احببته وكرهت سجاني

الحلقة السادسة والعشرين

الحلقه السادسه والعشرين ..
وروحنا اتفقنا على وتورته عليها صوره لفرحنا والجاتوه والحلويات التنيه .
ورحنا اتمشينا شويه على البحر .
وطبعنا اكلنا دره ؛وشربنا حاجه ساقعه واتعشينا بره .
ورجعنا ونمنا .
وتانى يوم رحنا النادى .
ووليد حكى لخالد ومحمد على العزومه .
وخالد قال :هيبعتلى مراته تساعدنى ووليد عزم كل النادى اصحابه والبيشتغلوا وصحفيين .وروحنا البيت.
واتصل على ناس قرايبه .
و قلتله ايه رايك عايزه نعمل حاجه تكون تذكار لليجى الحفله عشان يباركلنا.
فابتسم وقال : حاجه زى ايه ؟.
فتحمست وقلت :ايه رايك فى مج مثلا يكون عليه صوره من صور فرحنا .
فقال :مج ماشى بس الصوره لا .
فقلت :ليه .
فقال :يا سلام وعايزه الشعب المصرى يكون عنده صوره ليكى لا طبعا مقبلش انتى بتاعتى وبس .
وكمان ماضمنش يوصل لايد مين الصور فمش هينفع .
لو موافقه نخلى المج وعليه اسمينا وجمله حلوه تحته .
فضحكت وقلت : عارف كنت متاكده انك مش هتوافق على موضوع الصور بس حبيت اختبرك .
فرفع حاجبه وقال : بتختبرينى يا رونى .
طيب ماشى .انتى لازم تتعاقبى .
وقام وقعد يزغزغ فيا وانا اقوله خلاص والله حرمت .
وقمت وقلت :انا هاخد شور سريع قبل ما انام .
فغمزلى وقال : ايه خلاص قررتى تلبسى من هدوم العرايس .
فبصتله بغيظ وقلت : يا دى هدوم العرايس المحيراك .
مالها العبايات ولا البيجامات مش الهدوم المقطعه وشفافه ومالهاش لازمه .
فرفع حواجبه وقال :يا ستى انا عايزها مقطعه وشفافه ايه يعرفك انتى فى الحاجات دى .
فقلت :اهى عندك اشبع بيها انا هاخد شور احسن .
وهو دخل ينام .
وفعلا دخلت اخد شور وانا تحت الدش سمعت حركه فى السخان وبصيت شفت ديل وعرفت انه فار فطفيت الدش ولبست بسرعه وطلعت وعماله ابكى وصحيت وليد .
وهو اتخض اول ما شاف دموعى .
وقالى :مالك ايه الحصل وانا مش قادره انطق وشاورت على الحمام .
فقام جرى ودخله مالقاش حاجه غريبه .
وجه قومنى من جنب السرير .
وقالى :ايه الحصل فشاورت على الحمام .
ووقعت واغمى عليا.
وبعد شويه فوقنى وكان قلقان جدا .
وقالى: فهمينى فيه ايه .
حاولت اتكلم وصوتى مش طالع ؟
فقالى : انتى مش قادره تتكلمى .
فهزيت راسى باه .
فجاب ورقه وقلم وعنيا كانت كلها دموع .
وكتبت وانا تحت الميه حسيت بحركه فى السخان ولما بصيت عليه لقيت ديل فار .
خايفه تكون النار حرقته او اتلسع من سخونت السخان او جراله حاجه.
انا مش هسامح نفسى على العملته فيه .
فقعد يقراى فى الرساله مره واتنين وانا منهاره من العياط وبصلى شويه وهو ساكت .
فقالى بعدها :رونى انتى الحاله الانتى فيها والعياط وصوتك الراح وكمان يغمى عليكى عشان الفار .
فبصتله بغيظ وكتبت :هو ذنبه ايه عشان اتخلق فار فاحنا نحرقه .
اعمل ايه انا دلوقت اطمن عليه ازاى .
فتنهد وقال :يعنى انتى بتحبى الفران قوى كده .
فقلت : لا طبعا ولااقدر المسه حتى .وبخاف منهم .
بس ده مش معناه انى احرقه .
فقال: طيب انتى عايزه ايه دلوقت ؟
