مجهولة النسب للكاتبة أم مصطفى

١٧

#مجهولة_النسب
للكاتبة أم مصطفى

البارت السابع عشر

طلع أنور  واني متفائله  كولش وفرحانه
يارب ديمها علي 
استلمتني مرت ابوي يله فضينه
لمي الهوسه  يله دخنة من وراج
كتلها اي هسه
بس خلي ارتاح شويه وانزع  ملابسي 
ضلت تصيح شنو ترتاحين 
البيت انكلب  مشوفين
كتلها اي مو افتهمت بس انطيني مجال
صاحت يله يله
انوب ترادد  فوك ماحمليها عدنه
كتلها ابيت ابوي تره كاعده
مو بيتج ع كيفج  
جان دكول يامصدكه ابوها
حبيبتي  هذا مو بيت ابوج
روحي شوفي وين ابوج ذبج
احترك گلبي
منها حجايه ومني حجاية
لزمتني وملختني تملخ
اريد افك روحي منها مااكدر
جانت ضخمه
واخاف اضربها ابوي يضربني
گوه طلعت منها
ياربي والله تعبت بهاي الدنيا
سمعها تشتكي لابوي وتصيح
ابد ماطلعت  كلت طبها مرض خلي هي تلم الهوسه
لليل كلش جعت وطلعت
لكيت البيت ع حطت ايدي
وهي نايمه هي وابوي
عاد استلمت البيت تعزيل وتنضيف
كلت هو براسي براسي
خلي اخلص
هاي الفتره واطلع بروحي
لا ضربه من ضرباتها تشوهني
ثاني يوم  اجه انور  
اصدكون ماعندي لبس حلو البسه
احتاريت بشنو اطلعله
تالي طلعت بدشداشة البيت
قدمتله شربت وكعدت يمه
ابوي طلع وسد الاستقبال
كال اخذوا راحتكم
كال شلونج
الحمد الله  زينه
انور...  دوم يارب
جبتلج مبايل حتى نتخابر
جوري..  شكرا 
انور...  العفوو.. بعدج مستحيه مني
ارفعي وجهج وباعيلي
تره بعد صرت زوجج
بالشرع
وان شاءالله   بالقانون هالايام نخلص الاجرائات
جوري..  ان شاءالله 
انور.. باجر امي تجي تاخذج تشتريلج نيشان
شنو يعجبج اخذي  اي شي تردي اشتري ولا تترددين
كتله ان شاءالله 
ضل يسولف ع وضعه وشغله
وكال احب المره التسمع الكلام ومطيعه
واتمنى تتعودين ع اطباعي
وشنو احب وشنو اكره
كتله الله كريم
اخر شي كام  كال اروح نتخابر عود
رقمي سيفته يمج
كتله اوكي
طلع  اباوع ع نفسي شلابسه
والله استحيت من روحي
هو لابس يخبلن ملابس
واني بدشداشه ملحه
هسه عندي ورقه فلوس البياض
بس هاي البلوه متخليني اطلع
اوف تمنيت امي عايشه
جان كلشي اشترتلي
يله هانت باجر يشترولي نيشان
كمت نضفت البيت
وسويت عشه الهم
تعشوا وغسلت اماعين
هلكت يله خلصت طبيت منكعه للغرفه
غيرت ملابسي
وفتحت المبايل الجديد
لكيت كومه مخابر انور
يبوي شكوو مخابر
كلت مااخابر اني عيب
هو عود يخابر اذا رايد شي
شويه وخابر
جاوبت
كال شنو وينج صار شكد اخابر عليج
مجاوبين
كتله ماسمعته والله
كال ها يله عادي
المهم امي دكول من الصبح نجي ناخذج
نشتري النيشان كتله هله بيكم
شوكت متجون
زين يله روحي نامي
كتله مع السلامه...
الصبح اجت حماتي جيهان وعمتي
وانور
اترخصت من ابوي
ولبست ملابس طلعة
وطلعت صعدت بسيارة انور
الطريق كله مخلي المرايه  علي
ويسوق ويباوعلي ويتبسم
وصلنا كال يله انزلوا
اول شي اشترينا الذهب
همه يشترون ويكلولي عجبج
اكول اي
جنت قنوعه كلش
اي شي اقبل بيه
همه مقصروا اشتروا  محبس وترتجي وكلادة واسوار ومناك عندي حلقه
خير من الله
واني عندي ذهبي هم مال عرسي ذاك
الحمد الله  خير من الله 
بعدين بدت حماتي تشتري ملابس
هي تشتري واني اكولها ايي حلوه
والله مقصروا هواي اشتروا
فرحت بيهن كولش
كال انور شنو يعجبج اخذي بعد
كتله لا كافي
ضل يشتري ويخلي هو  فوك النيشان .

