#انحراف_ام
البارت الثالث
#ام_مصطفى
هلو فروسي شلونك اشتاقيتلك
اشتاقيتلك حبيبي هواي
فراس اي مبين اشو كاتله روحج ع عقيل
لعد شلون غير زوجي وابو جهالي
واني شنو
انت الحب والقلب كله الك
اني اغار من عقيل ان شاء اللة مايرجع بعد واخلص منا حتى ناخذ راحتنه
هديه: لا خطيه شبيك هيج دكول
لج مو متت عليج وانت يابسه مسويتها وياي بلكت الله يخلصني من عقيل
حتى تفتحين الحصار علي
هههههههههههه شبيك يمعود شجاك
لهدرجه تحبني وتشتاقلي
وج راح اموت عليج وانت بطرانه
شوفي هدهد تره مااتحمل بعد اكثر
شوفيلج يوم ودخليني للغرفه
خلي نتونس النه يوم مدام هذا ماكو
وداعتج انسيج العالم كله
انت بس جربي وشوفي شراح اسويلج اله اخليج بغير عالم وانت تكليلي تعال كل يوم بعد
ههههههههه شوقتني حتى اعرف شسوي
ولج اكلج اكل غير
هديه .امممممممم افكر
فكري عيوني وداعتج نتوس اني وياج ونسه بحياتج مشايفتها
عبالج مثل عقيل إلاثول اني
ديله عيني اروح هسه نتخابر بالليل ونتفاهم
مع السلامة
يمه فديته حبيبي فروسي هذا الحجي الحلو
مو ام كابله سليمه ام عقيل
اووف بس والله شوقني اله يمكن اسويها واجيبه اووف اريده اني اكثر ماهو رايدني بعد ليش اعاند
اي افوته بس مو هسه هسه مخبوصين وناس اطب وناس تطلع
عود شويه من تخف ....
................هديه ...............
مرت ٣ اشهر
عقيل ماله خبر ولا ذكر اخوانه واهله مخلوا مستشفى مادوروه ولا مكان يعتب عليهم
آخر شي ايسوا وكعدوا
لان عرفنا بذاك الوكت الي ينخطف ينقتل
وينشمر بالزبل
فديوم اجه فراس سوه روحه يسئل ع عقيل
دك الباب وطلعتله جنت بوكتها لابسه تراكسود ومكيجه
عمتي شبعتني رزايل هذا لبس وحده رجلها مخطوف ولج جنج معيده
احنه مصخمه وجوهنا وانت امكيجه
اني انطيها الاذن الطرشه مااحاجيها ابد
رحت فتحت الباب لفراس
هو شافني تخبل ولج شطالعه شنو هذا الجسم شنو هالجمال
كتله بعدين هسه خلي اصيحلك واحد من الولد
طبيت صحت حيدر تعال فراس صديق عقيل يريدك
طلعله حيدر ودخله بالاستقبال
اني فتت سويت له جاي
شويه وطلع دك علي
صعدت فوك اخابره
هلو فروسي
يا هلو ولج حركتيني حرك وج راح اموت حتى مكدرت اكعد يمكم هواي
هههههههه ليش حبيبي شجاك
احجي هيج وانجر التليفون من اذني
درت وجهي اشوف حيدر حماي
خلاه ع اذانه
فراس ولج شلابسه اليوم التراكسود مبين جسمج كله وج اشتهيتج بعد مابيها مجال
حيدر الو انت منو ياكلب
اندار عليه منو هذا ولج
ماجاوبته لزم ايدي احجي ولج
هذا منو تخابرين بي ولج اخوي ماصاله ٣ اشهر وانت صاحبتي بسرعه
ضربني راشدي
كتله انت معليك سمعت لولا جريت المبايل منه ونزلت
كال بسيطه اني اعلمج
كمت ارجف
دخلت الغرفه ركض اجه وراي دك الباب
افتحيه بسرعه هديه لا تخليني اشهرج هسه واصيح
كتله شتريد افتحيه بس احاجيج
يله فتحته شتريد
منو هذا نعرفه
لا متعرفه
زين وين شافج لابسه تراكسود احجي ولج
مااعرف
شنو متعرفين مو احجي وياج احجي
ضربني راشدي
فدوه حيدر استر علي توبه إذا خابرته بعد
وهذا السيم كارت راح اكسره واشتري غيره
بس لخاطر عقيل لا دكول
وبيش احلفلك ما اعيدها شيطان لعب براسي
وصدكني بس مخابره بينه
يعني من شوكت تعرفيه
مصار هواي هسه صار اسبوع
دك علي كال اعرفج اني
بس اني مااعرفه
ومثلك متعجبه شلون عرف اني لابسه تراكسود
حيدر : شوفي هديه هاي الخاطر الجهال راح اعبرها بس مراح انساها ومره ثانيه اطردج لهلج
توبه إذا تكررت السالفه
باوع علي بغضب وطلع
اني جريت نفس طويل الف الحمد لله
بس بقيت ارجف ومتوتره وماطلعت
لحد ثاني يوم
كمت نضفت البيت وبقيت بس اشتغل
وهو يراقب بيه
ام عقيل : اليوم هديه الله هاديها شنو
شعجب تنظفين
عمه ضايجه وكلت اطلع الضوجه بالشغل
والله مادخل عقلي عدج شي
مسويه مصيبه وكاعده تتمسكنين اكيد
يتبع ..........
#ام_مصطفى
