#انحراف_ام
#ام_مصطفى
البارت ١٨
مساء الخير ع عيونكم
كلشي قبلت وكلت ميخالف هسه مقهور مني وضايج لان طارت السفره
ان شاء اللة بس نزوج يرجع مثل قبل
ماانكر اني بداخلي مامقتنعه بالي سويتة
بس هي تريد تصير وحتى لو رفضت ازوجه
عمامي ميقبلون بعد كل ضنهم صاير بينه شي
شربت المر وجرعته وسكتت صرت مثل بلاع الموس
هاي قسمي لازم اقبل بيها
فخريه بالخطبة سمعتني حجي لمن ملت
سكتت ماجاوبتها ابد بس الدمعه بعيوني
وميته قهر اتمنى اكوم اعيط واصيح بيها
اكولها هو ابنج خلاني احبه
اتمنى اكولها ليش تكرهيني شنو ذنبي اني
شنو سويتلج اني
واكوم اخرب الخطبة
وارجع اخدم امي واحافظ ع نفسي ولا هالذله هايى
بس مااكدر بعد حكم القاضي ...
مر شهر ع الخطوبه واحمد اخابره يرزلني ويسده
خاف مصدكة روحج خطبتج تره مجبور وما اريد اشوف خلقتج الفكر
طيرتي مني السفره
لج هو لوما ابوي مااخذ مستمسكاتي جان
عفتج وطفرت
احمد ليش هيج تعاملني اني غير من حبي الك هيج سويت
اذا هيج كارهني ليش خليتني احبك واتعلق بيك
نسيت حبك الي نسيت وعوودك الي
كله نسيته
من ساعة السودة يوم العرفتج
باعي لا تنتظرين مني يوم احبج لو انسى انت سبب
بضياع مستقبلي
واتحملي الي راح يصير بيج
عفيه احمد لا تخوفني منك هالشكل
زين اني شنو ذنبي كولي
كل هذا السويتي وشنو ذنبج ولي يله مع السلامة
اخخخخخخخ
ليش هيج ياربي ساعدني
شسوي هسه بروحي اني وين اولي وين اطي وجهي
يارب كلشي مااريد بس استقر ابيت
وي رجال يحبتي واحبه
معقوله هذا احمد هيج انكلب علي
هلكت من القهر والبجي
الناس حاسدتني ع احمد
كل بنات اقاربنه يكللي هنيالج
اخذتي احمد مال وجمال هي حضوض عيني
مايعرفن حضي مصخم
عمو رضا استعجل بالعرس وكلف عمه غدير تاخذني تشتريلي نيشان وذهب
جنت اتمنى احمد يروح وياي ويختار الذهب وياي
بوكتها راسلته حمودي باجر تشتري ذهب
تروح وياي
دزلي وأني شكو قابل اني البسه روحي اشتري ع ذوقج انت
الشهادة لله عمو انطاني فلوس زياده وكال لعمتي شتريد اشتريلها
اشتريت ذهب صار ب٤ ملايين اخذت اساور ٣ صارن بمليون ونص واخذت كلادة اسم احمد جبير صارت ب٧٠٠ والباقي اشتريت محبس وتراجي
واخذت ملابس اليعجبني وكثرت من ملابس النوم اخذت كل الموديلات والاوان
رجعت للبيت هلكلنه من التعب
عمو كال الخميس العرس حضرو روحكم
يعني مبقى غير ٥ أيام للعرس
الصبح رحت للصالون حجزت
ورحت اجرت بدلات
وأني داخل المحل اصور وادز لاحمد
حبيبي بالون اختار
منو احلى الوردي لو ذهبي
كال اختاري اليعجبج شنو اختاريه
كمت احسه رضى بالواقع واستسلم
صح مرجع مثل قبل بس المهم ميغلط علي مثل قبل
زين حمودي عاجبتني الذهبي هاي شدكول انت
اي الذهبي يلوكلج اخذيه
من كلي هيج طرت فرح يارب اهدي عليه
كتله يعني اخذها كال يله عندي شغل
يله حبي اخذ راحتك
كلت لعمة غدير اخذ الذهبي للحنه عجبت احمد
حجزت بدلة العرس هم فصالها كولش حلو حورية البحر ضيكه كولش ومن جوه ذيل السمجه واخذت طرحه بسيطة وتاج
رجعت للبيت فرحانه
يعني بكلمه منه يرفعني للسمه وبكلمة يرجعني لسابع كاع
اووف شكد احبه يارب اهدي عليه
كلشي مااريد .
