#انحراف_ام
البارت ١٤
#ام_مصطفى
صبحكم الله بالخير واليمن والبركات
سد المبايل
كتله هاي ليش هيج سويت وليش كتلها هيج هسه اصدك عبالها صدك
كال خلي تصدك وشنو يعني اسويها صدك اني وغمزلي
خجلت منه وكمت شنو قصده يعني
يريد خطبني يعني
اي اكيد هيج يقصد
بيبي شافتني كالت اسم الله شو تحجين وي روح
كتلها اي بيبي
امي خابرت علي
امج شتريد اذكرت شنو
والله مااعرف دكلي مشتاقتلج وتعاي نريد نشوفج
ختولي شوف شعدها مو خاليه اكيد
والله بيبي مااعرف
انوب جملني احمد
احمد شبي
هااا بيبي مو جر المبايل مني ويكول لمي اني خطيبها وبعد لا تخابرين
يا خلي يولي بيبي مالج شغل بي التهي بدروسج وابن فخريه لا تطينه مجال
انت بعدج صغيره وراج دراسه اريدج تكملين وتصيرين مثل عماتج
واصلات بالدراسه
فدوه اروحلج بببي التهي بدروسج
وهذا حميد مالج شغل بي ابد
اي بيبي ان شاء تدللين
عفيه بيج حبيبتي بعد روحي
لزمت المبايل ودخلت لغرفتي
اريد اقره مااستوعب شي ومالي خلك
ضليت افكر بامي شنو السر وره مخابرتها
اكيد اكو شي سامعه شي
يجوز سمعت جدو سجل البيت باسمي
لو تريد تورطني وياها مثل ماورطت
ساره
اووف اموت واعرف بشنو تفكر
لزمت مبايلي فتحت فيس
لكيت طلب صداقه فتحت الطلب لكيته من احمد بن عمي رضا
اوو اطش هذا دخلت ع بروفايل مالته
اتصفح بمنشوراته
وصوره الناشرهن كلت والله حلو
شنو لبس والاناقه وعضلات وجمال ماشاء لله
طلعت هسه شنو اوافق لولا
اكيد لازم اوافق غير ابن عمي هسه يكلي ليش رفضتي طلبي
خلي اوافق
وافقت ورجعت اتصفح بالمنشورات
دخلت لكروب صديقاتي بالمدرسه ضلينه ندردش ونسولف
اجتني رساله من احمد
هلو فطوم شلونج
همزين قبلتي الطلب كلت ازعل إذا رفضتي
هلو احمد شلونك
لا شلون ارفضه غير ابن عمي
بس ابن عمج
واخوي همينا
😑لو ضالين ع ابن عمج احسن
هههههههه
دوم الضحكه
تسلم
يله اترخص اني وراي دوام مدرسة تعرف
بس بيبي تشوفني لازمه المبايل تبقى تحجي
اهوو بيبي وما اروح لاحكتني
لا تحجي ع بيبي مااسمحلك
هسه شكلنه احنه
يله مع السلامة
طردة بنزاكه هاي
☺☺☺تصبح على خير
طفيت النت ونمت
الصبح رحت للدوام عادي مثل كل يوم
مبايلي اعوفه بالبيت لان ممنوع اخذه وياي
جنت بوكتها بداية صف سادس علمي
وهامله دروسي كلش
مسويه المدرسه ونسه ولبس وصداقات بس
اعتمدت ع عماتي هواي
بس هالمره وزاري مراح يكدرن يساعدني
مع ذالك ماهتميت عادي واذا ارسب
اصلا مامحتاجه الها بعد
من رجعت للبيت لكيت احمد واكف اباب بيت جدي بس شنو طالع كيك يلمع من فوك ليجوه
اويلي شنو هالاناقه والجمال
شافني من بعيد عدل وكفته وابتسم
ومانزل عينه مني الى ان وصلت
هلو حب نورتي
باوعتله هيج 😒
كال قصدي هلو بت عمي نورتي
كتله شكرا نورك هذا
اتفضلي اميرة البيت ع كولة جدو
شنو ماعاجبك لازم
لا يايبه شلون ماعاجبتني اصلا راح اموت من الانعجاب وقرب وجهه علي
حجة بصوت واطي
غير انت متحسين بيه
رجعت ليوره بس شنو كلبي كام يدك
وتخردلت
جان واكف ع الباب وافتح اديه لازمه منا ومنا مااكدر افوت
كتله بصوت يرجف احمد وخر خلي افوت
مااوخر
عفيه لا يجي جدو لو عمو حيدر ويشوفك
وشنو يعني عادي اكلهم احجي وي خطيبتي
وحبيبتي
ها من شوكت صرت هيج
من اول يوم شفتج بيها
اوف هسه وخر خلي افوت لا تخليني اصيح ع بيبي
اوخر بس بشرط
شنو
خابريني اريد احجي وياج
اي عادي نتخابر عود بالليل
وخر ايده بسرعه فتت اني
كام يضحك جبانه هههههه فلتت
طبيت جوه وجهي يتكلب الوان خاف واحد شافنه
بيبي تلكتني هله بفطوم الله يساعدج
هلو بيبي
شنو شبيج مو ع بعضج
لا بيبي مابيه شي
طب احمد وراي
هلو بيبي شلونج مشتاقلج
بيبي باوعت عليه وخزرتني
اني افلللت 🏃♀️🏃♀️ للغرفه
غيرت ملابسي وضميت جنطتي
دخلت بيبي لازمه عوجيتها ولج فطيم
انه شكلت مو ابن فخريه مالج شغل بي
بيبي والله ماعندي شي وياه
هو لكيته واكف بالباب اني شكو
ضربتني بالعوجيه اي واكف بالباب
وانت دكيتي سوالف وياه
لا بيبي كلشي محجيت
ولج انه حذرتج وكتلج مو دكولين بيبي مانصحتج
التهي بدروسج هذا حميد وسوالفه ماتفيدج
اي بيبي ان شاء تدللين
ديله كومي تغدي صبولج الغده
رحت اتغده صينيتي وحدي بالصاله
خالينها همه متغدين قبلي
اجه احمد كعد كابلني ع الغده اي رحمه لوالديج ميت جوع
اني غصبت باللكمه وباوعت ع بيبي
بمعنى اني معلي
بيبي كالتله ولك ابن فخريه خلي البت تاكل
شبيج بيبي اني هم جوعان وجاي من الكلية مامتغدي
جا إذا جوعان مارحت اتغده ابيتكم
شعندي مطعم فاتحته انه
وسفه عليج بيبي اطرديني من بيت جدي
مو اني حمودي ابن ابنج التحبيني
اي ديله اكل وولي لهلك
هاي السوالف متعبر علي خوش
غص بالاكل احمد كام يكح
اني ميته ضحك عليه
انطيته مي كتله هسه احسلك
كال كلشي لعيونج يهون انطرد اترزل اغص
اموت
كتله اسم الله عليك من الموت
كال ها تخافين علي اويلي يابه
كتله اي غير ابن عمي ومثل اخوي
غص مره ثانيه
ههههههههههههههه ضحكت بصوت عليه
وهو هم ضل يضحك
يتبع......
#ام_مصطفى
