مجهولة النسب للكاتبة أم مصطفى

١٥

بارت هديه بمناسبة فوز المنتخب العراقي
#مجهولة_النسب
للكاتبة ام مصطفى
البارت الخامس عشر

بقيت مصتكه شنووو
شنو ماتت لا عفيه دكتور كول غيرها
كال الله يصبركم وعافني وراح
التفت يمنه يسرا وحدي بالمستشفى
كمت اعيط يمه يمه
صدك عفتيني ورحتي يمه
ولج يمه
ركضت ع الغرفه اريد اشوفها
لكيت السستر تدفعها بالسرير تريد تاخذها للثلاجه
كتلها هاي امي
رفعت من عليها الغطه
باوعت ع وجها عبالك نايمه
دنكت عليها وكمت ابوس بيها
يمه ابوس ايدج
ابوس رجلج اكعدي 
يمه لا تعوفيني
مالي غيرج بالدنيا
يمه مااكدر ع فراكج ولج يمه حاجيني انشلع كلبي
وخرتني الممرضه
وخري عيني الله يساعدج حبيبتي 
بس خلي ناخذها للثلاجه
لا عفيه بارده عليها
امي عدله هسه تكعد
يمه كومي يمه
ادري بيج مااهون عليج تعوفيني وحدي بهاي الدنيا
كالت المنرضه لا حول ولاقوة الابالله العلي العظيم
تحاول توخرني واني اصرخ
لحد مااجه وائل
ولا انسه واگفاته وياينه اني وامي الله يرحمها
كال كومي جوري كولي يا الله 
ميصير هيج تعذبيها
وائل ماتت امي ماتت
عافتني بهاي الدنيا وحدي
كال  الله يرحمها كولنه نموت
هذا كاس لكل الناس
ياريت اني ولا هي 
وج يمه صدك رحتي مني
ولا اصدك تعوفيني
كله من وراي اني جلطتها
الممرضه اخذت امي تدفع بيها للثلاجة
واني اركض وراها
عوفيها عوفي امي لااا
اجه ابوي شافني اصرخ واركض
كال هاااا
بويه ماتت امي ماتت راحت وعافتني
كمت اصفك بيدي
ماعندي ام تيمت بويه تيتمت
صرخ ابوي بويه انهجم بيتي
كريمه عمت عيني عليج
كام يلطم ع راسه
وائل تقرب عليه
ع كيفك ابو جوري كول يا الله
لزمه ويهدي بيه
وني الطم واصرخ
ملخت روحي تملخ
واعيط محد يمي ومحد بحالي
خابر ابوي عمامي وخوالي
جانت امي من الناصريه وخوالي كلهم ناصريه
اول شي اجه عمي ابو مهند وولده
عمار ومهند وبهاء
شافني بهاء اصرخ وملخه نفسي
لا علي ربطه ولا عبايه وكاعده اصرخ
اتقرب مني كومي جوري استري روحج
كتله وخرررر مني
كله من وراك انت سساس البله
وخر اكرهك
انت موتتها وموتتني
اجه عمار جوري خويه مو هيج كومي كومي
جر حجابي وخلاه علي
بوكتها فقدت كلش
وائل يركض وي ابوي بصفته جيرانه
وشاف ابوي بالمستشفى
الى ان طلعوها من المستشفى
اخذوها للمغتسل 
ومحد وياي بس اني طبيت وياها.....
اووف ( صراحه مااكدر اكتب اكثر عن الموقف ربي يحفظ كل الامهات ويرحم الاموات  الام هي الحياة ولا حياة بلا ام )
رجعنا من الدفنه وحالي حال
لكيت خالاتي وخوالي جايين
نصهم مااعرفهم
وعمامي ونسوان عمامي وبنات عمي
حته رويه جايه
بكل عين صلفه
تعبت دك ولطم
ورجعت شفت الجادر منصوب
يمه صارت صدك يعني
صدك متي ونصبولج جادى
والله تعبت مابيه
الطم وصوتي راح  واني وحدي متأثره عليها
وكعت  التمن علي النسوان
كوموني وغسلن وجهي
ع كيفج يمعوده راح تموتين
كتلهم خليني اموت المن باقيه