اجت يوم الحنه مكيجت مكياج بسيط
وتسريحة حلوه كلش
وصدك البدله تخبل طلعت علي هواي فرحت بنفسي اكيد راح اعجبه
بيت جدي صارت حنة الولد والبنات عدهم
كلش حلوه صارت الحنه
الكل تركص وفرحانة جدو عزم كل العشيره
دخل احمد حتى يحنيني يمه فديته يجنن طالع
لا بس قميص وفوكاه يلك ولابس فيونكه
تلكوه النسوان بالهلاهل والجكليت
كعد يمي
مرتبك اجت عمتي كالتله يله حمودي كص الكيكه ووكلها
وخلي اخذلكم صور
وراها لبسني الذهب
وحناني وطلع
ردت بس يكلي طالعه حلوه
يكلي كلمة ماكو
يله همزين هادي ومافشلني كدام الناس
فخريه بس تخزر بيه كلمة حلوه ماكالتلي
المهم خلصت الحنه وثاني يوم صار العرس
وهم طلعت اخبل بيومها كولها دكلي
مكياجج يخبل
وطالعه كلش حلوه
مااعرف ليش من لبست البدله البيضه تمنيت امي يمي واختي ساره
ومحمد بنص عمامي كمت ابجي
لو مهما يكون البنت تحتاج امها بهيج يوم
وأني كلش احتاجيتها
هذه..ليلتي..
ارتدي..فيها.فستان..ابيضي..
عليه..ورد..ومرجان..يشع..نوره
كالبدري..
هذه..ليلتي..
انا..ومن..احببت..طول..عمري..
ااهات..وحنين..
واشتياق..ومسرتي..
هذه..ليلتي..
لكن...اين..هي..شمسي..؟؟
اين..هي..من..كبرت..في..
احشاءها..وتركتني..وحدي؟؟
احتاجها..الان..فهذه..ليلتي..
امي...يااول..كلمه..نطقتها..
شفتاي..وقلبي..
يا..نورا..على..نورا..
يامن...بيدها..الجنه..والحرور..
يا..دفء..شمس..الشتاء..
ونسيم..ليال..الصيف..
اين..انتي..؟؟؟
تعالي...بقربي..
وامسحي...بيداك...جبهتي...
واروني...عطش...حنانك..
وضمني...في...قلبك..
فهذه...ليلتي...
امي.....
خاطرةهمسات الذاكرين
اجت الزفه واخذوني لزمني احمد وطلعني من بيت جدي صعدني بسيارته
وصلت لبيتهم عمو رضا ذبح خروف كدامي
جوه رجليه
وتلكوني بهلاهل وهوسات
كعدوني بالاستقبال تقريبا ساعه وراها
كالو صعدوها راح يزفونهم
دخلت للغرقه كلش حلوه ومرتبه
كعدت ع الجربايه واسمع الهوسات
عرفت راح يصعد
كمت ارجف من الخوف مااعرف ارتباك
معقوله هيج يصير بيه
مو هذا احمد الي ردته شبيه ارجف وخايفه
دخل احمد وسد الباب
بس ولا باوع بوجهي
دخل عبالك مموجوه طلعله ملابس
وطب سبح وبدل وطلع
وللحكايه بقيه
تفاعلكم كلش ضعيف وميشجع
