احببته وكرهت سجاني

الحلقة التاسعة والثلاثون

الحلقة التاسعة و ثلاثين

ففرحت وبصتله واحنا الاتنين فى حضنها ولعبت حواجبى وطلعتله لسانى .
فضربنى على خدى ضربه خفيفه عشان طلعت لسانى ليه .
انا اتفاجئت بيها وحطيت ايدى على خدى وبصيتله بزعل .
وقمت بالراحه من حضن امى .
ومشيت وروحت اوضتى وقفلت الباب ونمت على السرير واتغطيب بالكوفرته حتى وشى غطيته .
ولقيت وليد جاى بعدى بدقايق .
وقعد جنبى وقال : رونى ..رونى حبيبتى انتى زعلتى بجد .
فمردتش عليه .
فهزنى وقال : مش فاهم هو ايه اللي حصل والله انا باضحك معاكى يا رونى .
احنا مش كنا بنصالح مامتنا وبنهزر ما اقصدش والله هيا جات كده .
فقلت وانا ما زلت متغطيه كلى :
يا سلام اه المرادى هزار بكره جد .
والي لسه ما خلصنهوش ولينا فيه سنين يتعاد تانى .
لا من دلوقت بلاش نرجع الي راح تانى وخلينى فى بيت اهلى .
فسكت شويه وسمعته بيستغفر .
وبعدها قال : والله يا بنت الناس بضحك معاكى وما اقصدش ازعلك عشان خاطرى بلاش نعمل مشكله من حاجه صغيره كده .
كفايه علينا الي حصل النهارده .
فقلت : وكمان بتقولى يا بنت الناس انت اول مره تقولها للدرجادى مش طايقنى خلاص ضميرك ارتاح وزهقت منى .
فتنهد وقال : يا رونى يا حبيبتى يعنى ما ينفعش اضحك معاكى .
دا انتى عماله تهزرى ؛
وتضحكى ويمكن ده الي هون الموضوع عليهم وعليا .
طيب خلاص ايه الي يرضيكى وانا اعمله عشان ما تزعليش .
فشلت المفرش من على وشى وقعدت اضحك .
وقلت : مش عايزه حاجه .. انا حبيت اغلس عليك عشان انا عارفه اى موضوع بيفرحنا بعدها بنزعل .
فقلت انكد علينا بدل ما حاجه تيجى تنكد علينا من بره .
ففضل يبصل شويه وعض على شفته وقال : طيب اعمل فيكى ايه دلوقت يعنى .
شايفه انا مستحمل تانى لعب باعصابى مش كفايه واخدين اليوم من اوله ازاى .
وقام بعدها عشان يخرج .
فقمت وقلت :والله انا كنت باغلس عليك وباضحك معاك مش اكتر ما تخرجش وانت زعلان .
وفي نص هدومك
فمردش ومشى عشان يخرج وحسيت انه فعلا زعلان .
فشديته من دراعه وقلت : والله مش هتخرج وانت زعلان .
فبص للسقف وما ردش .
فلقيت نفسى باحضنه وباعيط وباقوله :
اسفه مش هاعملها تانى .
وليد بجد انا ما اقدرش اتحمل انك تزعل منى ولو ثوانى .
فلف ايديه حواليا وقالى :خلاص ما تعيطيش مش زعلان .
فبصيت لوشه وقلت :بجد مش زعلان .
فشالنى وحضنى .
وقال : بحبك حد يزعل من روحه وقلبه ودنيته الحلوه .
وفجاه الباب خبط واتفتح ؛
وكان اخويا جايب الايس كريم واكياس فيها كل الحلويات الي باحبها وشيبسى وكانز وشيكولاته وكل الي عايزاه والي مش عايزاه .
واول ما فتح الباب وشافنا يا خبر فقال :
باضحك على علينا زى ما انتوا والله انا كنت فاكرها لوحدها ما اعرفش انك معاها .
وحط الاكياس جنب الباب وخرج وقفل الباب تانى.
مفاجأةهو اول ما اتفتح الباب وليد نزلنى من حضنه بسرعه .
بس انا اول ما سمعت صوت اخويا ما اقدرتش اتعدل وابصله ومن كسوفى مكسوفةمكسوفةدفنت وشى فى كتف وليد .