مجهولة النسب للكاتبة أم مصطفى

الاخيييير

#مجهولة_النسب
للكاتبة أم مصطفى

البارت الاخيييير

بقى انور يلح ع موضوع الاطفال 
ودائما اباله
بدت معاملته تتغيير  وياي 
كلما شافني وكال ازوجت ع مود الاطفال
انت اكيد مرضه من الضربة اثرت
عليج وميصير اطفال
انور شنو هالحجي الضربة بالراس شجابها ع الاطفال
مو كدامك الدكتوره كالت مابيج شي
بعد شكوو اني
تره كله بيد رب العالمين

جان ابد ميقتنع 
تحولت حياتنا جحيم حتى ضرب كام يضربني
ومااريدج روحي لهلج 
تعبت نفسيتي كلش منه
عمته ماتقبل عليه
جانت دوم تصف وياي وضل تحجي عليه
الى ان طلعنا بموضوع جديد
وره زواجنا بسنه  تقريبا

بالليل جنت مبدله ومنتضرته يجي
طب  للغرفه
گال جوري اريد اگلج شي
گتله كول
گال انفتح اللجوء لالمانيا 
گتله يعني شنو ماافتهم اني بهاي السوالف  
گال المانيا 🇩🇪
فتحت لجوء يعني اي واحد يريد يهاجر
يعيش هناك تستقبله 
وتنطيه اقامه عدهم
گتله اي واحنه شعلينا
گال اني اريد اطلع
عززه انور وين تطلع 
اطلع من العراق 🇮🇶
مااريده لعبت نفسي من هاي العيشه
كتله انور واني
گال بس استقر ادز عليج تجين وراي
واذا ماتقبلين عادي روحي لهلج
ضربت ع وجهي
ياااا انور صدك تحجي فدوه گول غيرها
والله جوري قررت اطلع ومااتراجع عن قراري
هاي الفكره ابالي من زمان 
وهسه اجتني الفرصه 
ومااريد اعوفها  وتضيع من ايدي
كتله انور فدوه گول غيرها

عفيه لا تعوفني ولا مالي احد غيرك
اني حبيتك وماصدكت  لكيت بيت وعائله تلمني
عفيه انور لخاطري لا تروح
وشيلها من بالك
ابوس ايدك ابوس رجلك لا تعوفني
كال اهووو شبيج
والله بس اروح واستقر ادز عليج
هسه الروحه خطره جان اخذتج
عزززه شنو خطره
كال اي مو نطلع بطريقة غير شرعيه
من تركيا لالمانيا
يعني قجق 
يااا وشنو الوزه بس كلي متوازي
اي متوازي يمعوده هي هاي هم عيشه بالعراق
هناك وين وهنا  وين
من خره بالعراق  وبعيشته
احنه هم حاسبين روحنا عايشين
روحي شوفي الناس شلون عايشه
برفاهيه
واحنه بعدنا طفت الكهرباء  واجت الكهرباء
وشكالت المولد وشحجة المي
خلينه نخلص ونطلع نشوف وجه الله
كتله استغفر الله
انور هاي عود انت حالتك المادية زينه
وهيج تحجي
لعند الناس الفقره شدكول
گال اني معليه بالناس اني قررت وماارجع عن قراري لو اموت...
حاولت اقنعه ماكو
ضليت ابجي
ضل يسكت بيه  ويقنعني  ويبوس بيه
بعدين تقربلي
ونام
الصبح كال لعمتي ع نفس الموضوع
عمتي مقبلت هم نفس الحجي مالتي
گالها يمه اعذريني
اني قررت اطلع وماارجع عن قراري..
اني شحالي  صار  بس ابجي  واتوسل بيه لا يعوفني
اعرف اذا راح راح ينساني
وارجع يم مرت ابوي
واني ماصدكت بهاي السنه ارتاحيت
وحسين نفسي صدك انسانه
تالي ارجع مطلقة مره ثانيه يم مرت ابوي 
وارجع للضيم والضرب والكتل والخدمه
كعدت بس ابجي يربي تعبت ارحم بحالي
يعني ميصير ارتاح
صدك الماله اول ماله تالي
بهاي الفتره انور بده يفيز لتركيا
وقرر يطلع
بعد يومين
واني مفرفحه روحي علي
شكد توسلت بيه لا يروح ماكو
جان مصر يروح ويعوفني
ويكلي الخيار الج بقه
تردين تنتضريني لحد ما اخذ الاقامه
وادز  عليج 
واذا متكدرين روحي لهلج
واطلكي
كتله مااريد اطلك اريد ابقى هنا يم عمتي
وراح انتضرك حتى لو العمر كله
حضني وودعني
واني ابجي  عفيه لا تعوفني
قبل لا يطلع كال بس اوصل
بسلامه اخابركم واتواصل وياكم
بس ادعولي اوصل بسلامه
وما اغرك واموت

