وغير وجه واتغدينا ولقينا . تلفونه بيرن .
احلى حاجه ان الناس بتتصل قبل النوم او بعده عشان ميبقاش فى ازعاج ...
ولقيت بيقولى دا باباكى..
فقلت طيب رد .دا انا كلمتهم النهارده زى كل يوم .
انا خايفه ليكون فى حاجه حصلت ..
فرد وليد وقال : السلام عليكم ورحمه الله وبركاته .
فقال بابا :وعليكم السلام ورحمه الله وبركاته . ازيك يا وليد يا ابنى . عامل ايه واخبارك مع بنتى عاملين ايه ؟
فرد وليد وقال الحمد لله .
احنا كويسين الحمد لله .المهم حضرتك طمنا عليك وعلى طنط والاولاد .
فرد بابا : احنا الحمد لله كلنا فى فضل ونعمه الحمد لله .المهم يا ابنى انا كنت عايز اتكلم معاك انت فاضى ولا عندك تدريب ؟.
فقال وليد : انا فاضى ؛ انا خلصت تدريب وفى البيت من شويه .
واتغدينا كمان .اتفضل حضرتك اتكلم انا سامعك .
فرد بابا وقال : يا ابنى ساعه لما خدت بنتى معاك انت وقتها اتفاجئنا من طلبك ما كنش فى الحسبان .
وما كناش مستعدين وجهازها مش كامل بس لما لقيتك مصر على طلبك وافقت عشان ما زعلكش وكمان انا باعتيرك زى ابنى وما حبتش اكثر بخاطرك >
واحنا فى خلال الايام الفاتت نزلت انا ومامتها والبنات واشترينا باقى جهازها وحاولنا انه يكون على زوقه ويكون يناسب مستواك والحمد لله الحاجه كلها جاهزه >
وانا اتفقت مع العربيه بتاعت العفش عشان ابعتهالك عشان عارف انك مش فاضى تيجى وهابعتها مع اخوها بس ححددلى معاد تكون موجود فيه فى البيت عشان يبقى معاد وصول العربيه عشان اتفق معاهم ؟
فرد وليد وقال :ياعمى انا طبعا يشرفنى انك تعتبرنى زى ابنك وربنا يعلم غلاوتك عندى >
واحترامى ليك ولتربيتك لبنتك .
بس بالنسبه لموضوع الجهاز انا باعتذرلك على تعبك وتكاليفك بس والله انا مجهز الشقه من كل حاجه وفعلا مش ناقصنا حاجه وربنا يخليك خلى الجهاز ده لاختها وشكرا والله على تعبك وعلى ذوقك .
فرد بابا : ازاى يا ابنى اخليه لاختها ده حقها والتفقنا عليه فى القايمه وحقها الربنا هيحاسبنى عليه وغير كده انت عايزها يجى اليوم التقلى انتى بعتنى رخيصه عشان جالك واحد جاهز مايكلفكش مليم .لا يا ابنى انت ما ترضهاش ليا وبرضوا محبش يجى اليوم التقول لبنتى انا خدت بشنطت هدومك واهلك ما صدقوا يهربوا من جهازك .
فرد وليد وقال : لا يا عمى انا عمرى ما اقولها حاجه من كده وانا عارف انك مش بخيل ولا هتبخل عليها >
وانا بقولك انى متنازل عن الحاجه دى لانى مش محتاجها فعلا .
فرد بابا وقال : يا ابنى انتى لو متنازل عن حقك انا مش متنازل عن حق بنتى وفرحتها بحاجتها وجهازها والحاجه التتشرف بيها قدامك وقدام الناس >
وانا مش هاسمح لحد برضوا يقولها كلمه مالهاش لزمه فى الموضوع ده .
انا بنتى طول عمرها فى بيتى متصانه وطول عمر ما حد مد ايده عليها ولا هانها بكلمه .
عايز بعد ما جات بيتك تتهان بسببى .
والله يابنى ما اقبلش حاجه زى دى وانا الاخرنى خلال الايام الفاتت اننا كل يوم كنا بننزل نشترى فى الحاجه اما لو كانت جاهزه كنت بعتها معاك والمضوع ده يا ابنى مافهوش كلام وما تحرمنيش ادى بنتى حقها .
فرد وليد وقال :يا عمى رونى اهى معاك كلمها والتتفقوا عليه انا موافق.
