فابتسم وبصلى لحظات ورجع بص قدامه
وقالى: بصى يا رونى انا فى حياتى من بعد موت بابا وماما الله يرحمهم فى الحادثه وانا مقرر انه هاحاول على قد ما اقدر انى اتقى ربنا فى تصرفاتى وكان من ضمنها موضوع البنات واصلا انا مش بحترم البنت اللي بتيجى تكلم ولد وعامله نفسها انه عادى وانهم اصحاب او فاكره انها بتصطاد عريس هيا ناسيه ان نصيبها هيجى لغايه عندها وانا طبعى ما بحبش اصاحب بنات
واضاف بشىء من المرح: وانتى عارفه طبعا بما انى واد امور وكد فالعين عليا وبصلها وغمزلها
فبصتله بجديه وقالت: هو انت زعلت انى لما جتلك الاوضه قلتلك نبقى اصحاب ده زعلك
فبصلها بابتسامه وقال: لا طبعا انتى ما تتصوريش سعادتى كانت ازاى انتى مراتى يعنى غير اى وحده غريبه عنى واننا نكون اصحاب دا شى كويس دا انا اصلا كنت بفكر ايه الطريقه اللي ممكن اخليكى تشيلى الكسوف اللي كنتى فيه وكان كل ما اجى مش بشوفك الا كام ثانيه وتدخلى اوضتك وما تطلعيش منها الا لما امشى .
فردت بابتسامه وهيا باصه فى الارض: خلاص ما يبقاش قلبك اسود كده كمل كلامك يلا وبعدين.
قالها: ماشى مفيش انا كنت قافل حياتى على نفسى اغلب وقتى بذاكر او فى التدريب وحتى لما بطلع اى فسحه او سفريه بيكون عشانك
فبصتله باستغراب وقالت: يا سلام ازاى بقا.
قالها: كان نفسى اعرف كل الاماكن الحلوه عشان لما الاقى البنت اللي هتخطفنى من نفسى وتنسينى الدنيا وانا جنبها بعد ما اتجوزها هاخدها والف بيها كل مكان حلو اعرفه او سمعت عنه فى يوم من الايام
فبصتله بانبهار وقالت: مش ممكن معقول يكون فى ولاد بتفكر كده انا مش مصدقه دا انا ماما كانت دايما بتدعيلى بس مش عارفه انها كانت راضيه عليا قوى كده
فتعالت ضحكاته وقال :مش قوى كده بس انا كنت بحوش كل مشاعرى للانسانه اللي هتكون من نصيبى مش عايز اوزعها يمين وشمال وبعد ما اتجوز الاقى شويه مشاعر متبقيه بس جوايا واكون انا السبب اللي ضيعت الحاجه الحلوه اللي بالحلال دى منى .
فى اللحظه دى بصتله باحترام شديد وحمدت ربنا على نعمته عليا ودعيت ربنا انه يعينى واحافظ عليها وسكتوا شويه .
وسالها ممكن اسال سوال بس تجاوبينى بصراحه ؟ من غير كسوف ؟
فبصت فى الارض واتكسفت من قبل ما يسال
وقالت :اسال ؟
فقال انتى حبيتى قبل كده او اعجبتى بحد معين ؟ فضحكت بصوت عالى وردت بمنتهى السعاده وقالت :طبعا حبيت كتير هو فى حد بيعيش من غير ما يكون ليه حبيب واتنين وتلاته كمان.
فوقف العربيه فجأة وهو مصدوم ولف عليها بهدوء وفى حاله صدمه واندهاش من الجرائه بالشكل ده والمفروض انها تبقى مكسوفه منه ومن التصرف ده مش مبسوطه بافعالها
وسالها وقال :ويا ترى مين اللي كنتى بتحبيه ولسه بتحبيه ؟ فردت وقالت: طبعا لسه بحبهم بص يابنى هو فى ناس فى حياتك لما حبهم بيدخل قلبك ما ينفعش يطلع منه كده زى بابا وماما واخواتى واهلى سواء اقارب بابا او ماما واولادهم واصحابى كل دول بحبهم جدا. وبصتله وهيا لسه بنفس الابتسامه
وقالت : ايه بتبصلى كده ليه .
فابتسم وقالها : عارفه انا نفسى فى ايه :
فقالت ببرائه :ايه .
فرد وقال: نفسى اجيبك من شعرك والطش فيكى لما اخلص فيكى كل اللي عملتيه فيا .
فاختفت الابتسامه من على وشها ورفعت حواجبها وردت بتسال ( ليه هو انا عملت ايه
فرجع ابتسم وقال :نزلتينى سابع ارض ورفعتينى لسابع سما انتى يا بنتى كنتى هتخلينى تجرالى حاجه . بقى بعد كل الحب اللي حبتهولك وانتى اول واحده تدخل قلبى واتعلق بيها كده تقولى انا ليا حبيب واتنين وتلاته عارفه انا مش عارف اوصفلك ازاى اللي نتى عملتيه.
وبصلها بنص عين وقال: بس ماشى يا رونى ان ما خلصت كل ده .
فبصتله بتوتر وقالت: بس انا يعنى ما اقصدش ازعلك او اعمل فيك حاجه من اللي انت قلتها دى .
