مجهولة النسب للكاتبة أم مصطفى

١٢

#مجهولة_النسب
للكاتبة أم مصطفى
البارت الثاني عشر

طلعت من بيت اهلي مكسورة خاطر
اجر تكسي ابوي
وصعدنا
طول الطريق اني ابجي  ومخنوگه  شلون راح ارجع يمهم
مااريدهم ولا اريد اشوفهم
كرهتهم كلهم
وصلنا للبيت
ابوي دك الباب مرت عمي  فتحته
شافتني عوجت حلكها هله
ابوي سلم
شلونج ام مهند
هله خويه او جوري
تفضل تفضل
طب ابوي كال فوتي بوسي عمتج
رحت بستها شلونج عمه
هله بيج
كال ابوي ابو مهند هنا بهاء منو هنا
كالت موجودين
فتنا جوه
كعدت بالاستقبال يم ابوي
طب عمي سلم
شو شايل خشمه علي
انوب طب بهاء شافني عقج وجهه
اووف شلون يربي
كلها متريدني شلون راح اتحملهم مااعرف
ابوي كال گومي جوريى
بوسي رجلج واعتذري منه
بويه بهاء هاي مريتك جبتها
بيدي الك
انت هم ع كيفك وياها تراها جاهل بعدها
دير بالك عليها وليدي
وهي غلطانه واني  ماسكتت الها
بس الي ارده منك
هلله هلله وياها
كال قابل شعندي وياها اني
بس هي تدخل بما لا يعنيها
واني محذرها من هاي السالفه
ويباوعلي باستهزاء
صاح ابوي يله روحي بوسي راسه
رحت يمه كتله اسفه
ردت ابوس راسه وخرني كال واصله
يله بس كون يصيرلج درس
كال ابوي روحي لغرفتج يله

كمت طبيت جوه 
سلمت ع هيام باوستني
نزعت عباتي  ورحت للمطبخ سويت جاي الهم
وديته شربوا وراح ابوي
قبل لايروح صاح علي
انطاني فلوس كتله مااريد
كال اخذي
اخذتهم كال مااوصيج
مااريد مره ثانيه تجين زعلانه ابد ولا اسمع رافعه صوتج ع بهاء
هزيت راسي اله وراح
من يومها عرفت ماعندي سند وضهر
ولازم اتحمل كلشي واسكت

ابوي ماصدك تخلص مني وزوجني
لو شيصير مايقبل ارجع اله
صرت خادمه بله اجر للكل
مرت مهند عازله فوك وجهالها جوه
واني اخدم وانضف وراهم
هيام جابت وصار عدها جهال
وعمتي شوكت متحجي دكول عدها جهال وانت فارغه
وتذب الشغل براسي
عبالك رجل الي اني مااتعب مصنوعه من حديد
ليل نهار يخدمون علي
محد يذكرني بحاجه زينه
لا فلس ولا ملابس ولا اي شي
بالرغم بيت عمي بدت حالتهم تتحسن
كاموا يشتغلون بالمقاولات واعمال حره
وصار عدهم فلوس
هواي
بهاء ولا يوم تقربلي ابد ولا عبالك اني موجوده
بس فالح بالخدمه يذكر اسمي
رواء ليل نهار تخابر
واطورت علاقتهم
طلعات وطبات  وهدايا
وضلت تسحب فلوس منا ليل نهار
وهو متخبل بيها
واني والماكو عنده
عمتي راسا تمرضت ونضربت براسها 
انخبصنا بيها ياخذوها للمستشفى ويرجعوها
كامت متفتح عيونها من الوجع مال راسها 
والتهوا بيها من دكتور لدكتور
تالي عرفوا بيها الخبيث
ضليت اداريها
بس اني
البنات يجون  بس ميبقون
كمت افرش فراش ونام يمها  الليل كله تون خطيه
الى ان اكتشفوا بيها مرض خبيث
كامت تجالع عمتي
وبس اني اوكل واغسل والبس
واداريها 
الى ان فد يوم صبحنا 
كعدت عمتي ردت اشربها العلاج
لكيتها مسلمه روحها
كمت اعيط
كلها اجت تركض
وصار الصريخ والعياط
والتمت الناس علينا
يعني بشهرين عمتي تمرضت وماتت
لا ع البال وع الخاطر موتتها
بسع بسع
نصبوا الجادر
وبناتها تخبلوا عليها
تأثرن كلش
جانت كلش تحبهن ومداريتهن
وهي صغيره مو جبيره  ب ٤٨ عمرها