حدودك وطني

٢٢

قبل ما اعرف المات منو قلبي وقف شلتا نفسي بصعوبه و سالتوا منو المات ؟ قال لي اتصلت عليك امبارح انا كنت واقف مكان الحادث و شلت تلفون الميت اخر مكالمه كانت انتي .. الاستاذ ياسر بكون زوجك ؟ لقيت رقمك في التلفون اخر مكالمه حبيبتي اتصلت ما كان في رصيد ف اتصلت عليك من رقمي قلتا ليهو ياسر ماات؟ قال لي اعاطاك عمرو اهلوا استلموا الجثمان امبارح بس ما اظن في زول قادر كان يكلمك حاولتا اصل ليك بس ما كنتي تجاوبي .. هو بتكلم معاي انا دختا رجاء بقت بتكورك وتصرخ لانو خلاص فهمنا ياسر عمل حادث و هو راجع من الحفله و مات بقت بتكورك و تقول انا لله وانا اليه راجعون و جرت جابت الموية الباردة و بقت بتفوق فيني بالعافيه لحدي ما صحيت وبقيت ببكي ومنهاره .. بقت بتصبر فيني و بتقول لي انا لله وانا اليه راجعون ما كنت واعيه لي اي حاجه جريت لبست عبايه سرييع و طلعت للظلط .. قدر ما ناداني ما وقفنا كنت متاكد انو اهلوا ما حينتظروني ولا يكلموني بالدفن رجاء قالت تلفونها و ضربت لي همام ردا عليها و هو قايم من النوم قالت ليهو همام الحقنا سريييع ياهمام قال ليها بسم الله مالك وقام منفوض من سريرو و هي بتبكي كلمتو انو ياسر عمل حادث و اتوفى و انو انا جريت لبيتهم .. و صلت البيت وانا منهاره و ببكي لقيت الجثمان شالوا وقعت جنب باب الشارع و بقيت بكورك باعلى حس .. وجعني من جووه قلبي وفاتو و هو صغير كان طيب وماغلط معاي و لايوم احتواني و احترمني و لما الدنيا وقفت في وشي وقف معاي و هو ابو اولادي .. بكيييت بحرررقه شديييييييييد طالعه من جووه قلبي و انا منهاره كده ناس رجاء حصلوني و صلوا الاولاد كانوا مع همام ماسك ياسمين و التيمان جوني جاريين ماما مستغربين انا ببكي مالي قعدت رجاء معاي في الارض و بقت بتعزي فيني .. همام كان واقف بعيد وهو شايل ياسمين و في عز حرقتي جات ام ياسر طالعه بره حالتي ما دخلت جوه و بقت بتكورك فيني انتي يا السودانيه ! ولدي مات بسببك انتي السبب و جات قربت لي ضربتني في راسي و كف حار و هي بتبكي وبتكورك قوومي من هنا الله يلعنك و سوقي اولادكديييل من هنا الناس استلموا و بقوا يمسكوا فيها مني .. ابو ياسر سمع الفضائح و الكواريك وجا جاري لينا بره بقى بمسك فيها و بقول ليها الله يهديك و هي باعلى صوت نواح اخدت ولدي مني والله ياخد روحها .. رجاء كوركت فيها الله ياخد روحك انتي عملت ليك شنو كيف تقولي قتلت ولدك .. همام مارضى الحصل لي بس ماقدر يدخل و ام ياسر مصره تكورك وتطردني انتي قلتي القتيل وجايه تمشي في جنازتو .. الله ياخد روحك انتي وعيالك تطلعي يا بت الحرام من هنا .. قدر ما ابو ياسر حاول يمنعها ما قدر رجاء قالت لي ما بتقعدي هنا ولاا دقيقه جرتني و ساقتني ركبنا العربيه وانا منهاره و ببكي و همام ساقنا وصلنا البيت ما كنت فاهمه اي شي من البحصل لي الفتره ديك .. الدنيا كلها اسودت في وشي و ضلكت و الناس كلللهم وقفوا في طريقي الله ياخد روحي زي ما قالت ام ياسر دي الدعوه البقيت بكرر فيها  موت ياسر ما كانت حاجه هينه علي .. عدوا شهرين وتلاه على وفاة ياسر و الفتره ديك انا قضيتها مع رجاء لا شغل ولا مركز ولا بنك ولا كنت بتطلع الشارع و اشوف الدنيا اي شي نسخ علي و حسيت بي انو الدنيا دي حاجه فااارغه و كلنا بنتشاكل و نتخاصم