مجهولة النسب للكاتبة أم مصطفى

التاسع

بارت صغير هديه بمناسبة فوز المنتخب الوطني

#مجهولة_النسب
الكاتبه ام مصطفى
البارت التاسع
دخلت رواء مكيجة  ولابسة  بنطرون كابوي وقميص
شافتني واكفه اخذ صور من شفتها اني
لزمت بهاء من ايده
وضحكت  يله هباوي  بعد وحده صوره
اجت هي  سلمت بس تغير وجها
رواء ..هلو جوري بالعافيه وبالخير
جوري ..شكرا حبيبتي  الله يعافيج  يوم الالج   عيوني رواء
رواء .. شكرا مااريد هسه ممتوازيه
كتلها كلبي ع اساس هو صاحلج من امداج 
راد يوخر بهاء من يمي جريته بصفي
هبه كالت يله كملوا
عيني
وكلها كيك وهي توكلك يله بهاء
خلي ناخذ صور الكم
ابقى
اني وكلته كيكه اكل حبيبي الف عافيه
عليك واضحك هو متفاجأ
ورواء احسها ماتت من الغيره
هبه كامت تهوس
بهاوي مهنه بهالصيده بهاوي مهنه
وتضحك اعرف هبه تحرك بكلبها
كلها ضلت تهوس وياها
امي اشرتلي تعاي
ها ماما
كالت تعالي البسي فستانج
اخذته وطبيت للغرفه
يجنن لونه جويتي ضيك وقصير من كدام ومن وره طويل
شلت شعري ليفوك
ولبست كعب ابيض وياه مال العرس
طلع يخبل علي
لان لون جويتي يلوكلي لان بيضه انيى
طلعت من الغرفه
وكلها ضلت تباوع علي وحماوتي يهلهلن
صلوات
هبه كالت لعابة عبالك بعد شيريد بهاء
باوعت ع بهاء لكيته
صاير كبال رواء
كالت هبه روحي اوكفي يمه
تره هاي متستحي
رحت وكفت يمه هي تباوع تبسمت بوجها
وكتله يله بهاوي خلي ناخذ صور بعد
مدام غيرت الفستان
لبست اللون الي تحبه
هو ضل صافن بوجهي
مصدوم من تصرفاتي
جريته يله حبيبي
وهي احسها عطبت
اخذنه صور
عاد شهلاء شغلت اغاني وكامن يركصن
دخلت رواء تركص كدامه
ولا تستحي
وتتماوع بجسمها
وهو صافن عليها 
جرتني هبه اركصي كتلها مااعرف والله
كالت بهاء الزمها من ايدها وركصها
مقبل كالها لا
اجت رواء جرته وضلت تركص وياه
ولا تستحي  ع اساس عادي وماينه عليه ابن عمها
رحت طفيت الجهاز
كالوا منو طفاه سويت روحي مو اني
عاد هبه عرفت اني
كالت كافي  راح يصير المغرب كامت تلم بالغراض
وكالت بهاء   اخذ زوجتك واحتفلوا بغرفتكم
اكيد وحدكم احلى
كالها لا شعدنه من هسه فايت للغرفه
كلت لهبه حبي صار اسبوع يوميه نحتفل بالليل
وباوعت عليها
هي تريد تاكلني عبالك هي مرته واني الي جايه اخرب عليهم
عاد كامت كالت لامها يله يوم نروح
بهاء كالها ابقوا ع العشه
مقبلت  كال لعد اوصلكم اني
جانت عنده سياره
هي بسرعه كيفت طلعت كدامه وهو وراهها
ضليت ع وكفتي
اجت امي ماما روحي بدلي
كتلها شفتي يوم شفتي شلون راح يركض وراها
من البدايه كتلكم مااريد هالزواج
ميخالف ماما والله فتره وينسى
وهي تزوج وتولي
وانتي تبقين بس انتي اله
يمه مااتحمل اخذيني وياج
كافي شنو هالحجي
ابوج اذا يسمعج يذبحج
ماعدنه مره تزعل
اكعدي وتحملي وربج ماينساج
والنعم بالله 
طبيت للغرفه غيرت ملابسي
لكيت امي رايحه
وحمواتي باقيات
عمتي كالت يله  ست الحسن
روحي ساعدي هيام
من العصر تكرب وحدها وهي حامل
كتلها اي عمه اي
طبيت للمطبخ كتلها شراح تسوين عشه
كالت خليت دجاجتين ع النار نسوي
تمن ودجاج وروب
كتلها زين شسوي هسه اني
كالت بكيفج
كتلها راح اعزل البيت وارجعلج
طلعت كنست البيت لان انترس اوراق جكليت
والجهال هم مزبلين ماشاء الله
انترس البيت جهال وهوسه
رفعت ثوبي وكمت انضف
والبنات يسولفن بغرفت امهن
خلصت طبيت للمطبخ