من خلصنا فوتنه مطعم
تغدينا
ورجعت للبيت طايره فرح اول مره هيج افرح فرحه

دخلت للبيت محملة تحمل
عمتي فوتت الاغراض وياي
وسلمت ع مرت ابوي وراحت

مرت ابوي شافت الاغراض تخبلت
متعرف شسوي كامت
طلعت حجه  شكو هالكد اتاخرتي
مجاوبتها
كمت ادخل بالاغراض خفت
لا تاخذهن لو تسوي شي بيهن
هي تحجي وتغلط واني  ساكته
وحده حقوده وخبيثه شنو ممكن اجاوبها
عفتها تلغي وحدها.....
.......
مرت الايام
انور يوميه يخابرني واخذت عليه
كمت اسولف وياه
طلعنا كم مره وحدنا
وعقدنا بالمحكمه
تعودت عليه وعرفت اطباعه

حددوا موعد العرس
طبعا بس عرس سويت  ماسويت حنه
واخذوني للفندق
عمتي عرفت محد الي
خطيه ادز حماتي وياي بكلشي
ولبست البدله مره ثانيه
بس هالمره فرحانه
عندي امل انور يحبني
الي وما عنده غيري 
اجت الزفه واخذوني للفندق 
حماتي حضرتلي جنطة صغيره بيها
ملابسي والي احتاجهم بالفندق

ووصلنا للفندق ودعونا الاهل
وبقينا وحدنا
اول ماصعدنا
كال غيري ملابسج واني نازل اطلب عشه
بدلت لبست سيت نوم ابيض
جانت جيهان خالته بس هذا
وملابس طلعه ارجع بيهن
من رجع
اتبسم وكال شطالعه اويلي
هذا كله اليى
شكد استحيت منه
واذكرت بهاء
من جنت ابدل حتى ما يباوعلي
ويدير وجها وينام

بده انور يتغزل بيه
الى ان بده يتقربلي
وانصدم اني بنيه
كال  شنو هاي انت مو مزوجه ومطلقه
كتله اي
كال لعد شلون بعدج بنيه
احتاريت شنو اكله
اكله ابن عمي ماوصلني
حتى مايصير عنده طفل مني
ويصير الطفل من نغله مثل ميكول
لو اكله يحب غيري ومايريد يوصلني
كرر علي السؤال
جوري فهميني
انت مو مزوجه ٣سنوات
معقوله كل هاي الفتره  وبعدج بنيه
كتله اي والله 
ماواصلني
كال ليش
كتله جان يحي غيري ومارايدني
حجيتله شلون يحب بنت عمي
بس ماكتله ع السبب الثاني
خفت لا هم يفكر نفس التفكير

بوكتها بقينا للصبح نسولف
ع بهاء وهو ضل يحجي عليه
ع ليش هيج ضلمج
وع ضربت راسي
كلت خلي كلشي اكوله
تقبل كلشي هو ماحجه شي
وانقهر كولش علي بوكتها
وكال  يعني اني مزوج بنيه
مو مطلقه
رجعنا للبيت
عمتي ومرت حماي بالبيت
استقبلونا
وصعدني لغرفتي
تخبل جانت
ولا مصدكه واخيرا ازوجت
وصرت زوجه وعندي بيت وناس تحترمني
عمتي صعدتلي الغده بيدها
كتلها انزل جوه اكل
كالت لا بعدج عروس خاف تستحين جوه... 
جانت معاملتها كلش حلوه وياي
يارب ديمها هيج

مرت الايام
احلى ايام بحياتي عشتها هاي الفتره
انور يحبني  وعمتي مداريتني
وطايره بيه فرح
اني بسرعه ثبتت وجودي بالبيت
لزمت الطبخ والتنضيف
ومرت حماي ع الباقي
وداريت عمتي كامت تموت علي
انور زين وياي
بس من يصير عصبي يفقد
يضل يصيح ويغلط
مااحجي وياه
من يهدأ يتعذر
الى ان  ضل يلح ع الطفل
جان يحب الاطفال
واني ماحبلت مرت اشهر واني ماكو
وهو يريد يكول اني جبير بالعمر اريد
اطفال
بس اني شنو بيدي
راجعت دكتوره
كالت كلشي مابيج
وهو هم مابي شي
كتله بكيف الله بعد
بس هو خرب حياتنه بسبب هاي الشغله

وللحكاية بقية 
ان شاء  باجر اختمها  تحياتي الكم
ام مصطفى