مجهولة النسب للكاتبة أم مصطفى

١١

#مجهولة_النسب
للكاتبة ام مصطفى
البارت الحادي عشر

دكيت ع رواء مره مجاوبت
مره لخ  جاوبت  جنت ابجي ومنهاره 
كتلها  انتي ليش مطلعين  من حياتنه 
كالت منو انتي
كتلها اني جوري 
جاوبت شرايده 
رايده تعوفين زوجي  بحاله 
رواء... واني شكو وي زوجج
جوري ..لا تغشمين روحج تره اعرف كلشي بينكم
كافي تركضين  وراه  عوفينا  بحالنا 
رواء ... ههههه زوجج  حبيبتي هذا حبيبي وانت اخذتيه  مني
وثانيا زوجج بس ع الورق
اصلا مطايقج وميريدج
جوري...  انت مالج شغل بس اطلعي منها
انت كله منج انتي الوسواس الخناس
رواء...  احترمي نفسج تره هواي تماديتي
باعي ماعندي شي وياه شوفي ليش ميريدج لا اذبين بلاوكيكم
علي
جوري...  فقدت ضليت اغلط عليها  سدته بوجهي
شمرت المبايل وضليت ابجي
نص ساعه  وطب بهاء
فتح الباب 
صاح جوري
رفعت راسي كتله هااا
جنت ابجي  واعرف راح تكله ويجيني
عادي متفرق عندي
اريد انهي هاي المهزله ويسويلي حل
لو يطلكني لو يعاملني كزوجه...
صاااح جوري
كتله هااا
كال ووجعااا شمسويه اليوم
شلون تجرأين وتخابرين رواء
كتله وهي فد قندره ومااخابرها
كافي لازكه بيك ومخبلتك علي
تره قريت الرسائل كلها
هي سبب مشاكلنا
لزمني من شعري  وجماله فاتحه مبايلي
يا مامربايه 
فوك مامزوجح لج منو يقبل ياخذ نغله
فوك مالفيتج
كتله اني مو نغله سمعت
ضربني بوكسي ع خشمي ضل يجري دم
ضليت اصرخ
عوفني طلكني مااريدك
كال مايت ع خلقتج ومااطلكج
بقى يضرب كمت اصرخ
طبت عمتي شكو
شبيكم
كالها هاي الحقيره تعلي صوتها علي
فوك ما مبحوشه برسايلي
كتله كول الصدك انت مو رجال
كام ضربني لج رجال ونص عليج
عمتي ضلت تحجي ادبسزز شنو دكولين ع ابني مو رجال هاي فوك مالفيناج
كتلها اريد اروح لهلي ودوني يله
كمت اعيط
كال امشي يله امشي
سحلني بره الغرفه
كتله عوفني البس عباتي
لبست عباتي واخذت مبايلي وطلعت
الطريق كله يغلط
وهي خابرته يكلها طيحت حضها لا يضل بالج
اني متت قهر  لو بس اعرف ليش هيج
اتعاقب ع شنو
المدرسه خسرتها من وره هالموضوع
الشخص الي حبني خسرته هم من وراها
وهسه زوجي هم
يعني ليش محد يرحمني
اني شنو ذنبي
لو حتى اني بنت حرام
ليش ادفع ثمن غيري
كرهت نفسي اتمنى اموت واخلص من هاي العيشه..
وصلت للبيت نزلني بالباب
وكال مااريد اشوف وجهج سمعتي لولا
دكيت الباب 
طلعت امي شافتني مدمايه
كامت تلطم ع وجها  يمه بنيتي شصاير بيج كليلي
شبكتها وكمت ابجي
يمه راح اموت
وج يمه شمسويه اني ليش محد يرحمني
اسم الله  عليج يمه منو ياج
منو جابج
طببي طبي
كتلها جابني بهاء ذبني وراح
ليش شصاير
يمه شصاير ميريدني
ميردني
كالت اسكتي وفهميني شويه شويه
كتلها بس انطيني مي يمه
نفسي مكطوع
يااا سوده علي والله حتى روحي نسيتها
عمت عيني  عليج بنيتي
جابت مي بارد  شربته
عبالي يطفي نار كلبي
بس ماكو روحي محتركه وكلبي
يمه جوريه شصار منو هيج مسوي بيج
كتلها بهاء
يااا الله لا يوفقه ليش
كتلها من وره رويه
عاطه العباس وياها ليش
حجيت لمي كلشي
حتى كتلها لهسه  ماواصلني
وحجيتلها ع الرسايل
كتلها يمه غاصبيه علي طمعانين بالبيت
خلي ياخذوه مااريد شي بس اريد
اعيش حالي حال البنات العاديات
هسه ليش اخذتيني ليش ماعفيني عند اهلي
اهلي وين رجعوني لهلي دلوني ع اهلي تعبت تعبت
حضنتني وضلت تسكت بيه
وج كافي يمه اني اهلج انتي بنتي
كافي يمه ميريدج يطبه مرض
هو الخسران يجي ابوج
واعرف شلون احجي وياه
كومي غسلي  وجهج
كمت غسلت وجهي
كالت نامي يوم ارتاحي
دخلت لغرفتي ياريتني ماطلعت منج
شحصلت من ازوجت بس الكرب والقهر

