الحلقه الواحد والعشرين ..
فقلت ماشى تصبح على خير ..وغمضت عنيا .
وهو اتنهد وقال : وانتى من اهل الخير يا طفلتى ..
وكان اول مره يقولى يا طفلتى ...ونمنا وصحينا الفجر ..
وكالعاده صحى قبلى وحط اطراف صوابعه ومشاها على وشى وحسيت بيها بس ما فتحتش عنيا واول ما وصل لشفايفى .. عضيته بسرعه ..
فمسك ايده بسرعه ..وقال حرام عليكى يا مجنونه كده هو الصباح بتاعك يا اما ضرب يا عض ...
فضحكت عليه ..وقلت : عشان انت مرضتش تخلينى اتصل بيهم افهم هيجيبولك ايه واقولهم على المقاس ..
فضحك وقال :والله يا رونى احيانا عدم الفهم بيبقى راحه للناس ..بس ابقى ورينى لما الحاجه تيجى هتعملى ايه ..
فقلت بغيظ : ماشى يا وليد زعلانه منك ومش هاكلمك ..
فقال : خلاص وانا هاصالحك .
فرفعت كتفى وقلت :لا مش عايزاك تكلمنى ولا تصالحنى فضحك ووقف وقال : على العموم انا نازل اصلى فى المسجد .
وهاروح اتمشى شويه وافطر فى المطعم واجيب كنز تفاح .وكنت هاخد ناس تانى معايا .
بس طالما زعلانين منى ومش عايزينى اصالحهم خلاص خليهم فى البيت براحتهم .
ومشى خطوتين وقبل التالته كنت قدامه .
وقلت :وانا فرحانه :ثوانى واكون جاهزه .
فمسك ايدى وقالى:لا يارونى انتى زعلانه ومش عايزه تكلمينى مش هاينفع تيجى معايا .
فبصتله باستغراب وقلت : مين الزعلان منك ؟انا؟ مش ممكن طبعا .
وبصيت فى عنيه وقلت : انت مش ممكن حد يزعل منك يا لودى .
وجريت بسرعه من قدامه وقلت : لو اتاخرت هانزل وهاسيبك ومش هاخدك معايا البس بسرعه يا وليد .
وهو وقف شويه واتنهد وقال :والله انا مش عارف انا متجوز طفله ولا مجنونه ؟
فسمعته وانا فى الحمام فابتسمت وقلت : نحن نختلف عن الاخرين يا كبير .
فقالى : طيب خلصى بسرعه يا مختلفه عن الاخرين .
وراح هو الحمام التانى .
ولبسنا ونزلنا صلينا واتمشينا زى امبارح وفطرنا بس سانوتش واحد .
لانى عايزاه يفطر فى البيت ولما رجعنا غيرنا وجه ينام فقلت :وليد هو ينفع انهارده ما ارحش معاك ؟
فقالى :ليه يا رونى انتى تعبانه ولا فى حاجه مزعلاكى ؟
فابتسمت وقلت : لا والله مش كده .
بس عايزه اوضب شويه فى الشقه عايزه اوضبها وعايزه ابتدى تجارب الطبخ الهجربها فيك .
فضحك وقال :طيب بصى انا هابعتلك مرات البواب تعملك الانتى عايزاه وانتى تابعيها بس وما تتعبيش نفسك .
فبصتله بنص عين وقلت :اه .. عشان تفضل تتلكع فى الشغل لغايه لما تيجى واول ما تدخل تلاقيها رافع هدومها لركبته قال ايه عشان بتمسح وتميل عليك وتقولك حمدلله على السلامه يا سى وليد ..وانت تقعد تبصلها وتتملى فيها .
لا يا برنس مش انا اليتعمل معايا كده انسى ..
فضحك وقال :لا دانتى متاثره بافلام البيض واسود خالص .
وبعدين بصلى بمكر وقال :كده ..طيب معنى كده هاجى الاقيكى انتى الرافعه العبايه لركبتك وبتدلعى عليا وبتقوليلى حمدلله على السلامه يا سى وليد .
طبعا انا اتغظت منه ومن قدرته لتحويل الكلام للموضوع ده.
فقلت :ايه رايك انا مش هالبس عبايه خالص وانا بانضف .فضحك وقال :امال هتلبسى ايه ؟.
فبصيت للسقف شويه وابتسمت ووقفت من على السرير ورحت لضرفت اللبس الجايبه بتاع العرايس وشاورت عليها من غير ما افتحها وقلت : من هنا عايزه اجرب لبس العرايس الانت جايبه بمبلغ وقدره ده .
يعنى حرام الهدوم هتبوظ من ركنتها فى الدولاب . فرفع حواجبه التنين ورد بغيظ وقال :لا والله هو انا جايبهم عشان تنضفى بيهم يا ست هانم .وانا ماشفش حاجه من البس ده ؟
فضحكت وقلت :طبعا ليك يا قمر .
فلقيت ابتسم وقال :بجد يا رونى .
فقلت :طبعا .
وكملت وانا بتمشى ناحيه باب الاوضه .
وقلت :ليك احلى عبايات واشيك بجامات بكم ونص كم .مبسوط يا لودى .
فلقيته قام وجابنى من شعرى .
وقالى :طيب انا اعمل فيكى ايه دلوقت ؟.
فضحكت وقلت :طبعا تروح تنام .وانا هجهزلك فطار وهاصحيك بعد ساعه واكون حضرتلك احلى حمام عشان تهدى اعصابك .وتستعيد نشاطك .
