#مجهولة_النسب
للكاتبة أم مصطفى
البارت الثالث
اختنكت بعبرتي ودموعي بدت تنزل وهي تحجيلي
اني وابوج متصير عدنة خلفة والسبب من ابوج ابوج عقيم
جنة نتمنا يصير عدنة طفل بس الله ماراد
فديوم دكت بابنا جارتنة براس الدربونة جان بيتهم
مره متوسطة بالعمر
اجت وخالتج جوه عبايتها
مساء الخير
كتلها مساء النور ام رحمن تفضلي
كالت رحم الله والديج
جانت الدنيا باردة وهوه عالي كلش يطورش الاذان
فاتت ام رحمن جوه
اللهم صل على محمد وآل محمد
صليتي ع نبيج عيوني
كعدتها بالستقبال
رحت خليت الجاي ع الطباخ
صاحت علي ام غايب تعاي اريدج يشغله عوفي الجاي
كتلها اي ادللي بس اصبلج استكان الجاي
صبيت الجاي واجيت اسمع صوت طفل يبجي
رف كلبي عليه
فتت للاستقبال اشوفها حاطتج بحضنها
جنتي بزر انفاس مبين عليج
قدمت الجاي الها وعيني عليج
اوي فدوه هاي المن الطفله
كالت الكم
ضحكت يا يوم عيد وتصير عدنه هيج بنيه
كالت هاي الكم البنت جايبتها
كتلها شنو تحجين صدك
كالت والله صدك
هاي طفله منريدها تردوها لو اوديها لغيركم
كتلها ام رحمن صدك تحجين
شلون مااريدها
اخذتج وخليتج بحضني
وانتي فاتحة عيونج علي
كامت ام رحمن كالت ام غايب هاي البت محد يردها إذا تردوها اخذوها
واذا متردوها رديها النه
نطيها لغيرج
كتبها اوكفي غير اعرف منين هاي البنيه
كالت الله شاهد علي من عدنه لا بايكيها ولا خاطفيها
يعني طفله شرعيه لولا
كليلي حتى اعرف كالت لا تخافين شرعيه بس مايردوها
واني فكرت بيكم كلت ماعدكم بزره
اجيبها الكم
كتلها عوفيها يجي ابو غايب واكله
جانوا الجوارين يصيولنة بيت ابو غايب
كنية جانوا يطلقوها ع كل شخص متصير عنده خلفة ابو غايب
بمعنى ابنه غايب
كتلها يجي ابو غايب ويصير خير
كالت هسه شنو اخذها لو ابقيها
عوفيها يمي
فدوه اشوفها لعدنان
بلكت من يشوفها يحن كلبة عليها ويوافق
كالت زين اروح اني
الله وياج
جنت شايلتج وحاضنتج حيل
وفرحانه كلش مثل الي عثر ع كنز
وفرحان بيه ومجلب اجلب بيه
يخاف لا أحد ياخذه منه
عفت شغلي كله وخالتج بحضني واناغيلج
واهز بيج فدوه للبنات
جنج لعابة بوكتها تفتحين عيونج وتسديها
واني هم افتح وأسد بعيوني
فرحانه واضحك يمه
فدوه
مااريد انزلج من حضني
معقوله اكو ناس
تشمر بزرها متريده
وناس حصره عليها الخلفة
ياربي بجاه ابو فاضل كون عدنان يقبل
اخذها النه ونسجلها
باسمنه والله حبيتها هاي البنيه
ضليت بس ادعي ربي
كون ابوج يقبل
اندك الباب خليتج بالكاع
وكمت ركضت افتحه
اجه عدنان
شافني فرحانة
والضحكه شاكة حلكي
تلكيته الله يساعدك عدنان
كال خير وجهج يضحك اليوم يا الله
كتله فرحانة كلش
يا الله
فرحينه وياج
كتله ارتاح هسه والله كريم
دخل للمطبخ وللصاله
جنت حاطتج
بالغرفة
بجيتي بصوت
كال شنو عدنا احد
كتله اي اجانة رزق
يا الله منين
كتله رزقكم بالسماء وانتم لا تعلمون
رزق من الله مو تريد الله يرزقنا طفل
كال اي اكيد
كتله اجتنه طفله
كال شلون هاي لا تخبلين
ضليتي تبجين
عرفته وفتت اسكتج اجه وراي
كريمه هاي منين الطفله
كتله اهل الرحم اطونياها
كال احجي فهميني مااريد الغاز
كتله اكعد
خلي افهمك
انتي بحضني واهز بيج
وبس شلتج سكتي
جان عندج ملهي سكتج بي
وهو يباوع متفاجئ