في ايام و بتحاسب بعدين على البنعمل فيهو .. وفاة ياسر غيرت فيني حاجات كتييييره و خلتني افكر في الاخره كل يوم اكتر بعد سته شهور من وفاتو و الوجع بدا يخف و انا لسه جوه البيت ما طلعت للدنيا .. جانا زياره ابو ياسر سلم علي و على رجاء وكلمني انو ح يسوق مرتو ويسافرو لي المانيا جا عشان يودع اولاد ياسر و يقول لي اعفي لينا حقك كان راجل طيب زي ياسر عشان كده كنت بحترموا قلت ليهو ديل في الاخر احفادتكم و لو اي يوم عايزين تشوفوهم مرحب بيكم .. قال لي انتي عارفه ام ياسر من يومها ما متقبلاك لا انتي ولا الاطفال هلي بالك منهم وابقي عليهم عشره و بالنسبه المصاريف انا ح اتكفل ..وقبل مايتم ملامو قاطعتوا قلت ليهو انا ح اربي اولادي بي يدي براي وما ح اقصر منهم و ما ح اخلي اي شي يأذيهم .. ودعني و مشى طلع و رغم انهم كبار في السن و ياسر ولدهم الوحيد بس ام ياسر ما حاولت تتقبل اولاد ياسر لانهم مني ولانو امهم بت حرام ! و لسه انا بعاني من ذنب انا ما عندي يد فيهو .. همام بعد مني الفتره ديك بس كان بطل على رجاء و يتطمن على الاولاد ، ما عارفه اذا هو فاهم انو حزني ده حب لي ياسر ولا لانو هو ابو اولادي وعشنا مع بعض والعشره ما بتهون الا على ابن الحرام .. بس انا ما هانت علي ... بديت اطلع و اشتغل و قمتا اتنفضتا و غيرها نفسيتي و طلعت للعالم البره عشان اولادي مركز التجميل الكان فاتحو ياسر امو قفلتو لي قبل ما تسافر و لما مشيت البنك لقيت وظيفتي اتملت بي غيري .. رجعت البيت وانا حاسه بالضياع ابدا من وين؟ احساس الوحده ده كعب شديييد .. رجاء كانت بتجهز لي اولادهاا ح يجوا خلاص بعد كده و همام جهز ليهم وحجز ليهم .. زيادة على انو مافي شغل البيت ما ح يكفينا كلنا .. امشي وين ! الدنيا كلها اتقفلت في وشي و بقولوا لما تضيق شديييييد كده ح تفرج بإذن الله .. مصاريف الاولاد و السكن حسيت انو انا ح اجن بالطريقه دي من كترت التفكير احل اموري كيف .. خليت الاولاد مع رجاء و طلعت اتمشى لحدي ما وصلت الكورنيش الكنا بنقعد فيهو زمان انا و همام قعدت في الارض و اتربعتا جنب البحر بعاين فيهو سرحاانه و فارده شعري الرجع لي طولوا الزمان و اكتر من كده .. سمعت صوت همام بقول لي الهم بكبر الزول كده ! قلت ليهو ايوه جا قعد و قال لي الدنيا دي غريبه صح ! قلتا ليهو شوف كنا وين وبقينا وين ! قال لي شيرين! ابتسمت و كنت قايله نفسي نسيت طعم الفرح ذكرني بيهو همام و خلاني ابتسم قلت ليهو مهر ابتسم برضو و سكتنا .. قال لي انتي كويسه ؟ قلتا ليهو ايوه الحمد الله صابره و متصبره قال لي ونعم بالله .. قلت ليهو اولاد رجاء ح يصلوا بتين؟ قال لي بعد يومين قلت ليهو تمام الحمد لله قال لي بتسالي عشان منتظراهم ولا عشان شايله هم نفسك .. قلتا ليهو بضحك نفسي! انا نسيت نفسي زماااان لما بقيت ام يا همام .. بنوم و بصحى وانا بفكر بس في اولادي وفي مصيرهم ح يكون كيف ! قال لي ما عارف زاتي اقول ليك شنو .. سكتنا وبقينا بتعاين في البحر من بعيد و فجأة من دون مقدمات همام ختا راسو في كتفي و قال لي .. بغض النظر عن الحاصل فينا و الحصل لينا و الدمار العشنا فيهو سنين حياتنا دي كلها اشتقت ليك ولي عطرك ولي كلامك و لي روحك المجنونه و لي قوتك الزمان الجيتي بيها برااك هااربه من وطن كل مآسي .. قلت ليهو منو العارف انو حياتي ح تكون هنا كده بالطريقه دي قال لي حبيبتي ياريت لو بقدر اشيل الزمن وارجعوا لي ورا .. قلت ليهو همام و ختيت راسي فوق راسو قال لي تمشي بيتي؟ قلت ليهو قصدك شنو؟ قال لي ما تفهمي غلط طوالي ..  قصدي تعيشي في بيتي انتي و الاولاد انا اولاد رجاء يوصلو و اشتغل في الكوافير لانو قفل الفتره دي سلمى حامل و في الامارات و ما حتقدر تجي الا بعد تولد و رجاء الفتره الجايه لازم تكون مع اولادها في البيت طول اليوم عشان يتأقلموا مع بعض .. يعني الكوافير ح يقفل بدون فايده قلت ليهو والله فكرة الكوافير ممكن اقبلها لكن البيت لا .. قال لي اذا عشان امي واختي ما ح يعرفوا و اصلا البيت داك ما بصلوهو قمتا من راسوا وهو قام من كتفي و قلت ليهو برضو لا .. قال لي السبب شنو ! قلتا ليهو انت شفقان علي صح وانا ما محتاجه شفقتك ح اجر بس .. قال لي سندس الاجارات غاليه ناار بقت و مستحيل يقبلوا غير اجار مقدم اقل شي اربعهة شهور و الاطفال التؤام مفروض تدخليهم روضه قربوا يقفلوا تلاته سنين .. قلت ليهو عارفه بس بدبر اموري براي سكت و قال لي براحتك طيب انا حاولتا اقدم ليك عرض بس قلت ليهو شكرا ليك ما قصرت .. عاين لي كده مسااافه قلت ليهو في شنو بتعاين لي كده ! قال لي لو اجرت ليك ح توافقي ! بيت جديد ما مسكون ومأمن و ده عرض مغري لي ام عندها اطفال ! ضحكتا وقلتا ليهو مصر كده ليه انت ؟ قال لي لأنو ريحتك ح تكون في البيت و ده براهو اغلى ثمن عندي  .. ما عرفنا اخجل و لا اشاكلوا ولا اعمل شنو بس اتبسطتا لما قال كده حسيت اني لسه مهمه عند همام قلت ليهو طيب مدام ريحتي ح تكون في البيت اعتبرها ايجار الاربعه شهور و ما ح ادفع ليك ولااجنيه .. ضحك و قال لي بديتي للحقاره مش ! قلت ليهو ريحتي غاااليه يا استاذ .. قال لي طيب متفقين ماشه البيت قلت ليهو ايوه صحي ماشه الاولاد مع رجاء .. مشينا ركبنا و وصلنا لي رجاء الغريبه انو همام بحب اولادي يمكن اكتر من اي زول تاني كنت متحيره انو هو بحبهم قدر ده و هم من ابو تاني نفس الابو الكان بكرهوا .. بديت انقل حاجاتي لي بيت همام و هو ساعدني كان جاهز من كل شي بس نقلتا ملابسي و ملابس اطفالي و حاجاتنا البتخصنا .. بعد يومين جهز بيت رجاء و بيتي و الكوافير وكان يوم جيت اولاد رجاء هو يوم رحولي لي بيت همام .. خليت رجاء مشت للمطار تجيب اولادها و انا وصلني همام البيت دخلنا ورقدنا الاولاد في غرفتهم بعدها بقينا برانا في الصاله قلت ليهو نعمل قهوه ؟ قال لي ممكن .. دخلت المطبخ كان عاملوا نظام امريكي فاتح في مكان الاستقبال .. رافعه شعري لي فوق و بعمل في القهوه هو كان قاعد بعاين لي بتحرك .. قام من مكانوا و جا وقف جنبي قلت ليهو القهوه جهزت اصلا حاجيبها بره قال لي ما جيت القهوه .. قلتا ليهو وقلبي بدق طيب عايز شنو قال لي عايزك انتي .. عاينت ليهو بخلعه وهمام !!! قال لي عايزك انتي و بدا يقرب مني لحدي ما شال البانده وفكا شعري الوقت ده خلاص حسيت اني مخدرة .. خفتا يعمل حاجه و اضعف ليهو خصوصا الفتره ديك لاني كنت حاسه بشوق ليهو غريب قرب لسه و قال لي خايفه مالك! قلتا ليهو عايز مني شنو ؟ قال لي عايزك انتي زاتك كلك على بعضك لي براي .. قلت ليهو بصوت خاايف همام قصدك شنو ؟ ضحك ضحكه عاليه 😂😂😂😂😂و قال لي يا هبله عايز اعرسك موافقه؟؟