#انحراف_ام
البارت الرابع
#ام_مصطفى
جمعه مباركة عليكم احبتي ومتابعيني
اخذتلي اسبوع اجر مثل الساعه شغل ومداريه جهالي
ومن يطب حيدر اسوي روحي بس انضف
وهو تبقى عيونه تراقبني
وين مااروح
مااعرف ليش محجه لامه حيدر جان ممزوج
واخونه الأكبر منه حمزه ورضا مزوجين وعايشين بالبيت كولنه
مر اسبوع ماتحملت بعد
عندي سيم كارت ثاني شكلته
من طلع حيدر خابرت فراس
هلو فروسي شلونك
هديه هاي وينج ضل بالي عليج حبيبتي
و منو هذا ذاك اليوم جاوب وكام يصيح
اوف فراس اسكت
غير جنت احجي وياك ومااحس إله المبايل انجر من ايدي
اباوع اشوف حيدر فوك راسي
انوب كلبي اجه يوكع كلت بسلا يعرفك ويفظحنا
لاتخافين حبيبتي هذا بوخه مابي خير
كلشي ميسوي
شلون كلشي ميسوي هددني إذا تكررها
يطردني وياخذ الجهال
يابه بعد احسن خلي ياخذهم
لا عيني فراس جهالي مااطيهم ابد
لو شيصير
هسه عوفينه من جهالج مشتاقلج موت
شلون اريد اشوفج
يااا شنو جنت اني مو اكلك حيدر مراقبني ومشدد علي
اخاف يمعود يكبسنا بالسطح اجلها هسه لحد ما شويه ينسى بلكت
اوووو منين طلعلي حيدر مااصدكنا خلصنا من عقيل احنه
ع كيفك حبيبي شسوي بعد هذا مكروه ومعقد
يله يله مع السلامة يمكن اجه سمعت صوته
بسرعه شلت السيم كارت
وضميته وشمرت المبايل بالكنتور
وطيحت الملابس بالكاع ع اساس اسفط بيهن
ع كيف فتحت قفل باب الغرفه
ورجعت
حسيت عليه فتح الباب ع كيف
اني انطيته ضهري كمت اسفط
وره شويه راح
هففف روحه بله رده خنكتي خرب حضي
اني عقيل ماخفت منه هيج تالي يجي هذا
يخليني اخاف منه
بس ميخالف فتره وراها البسه
جان اكو كنتور مقفول بي فلوس عقيل يجمع بيهن حتى نشتري بيت
كلت خلي اكسره اشوف شعنده ما عنده
كسرت القفل لكيت سفطات فلوس
حيل كل هاي عندك وميبسها علي
كمت قفلت الباب كعدت احسب
والكاهن ٨ ملايين انصدمت هواي هاي
اخذتهن ضميتهن بمكان بعيد
خليتهن بعلاكه وختلتهن فوك الكنتور
كلت ماكول لاحد عليهن
.............هديه ... ..
مرت الايام والاشهر وعقيل لا حس ولا خبر عرفنا بوكتها انقتل حاله حال البقيه
علاقتي بفراس مستمره
حيدر خفف المراقبه مني
اطورت علاقتي بفراس كمت ادخله الغرفه هملت جهالي كلش وبالي كله شلون ادخله
وشلون اطلعه
عمتي نهار كله تحجي وترزل بيه وأني حاكرتها مالي شغل بيها
البس واتكشخ واسولف واضحك
وأذب الجهال عليها واطلع لهلي للسوك
بكيفي من ارجع تعاركني
ولج مصخمه هديه وين جنتي امكيجه وتفترين شدكول الناس علينا
وج فضحتينا الله لا يرضى عليج
اوي شنو ترديني اموت روحي وراح
يعني مااشوف اهلي لا اروح اتسوك
مو عدي جهال ويحتاجون غراض
والله عيني هديه ماشفت جبتي شي لجهالج
شو بس الج اليكول عرس عدنا
اني صبرت عليج هواي إذا مانعدلتي
اشتكيج لاهلج يقبلون ع هاي سوالفج بله
روحي لهلي عادي قابل شمسويه بايكه ناهبه
عفتها ودخلت لغرفتي
ماتتعب يوميه نفس الحجي ينعاد
شنو اموت روحي ع عقيل قابل والله يا الله ........
مرت سنه كامله وعقيل ماكو
فديوم تواعدت وي فراس بالليل
شبعت جهالي كتل ونومتهم من وكت
ولبست سيت نوم جديد وتمكيجت
صار هدوء كلها نامت بالبيت
خابرته يله فروسي تعال حبيبي
امان ومن توصل سويلي مسكول
حتى اطلع افتحلك الباب
جايج حبي بس كون متحضرتلي زين اليوم
تعال واشوف ع حبه ونص هههههه
جاي ركض
ربع ساعة ورمشلي طلعت فتحت الباب لفراس ودخلته الغرفه
وسديت الباب
واستلمني فراس
فاطمه كعدت تبجي بذاك الوكت عمرها سنتين وشويه
ماهتميت الها بقيت مندمجه وياه
فراس : هدهد كومي سكتيها يمعوده
ثبرتني خربت الليله عليها
عوفها ختولي معليك بيها
خلي نكمل وعود اسكتها
عفتها تبجي
راسا انفتح الباب علي واشوف حيدر فوك روسنا
يتبع . . ..
تفاعلكم قليل كولش ميسوي واهس
اتفاعلوا حتى انزل الكم باليوم باترين