هم لكيت هيام مكومه المواعين مال التركيب
ضليت اغسل وبالي يم بهاء
هسه سولفوا وضحكوا
بعدين كلت عادي شنو الجديد بالموضوع
هو نهار كله يسولف وياها
شبيه هيج غرت عليه
هالمره يمكن لان مجنت اشوفهم بعيني
اووف..
طبت عمتي
كالت عمه العماج مشمين ريحة التمن شاط
ها عمه والله مامنتبها اغسل بالمواعين
اي تغسلين وشنو متشمين
طفت الجدر
وكالت ثوله انت
صاحت هيام
وين رحتي الجدر احترك
ها عمه رحت اغسل لابني
عود عفت جوري بالمطبخ
جوري تصفن
هيام...  يله عمه مصار شي هسه اخلي خبزه عليه تسحب الريحه
وهو هم مو هوايةشايط
طلعت عمتي بس ضلت ادردم
هيام كالت شجاج غير تنتبهين
كتلها والله بالي مو يمه
كالت ادري بيج بالج يم بهاء ورواء
كتلها حتى انت تعرفين
كالت هو منو ميعرف
بس هاي وحده حياله ومن جوه ليجوه ديري بالج منها مخبلته تره لبهاء
وعمتي ابد متحبها
كتلها زين منو عزمها ع السبعه
لج عيني لزكه هي وحدها تجي منو عازمها
اصلا منو يريدها
طبت عمتي سكتنا
كالت استعجلن صبن
صبينا الاكل فرشنا سفره
بالاستقبال 
والتموا كلهم
طب بهاء كال ايي
متت جوع  طب مرتاح والضحكه شاكه وجهه
وكعد ياكل واني كوه ابلع اللكمه من القهر
شويه وكام دك مبايله
وطلع
خلصوا شلنا الاكل وهم غسلت المواعين 
والله هلكت انوب حاره الدنيا
والمطبخ يسمط سمط من الحر
فتت للغرفه اخذت ملابس وسبحت
طلعت لكيته بالغرفه
كال تعاي
مساعه شنو هالحركات الي تسويها كدام رواء
كتله شنو سويت
غير زوجي لو زوجها انت
كال مو تغشمين روحج
مره ثانيه  مااحب هيج تسوين حركات
وتغثيها
درت وجهي عفته وطلعت حتى مجاوبته
مااعرف شكله والله
كعدت بنص البنات يسولفن ويضحكن
هواي غيرن الجو علي
بقينا لنص الليل نكرز حب ونسولف
كالت هبه رجلج وين
كتلها يخابر بالغرفه اكيد
كالت يا يخابر منو
كتلها الحيه رويه
يااا صدك تحجين
كتلها اي والله روحي للغرفه وشوفي اذا
اجذب عليج
كامت راحت للغرفه
شويه رجعت
كالت كومي لغرفتج يلعوبه
مكيفه يخابر
هسه رويه تاخذه منج
ولج احركي كلبها لا تطيها مجال
كومي مكيجي ولبسي
وسويله اغرائات
يحضي شبيج فاهيه
ضلت تحجي علي اني هم حميت كلت صدك خلي افوت

فتت للغرفه نزعت ملابسي هو عينه بمبايله
لبست ثوب نوم احمر ومكيجت
واجيت كعدت بصفه
وللحكايه بقيه 
ام مصطفى