وانا خدت التلفون وقعدت على السريى ووليد جنبى .
وقلت ازيك يا بابتى ازيك يا حبى وحشتنى ياغالى من الصبح ما سمعتش صوتك .
فضحك باباوقال : ازيك يا حبيبت بابا والله وحشاني والبيت من غيرك ولا حاجه الضحكه اطفت من عندنا ونورت عند وليد ..
فضحكت وقلت :ولا تزعل يا حبيب قلبى اسجلك شريط كامل باضحك فيه وابعتهولك .
هوانا عندى كام حبيب قلبى وروحى وحياتى كلها انت تشاور بس وانا هاجيلك واقولك امرنى امر يا اغلى الناس .وهنا وليد طبعا مقدرش يتحمل كل الدلع ده والدلال البيتمناه وكان نفسه ياخد التلفون وينقض عليها واليحصل يحصل .
بس انسحب بهدوء وخرج من الاوضه ودخل البلكونه واخد نفس عميق وقال فى نفسه :صبرنى يا رب على المجنونه الهتجننى معاها .
كان نفسى اجيبك يا رونى معايا عشان ارتاح .
اتارينى تعبت قلبى زياده .حرام عليكى بالراحه عليا .
دا انا كل منايا كان اشوفك او اسمع صوتك .
ودلوقت بقيتى معايا وفى بيتى وفى حضنى كمان ؛
ومش قادر اطولك ارحمينى ابوس على ايدك وبلاش دلعك البيجننى ده .
وقطع كلامه مع نفسه وتفكيره .لما دخلتله البلكونه .
وقالت وليد : هو لو جات الحاجه يوم الاجازه بتاعتك يناسبك المعاد ده .
فشاور براسه بالموافقه .
وهيا اتفقت مع بابا ها على كده وقفلت ولقيت انه لسه بيبص الناحيه التانيه ومش بيبصلها .
فقالت :وليد مالك.
فبصلها شويه وقال: انا رايح انام
وسابها ودخل وهيا دخلت وراه وهو نام على السرير وعطاها ضهره .
فقعدت جنبه على السرير وقالت : وليد مالك ؟
فقال : رونى نامى وخلينى انام .
فهيا مش متعوده انه يعملها بجفا كده وحست انها مخنوقه وكمان مديها ضهره يعنى مش عايزها فى حضنه .والدموع ملت عنيها . ولا اتحركت ولا اتكلمت .
فحس بيها انها ما اتحركتش ولا نامت ؛واتعدل ناحيتها ولقا عنيها مليانا دموع حزينة فاتعدل .
وقالها :انتى هتعيطى ولا ايه .الحصل يعنى لكده .
فادايقت منه وادايقه ان دموعها ابتدت تنزل .
وقالت :مافيش .
وجت تقوم فهو شدها فى حضنه ونيمها وابتسم .
وقال : كل ده عشان ما نمتيش فى حضنى هو حضنى حلو قوى كده ولا انتى التعودتى عليه .
فقعدت تعيط وتضربه وتقوله اسكت .وقعدت تفكر فى نفسها (انا ايه الخلانى اعيط معقول عشان مخدنيش فى حضنه ولا عشان حسيته زعلان .هو انا ارتبط بيه قوى كده ولقيت نفسها بدون شعور دخلت فى حضنه اكتر واتمسكت بيه ونامت .
وصحيوا صلوا وقعدوا يتكلموا فى الهيحصل يوم الاجازه
فقالت :بص انا خلصت ترتيب وتنضيف الشقه بس فاضل الاكل انا مش هاروح معاك بكره التدريب بكره عشان اعمل الكل لعمتى واكيد عيالها هيجوا واخويا العمال لان انت اجازتك بعد بكره .فشده لحضنه ولف ايده على كتفها . وقال :انسى انا اصلا ما تعرفيش عدى عليا النهارده ازاى وكل شويه ابص على مكانك البتقعدى فيه وزعلان انك مش معايا مش هاقدر اعيش نفسه اليوم بكره .
فابتسمت وقالت : طيب والاكل يا وليد هيبقى صعب ان اعمل كله فى يوم واحد واقعد معاهم غير العمال كل شويه بيبقوا عايزين يشربوا حاجه .