فكتبت مش عايزه غير اطمن عليه.
ذنبه فى رقبتى مش هسامح نفسى .
ازاى ما حستش بيه وشغلت السخان .
هو استخبى عندنا واستائمنا على نفسه واحنا خناه وحرقناه .
وانهرت فى العياط .
فتنهد وقام بص على السخان .
ورجع قال :هو مشى مش هنا .
يبقى ان شاء الله كويس .
قومى انتى بقا عشان اخدك للدكتور عشان نشوف صوتك الراح ده.
وفعلا لبسنا وروحنا كشفت.
وقالنا من الخضه فى الحمام والمفاجئه هيا الخلت صوتى راح .
ولازم يبقى عندى اراده واحاول اتكلم عشان يرجع صوتى .
وفعلا قعدت يومين مش بنطق خالص والتالت هو البتدى يخرج منى صوت ضعيف لغايه لما بقيت كويسه .
ووليد كان زعلان جدا عليا وخاصه ان حالتى النفسيه كانت سيئه ومش ببطل عياط .
وحكى لااهلى عليا .وماما قالتله هيا اصلا لو شافت فرخه عند حد والفرخه دى كانت تعبانه او متعوره ممكن تعقد تعيط عليها .
وتبعت تشتريلها دوا وتبقى منهاره على وجع الفرخه دى .
لدرجه لو حد مربى فراخ او حيوانات عنده مش بخليها تشوفها عشان الحاله البتبقى فيها لو عرفت انه تعبان.
ووليد كان عايز يلغى حفلت جوازنا عشان تعبى .
بس انا طلبت منه يستنى لو فضلت حالتى كده .
نلغيها قبلها بيوم ولو خفيت نكملها .
والحمد لله خفيت قبلها بيومين .
وكلمت المهندسه اننا نعمل فريق عمل مكثف ونشتغل فيه اليومين دول .
ويوم الحفله وان شاء الله تطلع حلوه وفعلا جات شافت الشقه وكان المكان واسع واتفقنا هنفتح اوضه المكتب على الصاله بما انها فيها صالون وعندنا الصالون والسفره عدنا ترتيب مكانهم .
عشان نجيب كراسى تانى وشافت الصالون البابا جابه. وظبتنا مكانه بحيث ندخل فيه قاعده تانى واتفقنا هنعلق الزينه يوم الحفله هيا هتيجى بفريق العمل الساعه 11 الصبح .
واتفقت على المجات العليها اسمنا وصوره قلب فى النص .
بس انا اصريت انى مش هاكتب راندا هاكتبه رونى .
ونزلت مع مرات خالد اشترينا فستانين سواريه ومشتملاتهم .
وحجزت مع بيوتى سنتر عشان يجوا يعملولى ماسكات ولفت طرحه بدون ميكب .
وده طلب وليد وقالى :كفايه قوى خليتك تحطى الميكب يوم الفرح قدام الناس .
وانا كنت سعيده بغيرته .احلى ابتسامة .
ووافقته .مع انى كنت متاكده ان زوجات اصحابه هيبقوا عملين البدع .
بس عشان حبيبى وخاطر ربنا قبل كل حاجه مع عملتش ميكب .
وجه يوم الحفله :ووليد راح التدريب وخد بدلته والحاجات الهيحتاجها وكان حاجز فى الفندق من قبلها بيوم .
وراح التدريب الصبح وبعدها على الفندق .
اما انا صحيت على 10 الصبح خدت شور ووضبت الشقه وكان معايا مرات البواب (هنيه ) .
وجات المهندسه وعمالها واشتغلوا وعلى الساعه اتنين. طلبت غدا من المطعم ليا وليها والعمال وهنيا .
واتغدينا وكملنا شغل والجاتوه اتفقنا يجى العصر عشان كنا عايزينه طازه .
معمول فى نفس اليوم وشلناه فى التلاجه .
والعشا واكل الحفله جم بعد المغرب على الساعه 6 .
ووليد جه سته ونص .
ومشى العمال ماعدا هنيه وطقم السرفيس الهيقدموا الاكل وكان كل حاجه جاهزه .