وتفطر وتروح تشوف حالك .
فقالى :عارفه انا نفسى اعمل فيكى ايه دلوقت ؟
فضحكت وانا ببعد ايده عن شعرى .
وقلت :عايز تعمل كل حاجه حلوه .
اصل انا واثق انك عمرك ما هتعمل حاجه وحشه فى رونى حبيبتك .
وبعدها مسكته من ايده وديته للسرير ونيمته وغطيته وبست دماغه وقلت :يلا يا نونو نام لغايه لمل ماما تعمل الفطار .
وسبته وخرجت وسمعت تنهيدته وقالى : ربنا يصبرنى عليكى يا رونى .
فبصتله وقلت :يا رب يا وليد .
ورحت اجهز احلى فطار وتفننت فى شكله يبقى شيك على السفره .
ورحت للاوضه الفيها لبسه وطلعت غيار ليه .
وبصراحه اول مره اطلع غيار لولد وكنت مكسوفه منه قوى بس قعدت اقول لنفسى عادى انا مراته .
وانا الهاغسل الهدوم دى فطبيعى هامسكها فعادى يعنى .
المهم جهزت كل حاجه وصحيته وهو اصلا مجرد ما اتحرك جنبه يصحى اصل نومه خفيف جدا .
مش عارفه ايه الناس دى .
المهم طبعا قام ياخد دش واتفاجئ بهدومه الفى الحمام وانا رحت اعمل نسكافيه .
وجه فطر نا وشرب النسكافيه وقلتله استنى ورحت جبت شنطته والتلفون والمحفظه والمفاتيح واديتهملوا .
وهو عند الباب وقلت :شوف كده ناسى حاجه تانيه فبصلهم وبصلى وقال :ناسى اهم حاجه .
فقلت هما دول الكانوا على المكتب استنى هاروح اشوفلك .هو انت ناسى ايه ؟ .
وجيت اتحرك .فمسكنى وشدنى ليه وباسنى بوسه طويله .
وقالى كنتى ناسيه الاصباحه بتاعتى .
اعملى حسابك ان الاصطباحه دى زى الفطار مش هاتنازل عنها كل يوم .
وانا كنت باصه فى الارض .ومكسوفه احط عينى فى عينه .
فخدنى فى حضنه وباس دماغى وقالى : يلا يا حبيبتي استودعك الله الذى لا تضيع ودائعه .مع السلامه .
وقلتله فى حفظ الرحمن . مع السلامه .
ومشى .
ورحت نمت شويه وصحيت على صوت رساله منه وكان بيقول
(قولى لى احبك واتركينى بعدها يومين ,احتاج يوما أستعيد النبض فيه من جديد ويوما لقلبى يعتاد فيه النبض باللحن الجديد )
(نذير الزغبى )
فابتسمت وبعدتله رساله وقلت حزينةلو قلت احبك هتجيلى كده بعد يومين .وانا عايزاك تدوق الطبخ بتاعى ..
استنى لما ابقى زعلانه منك او مكسله اطبخ وحابه اخد اجازه منك يومين هاقولهالك ).
هههههههههههههه شفتوا لرومانسيه الانا فيها ههههههههههههه.
المهم قسمت الشقه عشان مش هاعملها كلها فى يوم وقررت ان الصاله واوضه الاميرات لازم تتوضب كل يوم على الاقل حتى لومش هتتمسح عشان هما الاغلب الوقت القاعدين فيهم .
وخلصت الحاجات الكنت عايزه اعملها من تنضيف ومسح وخليت الطبخ للاخر عشان يبقى سخن .
وماما حبيبتي كانت مديانى كتاب للطبخ فعملت منه الغدا ولما جه كان فاضل حوالى عشر دقايق واخلص .
فجه وحضنى وقالى :وحشتيني .
فضحكت وقلت :طبعا هو انا زى اى حد .
فشالن وعصرنى وهو حضنى فقلت :خلاص نزلنى بس يا وليد .
فقالى :ده عقابك عشان الرساله الرديتى بيها عليا .
فضحكت وقلت : اصلا انت بتقولى اسيبك يومين .
هاهون عليك يومين ما اشوفكش فيهم .
فانا بقولك بطريقه غير مباشره انى ما اقدرش استغنى عنك .
فقال:والله هو ده الفهمتيه انى عايز اسيبك يومين .
فهزيت راسى ببرائه .وقلت :اه .
فشد شعره بايده وقال : طيب دى يا رب اعمل فيها ايه .
فضحكت وزقيته بره المطبخ وقلت :تروح تغير وتيجى بسرعه عشان تلحق تتغدى وترتاح وما تعملش عقلك بعقل العيال .
فابتسم وقال :تصدقى معاكى حق فى البتقوليه .
فضحكت وقلت : انا اصلا بقول حكم بس اليقدر .
والله دا انا مواهب مدفونه فى البلد دى .
وغير وجه واتغدينا ولقينا . تلفونه بيرن .
احلى حاجه هما الناس بتتصل قبل النوم او بعده عشان ميبقاش فى ازعاج ...وكان
...........
أنت تقرأ
احببته وكرهت سجاني
Teen Fictionهنا في هذا البيت وهذه الشقة وهذه الغرفة تسكن روني بطلة هذا القصة ذات 20 عاما ذات نسبة من الجمال الكل يحبها لأنها لديهامن البراءة ما يكفيها ليتفت الناس للاستماع لها وقلبها لا يحمل سوى الحب فقط لكل الناس التي تعرفم ام لا وفي الجهة المقابلة يوجد ول...