فابتسم وقال الاكل نشتريه جاهز من اى مطعم اوفندق يعملوا مخصوص ولو عايزه اجبلك حد يقدمه مافيش مشاكل .
فقلت لا خلاص كفايه اننا نجيبه جاهز بس اتفق معاهم على الاكلات العايزينها .
فبصلى وقال:تعالى ننزل نتفسح شويه ونعدى على فندق حلو او ى انا بحب اكله قولى انتى الاصناف العايزاها وهما يحضرها ومثلا نقول يوصلهالنا على الضهر ويعملوا كام نوع من المشروبات .
ونشترى شويت عصاير وكانز نخليهم احتياطى لو احتاجناهم . وشويه اطباق وحاجات بتاعت التقديم عشان لو استعملنا الحاجه مره تترمى ما تغرقيش باقى اليوم فى غسيل الطباق .
فضحكت وقلت :بس كده تتكلف كتير ليه كل ده .
قال : انا مستعد ادفع كل ما املك فى سبيل راحتك وساعاتك ولو حسبتيها مش هتلاقى الفرق كبير بس الهيفرق هو تعبك انتى وراحتك .
انا المرادى الترميت فى حضنه وقلت ربنا يخليك ليا .عارف لو كل الرجاله بتتعامل مع ستاتهم كده ما كنش فى واحده اتطلقت .
فقال : رونى حبيبتي لو سمحتى مش عايز اسمع الكلمه القلتيها تانى فى اى حوار بينا ولا حتى اى كلمه فيها انفصال ماشى يا رونى .
فضحكت وقلت: ماشى .
وقمت وقلت: يلا نعمل سباق ونشوف مين الهيلبس الاول .واليكسب يطلب طلب من التانى ولازم التانى ينفذه .وجريت من قدامه .
وطبعا انا الخسرانه لان الولاد بتلبس بسرعه اما الاخرنى لف الطرحه
مش راضيه تتظبط وكانها متفقه معاه .
وجه وقعد يغيظنى ويطلع لسانه .
وقالى :انا هاطلب الطلب .
فقلت بغيظ اطلب ما انا الجبته لنفسى .
فبص بمكر وشاور على الدولاب .
فقلت مش فاهمه ماله الدولاب .
قال : لما نيجى تلبسى واحد من الانا مشتريهم واشوفه عليكى .
فرجعت لورى وانا مش مصدقه الطلبه .
وقلت لا: طبعا استحاله .
مش ممكن انا مش ممكن البسه قدام نفسى وابص المرايا .
عايزنى البسه قدامك صعب والله خالص .
فقال: يا سلام امال ازاى قلتى هتنضفى الشقه بيهم .فقلت والله انا قلت كلام بس مش فعل انا فعلا ما لبستش منهم خالص .
فقعد على السرير .وقال طيب لبستى ايه .
فقلت وانا وشى فى الارض بنطلون وبدى .
فابتسم وقال :طيب ما انتى بتلبسى بجامه قدامى عادى .
فقلت اصل البجامه بتبقى اوسع شويه منهم .
فابتسم ابتسامه ما فهمتش معناها وقال اه كويس انك قلتيلى .
فقلت بسرعه يلا بقا عشان ننزل :فقام وشدنى نيمنى على السرير وثبت ايديا .
وقال : لسه يا جميل الطلب ما اخدوش .
فقلت :وليد والله صعب خالص عشان خاطرى ما تغصبنيش على حاجه صعبه عليا بالشكل ده .
فضحك وقال :لا انا هاجل الموضوع ده شويه بس دلوقت عايزك تبوسينى هنا وشاور على خده .
فاتصنمت وقلت :انت بتهزر انا مش ممكن اعمل ده طبعا .
فبصلى بغيظ وقال :عارفه يا رونى هاعد لغايه خمسه لو ما بستنيش هاقوم افتح الدولاب وهنقى الهيعجبنى وهخليكى تلبسيه .
فبصتله باستنكار وقلت :ومين الهيسمع كلامك .
فقال: وانا مش هاستاذنك انا الهغيرلك وهلبسك بنفسى مهما حصل وانتى ما تعرفنيش لو قلبت معايا عند .
وابتدى عد 1..2..3..,,لما حسيته بتكلم جد بسته بسرعه البرق وخبيت وشى بايديا .
فقالى :وانتى ان شاء الله هتطبعى طابع بصته انا عايز واحد حلوه .
