#انحراف_ام
البارت الاخير
#ام_مصطفى
ختمتها بسبب التعليقات السلبيه شكرا لانتقاداتكم
الي تعرفني شخصيا تعرف اني ماارد ع اي وحدة تنتقدني
واتقبلهن برحابة صدر لكن بناء ع طلباتكم ختمتها
بدل ملابسة وطلع سد باب الغرفه وراح
كلت هسه يرجع كمت نزعت البدله
ونزعت التسريحه وسبحت
ولبست سيت نوم ستن ابيض
وكعدت انتظره
صارت ب١ بالليل وماكو
وأني هلكانة من الصالون وهوسة العرس
اريد بس انام
كمت اغفي وأني كاعده
صارت الساعه ب٣ وهو ماكو
بعد مكدرت اتحمل
تمددت ع الجربايه ونمت
وكل شويه افز اكول بلكت اجه
ماكو تالي صارت الساعه ٨
سمعت الباب انفتح
دخل
كتله احمد وين جنت ضل بالي عليك
ماجاوبني
احمد مو احجي وياك ليش هيج تسوي
اندار علي لزمني من ايدي لوها
ولج شوفي اكلج من البدايه وين رحت
منين اجيت مااريد اسمعها هاي الكلمه
مالج دخل بيه بكيفي اني اطلع واطب
ودفعني ع الجربايه
وراح نزع ملابسه ونام
راح انام مااريد اسمع صوت اطلعي وسدي الباب
😭😭 غريت ملابسي وطلعت امسح بدموعي تلكتني فخريه
كتلها صباح الخير
كالت من يجي الخير من جهج
شسويتي للولد وطفرتي نص الليل
اكو واحد يعوف مرته ويطلع بليلة عرسه إذا مو شاف شي معجبة
👐🏼👐🏼👐🏼👐🏼
يله ولي للمطبخ واحسبي حساب كل شغل البيت عليج رقيه و لينة عدهن دراسة
مايلزمن العود بالبيت
من ساعتها عرفت دخلت لجهنم برجلي
اني السبب وأني الي جبتها لروحي ولازم اتحمل نتيجة اخطائي
كمت اشتغل بسكته ومااعارض ع اي شي
اسمع منا وطلع منا
غلط ومسبة من مرت عمي وبناتها عادي تعودت
اسبوع كامل احمد يطب الصبح ويطلع بالليل
وعمي مايدري بيه بس امه تدري وعاجبها الوضع
اني هم مليت وتعودت يوميه البس واتمكيج وانتظره يجي ماكو اخلي وانام لان النهار كله انظف واغسل
وباليل اذب روحي
تعودت ع هالوضعيه واحمد من يرجع بله ميحجي اعوفه واطلع يعني اني كمت اجاهله مثل ماهو يجاهلني
فد يوم نايمه العادة واحمد بره
حسيت ع واحد يتلمس بيه طفرت
مخروعة اشوف احمد فوكاي سد حلكي
و...........
صار يوميه ع هالحالة يجي نص الليل
ويكعدني
وبالنهار تستلمني فخريه هذا وسخ وذاك خرب
مرة قبل لا يطلع احمد كتله احمد اخذني لبيت جدي اشوفهم صار هواي مشايفة بيبي اشتاقيت الها
كال عندي شغل خلي احد ياخذج
وروحي
عفيه احمد محد ياخذني ذبني بطريقك
كال يله الج خمس دقايق تبدلين
اي اي دقيقه وابدل
بسرعه لبست ملابسي
وعباتي وطلعت من باب الغرفه جان احمد كاعد بالصالة ويكلب بمبايله وعمتي طلعت من غرفتها وي طلعتي
كتله احمد يله جاهزه
كام كال يله
صاحت فخريه وين وين ع الله رايحين بلاه لا احم ولا دستور
كالها يمه راح اخذها لبيت جدي تريد تشوف بيبي
عشتوا خاف اشتاقت للخدمة هناك
ماكو روحة عندي طلعة لبيت خالك يله
امشي وديني
وانت ارجعي كملي شغلج يله
احمد باوع علي وعليها
كلي يله عود غير مره اخذج
يله ماما منتظرج بالسياره
وطلع فخرية تباوعلي باستهزاء
اكلج عود لفي كبة للعشه
ونزلي بردات الصالة اغسليهن وره متكملين شغل البيت
والبنات من يجن من المدرسه كون يلكن الغده جاهز
لبست جنطتها بجتفها وطلعت
بقيت واكفه شلون اطلع الحركة مني متطلع
فتتني فت رحت للغرفه نزعت عباتي
نمت ع وجهي وعضيت المخده وكمت اصرخ من كل كلبي اريد اطلع الحركة من كلبي متطلع شسوي يربي كلشي محسوب علي انهزم هسه يكولون مثل امها نهزمت وي واحد
اروح لبيت جدي زعلانه هسه يكلولي مو مال بيت ومسلكين مثل امج واكيد جدو يرجعني
شسوي اريد اعيش بستر اريد احس ابيت وعائلة تحبني
ليش اني نحرمت من الاب والام
والاخ والاخت
وكلت ميخالف اهم شي ازوج واستقر
وافتح بيت واثبت لكل اهلي اني مو مثل امي اني عكسها اني وحده تحافظ ع بيتها وزوجها وتربي اطفالها احسن تربيه
بس الدنيا متريدني اعيش واستقر
الدنيا عاكسه وياي كلش .....
