حدودك وطني

٢٣

قلتا ليهو همام انت عارف امك من زماااان ما دايراني و هسي مافي شي اتغير قال لي امي ! انتي كان سببك امي ؟ قلتا ليهو يعني انت قايل اني ما دايره اعيش معاك في بيت واحد ؟ في وحده بترفض تعيش مع حبيبها همام انا بحبك و دايراك وما حبيت غيرك حتى ياسر الله يرحمو ما قدروا اديهو الحب البستحقوا لأنك كنت اول حبيب و اخر حبيب .. همام مصدق اني بكرهك! اني لعبتا بيك همام انت ساكن جواي من يوم شفتك مافارقتني .. كان بعاين لي وبسمع فيني كان مصدق فعلا اني لعبتا بيهو زمان .. قال لي الراح راح من عمرنا و كلوو لخير ما معروفه حكمه الله شنو في الحصل المهم انو هسي عندنا فرصه نعيش في البيت ده انا وانتي و اولادنا .. قلت ليهو اولادنا ! قال لي يعني قايلاهم تبعك براااك ضحكتا ليهو و قلتا ليهو همام اسمعني قربتا منو و شلتا اصبعو الصغير بي اصبعي الصغير و مسكتهم في بعض قلتا ليهو انا ما مستحمله اي زله ولا اهانه ولا ماعندي قدره تاني للزعل انت براك ما شايف انو استحملتا كفايه شدييد لحدي الان ! قال لي انتي عارفه لما اتلاقينا وكلمتك انو امي رافضه كنت عايز اعمل شنو قلت ليهو شنو؟ قال لي كنت الوقت داك عايز اسوقك ليها وتقعدي معاها في البيت عشان تتعرف عليك من قريب ولحدي ما تحبك و تتفقوا حتى نحنا تتزوج .. ضحكتا و قلتا ليهو والله انت مااخد الدنيا دي ببساطه شديييد اذا ام ياسر العشتا معاهم  ما اتقبلتني امك ح توافق بي ! همام انت مصر تدخل نفسك في دوامه صعبه انا مجرباها وما عايزاك تتأذي لو كنت انا ما عاجبه امك عشان انا ما بت زول عندو وضع ولا مثلا لانها بتغير عليك مني كنتا ح اتفهمها و ح اقيف معاك لكن امك رافضاني عشان انا كده و انا ما ح اتغير ابدا و لا اصلي ح يتغير قال لي امي دي كدي خليها انا ال ح اتكلم معاها .. ضحكتا و نزلت من المطبخ قلتا ليهو امك ما قبلت بي بنت ح تقبل بي مره ! قال لي سندس قلتا ليهو كلامي صح مش! قال لي انتي شكلك بتفكري في اعذار لي بس .. شال تلفونو من التربيزة و طالع على الباب جريت وقفتو قلتا ليهو انا اسفه ماقصدي قال لي ما ممكن كل مره تسمعيني كلام حار يا سندس قلت ليهو اسفه .. انا بحبك بحبك شديد والله ابتسم بعد ماكان زعلان و قال لي يعني عادي ممكن احضنك ! قلتا ليهو اي عادي ضحك تاني و قال لي انتي بس اصبري لي اسبوع و نعقد والتلفون ضرب كانت رجاء ورتني انها وصلت و معاها الاولاد قلتا لي همام انت طالع ! قال لي ايوه قلتا ليهو خلاص اغشاها و سلم على الاولاد انا الا الصباح قال لي و حتبيتي براك في البيت قلتا ليهو متعوده ياخ ده كلامك كمان ما كنتا عايشه برااي في الشقه مع الاولاد قال لي بس البيت هنا مكانو مهجور و بعيد من الناس عشان كده خايف عليك قلتا ليهو ما مشكله ما بخاف اتطمن قال لي طيب تمام عموما تلفوني فاتح و جنبي اذا في اي شي اتصلي علي انا ح اشوف رجاء و ارجع البيت قلتا ليهو مع السلامه طيب قال لي خلي بالك من نفسك حبيبتي ابتسم كده ابتسامتو ياااخ البتخلي الوجنات تتحفر لي جوووه و طلع لي رجاء ..
