مجهولة النسب للكاتبة أم مصطفى

الخامس

#مجهولة_النسب
للكاتبة ام مصطفى
البارت الخامس

خابرت ع السايق امي وصفتله وين واكفين
اجه بسرعه ع الوصف
وائل.. زياره مقبولة  خاله
كريمه..  قبل اعمالك وليدي
تعبناك ويانه بس اني ادوخ ومااندل
وائل،،  لا يابه تعبكم راحه اصلا اني جنت هنا زرت وتغديت
وانتظرت تخابروني
ضل يمشي واحنه نمشي وراه
وكل شويه ملتفت يباوع
ويكول بلكت اشوف احد من العبريه

الى ان وصلنا ملكينا احد احنه اول الناس صاعدين
امي خلت الاغراض وصعدنا لمكانة
كالت بس اطيني البطل مال المي خلي اترسه من ذاك الترمز
نزلت امي واني كاعده
صار كبال الجامه وامي بضهره
واني بوجها
كال اليوم انتضرج تخابريني بالليل مراح انام
حتى لو ترمشيلي واني اخابرج
هزيتله راسي ودنكت
لج صدقة لليستحي وين جانو ضاميج اهلج ولا شايفج
اجت امي هو سوه نفسه يمسح الجام
وراها صعد لمكانه
ونفس الشي وجه المرايه علي
واني مااعرف ليش كل شويه اباوعله
وهو مركز بيه
بدوا العبريه يصعدون
حرك السياره ومشه
الى ان وصلنا لكراج اولاد مسلم
كال اهنا حدي
لازم تصعدون هاي السيارات
هي توصلكم
صاح ع امي خاله انتضري
الزوار كلها جانت تندل بسرعه صعدوا
امي كالت الله يطيه  احتار بينه الولد
اجه كال خاله امشو وياي
اخذكم وارجعكم اني هم اريد ازور
صعدنا بسياره
كعد كبالي ولا شال عينه مني حتى استحيت من امي
حسيتها انتبهت عليه
وهو يسولف وي امي ويشاقي
وصلنا نزلنا
زرنا ورجعنا هم رجع ويانه
الى ان وصلنا لسيارته
وهم الطريق كله يباوعليى
الى ان وصلنا الساعه اربعه العصر للبيت
دخلت امي لبيتل واني قبل لا ادخل التفت عليه
اشرلي خابري
رجعت نفسيتي كلها تغيرت من البجي والتفكير
الى الحب والفرحه والامل الي نزرع بداخلي
شي جديد بحياتي صار واخيرا
من التعب ذبيت روحي ونمت
ماكعدت اله صاير الليل
وامي تكعدني
كريمه..  جوريه يمه كومي اكليلج لكمه وارجعي نامي مايصير تنامين ع لحم بطنج
كتلها اي كايمه خطيه امي محضره الصينيه مسويه نواشف عروك وبتيته وطماطه اكلت بسرعه وكمت
كتلها يمه وين مبايلج
كالت شسوين بي
يوم اريد اخابر هبه احجيلها ع الزياره
كالت اخذيه ع الثلاجه خالته
بسرعه رحت اخذته وكلبي يدك
سريع
بالبدايه صدك خابرت هبة بنت عمي
سلمت عليها وحجيتلها ع الزياره
وسديته
ضليت اباوع ع رقم وائل اخابر لولا
اخابر لولا
دك بيدي
يمه هو هذا عزه شكد جريء
وائل. الو
جوري.. الو
وائل...  جنت منتظرج تخابرين
ومن رمشتي مصدكت
جوري اني مرمشه الك
وائل..  اي لعد ابوي
جوري...  كلت بكلبي صخام دكيت وماادري
وائل...  شلونج 
جوري ..  زينه الحمد للة 
وائل.. تدرين من شفتج والهسه بس افكر بيج اخذتي كلبي وعقلي
جوري.. محجيت سكتت
وائل... مااعرف شلون وصلت للبيت سلامات  الطريق كله عيني عليج
ماشاء اللة  شكد حلوه
انت شكد عمرج
جوري...  تقريبا ١٤ بعدني ممكمله ال١٣ كم شهر وادخل بال ١٤
وائل...  معقوله صغيره فدوه العابيتي
احجيلي انت بالمدرسة لولا
جوري...  من هيج سئلني اجيت ابجي
اذكرت مدرستي شكد جنت شاطره وشكد جنت احبها
وكرهتا من وره الكلام الي يكولوه الينات علي
اختنگت بعبرتي
وائل..  وين رحتي اسئلج انت بالمدرسه
جوري... لا تاركه
وائل...  اي احسن شلج بيها اكعدي بالبيت  بياصف وتركتي
جوري..  بالخامس وتركت

