احببته وكرهت سجاني

الحلقة الخامسة والعشرون

-------------------------
25
-------
المهم يوم الماتش بس الادانى افراج عشان هيبقى الاستاد مليان جمهور وخايف حد يدايقنى .
وقعدت استناه بالبيت .
فاستغليتها فرصه ووضبت البيت وقررت اعمله حفله صغيره .
وطلبت بالتليفون تورتايه صغيره من محل الحلويات الجبنا منهم فى زيارت عمتى وجابها دليفرى وكنت طالبه معاها حاجه ساقعة.
وحضرت العشا واتفقت معاه انه هيتصل بيا بعد ما يكون خلص الماتش والقاء التلفزيونى ويقولى انه وهو جاى فى الطريق عشان عملاله مفاجئه .

وشفت الدلاب الفيه لبس العرايس ولقيت فيه كام فستان سواريه فاخترت منهم واحد موف طويل وعليه شال ولقيت مع كل فستان طويل طرحته واكسسوراته وصندل او شوز مناسب وبدى .
( انا ابتديت اشك فى الواد ده هو عرف مقاسى ازاى وذوقه تحفه فى كل حاجه جايبها .
الواد ده شكله صايع بس عامل مؤدب ولا ايه. )
المهم لبست الفستان والصندل كان بكعب عالى ربنا يستر ويعدى اليلادى على خير .
وجبت شعرى على جنب وفيه توك صغيره بفصوص .
وعملت ميكب خفيف .
وبصيت بصه اخيره على الاوضه .
وكنت فارشه مفرش ستان شيك موف على بيج وهادى .
وشغلت الفواحه ورشيت ورد على السرير وفى البانيو .
وجبت العشا على طربيزه فى اوضه النوم .
وهو رن عليا وقلت :خلاص تعالى انا خلصت .
وطفيت انوار الشقه وخليت بس نور اباجوره فى الصاله يدخل عليه ونور الشموع الفى الاوضه وشغلت اغنيه رومانسيه .
واول ما وصل قلبى وقع فى رجليا .
وكنت مش عارفه ابص فى المرايا اتاكد من نفسى.
ولا اتاكد ان الاكل ما بردش .
ولا كل التوضيبات تمام .
وارتبكت وخفت .
واصلا انا مكسوفه.
ومسكت الشال بسرعه لفيته على كتفى .
وكنت لسه هاصرخ واقول خليك عندك ما تجيش .
او انزل تانى لما ارجع كل حاجه مكانها .
مش هاعمل مفاجات لحد .
بس سمعت صوت صفيره وهو بيقول :واو ايه الحلاوه دى.
دا اوضه نومى دى. لا وكمان مزه فيها احمدك يا رب.
وجه عندى وقال: يا مزه انتى ما شفتيش رونى مراتى يحسن تمسكنا متلبسين ؟.
فبصتله بنص عين وقلت :وهو من ضمن حقوقك برضوا تقول يا مزه .
ضحك ضحكه عاليه .
وقال :اه .واكتر كمان تحبى اسمعلك باقى الكلمات عشان تراجعى ورايا.
فقلت :لا مرسى .
فضحك وقال : وكمان فيها مرسى .
ومسك ايدى وكانت متلجه اصلا انا كنت باترعش من جوايا .
فابتسم بمكر وقال : ايه يا رونى هو انتى بردانه ايدك متلجه ليه .؟
فبصيت فى الارض وقلت :عادى مافيش .
فضحك تانى .
فاتغظت وقلت: يلا على بره مافيش مفاجات .
اطلع يلا وانا هلم كل حاجه بسرعه يلا بره .
فازداد ضحكه وشدنى ليه عشان نرقص وقال : طيب هيا الموسيقى الحلوه دى لمين لما انا اطلع بره .
وانا اتكسفت وبصيت فى الارض .
وكمل وقال : بس انا مش مصدق الانا شايفه الحاجات دى عرفتيها من اين؟ ولا بتاخدى دروس من ورايا.
فقلت وانا ببص فى الارض: اصل فتحت الاب بتاعك.
ودخلت على النت وقريت شويت حاجات على النت وقلت احاول اطبقها يمكن تعجبك .
فشد ودنى وقال :وانتى تفتحى الاب بتاعى ليه انتى مش معاكى واحد .
فشلت ايده وقلت : والله مش معايا .
فضحك ومسك ايدى وخدنى عند الدولاب وفتحه وطلع علبه من الهدايا وقعدنا عند السرير وفتحهالى ولقيته لاب لونه بنك يجنن .
فرحت بيه قوى .
وهو قال: مش لو سمعتى كلامى وفتحتى كل الهدايا مره واحده كنتى اشتغلتى عليها من وقتها .
فضحكت وقلت :بالعكس طبعا دلوقت لما افتح كل الهدايا مره واحده هفرح يوم واحد .