الليل جا و انا الخوف قتلني ما جاني نوم فعلا البيت بعيييد من الناس امشي المطبخ اشرب مويه و اجي داخله الغرفه و تاني اطلع و ادخل واعاين لي اولادي و حاسه بالخوووف و الزادها علي الكهرباء فصلت يادوب ما اترعبتا جرييت الغرفه قعدتاا جنب الاولاد و ضربتا لي همام ردا علي وكان نايم قلتا ليهو همام اجري الحقني قال لي مالك في شنو ! قلتا ليهو الضلام قال لي مالك ؟ الكهرباء فصلت .. قال لي طيب طيب انتظري لحدي ما اصلك قلتا ليهو عايز كم كده؟ قال لي زي أربعين دقيقه بالكتير قلتا ليهو همام ! قال لي اها اتصرف كيف اصبري كلها دقائق يلا عشان اصلك .. بقيت مضويه التلفون و قاعده جنب اولادي بعد شويه صحوا لي فؤاد وفادي بسكت في دا و دا يبكي و زادتها علي ياسمين قررربتا اجن اللحظه ديك و البرد كان قاااسي كمان ما عارفه اعمل شنو لما بكوا لي التلاته قعدتاا في الكرسي جنبهم و بكيت انا زاتي ما قاادره خلاص التربيه حاااره ولي زول براهو  بعد الدقائق مرت جاني همام و عندو نسخه من المفتاح فتح طوالي و بنادي فيني سندس سندس!  سمع أصواتنا بتعزي😂😂 جاني جاري مخلووع في شنو ! قلتا ليهو ما شايف .. قال لي شكلوا التامين فصل الكهرباء قاعدة دقيقه اتأكد بس قلتا ليهو ماتتاخر مشى وفعلا المشكله كانت بسيطه شدييد رفعو و النور جا طوالي .. جا داخل ويادوب شافنا في النور لقا الشعر منكوش و الكحل سااايل و الدموع عشره عشره و الاولاد بعزوا معاي 😂😂😂 ما قادر يشوف منظري ده ومايضحك قعد يضحك فيني لما دموعو جرت قلتا ليهو يا ثقيل يابايخ اطلع بره من وشي سرريع ..  مدا لي يدو وقال لي يلا قومي ياماما 😂😂😂 قمتا و انا بحمر لييهو اتنفضتا و قشقشتا عيوني وهو واقف متنح بضحك فيني قلتا ليهو بدل تشمت كده امشي شوف الاولاد ديل و طلعت قفلتا الغرفه و مأنوا هم عيالو .. لانو همام كان حنييين شديييد وبالوا طويل بعرف يتعامل مع الاطفال بطريقه رهيييبه كده ياخ نص ساعه مسافه غسلتا وشي لقيتو سكت التيمان و نومهم و ياسمين لسه بتبكي جيت داخله عامله كعكتين و لابسه بجامه طويله و خاته طرحه في كتفي كبيره متغتيه بيها .. قلتا ليهو سكتوا ؟ قال لي اي الا بتك قربتا شلتها منو و انا بشيل في ياسمين قربنا شديد لي بعض لما تحرجتا طلعتا قدامو بره الصاله و قعدتاا بديها في حليبها بالبزة .. جا هو طالع قعد جنبي بعاين لي بسكت فيها و بقول ليها خلاص ياماما خلاص كان بعاين لي و هو مبسوط قلتا ليهو همام مفروض تمشي عشان الزمن اتاخر شديييد قال لي انتي حلوة كده ليه! من غير اي مكياج انتي جميييله شديييد ياخ .. انا محظوظ بيم قلتا ليهو خلاص ما تخجلني و قوم اتحرك قال لي و لو اتصلتي وتاني حصلت حاجه ؟ قلتا ليهو ما تقلق مابحصل شي .. قال لي ما ح اسيبك براك قلتا ليهو و ح تقعد وين ؟ قال لي ح انوم هنا قلتا ليهو همااام قال لي هنا في الصاله .. قلتا ليهو همام الكلام ده ماصاح و حيجيب لينا المشاكل قال لي زي ما انا عارفك شنو و انتي عارفاني شنو ما لينا دخل بالبقولو الناس ويلا قومي ادخلي غرفتك .. لاني كنتا مرعوبه بالجد و خايفه قلتا ليهو خلاص نوم في الغرفه مع التيمان وانا بنوم مع بتي قال لي تمام .. مشينا دخلنا وقلتا ليهو تصبح على خير و قفلت الباب علي انا و بتي وهو كان مبسوط شديييد نمنا و ماصحينا الا زي الساعه عشره صباحا .. صحيت اول انا ومشيت اشوف الاولاد لقيتهم لسه نايمين بقيت همام ناااايم نومه عمييقه ياخ عاينت ليهو بي فرحه و بسطه و راحه .. احساس حلو ياخ ياريتني لو مرتو اتمنيت انو نكون اسره كده و بدون عذاب .. تلفوني دقا و رديت على رجاء سالتني جايه بتين ؟ قلتا ليها جايه بس خلي همام يصحى قالت لي همام شنو كمان اجي يا بت! قلتا ليها مخك الكعب ده عارفاهو همام نايم جنب الاولاد قالت لي بخلعه نااايم ؟ معاكم قلتا ليها اي نايم قالت لي سندس عملتوا شنو انتو ؟ ضحكتا ضحكه خجل قالت لي سندس بخلعه قلتا ليها براحه ياخ ما تكوني من الخلعه وضحكتا قلتا ليها يابت جا حرس الاولاد وانا نمتا مع بتي بي اطمئنان .. قالت لي الموضوع ده لما نتلاقى اطمئنان شنو كمان يامره و قفلت مني تلفون همام ضرب سمعتو بتكلم كانت امو قالت ليهو انت نمتا وين ؟ قال ليها مع صاحبي .. ما عارفه الضايقني شنو انو كذب عليها لكن معاهو حق كانت ح تجن لو عرفت جا طالع وهو بتمغى صباح الخير يا سكره! قلتا ليهو صباح النور قال لي الشاي جاهز قلتا ليهو ايوه قال لي طيب اصلي واجي .. دخل الحمام وانا جهزتا حاجات الشاي والبخور والبسكويت شربنا الشاي سوا .. كان صباح مختلف لينا كلنا لي انا مع همام و لي رجاء مع اولادها و لي سلمى القربت تولد ولي ام همام الراجيها خبر جديد .. بعد شرب الشاي معاي جهزتا انا و والاولاد وطلعنا كلنا وصلني لي رجاء واولادها و هو مشى لي امو يكلمها بي موضوعنا ..
و بجد كان صباح غير للجمييع