مجهولة النسب للكاتبة أم مصطفى

العاشر

#مجهولة_النسب
للكاتبة أم مصطفى
البارت العاشر

كعدت بصفه
رفع عينه علي  وضل يباوع 
تالي تقرب يمي
بعدين هز راسه وكام جر المخده ذبها  بالكاع وطفه  الشمعه  ونام
واني ضليت  مصتكه بمكاني من الفشله
تمددت ع الجربايه وغطيت راسي
وضليت ابجي جوه الجربايه
الصبح كعدت عيوني وارمه
وعمتي تصيح
جان يوم جمعه والبنات بايتات عدنه
كمت نزعت الثوب الي لبسته عشتوا
ولبست كلبيه وطلعت عفته نايم
طلعت لكيت عمتي بوجهي
صباح الخير عمه
كولي مساء الخير  الساعه ثمانيه
مدكولين عدنا خطار
ناس تريد تتريك
عمه اسفه واالله اخذتني نومه
ديله يله روحي بوجهج للمطبخ خلي الجاي
وسلكي بيض للجهال
اي صار
خرب حظي  حتى وجهي مغاسلته
خليت القوري ع النار
وخليت البيض
ورحت غسلت وجهي ورجعت
نزلت هيام
هم ترزلت من عمتي
اجت ادردم بالمطبخ والله يا الله عبالك عسكريه
شصار اذا تاخرنه شويه
بالنومه
البنات نايمات بعدهن بس الجهال تكمز 
غسلت الاستكاين
وحضرت الريوك
كعدن البنات
كالت عمتي جيبن الريوك
نزل عمار صباح الخير  كال
كتله صباح النور
دخل للمطبخ  ضل يشاقي بهيام
مدري شكلها وهي ضحكت
استحيت منهم وطلعت
شكد حلو شلون متفاهمين
لعد شبي حضي
فرشت سفره
كعدوا كعد عمار وصاح ع هيام تعاي بصفي
اجت كعدت يمه
اني كعدت يم هبه
كالت وين رجلج كتلها نايم بعده
كالت شصار البارحه
كتلها كلشي مصار نام وعافني
ضلت تحجي ع رواء
كالت ساحرته اكيد
طلع بهاء لازم مبايلي ويعيط
هيي جوري
مبايلج ثبرني مدكولين واحد نايم
شكو مخليته يم راسي
كتله ماادري راح يدك
شمره علي
هاج شوفي امج شكو من صباح الله خير داكه
كمت وجاوبت الو
كريمة.. صباح الخير  ماما جوريه
جوري.. صباح النور  يوم
كريمه.. خوما كعدتج من النوم
جوري.. لا ماما نتريك جاي
كريمه..  ماما جوري اليوم غداكم يمنا انت وبهاء وعمج وعمتج
واي واحد يجي هله بيه
جوري..  اي ان شاءالله 
هسه اكولها لعمتي
كريمه.. زين يله مع السلامه
مع السلامه 
سديته
كلت لعمتي عمه اهلي عازمينه ع الغده
كالت غير دكولين الهم عدنا خطار
كتلها ها والله نسيت
جاوبت هبه يمه قابل احنه خطار
روحوا تغدوا وتعالوا
سكتت
اجه بهاء كعد
عمتي كالت معزوم اليوم ع الغده
كال واصل منريد
عمي جاوبه احترم نفسك واخذ مرتك وروح
كله حاضر بابا
خلصنا ريوك 
خلصت تنضيف
ورحت بدلت وبهاء يبدل من وره خشمه
وخابرت هاي الحقيره
جاوبها يمي
هلو حبي صباح الانوار
واني احتركت حرك
يكلها راح اروح معزوم يم بيت
عمو عدنان
هي مدري شتكله
يكلها ميصير غير هذا الاصول
لا لا معليج
اوكي
يله باي
كتله شنو متستحي هاي لزكه شنو
شكو تخابر من الصبح
كال شكتلج لا تدخلين
كتله شنو ماادخل اني شنو موقعي يمك
كال زوجتي كدام الناس  وبس
زين ليش
شنو ذنبي وتضلمني هيج وياك
كال اهووو راح ادكين اليتيمه يمي
خلي اطلع احسن
خلصي واني منتظرج بالسياره

