#انحراف_ام
البارت السابع
#ام_مصطفى
بارت هديه لعيونكم
خلصت العطله وأني نفس الحاله محبوسه بالبيت
بدت صديقاتي يقدمن فايلاتهن للمتوسطه وأني امي قافله علي
شكد توسلت بيها ماقبل
دكول ما عندي احد يضل بالبيت
ابقي انت تخدمينه
تالي دخلت خالوا فؤاد خابرته
فدوه خالوا طالبتك بموضوع لا تردني
كال صدك جذب فطومه كولي حبيبتي
خالوا امي تريد تبطلني من المدرسه
وأني احب اكمل دراسه عفيه خالوا حاجيها واقنعها انت
اني عندت وياي فدوه اروحلك خالوا
كال مو تدللين شحدها تبطلج غير العب جوله بيها
دسدي وأني جايكم
كلش فرحت وتأملت خالوا يسوي شي ويكدر يقنع امي
لان كلمته ماشيه ع امي هواي تسمع كلامه
لليل اجه خالوا انتظر امي
العشره يله اجت عادي كلها تعرف امي
تشتغل بصيدليه وتتاخر
تلكاها خالوا
الله يساعدج اكيد تعبانه من الوكفه
اي والله كلش تعبت شسوي لخاطر جهالي غير اشتغل واعيشهم شوفت عينك
محد من عمامهم كلف نفسه ودزلهم مصرف
كال اشوفهم شرايدين شمحتاجين
ضلوا بركبتي ربيتهم وهمه كومة لحم
اي والله خويه صحيح تعبتي هواي عليهم
واليوم اني جايج بموضوع يخص فطومه
ليش شبيها فاطمه
لا خويه مابيها شي بس ليش تردين تبطليها
من المدرسه
خطيه تره وتحب المدرسه وكلفتني احاجيج
وأني وعدتهة اخليها اداوم
ها شكلتي
شكول خويه كلمتك تمشي علي وع جهالي
ماعاش الي يردك
عساج سالمه ام محمد
صاح فطومه فاطمه
اجيت اركض هاا خالوا
تعاي بعد شتردين هاي امج وافقت ادومين
صدك خالوا هيييي امووواه .هههههه روحي بوسي امج يله ووعديها متقصرين بالبيت
اي تدلل ماما امووواه 😘 تسلمين ماما حبيبتي
العفو فاطمه خانم......
داومت متوسطه وتعرفت ع صديقات جدد
من ضمنهن صديقتي زينب
بيتهم قريب علينا
كمنا نروح سوه ونرجع سوه
كلشي تحجيلي زينب عن حياتهم
بس اني مااجرء احجي شي الها
كل الي تعرفه ابوي انخطف وأني عمري سنه
شديت حيلي بس ع الدراسه وارجع للبيت انظف
اختي ساره داومت كليه وصارت انكس من امي علاقات ومكياج ولبس فاضح
وامي مدللتها تدلل
بس اني كوه تشتريلي الحاجه ومن اطلب شي منها دكلي منيلي
كوه معيشتكم اني منين اجيبلج
خلصتها بصدريه وحده وقميص
وهنه يتكشخن اشكال يلبسن
كل هذا وكلت ميخالف بس خلي ابقى بالمدرسه وما ابطل بقيت مسيطرة ع البيت والدراسه
الحمد اللة توفقت بدراستي
وكدرت انجح لصف ثاني متوسط
فرحت كلش بنجاحي
بس محد يهتم الي ان جان رسبت او نجحت
عادي عدهم
بدت العطله وكعدت بالبيت
ضوجه كلش هنه يطلعن وأني ابقى انظف وحدي
لا طلعه ولا طبه
وفوكاها امي تعاملني بقسوه كلش
وبخيله علي
فد يوم اجت امي تعبانه
وجان عدها مبايل حديث اخر موديل
وعدنه انترنت بالبيت صار
جان محمد يدرس عليه
وساره وامي يرلسلن بي
جان قليل عدهم نت
وقليل الي يعرف الفيس وفايبر
بس امي عدها هي وساره
فكلتلها ماما انطيني مبايلج العب بي
ضايجه كلش
كالت هاج اخذي العبي بي بس لا تدخلينين ع الرسائل والفيس والمازنجر
كتلها لا اني اصلا مااعرفهن
فاخذته العب بقيت
وصار عندي فضول ادخل واشوف شنو هذن وليش حذرتني افتحهم
فتحت مازنجر وجان
اقره محادثات وسوالف سخيفه ومنحطه
وصور قبيحه صور رياجيل عاريه
ومقاطع فيديو تلعب النفس
بسرعه سديته
وذبيته من يدي وكمت ارجف
عرفت بوكتها شنو سوالف امي وساره
و شنو شغلهم
يتبع .....
#ام_مصطفى
تفاعلكم استمرانا
