مجهولة النسب للكاتبة أم مصطفى

١٦

#مجهولة_النسب
للكاتبة أم مصطفى
البارت السادس عشر

كتله بويه شلون وافقت بله متعرفه
كال لا اعرفه شلون مااعرفه
خوش ولد 
اني هسه انطيتها موافقة مبدئيه
وبعد يجي الولد يشوفج
اجت مرت ابوي
اكلك عدنان كلتلها مو بنتك تعرف
وتعرف راسها بي مي
تحجي وتعوج بحلكها
مو اخاف باجر عگبه يطلگها ويرجعها عليك
گلها اسكتي انتي مالج شغل
همه يعرفون كولش زين
قابل ميعرفون
حاضرين فواتحنا واعراسنا
اكو ناس، ماتهتم لهذا الشي عدهم عادي

كالتله مو خاف ترد عليك
لا ان شاءالله  مترجع سباعيه جوري

صدك بويه يعرفون بوضعي
يابه اي وماعدهم اشكال
اشو متدخل عقلي
بوي انت حلوه
وصغيره عمرج ١٨ سنه وهو جبير عمره
٣٨
فرق عشرين سنه  وهمه كرابتنا المره دكول اريد وحده منا وبينا
وفقيره
وماالگه مثل بنتك
كتله الله كريم بويه
گمت غسلت ملابس ابوي وشريتهن
واني فكري يجيب ويودي
اوافق عليه
ووائل شلون حسيت بغصه من ذكرته
اووف شبيدي عليك
شلون راح افاتحة وشنو اگله
دخلت لغرفتي وسديتها علي
گلت خلي اخابره واگوله
گلبي گام يوجعني عليه
شلون بيه ياربي
عقلي يگلي ازوجي واخلصي
وگلبي يم وائل
رغم اني ميأيسه منه بس وگفاته وياي متنسي
هواي ساعدني اني وامي
وخفف عني عذاب يابو عذاب
دگيت عليه
اول مجاوب
گال ها جوريتي
اووف شلون بيه
شلونك وائل
مدام سمعت صوتج زين
احممم
خير جوري جنج عندج حجي شكو
ها اي
وائل اجوني خطابة
شنووو... منوو وشلون
كتله شنو شلون
اجه واحد تقدملي من اقاربنا
تعصب وضل يصيح ولج 
هم راح تاخذين واحد يذلج
كتله منو يكول
كال يعني دام من اقاربج يعرف وضعج
كتله اي يعرف
بس ابوي يكول خوش ولد متدين
وامه هم انسانه تخاف الله
واني ماعندي خيار ثاني
شسوي اريد استقر بلكت الله سبحانه وتعالى
كاتبلي راحه وياه
كال واني
شسوي وائل احنه مالنه نصيب وي بعض
وانت تعرف ضروفي
كال شكول شحجي 
اذا اني مربط كلشي مااكدر اسويلج
روحي جوري اتمنالج الموفقيه
مااريد اوگف بطريقج واني عاجز
كلشي مااكدر اسوي
الي يحب من صدك يتمنى الساعده لليحبة
حتى لو ع تعاسته
كتله وائل...  والله لوما ضروفي ماازوج
بس انت تعرف بضروفي
اعذرني
كال انت اعذريني مااكدر اسوي شي
سديته منه
بس شبعت قهر علي
وائل رحمه الله دزه الي
جان حنين  كلش علي
ويخاف علي 
بس مشكلته اهله رافضيني..
مرت ابوي تنك براس ابوي لا يزوجني

ابوي يريد يزوجني
بين هذا وذاك  اني باقيه
الى ان اتصلت ام عامر
بابوي كالته راح نجيكم بالليل
كالها هله بيكم

كال حضروا روحكم راح يجون الناس
نضفت البيت ورتبته
اني جنت حزينه ع امي
لا بسه اسود ولا حافة وجهي
ابد مااهتميت شنو البس
لو ارتب نفسي
لبست هالموجود
بالليل اجوي  الولد وامه
دخلوا للاستقبال
ابوي استقبلهم
محضره الهم عصير جنت
صبيته الهم
مرت ابوي كاعده بغرفتها ولا طلعت
مامهتمه
ابوي صاح علي جوية جوري تعاي فوتي
اخذت العصير وطبيت
مدنكة
خليت صينية  العصير بيد ابوي
وباوست ام عامر وكعدت بصفها
ضلت تسلم وتصلي ع محمد