مجهولة النسب للكاتبة أم مصطفى

البارت الرابع

#مجهولة_النسب
للكاتبة ام مصطفى
البارت الرابع

من يوم الي امي اعترفتلي وكالت انتي بنت غير ناس واني ليل نهار
افكر باهلي  منو  وامي منو وشلون شكلها
وياترى عندي اخوات اخوان
ابوي وين ليش قبل امي تنطيني
زين امي ليش مارادوتني 
معقوله اني مثل ميكولون بنت حرام

ليل نهار افكر بهذا الموضوع
كطعت الاكل والشرب 
اكلي صار قليل كلش 
كوه اكل واشرب 
والليل كله افكر  واتخيل  اهلي 
والصبح اسئل امي كريمة 
يمة فدوه اهلي ابد ماسئلوا علي  بعد
كريمة.. وج يمه انسي  لا تفكرين بيهم
همه ما رادوج
جوري.. زين ليش يمه
كريمة ..والله مااعرف واحنه ماسئلنه  ابد كيفنا بيج وماصدكنا  جيتينه  هيج بلاش
جنا نريد بس طفل طفله وام رحمن جابتج  ماصدكنه ناخذج 
وهمه مابقوا هواي فتره  وشالوا
وماعرفنا  وين
ناس دكول محافطات  وناس دكول للشمال 
وماعرفنا  وين
واحنه هم بعنا  وشلنا 
جوري.. يمه يعني ابد ماسئلوا علي  عليج الله
كريمة  ... لا والله اصلا حتى ام رحمن  من تشوفني ادير وجها مني
قبل  لا يشيلون  جانت خايفه لا ارجعج  الهم
جوري...  زين  يمه  شلون هيج وليش ذبوني  كمت ابجي
كريمة....يمه ليش تبجين  اني وابوج مقصرين  وياج  بشي
والله نحبج  مثل بتنه  وأكثر
ما فد يوم  فكرنا  انتي مو بتنا 
وسجلناج باسمنا  وربيناج  احسن تربيه  وماقصرنا  وياج بشي
جوري... كمت ابجي ورحت محد يعرف  شنو احساسي وشنو حاسه هسه
اني اموت جاي
احساس يقهر يموت
تحسين انت اهلج ذابيج مايردوج 
وناس ياخذوج  ويربوج
والناس  كلها  تعرف بيج انت مو ينتهم 
وكلها تنظر الج بغير نضره 

كريمة...  شفت جوري تبجي راحت انقهرت كلش عليها ياريت اكدر اسوي شي يخفف  عنها
ماتوقعت هالكد تتأثر بالموضوع
رحت عليها جورية يمه ليش تبجين
اني قصرت وياج بشي
اني امج وابوج واهلج  انت روحي من الدنيا
إذا اطلبين  عيوني انطيهن  الج
كعدت يمها  وخليت  راسها  بحضني  وكمت امسح ع راسها 
وبست راسها  بنيتي انتي
الأم الي ربت  وسهرت  وتعبت 
مو الام الي جابت وذبت  بزرها 
والله ياجورية  احبج اكثر من روحي
مايهون  علي اشوفج  بهالوضع  واسكت 
ماما انسي  كائنما  ماكتلج  شي انت بنيتي والله بنيتي 
حتى لو هسه اهلج يجون مراح انطيج الهم
انت بنتي حگي حگ رباي
انسيهم ماما  انسي كل الكلام الي كلته الج
جوري..  ماما مااگدر  الليل كله افكر منو اهلي
وليش ذبوني مقهوره ماما مقهوره
ليش مارادوني ليش،
اني بنت حرام كوليلي احجيلي الصدك

كريمة.. والله يا يمه ع كلام ام رحمن
لا انت بنت شرعيه
جوري..  لعد ليش، ذبوني ليش
كريمة..  يمه عوفج من هالحجي والتفكير
والله تعبين ع الخالي بلاش
انسيهم يمه وعيشي حياتج
اليوم دكو الباب يسجلون حملة دار لكربله جيرانه بيت ابو رضا
مو ابنهم   وائل  عنده كيه ويقبط بيها زيارات
كلت اخذج ونروح لكربله تغيرين جو
وادخلج عد ابو فاضل
اريده ينسيج ويهدي بالج
باجر الفجر انروح ان شالله 
هسه بس يجي ابوج اكله واخلي يودي
عربول اله مال نفرين
كومي هسه اغسلي وجهج واكليلج لكمه
وذبي حملج ع الله وانسي ماما
اعتبري شي ماصار
هسه يجي ابوج  ومااريده
يشوفج بهاي الحاله
صار كم يوم ملاحض عليج  وضعج مو طبيعي
وكتله ان شاءالله  بمرور الايام تنسى
وتتقبل الوضع
يله كومي بنيتي
جوري...  مرات ننجبر نتعايش، وي الوضع لان ماعدنه حل غيره
ولازم نرضى بالواقع مهما كان مر
بس ياتره اني اذا نسيت
الناس راح تنسى
ومراح يعيروني بالمستقبل؟؟
العصر اجه ابوي
وامي كالتله سجلت وي جيرانه لكربله
اني وجوري
كالها روحي  زين تسوين
بالليل امي لفت كبه النه
ناخذها ويانه وسوت بتيه ولحم جلفراي
وسلطه وصمون
ومكيفه عبالك مسافرين مدري وين
وكل شويه تضحكني وتسولف وياي
يله ويله خلي نحضر
لان الفجر نطلع
خلت لاكل بصفر طاس
وبعلاكة وحضرت جنطتها
كالت شراح تلبسين
كتلها والله ماادري
كريمة..  تعالي اني اختارلج
جوري... امي فتحت الكنتور طلعت ماتو
لونه جوزي وبنطرون كابوي مالتي
وشال جوزي بي حافة مطرزة