اما لما افتح الهديا وخاصه وانا محتاجاها هيبقى ليها طعم مختلف وهيبقى لكل هديه فرحه لوحدها خاصه .
فضحك وباس دماغى وقال : يا ستى ربنا يفرحك على طول .
فقلت :بس انا الكنت عايزه افاجئك النهارده وافرحك ؛
مش انت الدايما بتفاجئنى .
فضحك وقال :مش مهم مين اليبدا المهم اننا نبقى مبسوطين وبس .
بس سيبك انتى ايه الحلاوه دى انتى طلعتى تلميذه شاطره جدا .
ما تيجى اذاكرلك الدرس التانى .
فسبت الاب وقمت بسرعه .
وقلت :ابعد عنى انا اصلا مش قادره اتلم على اعصابى لوحدى.
ما تتصورش ايه الجوايا دلوقت .
لما استوعب الاانا فيه الاول ابقى ذاكرلى .
وكنت برجع لورى وانا باتكلم.
فرجلى داست على طرف الفستان ؛
فوقعت وهو قام بسرعه وشالنى نيمنى على السرير.
ومسك رجلى وفك الصندل بالراحه عشان كانت وجعانى وبتالمنى وانا باقوله سيبها انا هقلعه لوحدى .بس هو اصر .
بس الحمد لله بسيطه يعنى كانت نتيجه الالتواء والوقعه .
وبعدها ضحك عليا وقال :لما انتوا مش قد الكعب بتلبسوه ليه .
وانا اتغطامنه اكتر.
وقلت :مش انت الجايبه .
فضحك وقال : وانا كنت اعرف من اين انك مش زى البنات .
فادايقت وقلعت التانى ونمت .
وقلت :خلاص روح شوفلك واحده تلبسولك وتكون بنت .
فلقيته شالنى ووقفنى وقالى :طيب تعالى ارقصى معايا لغايه لما تبقى زى البنات .
فادايقت من استفزازه ليا .
وقلت :انا اصلا مش عايزه ارقص معاك استنى لما ابقى بنت ابقى ارقص معاك .
وجيت امشى فشد الشال من على كتفى .
وقال شفتى انا دلوقت اتاكدت انك بنت.
ورماه على الارض .
فجيت اروح اجيبه فشدنى عشان ارقص معاه .
وقال :سيبيه يا رونى ده وبس .
فاتكسفت ووشى حمر :وهو كل شويه يقولى كلمه اتكسف اكتر فدفنت وشى فى كتفه من الاحراج .
لغيه لما خلصنا رقص .
واتعشينا وهو بس يكسفنى .
وانا اقوله مش هاعملك حفله تانى .
وهو يضحك ويقول ده حقى وانا بطالب بحفله يوميه .
هو الظاهر انه عرف انى مش بعرف اتكلم لما يقولى حقى. فمسكهالى كل حاجه يقول حقى .
وبعدها قام غير وجه قعدنا نتكلم واحنا نايمين على السرير وقالى انه فرحان بيا قوى وبالمفاجه دى .
وما كنش متوقع انه بالسرعه دى هانفذ كلامه .
وانا قلت: انى لقيتها فرصه يحتفل بالماتش النهارده .
فضحك وقال : طيب لو اتغلبنا كنتى هاتعملى ايه .
فقلت : هاحتفل برجوعك ليا بالسلامه .
فضحك عليا كالعاده.
وكنت عايزه اغير انا كمان بس طلب البس من لبس العرايس .
ففضلت انا بالفستان .
اصل هالبس اكتر من كده مكشوف . لا طبعا .
وهو قال :طيب مش هنام غير لما تنامى الاول ؛وهاشوف ازاى هتعرفى تنامى بالفستان .
وفعلا نمت بالفستان . هههههههه.
وتانى يوم صحينا صلينا ورجعنا كملنا نوم لاننا ما شبعناش نوم .
وبعدها فطرنا وقالى :ايه رايك عايز اعمل حفله عشان اصحابنا وقرايبنا بمناسبه جوازنا .
اصل الكل بيكلمنى وزعلانين انى معملتش فرح كبير وعزمتهم .
انا بقى بحب الحفلات والافراح وفرحت خالص بالفكره .
بس قلت :نعملها هنا فى البيت .
اصل هو كان عايز يعملها بره .
بس انا قلت يحسب العدد المتوقع يجى .
ونكلم مهندس ديكور وهو هيخلى المكان احلى من القاعه .
وقلت :بس يا وليد تشترط انها تبقى مهندسه ديكور يعنى بنت مش ولد عشان انا اعرف اتكلم معاها براحتى .
وبصتله وقلت: واعمل حسابك انك ما فيش تعامل معاك خالص .
وان هيا كلمتك قولها تسالنى وانا هارد عليها .
وانا هتفق معاك على كل حاجه وهابلغها .
فضحك وقال :ودى غيره ولا ايه .