فقلت :والله مافيش تانى ولو غصبتنى على حاجه هازعل منك وهاعيط وهاخاصمك بجد .
وابتدت تعيط .
فقوقفها وقال :انا عايز اعرف انتى دموعك دى بزرار تضغطى عليه تنزل .
اتفضلى اغسلى وشك وكملى لبس خلينا ننزل بدل ما الواحد يتهور النهارده .
فقالت : حاضر .
وراحت تغسل وشها وهيا اصلا بتعتبر لما بيقولها (اتهور او ماسك نفسى بالعافيه او حاجه من المعنى ده بتفهم انه مش عايز يتهور ويضربها وكده عشان كده مش بتعارضه عشان ما يفقدش اعصابه ويضربها )
ولبسه وراحوالفندق واختاروا الاصناف من المنيو والمشروبات وطلبوا منهم انهم يبعتوا كبايات واطباق بلاستكيه وفلين وان كل طلب يتقسم على كذا علبه وكذا صنيه بحيث ان مش هايفتحوا كل العلب يفتحوا الهيحاجوه ويحتفظوا بالباقى فى التلاجه وطلبوا السلطات ومخللات .
واتمشوا شويه .
ووليد شاف محل حلويات فقال :احنا نسينا نطلب حلويات وخدها وراحوا اتفقوا مع المحل على جاتوه وبسيمه وحلويات مشكله بس هيوديهم بكره بالليل عشان يقدموهم لو الناس جات بدرى لغايه لما يوصل الاكل .
واشتروا علبه شيكولاته .
عصير وكانز وكان عايز يتعشوا بره .
بس هيا قالت :فى اكل فى البت وهما اصلا عايزين يفضوا التلاجه للاكل الهيجى .
وقالها ان شاء الله يوم تانى ينزلوا يشتروا ديب فريزر عشان هيحتاجوه .هو كان فاكر انه مالوش اهميه مع وجود التلاجه عشان كده ما جابوش .
وروحوا اتعشوا وناموا .
وتانى يوم صحيوا نزلوا صلوا بس جابوا الاساندوتشات والكنز فى البيت وعملت جنبهم فطار خفيف وفطروا ورتبت شويه فى الشقه ولبسوا وطبعا مرضيش وليد يخرج من غيرما ياخد الاصطباحه بتاعته هيا حاولت تعمل مش فاكره بس فى حاجات هو ما بينسهاش .
وراحوا النادى .
هما راجعين اشتروا فاكهه بس هيا خلت يجيب كميه قليله لان التلاجه مش هتقضى ورواحوا اتغدوا وناموا ولما صحيوا حضرت لبسها ولبسه وجه بتاع توصيل الحلويات وحطوها فى التلاجه .
بس طلعت طبقين ليمهم وشالت الباقى .
وخلت الشيكولاته جزء منها فى الونبنيره فى التلاجه والباقى شويه احتياطى برف التلاجه والباقى شالته بالعلبه فى دولاب المطبخ .
واتفقوا ان لما تيجى عمتها والمعاها هيقعدوا فى الانتريه الفى الصاله قدام التلفزيون .
لغايه لما يجى بتوع العفش يدخلوا ااوضه المكتب عشان هيا فيها الصالون ودخلوا ناموا .وصحيوا صلوا الفجر .
واتصل وليد باخوها فقاله :اهم هيوصلوا على الضهر .وجهزت الفطار وفطروا ووضبت المطبخ عشان لما يجى الغدا .
واتصل محمد ابن عمتها بوليد وقاله :انهم خرجوا وقدامهم نص ساعه ويوصلوا عندهم انه هتيجى حمات اخته معاهم بس استغرب لما قاله :انها هيا الهتخلص العمله وليد فى المكالمه الفاتت.
وراح وليد يبلغها وهيا كانت لابسه عبايه استقبال وصندل وسرحت شعرها وبتلمه لما دخل وليد وقالها ان عمتها فاضل نص ساعه وتيجى .
فقالت انا خلاص دقيقتين وهاخلص . وابتسمت وقالت كانها بتفكر :ايه رايك احط البرفم ده ولا ده محتاره بينهم .
فمسك الاتنين وقال:انا هاقولك مين الاحسن .وحطهم على التسريحه ومسك ايدها ولفها ورا ضهرها .