كتله ام رحمن جيرانه
ذول الي براس الركن تعرفهم
كال اي اعرفهم شبيهم
هي ام رحمن جابتها النه كالت بتنه من عدنة بس منريدها
تردوها
ولج شلون شو متدخل عقلي
يعني شلون طفله ميردوها
وج خاف بت حرام
لا والله حلفت كالت
شرعيه وبت حلال بس مايردوها
زين ليش خاف مريضه
ماادري والله كالت بتنه لا خاطفيها
ولا مريضه
عيني عدنان رزق من الله اجانه
ربك يرزق من يشاء بغير حساب
والنعم بالله
بس ماتدخل عقلي
اكو واحد يذب بزره
العوز كلشي يسوي
يعني شنو تريد تبيعها
لا كالت بلاش
فدوه عدنان هاي البنيه دخلت لكلبي
اريدها الي
ابوس ايدك وافق
كالت اذا متردوها
انطيها الغيركم
يعني رزق واجانة للباب
ليش نرفس النعمه
استغفر آلَلَهّ ياربي
هسه ياعيني
روحلي للدكان جيبلي حليب وممه للطفله جوعانه
ادري اني شمعرفني بهاي السوالف
دروح ياعيني شيرادلها هي
كله قوطية حليب مال طفل انفاس وممه
وهو يعرف
والله سطرتيني بهاي سالفتج
لاتنسطر ولا تفكر
اكلك رزق واجانه من الله
والنعم بالله
بس تجي ام رحمن وافتهم منها
مااخذها هيج
احلفها بالقران خاف بايكتها
خاف بت حرام
كلشي يصير
اي بكيفك بس فدوه اروحلك خلينا ناخذها النه
والله اموت اذا تاخذها مني
يصير خير
دروح جيبلي الحليب اي رايح
راح ابوج
واني حاطتج بحضني وابوس بيج
وطايره فرح بيج
فدوه فدوه للبنات
رجع كتله هاك الزمها ع مااجي
كال يمعوده شمعرفني بيها اني
كتله بس خليها بحضنك خلي افور مي اله واجي بساع
رحت بسرعه خليت مي على النار
وغسلت الممه
فار المي
بردت منه ع صفحه
وسويت الج ممه
اجيت لكيت عدنان يناغي الج
ويضحك
يكول ياعيني تضحكلي كريمة
كتله اي حتى اني
جنه متعجبين بيج
رضعتج الممه بسرعه اخذتيها
جنتي كلش جوعانه
وراها نمتي
شويه واجت ام رحمن
طببتها كتلها فوتي ابو غايب
يريد يحجي وياج
فاتت جوه
طب ابوج سلم عليها
كالها ام رحمن شنو سالفت الطفله
كالتله طفله زايده مانريدها
وفكرت بيكم
تردوها تردوها ماتردوها
اطيها الغيركم
كال غير اعرف بتكم بت غيركم
كالتله من كرابتنه من لحمنا
تريدها لو اخذها
كامت تريد تشيلج ركضت عليها وين
كالت جنكم ماتردوها
اذا متردوها اخذكم
باوعت ع عدنان بتوسل
كال عوفيها نريدها
كالت خوش بالعافيه عليكم
وطلعت
واني طرت فرح بيج
وابوج هم حبج
وسجلج باسمة وشويه شويه صرتي روحنا من الدنيا
كل كرايبنا وجوارينا عرفوا اخذناج من ناس
وضلوا يلومون بينا ويحجون خاف بت حرام
ومن هاي السوالف
ابوج مايرضه عليهم
يكلهم ميخالف راضي حتى لو بت حرام
رزق واجاني للبيت
وره سنة شالوا بيت ابو رحمن مانعرف وين
واحنة هم شلنا من منطقتنا
واجينه هنا
بس الغلط الي سويته
انو الي يسئلني هنا احجيله الصدك اكلهم اتبنيناها هاي البنيه
والناس بدت تؤؤل وحدها بنت حرام
ومن يوم ماشالوا بيت ابو رحمن
واحنه شلنا ماعرفت خبر عنهم
ولا اعرف اسمهم غير بيت ابو رحمن
جوري .. حضنت امي وكمت ابجي
اني منو اهلي بت منو
شبكتني امي وكالت انتي بنتي
اني ربيتج
وسهرت عليج وكبرتج
انتي بنتي وتبقين بنتي
وللحكايه بقيه ام مصطفى
تفاعلوا بنات
أنت تقرأ
مجهولة النسب للكاتبة أم مصطفى
General Fictionتتكلم القصة عن فتاة مجهولة النسب وعن معاناتها مع المجتمع وكيف يتعاملون معها
