احببته وكرهت سجاني

الحلقة التاسعة عشر(19 )

فقلت : وليد بس الناس ممكن تكون بتبص علينا .ومديت ايدى وشلت ايده من على قلبه .
فمسك ايدى وباسها وقال :ربنا يخليكى ليا .
وهنا صفر الحكم ونزل وليد للتدريب ...
وفضلوا يدربوا ولما يتعب يقف لحظه ويبصلى ويتنهد وبعدها يبتسم ...
وانا احيانا اشاورله بايدى باى ..واحيانا اعمله علامت النصر بصباعى فيضحك عليا ..
اليكسف فى الموضوع ان اصحابه ابتدوا يركزوا معانا؛
مع ان البينا اشارات بس من غير صوت ..
بس الحمد لله اتفضحنا وخلاص ..
ولما يتنرفز اشاورله عشان يهدى فيبتسم ويهدى ..
المهم خلص التدريب وكالعاده جه الاول قعد معايا .
وقال :مش عارف التدريبات اتغير طعمها وبقيت بحبها ليه مع انه ليا سنين بادرب بس احلوه فجاه ..ما تعرفيش السر يا رونى ..
فقلت وانا باضحك : اكيد بشروا عليها شويه شيكولاته وبقيت تدريبات بالشيكولاته ..
وضحكنا شويه واحنا بناكف ببعض
وقلت :يلا بقى قوم غير وتعالى ..
فقال :ماشى دقايق يا قمرى ..
وفعلا غير وجه خدنى وقعدنا نتمشى شويه فى النادى .. اصله قالى :تعالى افرجك عليه ..واحنا ماشيين روحنا لحمام السباحه وانا اتجننت عليه .
وقلت عارف من صغرى كان نفسى اتعلم سباحه .
فضحك وقال : طيب احنا فيها غيرى والبسى بكينى وانزلى .
فقلت : اه عشان فى البلد لو عرفوا يقطعونى قطيع هههههههه.
ايه يا ابنى انت مش عارف انت متجوز مين .
قالى :عارف يا لمضه .
بس طبعا انتى فاكره انى هوافق . دا انا بهزر معاكى ؛ وبعدين هو انا عارف اشوفك بالبكينى عشان اخلى الناس تتفرج .
فقلت : اهو هو ده التاعبك البكينى ولبسه .عارف حتى لو حلال انا اتكسف طبعا البسه قدام حد .
فقال :بس قدامى اكيد لا صح يا رونى يا حبى .
فبصتله بنص عين وقلت : على اساس هاضعف بالكلمتين دول ..لا يا صاحبى انسى ..
فلف دراعه على رقبتى وقال :..انتى ما عندكيش غير اخويا وصاحبى ما فيش يا جوزى ويا حبيبى وياعمرى ..
كده اى حاجه من البنات الحلوه لبيدلعوا بيها جوازهم ..
فضحكت وقلت : ويا سبعى ويا مهنينى ويا مستتنى كمان .. بس مش هنا قدام الناس الحركه دى ..
فضحك وقال :ماشى عفونا عنكى ..
وجه من وراه واحد وقال :الكبير بنفسه واقف بيهزر مع بنت وبيهزر معاها وقدام الناس ..
لا مش مصدق دى لازم انزلها فى الصفحه الاولى يا وليد باشا ..
فسلم وليد عليه وقاله :ازيك يا استاذ عصام ..فينك مش بنشوفك ..
فرد استاذ عصام وقال : بندورلنا على سبق صحفى يا وليد باشا بس تحب تزود حاجه على الخبر ؛ ولا اقولك عيد الحركه تانى ولف ايدك على رقبتها وانا هاصوركم ..
فرد وليد بضيق من كلامه وقال : اهدى يا استاذ عصام دى المدام ويا ريت ما يتكتبش غير كده ..
فطبعا طبع الصحفى غلب وقال :ازاى واتجوزت امتى ؟
فرد وليد وهو بيمسك ايدى عشان نستعد نمشى .
وقال :استاذ عصام احنا كتبنا كتابنا من اقل من شهر واتجوزنا من 3 ايام ومعلش مضطرين نمشى عن اذنك ؟
فتقدم عصام قدامه وقال : ايه ده متجوز ليك 3 ايام وجيت التدريب ايه انت مغصوب عليها ؟
فادايقت جدا من الاسئله بالشكل ده .
