#انحراف_ام
البارت الثاني
#ام_مصطفى
فديوم بالليل جاي اخابر بفراس صار عندي
وجع سديته منه وبدت علامات الولاده كمت اتوجع واذب مايات
خابرت عقيل وأني اتوجع
عقيل حبيبي الحكلي صار عندي طلوك
عقيل : صدك هديه هسه جاي بالطريق
روحي كعدي امي تخذج للمستشفى
مااكدر اتحرك خابرها انت راح اموت من الوجع سديته منه
شويه واجت عمتي وينج هديه
صدك عدج طلوك ؟
اي عمه اه اه
ادري غير تجين تكعديني المن مخابره الولد
منو اقرب احنه لو هو لو بس تردين تقلقينه
يله كومي شنو بجر قابل
هديه .اهووو اني ليش ماادز عليج من هالحجي
لاتمنين علي عمه يجي عقيل وياخذني
دكومي كومي محضره جنطتج لولا
هديه.. اي حضرتها بالكنتور
يله لعد كومي البسي عباتج وتحضري
خلي اكعد حيدر ياخذنه
ام عقيل . حيدر يكوم يمه مرت اخوك تطلك كون اخذنه للمستشفى
حيدر .. هاا خير ان شاء اللة كايم كايم
يله حضر السياره بسرعه
ام عقيل : يله هديه كومي اصعدي اطيني ايدج شني سويتيها كلش اول مره تجيبين ...........
ام عقيل : الو عقيل مرتك جابت بنيه
عقيل : الف الحمد لله اني جاي بالطريق
بنيه ولد متفرف عندي اهم شي هديه دكوم بالسلامه
ام عقيل : اي يمه مابيها شي مريتك هاي
ساعه ساعتين ويطلعونه اخوك حيدر يمنا لاتجي انت ضل بدوامك اخاف عليك
عقيل لاتخافين يمه راح اوصل الكم من زمان طالع
هله بيك لعد
هديه : عمه عقيل ما اجي لا جاي بالطريق
وين تليفوني
بجنطتج ماشايفته
ها زين
عقيل : الحمد لله على السلامه حبيبتي
الف مبروك المولوده فطومه شرفت الدنيا
هديه : شنو هاي سميتها فاطمه
عقيل : ليش اكو احلى من هالاسم
يله حبيبتي كومي انطوني ورقة خروج
خلي اروح اجيبلج عربانه خاف متكدرين تمشين
ام عقيل : شني السالفه قابل عمليه
هو طبيعي جابت والحمد لله
ميخالف يمه شعندي غير هدهد تدلل علي ام جهالي هاي
ام عقيل : 😏😏 ديله روح سوي اوراق الخروج ...
(((((((((((((هديه )))))))))))))))
طلعت من المستشفى وعقيل اخذ اجازه اسبوع وطاير فرح بالطفله
مكابلني وكاعد مابقى اكله مجابها ينكل علي فواكه واكل مطاعم
و لا تكومين ولا تتحركين عبالك الاميره اني
بس اختنكت من عنده اريده بس يطلع اريد اخابر فراس اشوفه
اسبوع كامل مشايفته و لا مخابرته
تالي خلصت اجازته وداوم
وأني رجعت اتواصل وي فراس
مااكدر اعوفه كلش متعلقه بي
حتى هامله اطفالي ع موده
الطفله فطمتها خليتها ع ممه مالي خلك ارضعها من صدري
بدت تكبر فطومه ولعباتها وسوالفها تخبل
خبلت عقيل عليها
كام يموت عليها وكل مايرجع يجبلها حاجه
اني بالي ابد مو يم عايلتي
فراس مخبلني بسوالفه وكلامه بين فتره وفتره اصعده السطح
ومخابرتنه مستمره
احبه مو بيدي اعشقه ..
الوضع بالعراق صار يخوف صارت طائفيه وقتل ع الهويه وكثرة قتل الشرطه والحرس الوطني
فد يوم دخل عقيل وجه اصفر
ومخطوف لونه ويرجف
ها شنو شبيك خير
كال لكيت ورقه تهديد بسيارتي لو تبطل من الشرطه لو نقتلك
كتله يا اسم الله ليش
كال هسه كثر القتل بين الشرطه والحرس الوطني
كتله وشراح تسوي
كال خلي يولون ماابطل ماصدكت توضفت اني وين اروح إذا ابطل
كتله لعد شلون خاف صدك يأذونك
كال لا ميكدرون ماخذ حذري
يمعود عقيل بطل اخاف عليك
يمه فديت الي تحبني هالكد تحبيني ومادري
لعد شلون غير زوجي وابو جهالي انت
دتعاي لعد
ههههههههههههه متفوت فرصه انت
مر اسبوع عقيل يداوم وما هامه شي
فد يوم خابرت عقيل حبيبي مشتهيه كباب
جيبلي وياك
كال تدللين اني نص ساعة وأوصل للبيت
كتله اوكي
بدلت ملابسي وتمكيجت خابرت فراس
كتله راح يجي عقيل لاتخابرني بعد
زعل اهوووو شكد اكرها شوكت اخلص منه
كم مره اكلج اطلكي منه متحسين انت اني اغار عليج
حبيبي يعني يوميه نفس الحجي ينعاد
مااكدر غير زوجي وجهالي
وأني شنو بحياتج
انت حبيبي فدوه اروحلك
اندك الباب حيل
كتله يله باي يمكن وصل عقيل
سديته منه
واسمع عمتي تعيط وتصيح
ركضت عليها ها عمه خير
ام عقيل .
الحكي ولج رجلج خطفوه
عقيل انخطف
البارت الثالث
يمه عزه شلون و منو خطفه
ما اعرف بس ابو الاسواق هسه شايفه خاطفيه وخاليه بصندوك السياره
يلا يمه عزه العزاني شلون بيه
طلع حيدر يركض حاول يعرف منين طلعوا ولحكهم بسيارته
واحنه ضلينه اندك ونلطم انخبصوا خبص حمويني ناس اطب وناس تطلع
دورة رادوا كل أثر مااله
ضجت وقلقت اول اسبوع عليه
امه تخبلت ادك وتلطم عليه يمه وليدي وين راح
كتلها عمه تره قبل فتره ذبوله ورقه تهديد بالقتل اذا مايترك الشرطه
ام عقيل : شلون ذبوله ورقه وهسه يله حجيتي الله لا يوفقج ولج ليش ماكلتي النا شلون تسكتين ع هاي السالفه
وشلون كلبج انطاج تعوفينه يداوم
ولج انت شنو ماعدج احساس مو رجلج هذا
لو ع مود الفلوس
هديه : ع كيفج كلتيني حاصل فاصل
شنو اني ياهو مالتي غير هو مقبل احجي
وبعدين هاي عيشتنه منو يطينه انت
كالت ولج شكد صلفه رجلج الله يعلم ميت عدل ولا جنن تلاسنسن كاعده
كتلها اهوو اكوم منج اروح لغرفتي احسن
شفتيني هسه مالي احد راح تطلعين حيفج بيه
يله ساره محمد فاطمه تعالوا للغرفه
ماء نبقى يم بيبي
طبكم مرض ضلوا يمها
ام عقيل. ولج مرض اليمرضج يالماعدج احساس
عفتها ودخلت لغرفتي لزمت المبايل خابرت فراس
هلو فروسي شلونك تشتاقيتلك
وللحكايه بقيه
#ام_مصطفى
