مجهولة النسب للكاتبة أم مصطفى

١٤

#مجهولة_النسب
للكاتبة أم مصطفى
البارت الرابع عشر

صار وائل بوجهي
جوري 
صفنت بوجهه
شلونج هاي شصايره كبرانه ومتغيره
وين اختفيتي
كتله الحمد لله زينه
وائل.. شنو شسوين هنا خير سلامات
جوري...  امي مريضه ونايمه بالمستشفى
وائل...  ليش خيرها
جوري...   انجلطت
وائل . . ياستار يارب
خلي افوت اشوفها 
جوري..  اي تفضل
فات للغرفه امي جانت ثكيل تحجي
سلم عليها خاله شلونج  طيبه ان شاءالله 
اشرتله لان متكدر تحجي
كلها هسه شفت جوري وكالت
اذا تحتاجون اي شي
اني عندي ابن عمي هنا مساعد دكتور
اخلي يدير باله عليكم
كتله اشكرك متقصر
بقه شويه يم امي
كال لامي اترخص اني وعندج العافيه ان شاءالله 
طلع
واني كلت لامي اروح اجيب الاغراض
طلعنا سوه
وائل... شلونج جوري وين صفه بيج الدهر 
سمعت ازوجتي
جوري... وطلكت
وائل...  صدك ليش
جوري...  ضروف ومشاكل
صارت وطلكت
وائل...  جوري يراد كعده ونسولف  عندج مبايل
جوري... اي عندي
وائل.. انطيني رقمج
جوري.. اممممممم
وائل...  اريد اسئل ع الوالده تره
جوري...  اوكي سجل
رديتله الرقم
وائل...  محتاجه شي عندج فلوس 
لا ممحتاجه والحمد الله  عندي فلوس
طلعت لباب المستشفى
شافني اشتري مي
كال اوكفي
اشتره هو المي وحلويات وفواكه
كال هاي اخذيهن لمج
كتله لا عندي فلوس
كال اعرف بس اني طبيت فارغ
وهذا واجب مني الها
اشكرت منه
هو راح واني رجعت للغرفه
واتبسم  
شيصير لو امه موافقه بيه ومزوجته
جان لا شفت بهاء وجهرته
ولا صار بينه هيج
امي تباوع علي متكدر تحجي
كتلها ماما اعرف شتردين دكولين
وين تعرفيه
اعرفه من اخذنه لزياره 
وهسه شافني وعرفني
وكتله امي ةمريضه واجه يشوفج
وهشه اشتره هاي الغراض كلها ع حسابه
صدك يمه هو ازوج لولا
كالت لا كوه حجتها
كتلها هااا
مدري ليش فرحت رغم اعرف ماكو امل ابد
كمت كشرت لامي برتقاله وجبت كرسي
كعدت بصفها
واوكل بيها   واني هم اكل
دخل ابوي
ها شلونكم
كتله احسن اليوم
كال شكالت الدكتوره
والله يابه دكول بعد لازم تبقى تحت المراقبه
افل شي فد اربع ايام 
ضل يحجي وي امي
كريمه شلونج هسه زينه
شتحسين اكو وجع عندج
امي الكلمه الخفيفه دكولها
والمتكدر عليها تأشر
انقهر ع حال امي اندار علي
ساعة السوده عليج وع بهاء
هذا الناقص
دنكت منه
المره مثل الورد جانت من وراكم انجلطت
من لله لا يوففكم
ضل يدردم شويه وراح
كال اي شي يصير، خابريني
كتله ان شاء لله 
لليل عشيت امي اشياء خفايف
ورحت اكلت لفه ورجعت
نامت امي
دك مبايلي  رقم غريب
فتحته كلت الو
الو اني وائل
هلو وائل شلونك
الحمد للة  انت شلونج
جوري...  زينه اني
وائل..  وامج شلونها
جوري احسن شويه  نايمه هسه
وائل..  اي جوري  احجيلي شلونج شصار بيج  تدرين لحد الان افكر بيج وماناسيج
جوري... ليش
وائل...  لج والله والله  مقهور عليج
اني من صدك حبيتج
بس شسوي لامي وللناس والمجتمع
جوري.. ..  اي اعرف محد رحمني واني مالي ذنب  المهم عادي  الحمد للة  ع كلشي
وائل... والله جوري لهسه معاند امي وماازوج
كلما تشوفلي وحده اكلها مااريدها
كلبي مانفتح بعد لغيرج.....