فقلت :غيره او مش غيره مش بحب اشوفك تكلم بنات او بنات تكلمك.
فضحك وقال :طيب تحبى اشترط كمان تكون وحشه.
فقلت: لا مالكش دعوه حلوه وحشه انا الهكلمها انت بس اتفق مع صاحب المكتب وبس ماشى .
فضحك وقال :ماشى .
بس يا رب تبقى ليله حلوه عشان منظرى قدام الناس .
فقلت :لا ما تخفش ان شاء الله هتبقى جميله.
المهم هتعملها امتى .
فقال يوم اجازتى ان شاء الله .
فقلت: لا طبعا قبل الاجازه بيوم .
فرفع حاجبه وقال : بس هيبقى عندى تدريب مش هينفع يا رونى .
فقلت : افهم بس هيا الحفلات اصلا بتبقى بالليل .
واصحابك هيبقوا بيدربوا معاك .
يعنى كلكم هتبقوا تعبانين ومحتاجين تروحوا تناموا .
ولما يصحوا هيبقوا يجى الحفله .
وانت كمان محتاج تنام وترتاح .
فقال : لا ازاى مش هينفع بلاش نوم اليوم ده .
فقلت : مش هينفع تبقى يبقى الفى الحفله نايمين وجايين مصحصحين .
وانت قاعد فى النص بتتاوب وعايز تنام وكانك كده بتقلهم يلا روحوا وانت ممكن يجى صحفيين ويصوروك وانت بتتاوب
(وضحكت )
وقلت يا سلام وانت بتتاوب فى حفله جوازك هتاخد تعليقات واو .
فضحك وقال : ماشى لما اجى ان شاء الله هنام شويه .
فضحكت وقعدت ورفعت رجل على رجل .
وقلت :ومين قال انك هتيجى تنام هنا .
فبصلى وتنح وقال :طيب اروح انام فين .
فضحك وقلت فندق يا حبيبى .
اصلا هنا هيبقوا طول اليوم عمال بيوضبوا فى المكان والبيجيب طاولات.
والبيزوق فى المكان غير بتوع الاكل والمشروبات يعنى هيصه .
وانت اصلا نومك خفيف خالص ومش ممكن هتبقى نايم فى الجو ده. والنوم المتقطع هيتعب اعصابك يبقى تاخد بدلتك من الصبح فى العربيه تحضر تدريبك وتطلع على الفندق تتغدى وتنام ساعه او اتنين. وتقوم تاخد دش وتلبس وتتشيك وتيجى وهيبقى لسه على ميعاد وصول الناس ساعه او اتنين .
فقال: طيب انتى هتعرفى تظبطى كل حاجه لوحدك .
فقلت :اصلا انت هتكلم النهارده المكتب وقدامنا خمس ايام نوضب فيهم .
ونرتب وانت هيبقى عندك علم بكل صغيره وكبيره ومتفقين عليها .
يعنى اليوم ده تنفيذ وبس وغير كده انت هتيجى قبل المعاد يعنى لو ليك تعديل او ملحوظه نقدر نعدلها .
فقال : طيب انتى هتعرفى تتعاملى مع العمال .
فقلت: وانا اتعامل معاهم ليه .
انا هاتعامل مع مهنددسه الديكور يعنى لو حاجه مش عاجبانى هطلبها منها وهيا تقولهم ما هما هيبقوا تبعها.
فقال : طيب والطباخين .
فقلت زيهم بالظبط هنطلب الهيجيبوا الاكل؛ يكون فى ناس بتقدم الاكل.
ومنهم تكن بنت لانى هيا الهتعامل معاها لغايه لما انت تيجى .
فقال طيب انتى مش هتنامى اليوم ده .
فقلت: لا هاصحى متاخر او انام بعد ما تمشى شويه وخلاص وانا اصلا مش بحب نوم الضهر قوى .
او مش بيفرق معايا زيك انا بنام بس عشانك وبس .
وقلت :يلا بقا ننزل النهارده نلف على المطعم ونتفق معاه .
وعلى مكتب الهندسه ونشوف شويه تصميمات ونشوف الحلويات ونجهز كل حاجه.
وفعلا قمنا لبسنا ورحنا المكتب الاول واتفقنا معاهم .
وبعدها على الفندق الهيجيب الاكل واتفقنا على الاكل والمشروبات السخن والبارد على الناس الهتقدم الاكل .
واتغدينا هناك .
وروحنا اتفقنا على تورته عليها صوره لفرحنا والجاتوه والحلويات التنيه .
ورحنا اتمشينا شويه على البحر وطبعنا اكلنا دره وشربنا حاجه ساقعه واتعشينا بره ورجعنا..
-----------------------
عارفة اني مقصرة معاكوا
بس كانت الامتحانات قربت ومش مذاكرة حاجه
انا خلصت امتحانات
وهحاول اخلص الرواية في الاجازة ادعولي
وبس