حدودك وطني

١٨

كان ساكت مسافه ومتوتر استغربت همام ده مالو اليله قال لي امي عرفت قلت ليهو عرفت بشنو قال لي بينا نحنا قلت ليهو اهاا وسكتا طوالي لاني عارفه و متاكده من ردت فعلها قال لي ما عايزة تساليني قالت لي شنو ؟ قلت ليهو بضحكه و دي دايره سؤال ؟ قال لي سندس ما تستهتري بالموضوع قلت ليهو انا ما مستهتره لكن عارفه من البدايه راي امك و اختك ح يكون كيف بعدين البهمني رايك انت و قرارك لا امك ولا اختك ولا اهلك بهموني قال لي باستغراب سندس ؟ قلت ليهو انت بتتكلم مع وحده ماعندها اهل وماجربت احساس الاهل فكيف عايز يكون ردي انا ماعندي زول كبير عشان اسالوا اذا انت مناسب لي ولا لا ولا عندي زول ممكن اقتنع بي رايو و لاعندي زول بمنعني من حاجه ولا يقول لي لي حاجه لا انا ما زيك يا همام و من البدايه انا كنت عارفه اني مابشبهك و قلت ليك مية مره امجتمع الانت فيهو ده ما ح يتقبلني لاني خليت السودان و المفروض يكون بلدي و بيحتويني عشان انو السودان كلو بقول علي بت حرام وماعندي مكانه ولا احترام بالنسبه للعالم البره حاولتا اعيش فيهو وما قدرت و حاولتا اعمل لي نفسي احترام و عملت حدود مع كل الناس بس الحاجه دي صعب تتنسي و ما حتتنسي انا ما بلوم امك ولا اهلك لانو انتو قمتو كده اسره فيها ام و ابو واخوان و امك نفسها تشوف اولادك و مرتك و تعيش معاك العمر الجاي و مع مرتك بطريقه حلوه ما لما تجيب ليها بت زيي و تصدمها , الجمال ما كل شي و ححتى الجمال ما بغير حقيقتي ولا بخليني بت ناس ولا ح يصلح العملوا اهلي . انا حقيقتي ثابته و ما ح تتغير وماعندي ذنب اذا انا كده بس غلطي اني حبيتك ونسيت روحي قال لي غلطك ؟ قلت ليهو انت راجل و انا عارفه انك قدر كلمتك وعارفه انك ما ح تخليني و تسيبني بس عارفه كمان اني ما برضى افرقك من امك واكون السبب خليها مشاعر الامومه الانا ما بعرفها انت حاجه حقتها وبنخصها ولما تجي وحده هي اساسا بتكرهها و تشيل منها حاجتها و تتسبب في عداوة بينهم امك ح تكرهني كره ماطبيعي وانا لو اعيش بعيده منك و اكتفي بيك مبسوط بس ما افرققك من اهلك , قال لي واذا انت اهل قلبي؟ الجمله دي كسرت كل القوة الظهرتها ليهو ياخ اول مره زول يحسسني اني من اهلوا وكمان اهل قلبو يعني جوووه قلبو , رغم الحنيه الجات عابره رجعتا اتماسكتا تاني وقلت ليهو واذا كنت جوه قلبك في الاخر انا زوله دخلت حياتك بالصدفه و فرضت نفسها عليك و شوف دخلتك في مشاكل ما يعلمها الا الله , قال لي سندس ليه بتتكلمي و كانك بتودعي فيني قلت ليهو اصلا المفروض يحصل انو تاني ما نشوف بعض والعلاقه دي تنتهي قال لي و هي سااهله عندك للدرجه دي ؟ تنهيها من غير اي تفكير ولا ترجعي لي قراري ولا حتى عايزة نفتش و نلقى حل قلت ليهو همام حل شنو ؟ نحنا امورنا وااضحه وضوح الشمس قال لي سندس انت حبيتيني بالجد ؟ سؤالو لي كانت تشكيك لاني بالساهل قلت ليهو ننفصل بس دي حاجه ماكانت هينه بالنسبه لي مرات بنختار البعد عشان نحنا عارفين انو مصلحه الطرف التاني مامعانا وما كل مره الحب بقدم لينا كل حاجه مرات بحتاج مننا نتنازل عشانو والبحب زول فعلا ما بكون اناني فيهو ولا بتمسك بيهو اذا عارف انو التمسك ده اذى ليهو رغم انو همام الاب والام والاخ والاخت والصاحب والحبيب و اي حاجه حلوه في الدنيا بالنسبه لي بس لما حسيت اني ح اكون سبب في خلاقفات و مشاكل كتيره و قضيه نزاع م حتخلص ابدا قررت اتنازل عنو . هو كان شايف قراري اناني و انا كنت شايفه نفسي صاح و شايفاهو ماخد الموضوع بتحدي و اندفاع , لما سألني انتي بتحبيني ؟ شفت الشك جوه عيونو و قررتا ازيدو قلت ليهو لا انا يمكن انجذبتا ليك زي و زي اي بت بتشوفك لانك وجيه و ود ناس و وضعكم رهيييب و غير كده كنت بتساعدني و بتقيف معاي يمكن يا همام عشان انت صفاتك سمحه كده انا حسيت بيك مثالي , بس مشاعر الحب القوية البتجي للناس دي انا ما حسيتها اتجاهك و هسي اقول ليك اني بقدر اعيش عادي و استمر بدونك ,انا ما عندي زول غالي علي ولا ح يكون من يوم عرفتني وريتك انو قلبي قاااسي زي الحجر و بالمناسبه الزول الهربني من السودان برضو كنت ح احبو لو اتواصلنا انا زوله بتحب الناس يساعدوها و يخدموها و الما بقدم لي حاجه ما بحبو , عاين لي بخلعه سندس ؟ الحب والعلاقات مفهوما عندك كده ؟ قلت ليهو ايوا يعني زول ما قدم لي حاجه ح احبو ليه ؟ قال لي ايوا تمام ودورنا وصلني البيت , من يومها اتقطعنا انا و همام من بعض ما ندمتا على الحاجه العملتها لانو كانت لمصلحتو , الحب العلمني ليهو همام اني اقدم بدون ما استنى مقابل و اني اتعب عشان الزول البحبو و اتنازل عشان سعادتو و ده العملتو مع همام ,, مرت خمسه سنين زياده من عمري و بقى عندي سته و عشرين سنه سندس الجات هاربه من السودان حاليا ام لي ولدين تؤام فادي و فؤاد و بنت ياسمين موظفه في البنك و رئيسه لقسم مركز تجميل كااامل ومركز عنايه بالشعر  و مجهز باكمله وعندها عربيه بي اسمها و انسانه ناجحه برغم كل شيء