فضحك عليها وعلى خوفها منه ومسك اديها وباسها وقال :انتى خفتى كده ليه انا بضحك معاكى .
فبصت للارض وقالت: مش انت قلت عايز تجيبنى من شعرى وتضربنى انا ما كنتش متخيله انك ممكن تعمل فيا حاجه كده .
فبصلها وشاف الحزن عليها فمد ايده ورفع وشها وبص فى عنيها وقال: رونى انا كنت بضحك معاكى انا مش ممكن اعمل كده مع اى حد فما بالك بيكى انتى حبيبتى وكل دنيتى وحياتى يعنى ما اقدرش ازعلك او حتى اشوفك زعلانه حتى لو مش منى وبعدين يا رب اموت قبل ما امد ايدى عليكى .
فردت بسرعه وقالت : بعد الشر عليك ما تقولش كده تانى حرام عليك.
فبصلها بسعاده و قال: خايفه عليا .
فسحبت ايدها منه وعدلت قعدتها وبصت فى الارض وسكتت
فابتسم على كسوفها وقال: ربنا يصبرنى عليكى يا رونى.
فردت وهيا باصه فى الارض وقالت: ايه لحقت زهقت منى لو كده روحنى احنا لسه فيها.
فعدل نفسه وشغل العربيه وقال :اروحك لا يا حبيبتى انسى دا انا ما صدقت ما اخدتك دا انا ليا شهور وسنين باستنى اللحظه اللي تجمعنا وانتى تقولى روحنى انسى يا حبى انسى .
فردت بكسوف من كلامه وقالت: خلاص يبقى ما تشتكيش بعد كده.
فضحك وقال: امرك يا ست البنات.
وقالت يلا يا شهريار كمل الحكايه بتاعتى .
فرد وقال: ماشى يارونى .
فبوزت وقالت :ايه مش هتقولى يا شهرزاد .
فهز راسه يمين وشمال وقال : لا طبعا انا اعمل ايه بشهرزاد وغيرها وانا معايا رونى مراتى وحبيبتى وبتاعتى انا وبس. انتى يا رونى مالكيش زى .
ففرحت هيا وقالت: وانا باسحب كلامى ومش هاقول غير وليد جوزى وبتاعى انا وبس .
فبصلها وقال :انتى بتقولى ايه ؟
قالت : خلاص بقا انت مش كل حاجه اقولها تكسفنى كده .
فضحك وقال : ربنا يصبرنى عليكى يا رونى .
فقالت : خلاص بقى .
فقال : ماشى بقولك ايه باللنسبه للحاجات اللي جبناها مش هانكلها ايه انتى مش جعانه .
فقالت : عادى ايه هناكل الوجبات هنا .
قالها : ايه رايك ناكل شويه شيبى تصبيره لغايه ما نلاقى مكان نقف ناكل فيه الوجبات.
فقالت : ماشى .ومدت ايها وجابت كيس شيبسى وفتحته ومدته ليه.
وقالت : اتفضل . فقال : هاكل ازاى وانا بسوق اكلينى يا عمرى .
فبعدت بارتباك وقالت : ايه لا طبعا ازاى يعنى .
فرد باستعطاف وقال : حرام عليكى جعان اوى اكلينى والا ذنبى هيبقى فى رقبتك . وبعد تردد ابتدت تاكله وهو مستمتع وكل شويه يبعد رقبته وهيا تقرب عليه عشان تطوله وهو عامل انه مشغول فى السواقه وكل ما تاكله يحاول شفايفه تلمس صوابعها وعامل انه مش واخد باله من كده.
وهيا اما جابت اخرها من الكسوف والاحراج
قالت :كفايه كده شيبسى انا هاكل ايس كريم تاكل معايا فرد وقال :ازاى ده زمانه ساح .
فقالت بابتسامه :انا اصلا مش باكله غير لما يبقى سايح جربه هيعجبك .
واخدت اتنين ايس كريم وقالت :وقف العربيه انا مش هاكل حد .
فضحك ووقف العربيه وقعدوا ياكلوه ويضحكوا على اشكالهم لغايه لما خلصوه طلع منيل ومسح اديه ووشه وبصلها وقال: عندك شنب جميل اوى عايزالك صوره .
فبصت فى المرايه وقالت : لا بجد.
فشدها وقالها : تعالى امسحولك .
فاتكسفت وقالت :لا انا معايا مناديل شكرا .
فقال : ايه يا رونى انا جوزك عادى يعنى . وشدها ليه لقاها غمضت عنيها بسرعه فابتسم وبدل ما يمسحلها بالمنديل مسح ...
يتبع
أنت تقرأ
احببته وكرهت سجاني
Novela Juvenilهنا في هذا البيت وهذه الشقة وهذه الغرفة تسكن روني بطلة هذا القصة ذات 20 عاما ذات نسبة من الجمال الكل يحبها لأنها لديهامن البراءة ما يكفيها ليتفت الناس للاستماع لها وقلبها لا يحمل سوى الحب فقط لكل الناس التي تعرفم ام لا وفي الجهة المقابلة يوجد ول...