كمت من الجربابه بعد ماورمت عيوني بجي
غيرت ملابسي
ولبست مالت البيت
كمت ع شغلي اخلصة قبل لا يجن البنات سلمت امري لله سبحانة وتعالى
ورة كم يوم اخذني احمد لبيت جدو بقيت يمهم للعصر اجه اخذني
ورجعت للبيت
هناك عماتي سؤلوني شلونهم وياج
كتلهم زينين واحمد زين وياي مردت احد يشمت بيه
الحمد لله ع كل حال
رضيت بقدري وحمدت الله وشكرته
وره شهرين حللت طلعت حامل
طرت من الفرح كلت اكيد هذا الطفل راح يقوي علاقتنه
وراح احمد يفرح بهذا الخبر
من رجعت ابشرة
جان عادي عنده لا فرح ولا حزن
كتله احمد كافي هيج تعاملني ابرود راح يصير طفل عدنه
قاطعني وكال لو يصير عشره ماانسى الي سويتيه وياي وشلون لويتي ذراعي
بعدين شتردين بعد زواج وازوجتج
تردين اطلع واطب ابوس ايدج واخذ الأذن منج
تقبلين باهالوضعيه تقبلين متقبلين الله وياج
......
مرت الايام وأني نفس وضعي وماتغير حالي ابد صرت خادمه لفخريه وبناتها
فخريه بالكومه والكعده تعيرني بامي
امي من سنتين ماشايفتها ولا سامعه اخبارها ابد
بس اتصل بصديقتي زينب مرات
واسئلها ع ساره دكول لهسه ممزوجه
لا هي ولا محمد وامي بعدها تشتغل صيدليه
....
بدت بطني تكبر وحملي ثكل وبقى شغل البيت كله علي
احمد سافر لتركيا يتونس
وراها صار عندي طلوك اخذوني للمستشفى
وجبت ولد سميته محمد ع اسم اخوي محمد
حبيبي من اول ما ولدته روحي صارت بي
احمد كمل سفرته وره شهر رجع
من تركيا
رجع بس بدة يتعامل وياي احسن تعامل وغير كل اسلوبة وياي
صارت روحه بحمودي كلش فرحت لان تغير
كلت اكيد ع مود حمودي تغير
اني هم بديت اتغير واتعامل وياي باحسن تعامل
امكيج والبس باليل وانتظره يجي واستقبله احسن استقبال
مر ٥ اشهر ع هالحاله احمد كلش زين وياي
الف الحمد اللة تغير كولش
فديوم كال فاطمة اني السفره ماناسيها وضاله أبالي
فكرت ليش مااخذكم واسافر
اني كيفت وفرحت بالخبر
كال انت شدكولين
كتله بكيفك وأني وانت مدام بعدك تريد تسافر اني وياك
كال زين لعد راح ابدي باجرائات السفر
بس مااريد احد يعرف
مااريد امي وابوي يعرضولي اكمل جوازات
مالتج ومال محمد وقبل يوم اكللهم
واخذكم واروح اني شغلي هناك بالمانيا
خالي يوميه يكلي تعال
اني اسحبك يمي وكتله عليج وع حمودي كال جيبهم وياك
نسافر تركيا ومناك لالمانيا نطلع ع طريق البحر
كتله احمد اني وياك شتسوي وياك
وره كم يوم احمد جابلي اوراق كال وقعي عليهم
كتله شنو هاي كال هاي وكالة حتى امشي بالجوازات اني
اخاف اخذج وامي تشك وأني مااريد احد يعرف خاف ابوي يرجع ياخذ
الجواز مني من يعرف نريد نسافر