وقال: عايزه تحطى برفيوم وابن عمتك والعمال هيكونوا هنا يا رونى هانم .
فابتسمت وقالت والله بضحك معاك انا اصلا ما حطتش مكياج والله ما فيش غير كحله .
والله شوف خلاص سيب ايدى .
فقال :حتى لو بهزار لازم تتعاقبى عشان ما تكررهاش .
فقالت :انا حبيبتك .
فقال :حبيبتي وهتتعاقبى .
فقالت :يعنى مافيش فايده .طيب عايزايه .
فشاور على خده وقال :عايز واحده حلوه ومن اولها لو ما عجبتنيش هتتكرر لغايه لما تعجبنى.
فلسه هتعترض وترجع لورا .
فمسكها من وسطها .
وقال :ممنوع الكلام واى كلمه ببوسه زياده وبرضوا لو ما عجبتنيش هتتكرر.
فبصتله برجاء .فضحك وقال :ما تحاوليش .
فقربت وباسته .بالراحه .فبصلها وبص للكحله الفى عنيها وكانت مخليها جميله قوى .
فقال :لا ما تنفعش .
فاتنهدت وقربت عشان تبوسه غيرها؛
بس هو غير مسار البوسه وكانت فى شفايفه .
وقالها دى عقاب الكحله .ويلا شيليها حالا .فقالت ليه .
فقال :مش هينفع حد يشوف عنيكى وهيا بالجمال ده غيرى .
لان انا مش هاتحمل نظرت العجاب الهيشوفوكى بيها .
فقالت وليد: مش للدرجادى .
فابتسم وقال :اصل انتى مش شايفه الاانا شايفه .
وفعلا شالتها .
وجابت الخاتم والاسوره الكان لبسهمالها بتاع عيد ميلاها ولبستهم ولبست الدهب الكان باباها جايبهملها
فقالها وليد رونى انتى من ساعت ما جينا بتلبسى دول هوانتى ماجبتيش شبكتك معاكى .
فابتسمت وقالت : لا جبتها .
وجابتها من الدولاب وادتهاله .وفتح العلبه .
وقالها :طيب يعنى مافهاش حاجه ضايعه ولا مكسوره .
هيا مش عجبكى .
فقالت لا بالعكس ذوقها حلو قوى.
فاستغرب وقال :طيب ليه مش بتلبسيها .
فابتسمت وبصت فى الارض وقالت :اصل بحس انه احساس حلو ان العريس البيلبس العروسه الشبكه اول مره .وابتسمت وبصت فى الارض .
فضحك وقال : طيب ليه ما قلتيش وكنت لبستهالك ؛ بدل ما انتى حارمه نفسك منها وفعلا كان كلحته يلبسهالها يبوسها ولما خلص حضنها وقال ربنا ما يحرمنيش منك .
وكملت لبس .
وجات عمتها ومحمد ابنها عمتها واخته وحمات اخته .
وسلموا عليهم وباركولهم وراحت تجيب الحلويات والعصاير وحطتهم فى اطباق الجابوها من عند الحلوانى وشوك بلاستك ورصتهم على صنيت التقديم وحطت الكنز على صنيه تانيه وقبل ما تطلع جه وليد ياخدهم .
وقال : جيت اخدهم عشان ما تتكعبليش فى طرف السجاده زى الافلام وقبل ما يمسك الصنيه قالتله :انا بحب حنيتك دى وبحب تفكيرك وخوفك عليا وحضنته .
وقبل ما يرد حس بفلاش موبيل بيصورهم وشافوا محمد ابن عمتها
داخل وقال :انا جاى مخصوص عشان اغلس عليكم واقطع اللحظات الحلوه دى .
فجرى وراه وليد ومسكه قبل ما يدخل على الناس ودخله اوضه النوم مش اوضه الاميرات وقفل الباب .
وخد منه الموبيل ومسح الصور وقاله مش عايز صور لرونى على موبيلات حد حتى موبيلى ما صورتهاش عليه .محدش يعرف الضروف الممكن الواحد يتحط فيها او يضيع الموبيل اصلا .
ومحمد سكت وقال :معاك حق يا كبير .
وجم هما الاتنين واحد شال الجاتوه والتانى الكانز وانا دخلت بالشيكولاته .