اما وليد رد بصوت عالى شويه وقال : استاذ عصام مش وليد الجاسر الحد يقدر يغصبه على حاجه.واكيد عارف ان والدى ووالدتى ميتين يعنى لا عندى حد يغصبنى ولا عندى حد يختارلى اصلا .
واكيد برضوا عارف انه عندنا ماتش بعد يومين وممنوع اننا نغيب عشان كده باجى وباجيبها معايا .
ومش عايز اسئله تانى .ومشينا خطوتين .
وبصله وقال : استاذ عصام لو لقيت كلمه خارجه او تجريح او تلميح ليا او لمراتى .اقسم بالله ما هتنازل عن قفل الجرنال كله .
غير الربنا هيكون قاسمهولك على ايدى وانت عارف انا ممكن اعمل ايه .
فرد استاذ عصام بابتسامه قلق وقال : يا كابتن محدش قال حاجه .
فقال وليد : ولا يقدر يقول يا استاذ عصام فاهمنى .
وانت عارفنى وقد اعذر من انذر . عن اذنك .
ومشينا ..
وقالى :تروحى فين ؟
قلت :البيت .
فبصلى شويه ومشى من غير كلام ولما ركبنا العربيه .
قالى :رونى بتفكرى فى ايه ؟
فقلت :بصراحه صاحبك ده مستفز واستفزنى كلامه. بس مرضتش ارد احتراما لوجودك .
فابتسم وقال : بصى يا رونى هو مش صاحبى . هو صحفى بيروح النوادى بيدور على خبر لانه شغال بالقطعه . ولما شافنى بهزر معاكى استغرب لان انا طبعى بعد التدريب لو مش ورايا حاجه بمشى على طول .
فكل الحواليا عارفين كده وعارف ان ماليش طولت بال على البنات والاستهبال ده .
فطبعا لما اكون واقف قدام حمام السباحه مع بنت وبهزر معاها يبقى اكيد فى سبب .
وكويس انه جه اتكلم وسال :والله انا مش افترى منى الكلام القلته انا بس حبيت احذره لانى عارف اسلوبهم كويس فى الكتابه وفى نفس الوقت كده كده الجرايد هتعرف وتنشر الخبر فقلت لو عرف هو الاول وكتبه هياخد قرشين ينفعوه وفى نفس الوقت اتقينا شبهت فتح موضوع مالوش لزمه .
ولا ليكى راى تانى .
فقلت : هو معاك حق ومنطق برده كلامك . بس بصراحه خفت منك وانت بتهدده .
فضحك وقال : والله يا رونى عمرى ما اذيت حد بس كنت بهدده عشان ما يمسكش سيرتنا بكلام مالوش لازمه وهو اكيد عارف ان المشهورين عامه ليهم اتصالتهم ومعارفهم المهمين وطبعا هو هيخاف لو استخدمتهم ضده بس .
والله ما كنتش هاعمله حاجه لا هو ولا غيره انا كنت عايز احمى بيتى وسمعتى وبس .
وهنا افتكرت لما قال : ان والدى ووالدتى ميتين يعنى لا عندى حد يغصبنى ولا عندى حد يختارلى اصلا .
فحسيت دموعى هتخونى ..( لان لما سمعته بيقول كده قلبى واجعنى عليه وكان نفسى اطبطب عليه واخده فى حضنى )
وقلت :وليد لما نروح فكرنى فى حاجه عايزه اعملها .
فقال :حاجه ايه ؟.
فضحكت وقلت: لما نروح ان شاء الله .
ودخلنا مطعم واكلنا ولما روحنا وغيرنا وجه قعد على السرير .
وقالى : حبيبتي
 انتى كنتى عايزانى افكرك بحاجه لما نروح تعمليها ؟
عايزه تعملى ايه .
فكنت بسرح شعرى ؛
وقلت : ثوانى بس .وحطيت عطر هو جايبه وقالى انه بيحبه .
ورحت وقفت قدامه وقلت ممكن تقف .
فوقف طبعا اطول منى فشديته شويه عليا وحضنته . وقلت : وليد حضنى ده مفتوحلك دايما وقت ما تحتاجه هتلاقيه مهما حصل يا وليد هتلاقيه وتلاقينى .
هو طبعا اتفاجئ وبعده لف اديه حوالين ضهرى وشالنى وحضنى قوى .
