#انحراف_ام
البارت السادس
#ام_مصطفى
.............فاطمه .......
رجعت من المدرسه فرحانه واركض وشهادتي بيدي شوكت اوصل للبيت وافرح امي واكلها طلعت ناجحه ورحت للمتوسطه
اركض وملتهفه
يمه يمه ناجحه دخلت للبيت عيوني ادور امي اريد افرحها اريد اشوف الفرحه بعينها
درجاتي كولش زينه بوكتها
شفت ساره تبجي اجيت يمها ساره شبيج
منو وياج شصارير كالت ماكو شي لا تخافين
كتلها لعد ليش تبجين كالت امي كتلتني
رغم اني صغيره بس افتهم كولشي
عرفت امي تجبرها ع اشياء تسويها
كتلها شوفي ساره طلعت ناجحه
اخذت النتيجه مني
وشفتها كالت الف مبروك حبيبتي
وكامت باستني
كتلها امي وين كالت جوه رحت عليها ماما
شوفي طلعت ناجحه
جنت فرحانه كلش واباوع ع وجه امي انتظر اشوف الفرحه بعينها
لكن انصدمت بردة فعل امي وهي تشكك
بالشهاده بله متشوف درجاتها
ودكلي اي زين خلصنا من المدرسه هاي هي بعد اخذتي شهادة ابتدائي
اكعدي واسكتي بعد
بعد ماكوا مدرسة تكعدين بالبيت تخدمينه اني واخوانج سمعتي لولا
كتلها ماما شكاعد تحجين ليش شلون اعوف دراستي
مو ساره ومحمد يداومون شمعنا اني تبطليني
اسسسس ولا كلمه
لا مااسكت ماابطل من المدرسه وابقى ادوم
تعانديني ولج شنو
لزمتني ذبحتني كتل وطلعت
بهذا الوقت امي كامت تشتغل بصيدليه
تطلع من ٢ الظهر ترجع بالعشره ومرات اكثر
عاافتني ارافس وطلعت
اجتي ساره فطومه كومي حبيبتي ميخالف
حضنتها شفتي شلون امي شككت الشهاده
وتريد تبطلني
كالت اي شفتها ميخالف انت لا تلاسنيها
عود نحاجي خالوا فؤاد يقنعها
هسه عطله الله كريم منا ما تجي المدرسه
كومي غسلي وجهج
كمت كوه اسحل بروحي جسمي كله يوجعني كام
غسلت وجهي ورجعت اجمع بقطع الشهاده
المشككه
جبت لاسق وكمت السقها وحده بالخ
وابجي بحيث دموعي تنزل للكاع
برغم صغر سني بس تألمت للموقف الي سوته امي
ليش هيج جنت متخيله راح تحضني وتبوسني ودكلي عفيه بالشطوره
وتكلي راح اجيبلج احسن هديه
بس للاسف انصدمت بردة فعلها
لليل اجتي امي
كومي ولج سويلي عشه بسرعه يله
كامت تصيح علي ولا اعتذرت ولا صالحتني فوكاها تعيط وتصيح علي
كمت صبيت الها خليته كدامها
بس استغربت امي ابد متأمر ساره ولا تكومها
لا وجايه مشتريه الها كومه اشياء مكياج وملابس
ثاني يوم الصبح اخذتها وياها وطلعت اثنينهن تمكيجن عبالك رايحات عرس
وملابس جديده وطلعن
كالت امي الكاج منظفه ومحضره غده النه زين ولج
اي ماما ان شاء اللة
بقيت بالبيت انظف وابجي زين اني ليش امي هيج تعاملني
وساره مدللتها ويشتريلها واطلعها وأني تعاملني بقسوه
يصير اني مووبنتها يصير هي مربيتني
زين وين اهلي لعد اني ابوي وين
ضلت الأفكار ادور أبالي
قاطع افكاري محمد فطومه حبيبتي سويلي
ريوك
ها محمد اي صار تدلل
اكلج امي وساره وين
كتله والله ماادري وين راحن
بس امي كالت عدنا شغل
ها زين ديله سويلي ريوك عفيه بين مااغسل
محمد جان هادء وفقير وعاقل ومتدين صلاة ميتركها ابد
وجان شاطر بدراسته هاي السنه يدخل كلية
بس جان واثق بامي ميعرف بسوالفها
بنظره امي مثال للمراءه المكافحه الي تشتغل وتعيش اطفالها
جان كلش يحب امي ...
للظهر اجتي امي وساره
ساره مرمه عيونها بجي
حاولت اسئلها واعرف شبيها مجاوبني
كثرت طلعات امي وساره
بعدين ساره صارت نسخه من امي لبس ومكياج
وتليفون ميوكع منها وسوالف للصبح وي شباب وضحك
من اسئلها منو ذول دكلي معليج انت
تره اكل لامي عليج
صار اسلوبها وياي جاف مثل امي
وتعلملني بقساوه
صرت مجرد خادمة صغيره الهن
يتبع .....
#ام_مصطفى