وقعدنا نتكلم ونهزر معاهم وشويه جه اخويا واتصل وقال انهم تحت .ونزله محمد ووليد .
ودخلنا كلنا اوضه المكتب وخدنا الحلويات والمشروبات معانا .
وجه اخويا سلم علينا وادانى كيس شيك وقال دى هديت فرحى من بابا وماما وفتحته ولقيته طقم دهب .
جميل قوى ففرحت بيه ووريته لعمتى وبنتها وحماتها الحجه ام وائل.
وباركولى بس الحاجه ام وائل قالت : وليه كل ده ما انتى لابسه دهب بتقلك ولا فلو س مش عارفين توديها فين .
فرد محمد وقال :يا حجه احنا صعايده وبنحب نهادى بالدهب ودى بنتنا ومش هنلاقى اغلى منها عشان يهادوها بيه .
وخدنى وخرجنى بره .
وقالى بالنسبه للهدايا المبعوتالك احنا هندخلها مع العفش للاوضه القال عليها وليد عشان الست الجوه دى وانتى اقرى على نفسك ايه الكرسى والمعوذتين وحوطى نفسك وربنا يستر عليكى من العين والحسد .
وحضنى وباس دماغى وقال الف مبروك يا نونا ولا اقول رونى على راى وليد فضحكت وقلت الله يبارك فيك وعقبالك يا حبيبى وانت تقول الانت عايزه .
وكنت عايزاه يجى يرتاح بس اصر يقعد مع وليد ومحمد عشان العمال وهما بيطلعوا الحاجه .
وكان فيه طقم انتريه حطوه فى اوضه والعفش الباقى فى الاوضه التانيه وكان الحاجه الفرحت بيها لما قالى وليد .
الديب فريزر وحمدت ربنااننا مااشترناهوش على طول .
وخليتهم حطوه فى المطبخ على طول وفكوا الاكياس من عليه والكرتونه وكنت هشغله بس اخويا قالى استنى لما يرتاح شويه من المشوار وتمسحيه وبعدين شغليه .
فوافقت على مضض ؛ بس برضوا فرحانه بيه ورجعت للناس اقعد معاهم .
وقالت الحاجه كوثر : يا اختى على ايه كل ده انا سمعت انه الكابتن وليد مجهز الشقه من الابره للصاوخ .
فقلت يا طنط بابا قال : دا حقى وعشان جوزى ما يقولش انا خدتك ببلاش وعشان تبقى راسى مرفوعه قدامه .
فقالت بلاش ايه شوفى الشقه كبيره قد ايه وفرشها باين عليه انه خالى ودافع دم قلبه فيه على ايه يعنى . اصل على الكلام الحكوه عن حبه ليكى مش لاقيه فيكى ايد ولا رجل زياده عن البنات .
ولا له لزمه ان ابوكى يتكلف كده دا ...
وقطع كلامها عمتى ..وهيا مستائه منها وقال : استهدى بالله يا حجه .
احنا جايين نبارك ونفرح وان شفنا حاجه حلوه نقول ماشاء الله ربنا يباركلهم ويحفظهم من العين والحسد وكل حاجه وحشه .
فقالت ايه يا ام محمد انا هاحسدها بصيلها لا شكل ولا منظر دى حتى مش حاطه حتت احمر فى وشها .دى شكلها مطينه عيشت الجدع .بدل ما تهنيه وتحط جزمته على دماغها والله مش عارفه ازاى لفت عليه ووقعته .
فردت بنت عمتى ليلى : وقالت يا حماتى انا مش حكيالك انها ما تعرفوش الا بعد كتب الكتاب .
فقالت بزمتك حد يصدق انه يحبها الحب كله البتحكوا عنه وبصى عاملها شقه ازاى والفرش عشان شافها مره واحده .
اكيد عملاله عمل .
فقالت :عمتى ربنا يهديكى يا ام وائل احن بناتنا يعرفوا الحاجات دى .والله دى زى النسمه من يومها .
فبصتلى وقالت : تحت السواهى دواهى يا ام محمد ما تعرفيش بنات اليومين دول بيعملوا ايه فى الشباب .
فقطعت الكلام ووقفت وقلت عن اذنكم وخرجت من عندهم وعمتى بتعاتبها على كلامها وانا دخلت اوضه الاميرات .
ووقفت عند الشباك وما عرفتش امسك دموعى .
