس بنفس الوقت فرحت لان خلصت من امي
وصلت لبيت جدي تلكتني بيبي بالهلاهل والجكليت
هله بيبي هله بيج فدوه رحتلج ستوه ضوه البيت بيج
جا وين اخوانج ليش مااجوا
كالوها جدو خلي البت ترتاح هسه
وبعدين نحجيلج التموا عمامي وولد عمي وبناتهم ونسوانهم
كلها ترحب وتأهل بيه
ولد عمي واحد احلى من الاخ صاكين 😂
وعمامي هم عليهم جمال وهيبه
جدي كال مدام كلكم ملتمين هاي فاطمه البيت بيتها هي الأمر والناهي هنا
اليأذيها معناها يأذيني
طلباتها اوامر شتريد وشتامر يجرالها
كال عمي حيدر والله تستاهل فطومه
رحبوا بيه كلهم وسوالف وضحك
تعرفت عليهم واحد واحد
بقينا للصبح كاعدين نسولف ونضحك
خاليني بنصهم محتفلين بيه
عمو رضا جان عنده ولد واثنين بنات كبار
وعمو حيدر عده ٣ ولد وبنيه
وعمو حمزه عنده اثنين بنات واثنين ولد
كلهم يخبلون وحلوين
كلها مجموعه يم بيت جدي
جانو بيت عمي رضا طالعين من البيت
بيتهم وحدهم وباقي بالبيت بس عمو حمزه وحيدر
عماتي اربعه مزوجات اثنين الكبار مزوجات محافظات والصغار مزوجات بنفس المنطقه
واثنينهن مدرسات .....
بهاي الفتره عشت اميره عند بيت جدي بيت جدي بيت جبير كلش
كلها تحبني ومدللتني جدو اشترالي مبايل
واشترالي ارقى الملابس
بيبي لبستني ذهب اشكال الوان
بدت تشتغل الغيره
من نسوان عمي وبنات عمي
بس اني مالي علاقه بيهن ولا مهتمه اصلا
جدو وبيبي مخليني اميرة زماني
بيبي كل طلعه تاخذني وياها
اخذتني لزيارات ولاقاربهم خوال ابوي وعمامه عرفتني عليهم
شكو عرس فاتحه او مناسبة تاخذني وياها
تعلقوا كلش بيه جدو وبيبي
كام جدي وسجل االبيت باسمي وكل ماعنده فلوس وسياره الي كتب وصيه
كل مااملك لفاطمه إذا متت بعد عمر طويل إله
خلصت العطله وقدمت اوراقي للاعداديه
الي يداومن بيها عماتي
عماتي دارني مداره بالدوام المدرسات كلها تحبني وينجحوني بله ماامتحن
لخاطر عماتي
الدوام يطب ويطلع منا كلشي ماافتهم منا
لا قاريه ولا فاهمه شي
وبالنتيجه ناجحه ودرجاتي كلش عاليه
بهاي الفتره انغريت كلش
من كثر الدلال واهملت دروسي
ارجع من الدوام لازمه مبايلي وكاعده
لو طالعه وي بيبي لو وي عماتي
كل يوم بسوك اشتري ملابس وحاجيات
يمكن مابقى موديل ماشتريته
بالبيت كلها تخاف من جدو محد يرفضلي طلب ومحد يصخرني
يعني بذاك الوكت صدك اميرة زماني
اهلي كل هاي الفتره ما سمعت شي عنهم
ولا شفتهم
حن كلبي الهم اشتاقيت الهم هواي وبالخصوص لمحمد
حاجيت جدو
جدو يصير اروح لبيت اهلي اشتاقيت لامي واخواني
كال اي جدي روحي احنه مانمنعج منهم ابد
بالليل من يجي عمج حيدر خلي ياخذج
عمو حيدر تأخر وأني مبدله
جدي كال لو يجي نص الليل هم اخلي ياخذج مالج شغل
مادام متحضره غصب عليه ياخذج
صارت الساعه ب١١ بالليل
يله اجه عمو حيدر
جدو كله ليش تاخرت مو كتلك تعال من وكت حتى تاخذ فطوم لهلها
كاله بويه والله طلعتلي شغله صفح
وعطلتني باجر الصبح اخذها وتدلل فطومه علينا
كله ماكو هسه تاخذها شلون تكسر خاطرها وهي متحضره
هسه تاخذها
كاله اي صار مو كلامك اوامر
صعدت وي عمو بالسياره واخذني لهلي وكلبي يدك هسه شلون راح يتلكوني
مشتاقيلي
محمد راح يسامحني وامي اكيد اشتاقتلي
وساره هم
شوكت اوصل كمت احسب لحظه لحظه
وصار الطريق شطوله
وصلنا ونزلت عمو بقى بالسياره
دكيت الباب دكيت
طلعت امي عمو حيدر راح من شافها
حضنتها وبجيت شلونج ماما
اشتاقيتلج
كالت فاطمه شجابج
كتلها اجيت اشوفكم اشتاقيت الج ولخواني
طبيت جوه طبت وياي
بس جان سلامها بارد يعني عادي لا ضايجه ولا فرحانه
دخلت جوه البيت اضلم
يمه وين اخواني
كالت نايمين وانت شعندج جايه نص الليل حلمانه شنو
لا ماما بس هسه يله اجه عمو حيدر وجابني
ها وانشاءالله رجعتي النه
لا ماما كلت اشوفكم يوم يومين وارجع
ليش حنينه علينه شنو
مو بعتينه ع مود عمامج
لا ماما مابعتكم بس اختاريت اعيش هناك
اي وشلونهم وياج
والله زينين ويحبوني ومدلليني ادلل
منين اجتهم الزينيه يخنكون الواحد خنك
بعدين شنو هاي ملبسيج عبايه
اي عبايه
بس ماجبروني اني شفتهن كلهن هيج لبسهن ولبست مثلهم
تعرفين بيهم بيت جدو ناس ملتزمين وساده
ويحبون المره تكون محتشمه بلبسها
صفنت هيج ربع ساعه
كالت فاطمه خلي اكلج شي
اني من البدايه ماردتج
كتلها شنو يعني
يعني ماردت احبل بيج وابوج جبرني ع الحمل
ومن اجيتي للدنيا ماحبيتج ولا ردتج
بس ابوج جان يحبج
ولحد الان اني مااحبج مثل اخوانج
ماما يعني شنو
يعني احنه مرتاحين بدونج
روحي ارجعي لبيت جدج منريدج
ليش ماما والله اني احبكم اجيت بس اشوفكم واروح
حتى شوفتج منريدها كومي اطلعي بره
وين اطلع الساعه فوك ال ١٢ باليل
الصبح اروح
كتلج اطلعي هسه يله مااريد اخونج يكعدون
ويشوفج
يله يله
لزمتني من ايدي سحل لباب الشارع
دفعتني وسدت الباب