وطلع وراحت روحي وياه
طلع وحياتي تحطمت بطلعته
اني وعمتي بس نبجي عليه
وحياتي انكلبت للحزن والدموع
عمتي رمره تصبرني
ومره اصبرها 
الى ان فات ع روحته عشرة ايام
نفسيتي زفت
ضلينا بقلق عليه
من طلع اخر مره خابر بتركيا
وبعد ماخابر ع اساس راح يطلع
بهاي الفتره الشهريه كطعتني
كلت لعمتي
كالت العصر سوي تحليل
العصر رحت اسوي
وانصدمت حاامل
الدنيا ماشالتني من الفرحه
تمنيت انور اهنا وافرحه وياي
رجعت لعمتي كتلها حامل خطيه
كيفت وضلت تبجي ع انور
لو يدري حامل جان مطلع
كابلتها وضليت ابجي وياها

مرت الايام شهر شهرين
و انور لا خابر ولا سنعنا خبر منه
عمتي تون عليه 
اني بقيت يم عمتي ابد مطلعت
وهي خطيه دايره بالها علي
تصرف علي وشريد تجيبلي
واني هم مداريتها
مااريد ارجع يم مرت ابوي
حماي ومرت حماي هم ويانه بالبيت
هم زينين وياي الله شاهد
اني زينه ماادخل باحد وخادمتهم
مامخسرتهم غير اللكمة كلشي مااريد بس اعيش بسلام
شسوي لحضي الماكعد فد يوم 

مرت الاشهر  وانور ماكو
حماي سئل عنه هواي
وانطه اسمه للسفارات
وماكو  كالوا لو غرك وي الناس الي غركت
لو انسجن هناك
بيوم بالليل صار عندي وجع
وجع قووي كلش
رحت لعمتي عمه وجع قوي
بضهري وبطني
كالت حضري روحج بساع نروح للمستشفى
مرت حماي حضرت جنطه
ولبستني عبايه
وهي عمتي اخذوني للمستشفى
واني ميته من الوجع بس ابجي
ماتحملته
اتذكرت امي كون وياي هسه
بس اكول وج يمه الحكيلي
يمه راح اموت
الف ياعلي يله وصلنا للمستشفى
ودخلوني صالة الولادة
وشفت الموت بعيوني يله جبت
جبت بنيه تخبل
شويه وطلعوني للغرفه
اجت عمتي شافتني وتحمدتلي بالسلامه
وشالت الطفله وضلت تبوس بيها
وتبجي
وينك يمه انور تعال افرح
اجتك بنيه
ولك يمه  كتلت روحك ع الطفل
وتالي مشفته
ضليت ابجي وياها
ليش هيج  حضي
لو بس داري بيه حامل جان معافني وسافر
جان بقى يمي
بس ارادة ربي هاي
راح وعافني
عمتي سمت البنيه
مريم  كالت انور  يحب هذا الاسم
وطلعت للبيت
ومريم نورت حياتي
حلفت اداريها اكثر من روحي
وابقى عمري كله يمها مااعوفها
لو مهما يصير
بقيت يم عمتي  كاعده
وعمتي صترت مسؤوله عنه بكلشي
اكل وشرب ولبس ودكتور
اتكفلتنا هي
ابوي ابد ميسئل عني
كل خمس اشهر  لو سته اروح
اشوفه يوم وارجع
ولا كلف نفسه يكلي ابقي يمنا
اني هم كمت مااروح هواي
كاعده يم عمتي
البيت انور اله حصه بيه
وكاعده وياهم
وهاي هسه عمر بنتي مريم ٣سنوات
ولا شافت ابوها ولا عرفته
وانور من يوم الطلع اختفى
الناس دكول غرك وي الناس الغركت
بهاء ازوج وصار عنده اطفال
وائل لحد الان ممزوج  باقي
بس ولا يوم حاجيته بعد 
بس من اروح لهلي اسمع مامزوج لهسه
روية يوم يم زوجها وعشره زعلانة عد اهلها

هاي جانت قصة حياتي  عمري ٢٣ سنه حاليا وگاعده ع بنتي يم عمتي
الي بدت تدهور صحتها اخاف يصير بيها شي
ووين اروح  اني وبنتي......

شكرا لكم وشكرا لتعاطفكم معي
دمتم في رعاية الله
جوري...  انتهى

متابعيني شكرا لكم ولمتابعتكم قصصي
انتضروني في قصة حقيقيه جديده
بعد الامتحانات 
ان شاءالله 
في امان الله 
ام مصطفى