وائل..  اي زين يعني تعرفين تكتبين وتقرين
اي كولش شاطره اني جنت
ودرجاتي عاليه بس ضروف  جرتني اترك
جوري...بقه يسئلني واجاوب
هواي كلام دار بينه
الى ان سديته
شي غريب علي احساس حلو حسيته
تجربه جديده بحياتي
لا اضحكون علي اذا اكلكم حسيته مثل ابوي وحبيته مثل مااحب ابوي
بمرور الوقت تعلقت بي
يوميه نتخابر
مرات اكله بابا انته ابوي وهو يضحك
تستمرت علاثتنا اشهر
الى ان اجه عمو يخطبني لبهاء
اكيد ابوي وامي وافقوا بسرعه
امي كيفت رغم ماتريد تفاركني
بس تريد تزوجني وتستر علي
ومراح تلكه احد يتقدملي
بنظر اهلي غير بيت عمي
يعرفون كلشي وقابلين وماعدهم مشكله
بس بهاء عمره ماتقبلني ولا يوم حسسني هو رايدني
مثل ماكلت كلما يشوفني يضوج ويطلع

عرفت مره من هبة يحب بنت عمي سعد  عمي عنده بنات
وهو يحب رواء بنت عمي
بس عمي ومرت عمي مصممين علي اله اني يردوني اله
من اجو حجوا علي
كلت لامي بس بهاء يحب رواء
كالت سوالف زعاطيط يمه معليج
المهم هو خطبج ورادج
كتلها بس اني مااريده ولا اريد ازوج
اهلي جانوا من الناس الي يحبون يزوجون البنيه بسرعه وهي صغيره
يستروها ع كولتهم
كل عمامي هيج طبعهم...
عفت امي وفتت للغرفه
لزمت المبايل وخابرت وائل
كتله وائل..   اجوي علي خطابه بيت عمي
كال اي وشكلتي
كتله رفضت
اي ارفضي اني اليوم افاتح امي بالموضوع اخليها تخطبج تجي
كال جورية لا توافقين ابد
اني بالليل اردلج خبر
كتله ان شالله 
سده
امي صاحت علي جوري ابوج يريدج
رحت اله ها بابا
عدنان...  جورية بويه صدك هذا الحجي الي حاجيته
جوري.. شنو
عدنان.. صدك ماتردين ابن عمج
جوري... بويه مااريد ازوج اريد اضل عدكم  ليش تردون تزوجوني
عدنان.. بويه الزواج ستر للمره
احنه نريد نسترج وانأمن عليج يابويه
احنه مادايميلج اني وامج
نريد نخليج بمكان زين حتى نموت واحنه مرتاحين
جوري.. اسم الله عليك بويه عمرك طويل
بسسسس
عدنان..  لا دكولين بس انه انطيت كلمه لعمج من زمان  وعمج شاريج لبنه بهاء
دكومي بنيتي سويلي جاي اروحلج فدوه
وحجايته مااريده مااريد اسمعها منج لا تزعليني عليج
جوري.. كمت والدمع بعيني
شنو ممكن اسوي اني لا حول ولا قوه
مسلوبة الاراده موزين اخذوني ربوني
اهلي ذبوني
هيج احساس كمت احس
دوم اكول خلف الله عليهم
من ربوني اذا اهلي شمروني 
الكاتبة الله يصير علي
رغم صغر سني بس شلت الحمل والقهر والهم من وكت
لوما وائل احسه رب العالمين دزه الي
ينسيني ويلهيني ع التفكير
جان اني متت قهر 
احساس يوجع كلش
ليش اني من دون البنات هيج  اهلي يذبوني اه اه......

باليل خابر وائل

اول ماخابر كال
جوري صدك هذا الكلام الي سمعته
كتله شنو
كال انت مو بنتهم وذول مو اهلج ومتبنيج
وانت بنت.. استغفر آلَلَهّ 
جوري...  احس اضلمت الدنيا بوجهي
ورحي راحت من سمعت كلامه
كال احجي
كتله ذول مو اهلي اي
بس اني مو بنت حرام
وائل... منو يكول
جوري...  اهلي تبنوني من جيرانه
وائل..  بس الناس غير شي دكول
انت ليش ماكلتيلي من الاوئل الحقيقه
ليش ضميتي علي
جان اتصرفت
امي رافضه ومتقبل ابد دكول لو تنطبك
سمه ع ارض مااخذها الك
جوري.. يعني شنو هسه
وائل... يعني الي بينا انتها 
ازوجي ابن عمج
وللحكاية بقية
ام مصطفى
هذا بارت باجر السبت