حتى وليداتفاجئ وكان عاجبه جدا النظام .
وانا سبتهم ودخلت خدت شور وكنت متفقه ان الساعه 7 هتيجى الهتلفلى الطرحه ولبست وحطيت كريم بشره وتفتيح بس وبالعافيه بعد ما اتحايلت على وليد كحله .
ولفيت الطرحه.
بس اشترط ان افضل جنبه طول الحفله .
وفعلا اغلبها كان قريب منى .لغايه لما جه واحد اسمه كابتن محمود وسال عليا .
فاستغربت لما جالى وقال : انتى مرات كابتن وليد.؟
فابتسمت وقلت : ايوه يا فندم شرفتنا حضرتك .
فمدايده ليا :وقال ازيك .
انا كابتن محمود علوى .بطل مصر فى التنس.
بس قبل ما اقوله انا مش بسلم بالايد كان وليد جه سلم عليه وقاله : اهلا يا كابتن محمود .
وانا بصتلهم ومارتحتش لنظراتهم الناريه لبعض .
فمد ايده مره تانى ليا .
فمد وليد ايده تانى وسلم عليه .
وقاله :معلش اصلا مش بتسلم على رجاله .
فبصلى ورفع حواجبه وقال :كمان .
لا والله تستاهل يسموك الكبير يا كبير .
وبصلى وقال : معلش يا مدام اصل كابتن وليد نسى يعزمنى .
وهو غالى عليا ومكانش ينفع حفله زى دى تعدى من غير ما احضرها .
انا اتكسفت من الموقف وبصيت لوليد بعتاب وقلت : معلش احنا طبعا اسفين .
هو عزم ناس كتير فاكيد افتكر انه عزم حضرتك معاهم .
فقالى :ولا يهمك انا هاسامحه عشان خاطرك بس .
وكمل وقال : ايه يا مدام مش هتجبيلى حاجه اشربها ولا انتى بخيله زى وليد .
فقلت :لا والله وليد مش بخيل ابدا .اتفضل حضرتك ثوانى وابعته ليك .
فقال :ليه انتى مش بتحبى تحيى ضيوفك بنفسك وتقدميلهم واجب الضيافه بنفسك .
فاانا اتكسفت وبصيت لوليد القبل ما عينى توصله كان ساحب الكابتن محمود من ايده .
وقاله وهو دايس على سنانه .
اتفضل مع الرجاله جوه وانا هاجيبلك واجبك بنفسى .
انا طبعا اتكسفت انه شده كده قدام الناس بس الحمد لله انه خده من قدامى بدل الاحراج الكنت فيه .
وكان ناس كتير معزومين وطبعا اكيد فيه معجبات بالكابتن سواء قرايبه او غيرهم .
زي مثلا انسه نوران الما تعرفش هيا لابسه ايه وقالعه ايه .
وجات وقالت :انتى بقا بتاعت البلد الجابهالنا وليد ؟.
طبعا انا كنت متوقعه ان كابتن وليد الوسيم المشهور عنده معجبات .
وممكن يكونوا فى الحفله .
وممكن يجوا مخصوص عشان يحرقوا دمى او يبوظوا الحفله خالص .
فاستعديت نفسيا لكذا سناريوا.
وقلت ايوه يا انسه (واتكيت على انسه )؛انابتاعت البلد .ايه رايك ؟
فبصتلى من فوق لتحت وقالت : مش قد كده ؟
فقلت :عشان كده جيالي لغايه عندى وواقفه تكلمينى؟.
فمالت عليا وقالت : لا عشان اقولك ان وليد ما عرفش يختار .
فضحكت بصوت عالى وقلت :الانسان بيدور لنفسه على احسن حاجه ويحب ياخدها ويحتفظ بيها لنفسه .
فاكيد ما لقاش هنا حد احسن منى فاضطر يجيلى لغايه البلد ويطلبنى عشان ابقى مراته .
ولا ايه ؟.
بس ما كملناش حوار نا الممتع عشان وليد شاورلى عشان يعرفنى على ناس قرايبه وبعد شويه .
رحت اطمن على البوفيه .
واخدت بالى ان نوران جايه ناحيتى .
ومسكت كوبايه عصير وجايه ناحيتى بكل تناكه .
