مجهولة النسب للكاتبة أم مصطفى

السابع

#مجهولة_النسب
للكاتبة ام مصطفى
البارت السابع

محجيت شي بقيت مدنكة
تالي 
كال استغفر الله  
اني اسف  باعايلي جوري 
صح اني احب رواء بس اهلي مقابلين  عليها
رادوج الج
بعد لازم ارضى بامر الواقع 
ان شاء الله  اكدر انساها
وأنت تساعديني
اني ساكته  ولا كلمة نطقت
مقهوره كلش  ليش هيج يصير بيه مااعرف
من يوم الي عرفت اني مو بتهم  احس انكسر كلشي بداخلي روحي انكسرت
مااكدر انطق بشي دائما تراودني  كلمة
اني مو بتهم
لازم أقبل بكلشي واسكت
بقى يحجي واني ساكته 
بعدين دك مبايله وطلع 
واني كمت للغرفة  قفلتها علي
شبعت بجي  احس مغبونه ومااكدر احجي
شكول وشحجي ابوي وامي يردون يزوجوني لبيت عمي
ماعدهم خيار ثاني غيره
بيت عمي يعرفون بيه مو بتهم وقابلين
غيرهم محد يقبل
الكل تشكك بنسبي
واني هم لازم اقبل  اببهاء واسكت
هاي قسمتي من الدنيا بعد
امي دكت الباب جوري جوريه
افتحي الباب يمه ليش سادتها عليج
كمت مسحت دموعي
كتلها اي هسه
اباوع ع  روحي بالمرايه
مبين علي باجيه
فتحت الباب
فاتت شبيج
مابيه شي
لا بيج كولي شبيج يمه
يوم وكمت ابجي
ياا شبيج
يمه بهاء يكول اني مجبور عليج
زين اني شبيه شناقصني
حتى اقبل بواحد مجبور علي
كالت هو هيج كلج 
كتلها اي والله 
وانت شكتيلها
مكلت شي بس ساكته ومتت قهر
كالت اني اصرف
لزمت المبايل ودكت ع مرت عمي
الو ام مهند شلونج
هله ام جوري
اكلج خيه مالكم نصيب وي بتنه
ام مهند...   يا اسم الله  شصار
كريمه..   عيني ابنج يكول مجبور
اني ع جوري واحنه مانريد نضلم البنيه
ام مهند..  يا شنو مجبور خلي يولي جذاب
بس هاي الملعبه رواء تلعب بعقله
لو تموت ماناخذها اله احنه نريد جوري حلوه وفقيره
كريمة..  خيه قابل انتم راح تزوجوها  احنه عدنه المهم هو
ام مهند..  هسه اخلي يخابر جوري ويتعذر منها والله معليج
بس انتن لا توصلنها لبو جوري
كريمة.. احنه مانريده يعتذر نريده  يقتنع ويعوف سالفة رواء
معليج خيه دسدي وشوفي
جوري.    ماما  هو اعتذرلي
وكال ساعديني انساها
بس اني مااريد افرق بينهم  مدام هو يحبها خلي ياخذها
واني عوفوني مااريد ازوج اريد اضل يمكم
وج يمه جندوب تضلين يمنه يايمه
واحنه مادايميلج
احنه نريد نزوجح ونطمن عليج
بعدين احنه ماجابريهم عليج همه رايديج
ولحوا عليج
دك المبايل بهاء خابر
امي كالت جاوبي
ماما استحي احجي
لا جاوبي انت
انت جاوبي يمه هذا خطيبج واحجي لاتستحين اني طالعه
فتحت خط كلت الو
بهاء.. الو  جوري
جوري.. اي
بهاء..   شنو سويتيها سالفه ووصلتيها لامي اني مو اعتذرتلج جنت اعصاب بوكتها ضايج من شغله وهيج كتلج
تره من هسه اكلج مااحب مره تنقل حجي واطلع اسرار زوجها
كتله اني محجيت شي بس لامي
كال حتى لو امج بعد مااريد شي يطلع بينه
وكتلج ان شاءالله  بمرور الوقت انسى
واني اسف اوعدج راح اعوفها وانساها
بعد شتردين
مااريد شي هاي هي
باجر اجي اخذج نروح للامام الكاضم
كتله ان شالله 
يله مع السلامه