طلع وسد الباب حيل
واني كعدت ع الجرباي ضليت ابجي
ليش يربي هيج يصير بيه
مااريد شي بس رجال يحبني ويحس بيه
ويحتويني
مطالبة معجزه  شي بسيط ياربي
كمت مسحت وجهي ولبست عباتي وطلعت
سلمت ع البنات
ورحت صعدت بالسياره وياه
حاط السماعات ويسولف اي واي
ويضحك
ولا كأنما اني موجوده
والله متت  قهر  لو كلبي من صخر هم يتفتت من القهر
وصلنا لهلي وهو مو يمي
يعني حاط فاتوره
ميخلص الرصيد والله مااعرف
كال مع سلامه
وخر السماعات
باوعت عليه
كال انزلي
كتله ليش سديته ضل كملة
اكلج انزلي لا ادردمين زايد
نزلت وطبكت باب ةالسياره  حيل صاح وثول
عفته وفتت للبيت
تلكتني امي باوستها وسلمت ع ابوي
كال ليش بس انتو جايين
كتله مو البنات عدنه خطار
ومكدرت عمتي تعوفهن
نزعت عباتي وفتت اساعد امي
وهو كعد يم ابوي
امي نسئلني شلونه وياج
كتلها سوده مصخمه من قسمه
ميخالف يمه تحملي
المره الزينه تتحمل وتكسب زوجها
يمه غير كون يتقبلني هسه وبعدين اتحمل
كالت شلون يعني
كتلها شكلج خليها ع الله ماما
كالت والنعم بالله بنيتي
تهون وتصير سوالف ان شالله 
يحبج وتصيرين الكل بالكل
هسه بس يجيج طفل
هو الي يربطكم
كتلها اي الله كريم
سكتت مااريد احجي لان هو محذرني احجي شي
تغدينا امي مسويه اشكال واللوان
وخلصنا
كعدنا شويه
كال تبقين لو ترحين
ابوي صاح من يمه لا تروح شكو ضاله
احس ابوي ماصدك يزوجني ويخلص
خرب حضي
دخلي ابقى يوم يمكم
كمت لبست عباتي
امي خلتلي علاكة حلويات
ورحت  صعدت بالسياره وياه
ولا حجه كلمه عبالك خرسان
وصلنا لكيت البنات رايحات......
.............
مرت الايام وصار ع زواجنا ستة اشهر
وبهاء ولا يوم تقرب يمي
رغم ابدل وامكيج
بس ابد هو بالكاع
واني ع الجربايه
فديوم طب يسبح واني بالغرفه
دكت رساله ع مبايله
باوعت من رواء
صار عندي فضول اعرف شكاتبه
طبعا اعرف رمزه بله ميعرف
مره مرتين انتبهت شلون يفتح
النمط
فتحت الرسائل
كاتبتله راح اروح للسوك
كتلها بكلبي  وعمه مترحين
ضليت ارجع بالرسائل
اقره واقره انصدمت منها الحقيره
اول شي طلعت هي تمنعه ميوصلني
دكله جوري بنت حرام
وابوي وامي يكولون نغله
خاف توصلها ويصير عندك جهال منها
وجهالك يصرون امهم نغله
اقره وابجي
الحقيره 
واخر شي انصدمت منه يكلها
امي وابوي زوجوها الي ع مود بيت عمي
يضل الي لان محد يورثهم غير جوري
شسوي  هذا عقلهم
وورطوني بيها بنت الحرام
كمت ابجي ع حالي شنو ذنبي اني
حتى لو بنت حرام ليش هيج يسوون بيها
والله عيوني عمت من البجي
لزمت مبايلي ونقلت رقمها عندي
وكلت هالمره مااسكت اله اخابرها
ذبيت مبايله
وكعدت ابجي ع نفسي مو ع غير شي
وين يصفى بيه الدهر راح
وليش ادفع ذنب اني مالي بيه
طلع هو من الحمام
فات يمسح براسه بالخاولي
سمعني اناشق وابجي
رفع راسه
كال شكو شبيج
محجيت نمت ع وجهي وابجي
كال مو احجي وياج شبيج متو وياج
هم محجيت
كال طبج مرض
بدل وخله عطر وطلع
بس طلع اني لزمت المبايل وخابرت
ع رواء
وللحكاية بقية ام مصطفى