#انحراف_ام
البارت العاشر
#ام_مصطفى
مساء الخير 🌷🌷
امي شدت وياي فد شدة خفت منها كمت مااجيب طاري عمامي يمها
التهيت بالمدرسه كلت خاف الح تالي تبطلني
من المدرسه
بس بداخلي هواي حبيت بيت جدي واتمتيت ابقى يمهم خصوصا بيبي وجدو
حسيتهم كلش حنان علي
خابرت عمو حيدر من ساره
الو ها عمو اني فاطمه
هلو حبيبتي فطومه شلونج شخبارج
وين اختفيتي منتظرج اني
عمو مااكدر اجي
امي مقبلت واخاف اعاندها وتشد ويايه
كلت هسه اعوف الموضوع لحد ما اخلص الثالث
تعرف عندي دراسه وهاي السنه وزاري الامتحانات
كال ع راحتج عمو حبيبتي شوكت متردين
خابري وأني اجي اخذج غصبن ع امج مدام انت تردينه معليج بعد اجي اخذج اني
عمو من تخلص هاي السنه الله كريم
اشوف شراح اكدر اسوي
انتضرج حبيبتي
ان شاءلله
مرت الايام وامي نفس الشي تروح الظهر ترجع نص الليل
وساره هاي اخر سنه الها بس مااشوفها تدرس
ليل نهار تخابر ومحتاره باللبس والمكياج
فد يوم رايحه للمدرسه وحدي جنت متاخره
جان يلحكني واحد صاح باسمي تفاجئت درت وجهي
اشوف ولد حلو كلش عيونه زرك واشكر
كال شلونج فاطمه ممكن احجي وياج
كتله منو حضرتك
كال اني حسين صديق اخوج محمد
كتله اي تفضل رايد شي
صراحه اني شايفج مره مرتين ومتابعج
وانعجبت بيج كلش
وقررت اخطبج حاجيت امي عليج
كتله و شنو المطلوب هسه
كال ردت اخذ موافقتج
واحجي وياج
كتله اذا عندك حجي احجي وي اهلي
من رخصتك عندي دوام ومتاخره
عفته ورحت
بس شنو كلبي كام يدك صدك يحجي لو يجذب علي يريد يختبرني
زين وين شافني اشو اني مشايفته
بس صح سامعه محمد عنده صديق اسمه حسين
بس عليه والله عيون اويلي ع جمالة
دخلت للمدرسه ودايخه بيه
رحت لصديقتي زينب
زنوبه تعالي الحكيني
ها ولج شكو وليش متاخره اليوم
ولج مو اكو ملك نزل من السما اخرني
يااا ملك شنو شبيج مصخنه
لج واحد لاحكني اليوم بس شنو ملك جمال
عيونه زرك واشكر يكطع
لا ويكول احبج ومعجب بيج وراح ادز اهلي يخطبونج
ياا هذا صدك ملاك نازل من السمه
هم حلو وهم يريد يخطبج
معرفتي منو
اي اسمه حسين يكول صديق اخوج اني
ولج بس شنو يمووت
شنوو حسين
اي حسين اسمه شبيج صرتي خضره شو
لج فاطمه هذا ابن عمي حسين
الي احبه واحجيلج عليه
الي اعرفه صديق اخوج محمد
وهسه وصفتيلي مواصفاته كلها يعني هو
ضلت تباوعلي بغضب
كتلها وأني شكو إذا هو معجب بيه
واصلا اني ولا حجيت شي وياه عفته ورحت
كامت تبجي
اهووو هسه شسوي اني كوليلي والقران ماادري ابن عمج واصلا اني ممفكره بي
ولا بالزواج هسه
الله عليج فاطمه اني ناقصني شي
ليش يحبني ليش ميباوع علي
رغم ابوي كايل الهم زينب اخذوها لحسينر
كافي زنوبه حبيبتي وداعتج حتى لو يتقدملي راح ارفضه
لا فاطمه وافقي عليه تره خوش ولد
اذا هو ماريدني اني هم ماافرض روحي عليه
وربي يوفقكم ان شاء لله
رجعت للبيت الف حسبه ابالي
تلكتني امي بالغلط والصياح
افكر اشرد لعمامي واخلص منها
لو اقبل بحسين إذا تقدملي
نزعت ملابسي وبديت انظف محد يشيله حاجه كله عليه ينتظرني اجي يله
صبيت غده وخلصت
كمت اغسل المواعين
اجاني احمد
فاطمه كتله هاا
وين تعرفين حسين
كتله شنو يا حسين
كال فاطمه اني اخوج احجي الصدك شعندج وياه
كتله كتلك مااعرفه وماعندي شي وياه
ليش تسئل
كال اليوم اجه خطبج مني وتفاجئت منين يعرفج
كتله تريد الصدك خويه
اليوم من رحت صاح علي كال اريد احجي وياج
وتفاجئت من صاح باسمي
كال اني صديق اخوج محمد
واريد اتقدملج
كتله روح لهلي إذا تريد
زين فاطمه انت شنو رائيج
والله حمودي اني مااعرفه وبعد بكيفكم
ثاني داومت شفته واكف بس ماحاجاني من بعيد واكف ويباوع علي
زينب وياي كالت هذاك حسين اكيد منتظرج
كتلها وأني شعلي بي
هم البارحه محاجي محمد وكايله اريد اخطب اختك
كالت يعني صارت صدك
كتلها ما اعتقد امي توافق
كمت يوميه اشوفه
بس مشاعري باردة من ناحيته
عادي يعني
بالبيت محمد حاجه امي وهي رفضت
ماقبلت كالت بعدها صغيره ماازوجها
اختها الاكبر منها بعدها
شلون ازوجها دزله خبر كله ماموافقين
من دزله خبر تخبل حسين
ضال يتوسل بمحمد انتضرها واخليها تكملى
كايله مااعرف امي متقبل هسه
اذا الك نصيب بيها متصير لغيرك
سبكلي ثاني يوم
فاطمه ليش امج رافضتني اني ناقصني شي
زينب جانت وياي
كالتله حسين عيب احنه بالشارع
عاط بيها معليج انت محد حاجي وياج
انقهرت عليها صارت حمره من الفشله
باوعتله كتله صدوك عيب احنه بالشارع
وسبق وكتلك بكيف اهلي مو بكيفي
عفيه لحد يشوفني احجي وياك بعد لا تحجيني بالطريق
شدكول علينا الناس من اشوفك تحجي وياي
عفته ومشيت
مرت الايام وحسين ضل يدز ناس
ويمشي وراي
شويه بديت اميل إله وانقهر عليه بس ماابين إله
الى ان بدت الامتحانات
وخلصت اني بس اقره امي خبلتني
من اشوفني ادرس تتخبل تكوم تخبث وياي
واطلعلي شغل من جوه الكاع بس كون
ماانجح
كرهتها وكرهت نفسي وياها
لان بديت اراقبها وصارت سوله بيه
اروح ادور بمبايلها وأقره الرسائل
والمحادثات والصور
كلما اشوفهن اشمئز منها بالزايد
وتلعب نفسي منها
يعني مره جبيره صرتي وتصادقين بكد ولدج ما تلعب نفسج
كلش ضجت منها
بيوم فتحت مبايلها وبدي اكلها
خابرت عمو حيدر منها
كتله عمو تعال اخذني
كال شصاير كتله عمو إذا متاخذني اشرد لغير مكان
كال اني جايج لاتخافين
يتبع .....
#ام_مصطفى