ولقيت وليد دخل الاوضه .وقالى رونى .
فقلت: نعم .وانا مدياله ضهرى .
فجه عدلنى ليه وخدنى فى حضنه وطبطب عليا وباس دماغى .
وقالى :والله لولا ضيفه فى بيتنا واحتراما لعمتك ومحمد انا كنت طردتها .
فبصتله وقلت : انت سمعت .
فقال :اصل وانا تحت محمد قالى متزعلش يا وليد منى انا الحجه كوثر مسكت فينا لما عرفت اننا هنجيلكم وقالت عايزه تشوف بيت حد مشهور وما قدرناش نهرب منها .
انا فى الاول استغربت وقلت وليه يعنى تعتزر انا بيتى مفتوح للناس كلها وانت عارف .
فقالى هيا اصلها لسانها طويل شويه ومدش بيسلم منها ويمكن تسمعك انت ولا مراتك كلمتين مالهمش لزمه .فانا باعتذرلك عنهم .
فافتكرت انك قاعده معاهم فجيت انبهك بس سمعتكم وانتم بتتكلموا وكان نفسى ادخل الطشها واطرها بس انتى خرجتى وعرفت لما جيتى هنا انك بتعيطى فسبت العمال بره وجتلك .
ومسح دموعى وقال هتبطلى عياط ولا اعاقبك زى من شويه .وغمزلى فابتسمت .وقلت هو انت عجبك موضوع العقاب ده جه على هواك .
فابتسم وقال طبعا حد يكره .دا انا لسه هضاعف العقاب وهاغلظه وهتبقى ايامنا بمبى ان شاء الله .
فضميت حواجبى وقلت ايه ده هو لسه فيها تغليظ اكتر من كده .
فضحك وقال دا انتى لسه فى سنه اولى .وناوى اخليكى تتخرجى وتحضرى دكتوراه وتبقى رئيسه قسم .بس ادعيلى اصلك بليده قوى .فحطيت ايدى فى وسطى ويا سلام كل ده كل ده وبليده . فبصلى جرائه قوى خلانى اتكسف وابص فى الارض .
وقالى روحى اغسلى وشك بدل ما ابتدى فى دروس التقويه دلوقت والناس بره . فمشيت من غير كلام وغسلت وشى .وطلعت لقيته مستنينى .وماسك علبه بابا .
وقالى هيا دى الهديه الاخوكى طلع عشان يدهالك .فابتسمت وقلت اه بابا وماما بعتوها هديه جوازى .
افتحها طقم شيك قوى وجميل .
ففتحه وقال ده دهب لازورد فقلت اه فقال حلو بس باباكى كلف نفسه قوى واحنا مش عايزين كل الحاجات دى وكتير قوى الاضه مش شايله .
فابتسمت وقلت : هو انا فكرت انى اخد جزء من الجهاز نديه لعروسه تكون على قد حالها والبوتجاز والغساله والتلاجه يعنى احنا عندنا مهم وشويه من اللبس وشويه من ادوات المطبخ . بس الاول نحددهم ونسال امام المسجد على حد محتاج او نبعتهم تبع الجمعيات الخيريه .ايه رايك .فبصلى بصه جميله وقال ربنا يبرك لباباكى وليكى ويخليكى ليا .
فابتسمت وقلت ويخليك ليا .فطبعا مش متعود وقبل ما يفوق من الكلمه مسكت ايده وخرجنا عشان الناس وبعد وقت صغير جه الاكل .ودخلوه المطبخ ودخلت ومعايا بنت عمتى المطبخ وحضرنا الاكل فى الاطباق التبع الفدق وحطيناهم مع المعالق والشوك والميه وجهزنا كل حاجه وحطيت المشروبات الساقعه فى التلاجه والسخنه فى ترمس الشاى .
حطينا للعمال فى اوضه الصالون الجابها بابا على الترابيزه بتاعتها واحنا قعدنا على السفره .
واول ما قعدت على السفره الحاجه كوثر قالت كمان جايبه الاكل من المطعم حتى طبخ ما بتعرفيش تطبخى دا ايه التدبيسه الدبستها يا كابتن دى .
فقال وليد : هيا بصراحه كانت عايزه تعمل الكل فى البيت بس انا حبيت اريحها وقلت نجيبه جاهز .