اقتنعت بالحجي مالته
ووقعت ع ٤ اوراق وبصمت باصبعي
اخذهن احمد وكام كال يله كومي روحي
كتله وين كال لبيت جدو جدو خابر عليج يريد يشوفج
صدوك
اي
خلي ابدل لامحمد لا عوفيه يم امي
اخاف متقبل
لا اني احاجيها خلي ناخذ راحتنه يجوز مناك اخذج للمول اشتريلج اغراض
وملابس خاف نسافر
كيفت كتله زين لعد
لبست بسرعه وأني متفاجئه بتصرفاته
معقوله هيج تغير ١٦٠° يارب مو بعيدة عليك
هيج هديته علي
تمكيجت وبدلت
ومن طلعت فخريه اخذت محمد وتباوعلي بمكر
اتعجبت محجت شي بس نضرتها تخوف
جانت الي
احمد صاح يله عدي شغل مناك اروح ويغمزلي
كتله يله انطيت الممه لعمتي عمه فدوه ديري بالج عليه
لا توصين حريص
صعدت بالسياره وي احمد
بنص الطريق وكف ع صفحة وقفل السياره علينه
كتله ليش وكفت شصار
كال شوفي فاطمه اني طلكتج غيابي يم سيد
واليوم سحبت اوراق من المحكمه عندي واسطة كدروا يسحبون الأوراق
وانت وقعتي ع طلاكج
اني مااريدج سمعتي لولا
بقيت فاتحه عيوني مااستوعب الي اسمعه
كتله احمد شكاعد تحجي اكيد تشاقه
كال مااشاقه خلي عدج كرامه مااريدج اني
كارهج تعرفين شنو
انت شنو متحسين
راح اذبج يم بيت جدي واياج تخابريني لو تحاولين ترجعين
شغل السياره وضل يمشي سريع
احمد زين طلكتني رجعني اخذ ابني
ههههه شبيج ثوله تبقين ثوله من ضمن الاوراق الي وقعتيها وقعتي ورقة تنازل عن ابنج مقابل فلوس استلمتيهن
كتله حقير حيوان شنو من بشر انت ماعدك رحمه اني شلون حبيتك مااعرف
ابني اريده واخذه
كال تحلمين تشوفينه بعد بنت هديه روحي شوفي امج شاهرتنه بسوالفها
اني اخلي ابني يكبر ويعيرونه بجدته
دنكت ع ايده بستها احمد فدوه اني شنو ذنبي اني تحرمني من ابني
طلكتني ميخالف بس ابني لاتحرمني فدوه اروحلك
وصلنا لبيت جدو فتح الباب ونزل جرني
ودك الباب حيل طب صاح هاي بنت هديه طلكتها لان مو مال بيت وزواج
ماريدها سمعتوا لولا
وطلع ركضت وراه ابني فدوه احمد
عافني وراح
اخذ ابني مني وحرمني من شوفته
عمامي حاولوا يدخلون
كالهم اكتل نفسي لو اخذ ابني واسافر إذا ترجعوها وابني مااطي الها لو تموت
رجعت لنفس المعانات والمشاكل
رجعت اخدم نسوان عمي
لا طلعه ولا طبة بحجة مطلقه
عايشه وي احزاني ودموعي وندمي ع كل خطوة خطيتها
اتعذب واموت واعاني وحدي ماكو حضن يضمني ولا احد يسمعني
هاي صار عمر ابني هسه سنه ومشايفته ادعولي الله يهديم ويخلوني اشوفه ولو يوم ساعه
انتهت قصتي لحد الان
شكرا الكم ولتعاطفكم معي
ادعولي الله يفرح كلبي بشوفة ابني
اختكم فاطمة .......
النهايه
ام مصطفى