وقعد يشم فى شعرى وكتفى من غير ما يتكلم .
فى الاول حسيته فرحان بس بعد كده حسيته كان نفسه مكتوم او مخنوق فرفعت وشى لقيت الدموع فى عنيه بس ما نزلوش .
بس انا كانت دموعى اسرع منه ونزلت قبله .
فنزلنى ومسح دموعى وقالى ما تعيطيش .فحضنته وقعدت اعيط ولقيته هو كمان عيط .
وفضلنا شويه كده .لغايه لما هدينا .
وبعدنى عنه ومسح دموعى .
وقال عارفه انك اول شخص بعد بابا وماما
يشوف دموعى .
فقلت اسفه انى نزلتهم .
فابتسم وقال : بالعكس انتى ريحتينى قوى ما تتصوريش كان نفسى قد ايه اعيط عشان ارتاح .
فضحكت وقلت خلاص عدى علينا كل يوم ؛
بس خد بالك الحضن بعد كده بفلوس .
فضربنى على دماغى (بهزار طبعا)وقال : يا خاينه كل يوم الليل كله فى حضنى ومش بتكلم ودلوقت عايزه منى فلوس .
فضحكت وقلت :خلاص هنخليه عشانك ببلاش ؛ بس اخاف تتعود على كده .
فقال خلاص انا اتعودت وكل يوم ليا حضن دافى زى ده سامعه .
فبعدت عنه وقلت لا يا عم مش لاعبه دا انت طماع قوى .
فشدنى ليه وحضنى من تانى .
بس المرادى من غير دموع .
وقالى : عارفه يا رونى كلمه العشق قليله للبحسه من ناحيتك .
انتى اخدتى روحى وسكنتى بدالها ربنا يخليكى ليا .
بصراحه فرحت بالكلام بس اتكسفت من الحضن .
الاول كان حضنى عشان صعبان عليا ونفسى من زمان اطبطب عليه
واخده فى حضنى .
بس حضن الحبايب والاشواق ده هو الكسفنى .
فبعدت عنه بالراحه مع انى حسيت انه مش عايز يبعدنى .
وقلت :وانا ببص فى الارض انا هروح اغسل وشى عشان انام .
واتكسفت اقوله اغسل وشك عشان ما يتكسفش منى .
وفعلا غسلنا وشنا .
وجيت انام وهو جه جنبى .فقعدت على طول عشان مايشدنيش لحضنه وينام .
وقلت : ايه رايك احكيلك حدوته ؟.
فانفجر فى الضحك .
وقال: مش للدرجادى يا رونى .
فقلت :بص انا من هنا ورايح مامه البيت ده الجديده والقوله يتسمع .
فضحك وقال :ماشى يا ماما احكى .
فقلت :تحب احكيلك قصه عن الغابه ولا الحيوانات ولا الاميرات ولا ...
وقطع كلامى لما شدنى ونيمنى على السرير بعد ما كنت قاعده وفرد دراعى وباس خدى ونام على كتفى .
وقال : احكيلى حكايت حبيبتي روني
طبعا انا بلعت ريقى بصعوبه :ونسيت اصلا مين رونى .
وبعدها افتكرت انه انا .ههههههه.
بس الوضع الانا فيه مش هينفع احكى عن نفسى ولا عن اى حد فسكت .
ولما طولت فى سكوتى .
ضحك وقال : ايه يا ماما مش هتحكيلى عشان انام .
فقلت :انا شايفه اننا ننام الاول وابقى نحكى الحدوته وقت تانى .
فضحك وباسنى تانى على خدى.
ورجع نام على كتفى وقال : طيب ايه رايك انام انا فى حضنك النهارده ولابالزوق تيجى تنامى انتى فى حضنى .
فانا طبعا تنحت وقلت فى نفسى ( حضنى ايه الهينام فيه لا طبعا ؛
بس طبعا مش هاقوله انام انا فى حضنك اهون )
ولما طال سكوتى .
لقيته بيضحك .
باضحكباضحكوقال وهو بيشد ودنى: بعد كده ما تتلككيش عشان تهربى من انك تنامى فى حضنى .
طبعا انا اتكسفت انه كشفنى كده من الاول .
فخبيت وشى باديا وهو بيضحك على شكلى وخدنى فى حضنه ونمنا......