التحرر من قيود عشقك للكاتبه فاطمة على

الفصل الرابع

شعرت ملاك بدقات قلبها تتسارع بطريقة جنونية وكأنها في سباق للماراثون..كان شعور غريب يجتاح قلبها البرئ شعرت أنها تغرق ببطء في محيط عيونه الزرقاء القاتمة ..شعرت بنفسها ترتجف بشدة وحبات العرق الباردة تنحدر من جبينها ...ما هذه الحالة العجيبة التي وصلت لها ملاك؟... .

شعرت به يتحدث ولكن صخب خفقات قلبها الجنونية حال دون سماعة ..."يا آنسة ..حضرتك كويسة "سألها أحمد بقلق بسبب نظراتها الضائعة وشكلها المريب ..لترد ملاك بضياع "ها "....أحمد بنفاذ صبر "يا أنسة ركزي شوية...الأسانسير عطل دلوقتي وعمال الصيانة بيصلحوا "...لتهتف ملاك بسعادة "ايه ده هو الأسانسير عطل ....احسن برضه " لينظر لها أحمد بذهول.
أخذت ملاك تحدث نفسها "اممممم...باين عليه عنده حوالي خمسة وعشرين او سته وعشرين سنه...ملامح وشه بتقول كده وباين عليه كمان رياضي ومواظب علي الرياضة ...وباين عليه بيحب اللون الأسود جدا والله عامل زي رجال المافيا بلبسه الأسود في اسود ..مفروض نقول له man in black"وضيقت عينيها الخضراء اللامعة بتركيز "باين عليه غني جدا ..يعني يجي مكان زي كده وبدلة أرماني والساعة كمان أرماني وperfume بتاعة غالي كمان ...كمان باين عليه عصبي جدا ومصدر الوش الخشب واكيد جاي المول مع حد مش جاي يجيب حاجة ليه ...وأكيد مش جاي مع حبيبته -بعد الشر يعني- علشان مش هيبقي عصبي كده ..ممكن مع أخته او أمه "وشهقت بخفوت "او مراته وابنه "...نظر أحمد لها وهو يقول بنفاذ صبر فهو قد كره نظراتها له "خير فيه ايه "لتومئ ملاك بالنفي وتطرق رأسها لأسفل وهي تقول بصوت خافت "الحمد لله اهو في رجالة حلوين في مصر أنا افتكرت أنهم انقرضوا".
**************************************
في منزل عثمان وليالي
كان عثمان وليالي بصالة المنزل عندما أتت لهم إسراء.
"ممكن اتكلم معاكم شوية"قالتها إسراء ليرد عثمان "طبعا يا حبيبتي ..اقعدي "...."بابي ..مامي ليه صديقة من ايام الكلية جابتلي شغل في شركة الاسيوطي وبكرة هعمل interview علشان الشغل "ليبتسم لها عثمان براحة "طيب تمام يا حبيبتي ..شوفتي ربنا مش بيضيع تعب حد ...روحي ربنا يكرمك بس أهم حاجة تعملي حدود في شغلك بين زمايلك الرجالة " لتعقب إسراء اكيد يا بابي ،،،،وصاحبتي قالتلي هتوصي هناك عليا أصل جوزها يبقي صاحب ابن صاحب الشركة "
"لا يا إسراء كده أنا ازعل منك "قالها عثمان بإستياء وأكمل بعتاب"ازاي تفكري في كده ...بسبب الواسطة ابن العميد اخد مكانك .،،عايزة تعملي في حد تاني كده؟ " إسراء بإستجداء"يا بابي افهمني" ليقاطعها عثمان بصرامة "لا يا إسراء بمجهودك تشتغلي وأكيد ربنا مش هيضيع تعبك لكن واسطة لا مفهوم ...؟" لتومئ إسراء بالإيجاب.
***************************************
في المول
بعد انتهاء العمال من تصليح المصعد .
"اخيرا اشتغل"قالها أحمد وهو يزفر براحة ثم ما لبث أن خرج منه سريعاً ليبحث عن أريج.
"ايه يا بنتي مالك ساكتة ليه كده..قلقتيني عليكي"قالتها كريستين وهي تتطلع إلي وجه ملاك المصدوم وأكملت وهي تمسك ذراعها "طيب يالا دلوقتي هنركب تاكسي ونروح البيت".
***************************************
في منزل جرجس وكاثرين .
ولجت كريستين وملاك إلي المنزل بواسطة المفتاح الخاص بكريستين .
"ايه ده يا حبايبي انتوا جيتوا؟ "قالتها كاثرين بإبتسامة ترحيب وأكملت وهي تنظر إلي وجه ملاك "ايه يا موكة مالك؟ "لترد كريستين "ملهاش يا مامي احنا هندخل الأوضة دلوقتي واحنا اتغدينا في الكلية علشان متتعبيش نفسك وتحضري أكل"لتومئ كاثرين بالإيجاب وتتحرك الفتاتان إلي غرفة كريستين .."هو ليه الجيل ده غريب كده ..؟"تمتمت كاثرين بخفوت ثم ذهبت إلي المطبخ لتنظيفه.
داخل غرفة كريستين ،،،،جلست ملاك وكريستين علي الفراش .
"مالك بقي يا موكه"؟ سألتها كريستين لتجيب ملاك بشرود"شوفته يا كريستي ..شوفته".
يتبع...