هواي فرحت بكلامة  اكو امل يتغير
اي يتغير ان شالله 
اجت امي ها
كتلها اعتذرلي وباجر يجي ياخذني
للكاضم
كالت الله يهديكم ان شاءالله 
الف الحمد لله والشكر
شويه احس، نفسيتي تغيرت
كمت فتحت الكنتور
باجر شنو البس
اريد ملابس حلوه تلفت نضره
طلعت عندي بلوزه وردي فاتح
طويل
وبنطرون كابوي حلو جان
وشال وردي
اي هذن حلوات علي
رجعت علكتهن بالكنتور
ورحت نمت
الصبح كعدت من وكت تريكت
وسبحت
امي كالت لبوي راح يجي بهاء ياخذ جوري للكاضم ع
كالها هله بيه
شويه واجه
طالع يخبل
بهاء طويل صاحب عيون كبار سود
وحواجب متخالطه
عنده لحية
وشعره كابسه ليفوك
لابس ستره كابوي جينز وبنطرون نفسها
وجوه تشيرت مسبع ابيض
سلم ع امي
اني جوه امي كالت يله خلصي بسرعه
لبست ع السريع
خليت مكياج خفيف
خليت عباتي بالجنطه
وطلعت  اجيت سلمت عليه
صباح الخير
رفع راسه جان مدنك ع المبايل
كال صباح النور ورفع حاجبه
كال شطالعه اليوم وضحك
ابتسمت اله
كال يله نروح
طلعنا صعدنا نفرات بكوستر
يصيحن للكاضم
كعدت بصف الجامه
وهو كعد بصفي
اول شي لزم ايدي   استحيت وجريتها
كال ليش مو اني زوجح صرت
استحيت منه بقيت دايره وجهي ع الجامه
كال باعيلي
درت وجي علي
باوع بوجي كال انت حلوه ولا شايفج حلوه هيج
كام يدك مبايله انطاه رفض
وذب حصره
رجع دك
تالي قفله وخله بجيبه
الطريق كله يحاول يحجيني واني ساكته
الى ان وصلنا للامام
زرنا وطلعنا
اشترالي  ساعة ولبسها الي
كال خلي ندخل نتغده
كتله مجوعانه
كال اني جوعان شلون ابطل اكل
كتله بكيفك
دخلنا مطعم  وطلب كباب
شويه ونزلوا كباب وزلاطه
وطماطه شوي وخبز حار
الاكل يشهي
جان بس استحيت اكل 
هو يكلي اكلي شبيج
كوه اكلتلي لكمتين استحي اكل يمه
خلصنا كام غسل
كال يله نرجع
جان كلش زين بتعامله وياي
كلش فرحت بيه
رجعنا للبيت واني فرحانه كولش
ثاني يوم
مرت عمي  اخذتني اشترتلي ذهب ونيشان
صح جان بسيط وقليل بس فرحت كولش بيه
وامي فقيره بكلشي تقبل
وراها حجزتلي بدلات حنه وعرس وصالون  مابقى غير خمس ايام ع زواجنا
ابوي انطه لامي فلوس تشتريلي كلاده ذهب هديه منه
واشترتلي قران ذهب صغير وزنجيل
لبسهم الي
وصارت الحنه لبست بدله بنفسجيه فاتحه
وام الصالون مكيجتني مكياج خفيف
التمو بيت عمي وعمتي والجوارين كلها
وسولي حنه
ثاني يوم العرس 
هم من الصبح للصالون اخذوني
خلصتني
اجه بهاء اخذني  من الصالون
من شافني كال شطالعه كيك
رحنا للستوديوا
اخذنا صور  ورجعني للبيت
كال ساعه وتجي الزفه
امي  تلكتني بالبجي
لكيتها تبجي علي
واني شفتها تبجي كمت ابجي وياه حتى المكياج خرب
بقوا يحجون ع امي
وعدلن مكياجي
شويه واجت الزفه
وبدت الهلاهل والهوسات
طب وسام كومني وصعدني بالسياره 
اخذونه زفونه فررونه بالشوارع
والولد تهوس وتركص
الى ان وصلنا لبيت عمي
كعدنا بالاستقبال
صبوا عشه للناس من وكت بعدين كالوا زفوهم لغرفتهم
صعدوني للغرفه
وراها زفوا بهاء وراي 
دخل بهاء واني كمت ارجف
نزع سترته وعلكها
كال يله خلي انزعج البدله
بدون حجي صار وراي وفتحلي السحاب
كال راح ادير وجهي خاف تستحين يله بدلي
جان معلكيلي سيت نوم ابيض ستن
صرت وره الباب وبدلت لبسته
وكوه طلعت جان بي فتحات واستحي منه
اطلع وارجع وره الباب
الى ان انتبه علي جرني
كال ع شنو تستحين اني زوجح
كعدني ع الجربايه وبعدها بده يتقربلي دك مبايله طفر فتحه اسمع صوت رواء تبجي
لبس ملابسه وطلع يحجي وياها 
اني لملمت روحي
وتغطيت بالبطانيه انتضرته يرجع
حيل انقهرت منه
شويه دخل سد الباب حيل
جر مخدته وبطانينه ونام بالكاع كال طفي الشمعه ونامي
وغطه راسه
وللحكايه بقيه
ام مصطفى