فقالت يا خويا والله انا شايفه انك مدلعها بزياده .انا بقلك قدامها اه ما تدهاش وش بنات اليومين دول عايزين الايد الشديده اما الدلع هيخليها تتنطط عليك وما تعرفش تكلمها .
فقال لا ما انا عارف مراتى كويس وعارف انها بتقابل المعروف بالاحسان مش من النوع الحضرتك بتتكلم عليه .فقالت والله دا انا بنتى بتعمل اكل احسن من المطاعم انا هاعزمك يوم تدوقه وتقولى رايك واورهالك واخليك تعرف الفرق بينها وبين غيرها قال مش عايزه تطبخ عشان ما تتعبش قال ادى بنات اخر زمن .
فابتسم وليد وقال : انا خلاص ما بقتش محتاج اشوف بنات تانى لان مراتى ملت عنيا وقلبى ودنيتى .ربنا يخليها ليا .
باس ايدى .
فقالت الحجه كوثر : والله يا كابتن بنتى دى ........
وقطع كلامها محمد ابن عمتى وقال خلاص يا حجه اتفضلى اطفح...
وقطع الكلمه وقال قصدى كلى وانا هاجبلك اصحابى كلهم ونيجى ندوق عمايل ايدين بنتك .
بس الكابتن خلاص اتجوز ومش ناوى يسيب مراته .
فقالت هو انا قلت يسيبها دا انا بقول ....
فقطع كلامها محمد تانى :وقال مهو مش ناوى يتجوز تانى .
ما تزعليش انا هاجبلك اصحابى كلهم تشوفيهم واختارى . بس خلينا ناكل عشان الحق اعزمهم وانتى تشوفى توضبى البيت والاكل وتستعدى .
وغمز لوليد وهو بصله بشكر .وبصراحه بعد ما كانت حارقه دمنا كنا ماسكين الضحكه بالعافيه .
وهيا قالت : ماشى يا محمد والله انت ابن حلال وانا هوريك اكل بنتى هيعجبك قد ايه دا انت ابن حلال مصفى وانا بحبك من زمان زى ابنى .
وهنا محمد وقف الاكل فى زوره وقعد يكح ووليد اداه ميه وعمال يضحك وكلنا انفجرنا فى الضحك ووقف وراح يغسل ايده .
وراح وليد معاه وقاله انت فعلا هتروحلها انت واصحابك .
فضحك وليد وقال :اه طبعا وهلم اصحابى كلهم وهناكل اكل يقضينا اسبوع حتى لو بطننا وجعتنا .بس برضوا تورينى مين هيبص لبنتها .
وكمل المهم انى انقذ جواز بنت خالى دلوقت عشان عارفها ما كنتش هتسيبك الا وانت خاطب بنتها .
فقال وليد :اعوذ بالله لا بنتها ولا بنت الجيران ربنا يخليلى رونى بالدنيا وما فيها .
فغمزله محمد وقاله :للدرجادى يا كبير البت لحست مخك ولا السر فى الجواز .
فضربه وليد على دماغه بهزار.
وقال : بس يلا لما تكبر ابقى تعالى نتكلم بس انتى لسه صغير على كده .
فقال محمد :كده طيب هاروح اقلب الطربيزه عليك وشوف من يخلصك ومن الحجه كوثر .
فحضنه وليد وقال : والله دا انت وحبيبى يا محمد وتعالى هاحليلك بقك وخده على المطبخ .
وملاله جيبه شيكولاته وطلعله طبق جاتوه وعصير .
وقاله وليد: ربنا ما يبتليك بواحده زى الحجه كوثر .
وقام الكل غسل ايده .
وقدمنا فاكهه وعصير .
ومشيوا حتى اخويا كان نفسى يقعد كام يوم بس كان حاجز ومرتبط بشغل ومشى بالليل وروحنا وصلناه للمحطه .
ورجعنا نمنا ....
أنت تقرأ
احببته وكرهت سجاني
Teen Fictionهنا في هذا البيت وهذه الشقة وهذه الغرفة تسكن روني بطلة هذا القصة ذات 20 عاما ذات نسبة من الجمال الكل يحبها لأنها لديهامن البراءة ما يكفيها ليتفت الناس للاستماع لها وقلبها لا يحمل سوى الحب فقط لكل الناس التي تعرفم ام لا وفي الجهة المقابلة يوجد ول...