فانا بقا فهمت الفيها ومسكت اقرب كوبايت شربات جنبى.
وهيا ماشيه خبطت فيافاتكب شويه من العصير على فستانى .
وقالت : سورى ما كنش قصدى .
وانا بسرعه دلقت العصير عليها من فوق شعرها .
وحطيت الكبايه جنبى وحطيت ايدى على بقى .
وقلت :سورى ماكنش قصدى .
فهيا اتفاجئت بالعملته
وقالت: ايه الانتى عملتيه انتى اتجننتى ؟
فبصيتلها ببرائه وقلت : ليه هو ايه الحصل ؟
فقالت : انتى بتكبى الشربات عليا .
فقلت ما انتى الكبيتى العصير عليا .
فقالت :انا ما كنتش اقصد .
فضحكت ضحكه طويله وقلت :وانا كمان كان عندى نفس النيه .
وقطعت كلامها وقلت بصوت عالى هنيه ..هنيه ..
فجات وقالت :نعم يا هانم .
فقلت :معلش يا هنيه امسحى التكب .
اصله ما كناش نقصد .
واتعدلت على الضيوف المتفرجين .
وقلت : زى ما انتم يا جماعه .
ولا كان حصل حاجه الحفله زى ما هيا خمس دقايق ورجعالكم .
ولمحت نظرت اعجاب فى عيون بعض الناس واولهم الكابتن محمود .
وانا طبعا طول الموقف بكامل ابتسامتى .
وبما انه من ضمن الحركات التوقعتها .
(زى ما بشوف فى الافلام ههههههههههه)
تحصل من اى واحده تافه النهارده .
وانا مصممه انها تبقى حفله حلوه .
فكنت عامله حسابى ومجهزه فستان من بتوع وليد الجايبهملى بتوع السواريه بمشتملاتهم .
وكنت طالبه ان البنت بتاعت الكوافير تسنى لغايه اخر الحفله.
والحمد لله هننقذ الموقف .
ورحت طلعت الهدوم بسرعه عشان اخد دش .
وقبل ما ادخل الحمام .
دخل وليد مدايق وقال :رونى ايه الحصل ده .
فقلت : بص بسرعه من غير ما نتاخر على الناس .
هيا فى الاول قالت كلام مالوش لزمه اينعم يحرق الدم. بس رديت عليها بهدوء وكان ما فيش حاجه .
وما جتش قلت يا وليد فلانه قالت وعملت صح .
ده اولا .
ثانيا انا رحت اشوف البفيه وهيا جات ورايا .
ومسكت العصير وانا كنت متوقعه حركتها فمسكت الشربات واستنيت .
وقلت لو ما احترمتنيش خلاص جابته لنفسها .
وفعلا جابته لنفسها حقى وخدته .
من غير ولا كلمه وحشه ولا خناق ولا ابوظ الحفله .
هيا جايا تنكد عليا يومى .
وانا مش هاسمح لاى واحده عشان معجبه بيك تكسفنى قدام الناس دى كلها.
وتطلعنى مش بفهم او مش محترمه .
ومن الاخر حركات البنات دى انا شفتها فى الافلام كتير وجاهزالها .
وانت بقا زى الشاطر ترجع ضحكتك الحلوه دى وتطلع للناس ولا كان فى حاجه حصلت .
وبناقص كوبايه الشربات وكوبايت العصير من الحفله .
وسبته ودخلت خدت دش سريع .
ولبست والبنت لفتلى الطرحه وفى ربع ساعه كنت بكمل الحفله .
ووليد كل شويه يبصلى ويبتسم وانا ابتسم .
وفهمت انه مش زعلان .
وكنت بودى هديه اوضه النوم التانيه لانه اتفقنا نخلى الهدايا فيها .
ولقي وليد ورايا .
فابتسمت وقلت ايه حكايتك انت النهارده عنيك مش بتفارقنى.
وكمان جاى ورايا ما تركز مع الضيوف ولا خايف اتخطف منك ؟
فرد وقال :...........
------------------

بدي اسألكوا عن الرواية

اخلصها بيوم الثلاثاء ام بنهاية الاسبوع ؟؟؟

لو سمحت تجاوبوا عن سؤال

واكيد راح انزل بارت جديد اليوم

انتظروا