دخت من البجي والضرب ونمت
مكعدت اله ثاني يوم
يعني نمت من العصر للوجه الصبح
كعدت جوعانه
لكيت امي تصلي
كالت ماما توضي وصلي
كتلها ماما جوعانه
كالت هسه اسويلج
ابوي هم كاعد
رحت سلمت عليه
سلامه ثكيل جان
كلشي محجه
توضيت وصليت
شويه امي سوت ريوك النه
ابوي ميحجي ابد ساكت
اكلت وكمت
وره شويه طلع ابوي للمحل
ردت اساعد امي
مقبلت كالت ارتاحي ماما
كتلها شبي ابوي
كالت ابوج وتعرفيه مايريد تزعلين
كتلها اني اريد اطلك ماارجع
كالت لا تحجين هيج ابوج ميقبل تره
يمه بس افهموني مايريدني
شنو ذابيني عليه
مااعرف بس ابوج ميقبل يكول راح افتهم منهم
شنو ان شاءالله  راح الهم
ماادري يجوز يروح
ويجوز يخابر
بقيت قلقه
شلون يربي شيخلصني
مااريدهم شلون ابتليت بيهم
مااريد اصلا ازوج
مااريد اطلع من البيت
ابقى هنا عايشه يم امي وابوي
لا ازوج ولا احب
ارضى بقدري وقسمتي واكعد
بس منو يفهمني منو يسمعلي كلمه

الضهر امي طبخت باميا وتمن
ع الغده
كالت ابوج يحبها هسه يجي ونتغده سوه
كتلها ان شاءالله 
شويه واجه ابوي بس شايط
صاح كرررريمه
كالتله امي ها الله يساعدك
كلها وين بتج
كالتله جوه
صيحها الي بسرعه
اجت امي
كالت كومي جوري ابوج يريدج
شكو
والله مااعرف
بس عصبي كلش
كتلها الله يستر
رحت يمه
كتله الله يساعدك يابه
كال الله لايساعدج كون
ولج انت شلون دكولين لزوجج مو رجال
اني هيج ربيتج
هااا
يابه مو هيج بس هو جذب
صاااح بسسسس ولا كلمه
دكليله مو رجال وتفتشين بمبايله
ومخابره بت سالم معاركتها
ماتستحين انت هااا
يابه هو ميريدني
مو حجتلك امي
قريت الرسايل
اشششش بله حجي فارغ
رجال هذا يحب يزوج يسب يغلط يضرب
زوجح وابن عمج ترجعين
وتتحملين
ومااشوفج يوم جايتني زعلانه
موتج يصير ع ايدي
يابه گوه خوما گوه ميريدني
الولد شنو الزكله
ولج تراددين انت
يابه مو ارادد بس مااريده
بسسس
ضربني راچدي
الظاهر صدك معرفت اربيج
يله البسي وامشي ارجعج
لبيت عمج
ومااريد اشوفج
راجعتلي لو تموتين
امي حجت شنو كوه ميريدها
متروح
عاط بيها كافي لا انت  اطردج هسه بالشارع
يله كدامي بسرعه البسي
صرت لا حول ولاقوة 
رحت لبست عباتي واني ابجي
اتمنى اموت ولا ارجع الهم
اكرهم واكره بهاء
بس ماباليد حيله
امري مو بيدي
وللحكايه بقيه 
ام مصطفى