ضل يحجي هواي  ويسولف
واني استعمله 
الى ان سديته منه
جانت سوالف عاديه  واني حبيتج بس امي وهاي.. 
كتله بكلبي هو حضي كعد ويامن حتى يكعد وياك
بقيت يم امي  لحد ما طلعت  كوه طلعنا
وكالوا لازم علاج طبيعي تسوي
بالاسبوع مرتين
كتلهم ان شاءالله 
اجه ابوي  مأجر سياره
اني جبت عربانه خليت امي بيها
ودفعتها لحد موصلتها للسياره

صعدناها رجعت وديت العربانه

شفت وائل كال ها طلعتوا
كتله اي والله 
يله مع السلامه 
صعدت ورحت للبيت
دزلي رساله 
احبج
اووف روحي احسها راحت من قريتها
اوف وائل لا نشلع كلبي اكثر من ماهو مشلوع
اعرف اهله مامزوجه ومقبلوا بيه
مو مطلقه وياخذوني
الله لايوفقك بهاء  انحسبت علي رجال وزواج
واني كلشي مشفت منك..
ما جاوبته
بس كلبي ضل يدك احس
كلمه وحده هزتني
يمكن لان ماسامعتها من احد
رجعت للبيت
بسرعه فرشت لامي  ونومتها ع جربايتها
لكيت البيت شحاله صاير
لزمته تنضيف وغسل
وسويت غده
ركبت دجاج وطلعت السوب لامي
والدجاج گليته النه
وركبت تمن وياه
غديتهم  وشربت امي علاجها
ونومتها
سويت جاي لابوي
ورحت سبحت وطلعت
وراها
كلت لابوي راح انام راسي يوجعني
كال روحي
صدك راسي موتني وجع
طبيت لغرفتي  
اتمددت ع جربايتي وخليت راسي ع المخده
دك وائل
عبالك جان منتضرني
جاوبت الو
وائل .. مساء الخير
جوري مساء النور
وائل.. شلونج  مرتاحه ان شاءالله 
جوري...  اي الحمد  لله
وائل ... الوالدة شلون صارت
جوري احسن...
سكتنا شويه بعدين كال
وائل... جوري اني كلش فرحان بيج من شفتج لهسه
مااعرف ليش احس نفسي مرتاح 
جوري..  يعني شنو
وائل..  يعني اني ارتاحيت بقربج
ومااريد نبتعد
اعتبريني صديق الج
تحجيلي واحجيلج الي بگلبي
كتله وتالي
كال انت محتاجتني واني محتاجلج
خلينا نبقى مع بعض والكاتبه الله يصير
بقى يسئلني صار شكد من اطلكتي
كتله تقريبا عشرة ايام 
كال هسه يعني بعدج بالعده
كتله لا ماعلي عدة
كال شلون يعني ماعليج
كتله ماعلي وهاي هيه
كال اني سامع بس الي ماوصلها زوجها ماعليها عدت طلاك
كتله هو هيج
معقوله صار هواي سمعت بيج مزوجه
كتله اي صح
لعد ليش
كتله شغله خاصه مااكدر احجيها
بقه يسئلني واجوابه
حجيتله هواي
احس ارتاحيت من حجيتله
وهو كلش انقهر واتأثر علي
كال تدرين حسستيني بالذنب
لو امي موافقه
جان مصار هيج وياج
كتله قسمه بعد ماكو بينا
بقه هو يحجيلي ع وضعه
وباع السياره واشتره محل
يبيع بيه مواد غذائية  بالجمله
وكال الحمد الله  خير من الله
وهواي سولفنا
احس نفسيتي تغيرت شويه
...
بقينا  كل يوم نتخابر 
ونسولف
كلش حبيت علاقتنا ارتاحيت الها
ولا فكرت راح يزوجني اولا
المهم لكيت احد يفهمني ويسمعني

امي اشو رجعت وكعت
ركضنا بيها للمستشفى
كالوا انضربت جلطه  ثانيه
ولازم تبقى بالمستشفى
وهالمره الجلطه كلش قويه
لا تحرك ايد ولا رجل
طبعا بقت بالمستشفى
وائل ابد ماعافني
يوميه من يروح ابوي يجي للمسشفى
ويضل وياي
يركض لامي خطيه
وساعدني هواي
حتى امي عرفت بعلاقتي وياه 
امي وضعها مامستقر
يوم زينه ويوم لا
واني شابعه قهر عليها
نفسيتي تعبت
والله مخلصتها بجي عليها
لوما وائل واكف وياي
ويواسيني ويقويني
جان وگعت وياها
بيوم امي تازمت حالتها كولش
خابرت بهاء  وخابرت ابوي
خابر بهاء ع معارفه الي بالمستشفى
بسرعه دخلوها غرفة العنايه المركزه
وحاولوا وياها
بس ماكو فايده
طلع الدكتور كال
ماتت البقاء للله
وللحكايه بقيه 
ام مصطفى 
اذا فاز المنتخب الكم بارت هديه  مني