انا زوجتك..الا تذكرني

2

المهيم نرجعو لعندهم بقاو كيجريو و يدخلو من هاد الدرب و يخرجو من هاد الدرب حتى وصلو لتقاطع الطرق كينين جوج دروبا كل وحدة مشات في جيه و هي ترجع كل وحدة ماشريال باغا تبع ختها و بقاو غادات جيات
داك شخص: ليوما غادينخلط مكم و نخرج من مكم راية المغرب (حيت سكينة لابسا الحمر و لخرا لابسة الاخضر ) باش نوريكم تلعبو مع ولد الحوات
اميمة: لواه داودي سير ولا غنردو خويا شواية دسرديل ... هو يزعف و بغا يشدهم و هي تهز سكينة رملة من الارض و رماتها على عينيه هو طاح و هما هربو و كل وحدة دخلات من درب و امة سيدنا محمد تابعهم و كااع ديك الامة تبركالله شتفات على ولد الحوات مسكيين بقا فيا نيت ولا كفتة ديال سرديل مهيم معلينا سكينة بدات كتجري تقول هشام الكروج و كدير مرواغااات حتى تلفاتهم عليها و هي توقف في شاريع و دارت يديها على ركبتها و بقات تلتاقط انفاسها : او او او على بشار سخفونيي اوووف منعرف فين ديك المكردة ديال اميمة عنداك ايكونو شدوها ...مجات فين الطلع عينيها حتى شافت شي راجل كان لابس الكلاس و بيض و شعرو كحل مطلعو شوية و حاط دراعو على طموبيلتو رونج كحلة و حاط صباعو مبين عينيه و المعصم ديالو فيه ساعة كحلة وكان مغمض عينو و كيفكر و بسطامو في جيبو باين سكينة مشا عينها مع البسطام و هي تبدا تقرب ليه و طلعت عينيها تشوفيه واش منتابه ساعة هاديك هي طلعتها هزات عينيها محطتهاش
سكينة في خطرهاا: الله ياا ربي اش هاد زين كامل لي قدامي واش هادا بنادم ديال بصح لا لا اكيد هارب ليهم من شي قصة و لا تلف ليهم من شي مسلسل هادا راه نحشم نطير ليه البسطام ااحح على قلبي جا معاه تفكير سمحيليا ازين مي بينا فيك لباس عليك و هاد البسيطيم مغاديش br>
سكينة: اح اي اي وراااه غييير طاح ليك البسطام بغينا رجعوه ليك ...<br>
طلق منها : ااه سمحليا <br>
سكينة : وا شتي شتي ظن سوء كيف داير فحالك نتا هما لي كيدونا لجهنام <br>
هو خنزر : واصافي قلنا ليك سمحليا <br>
سكينة: وا صافي متبقاش ت مهيم بسلامة ...مجات فين دور حتى لقات اميمة جايا لعندها و سخفانة : اوف اوف سخفت هادو كون داوهم لعدو الريفي لاش مخلينهم هنا تبعيني و كون كان اعلى شي حاجة (بدات كتقلب فواحد البسطام و سكينة كتغمز فيها) شوفي هنتي تابعني على 10 دراهم اش داني انا نسرق شي حوات (سكينة كتغمز فيها و هي تضربها لكتفها )مال موك من صباح و نتي تغمزي فيا دوي لاباغا تدوي<br>
سكينة دارت عند داك سيد : مكنعرفهاش شوف راها شفارة و تانا باغا تسرقني <br>
اميمة: اواا لهلا يحييك كالاك نسرقك و نتي معندك حتى المنحة و شكون هادا كاااع ....هو يهز كل وحدة بيد من كتفها ولاو ريسهم مخشيين في العنق ديال الكيطمة سكينة ولات فحال شي فكرون حمر و لكن عرفت راسها مشات فيها اما اميمة لي خرجت فيه عينيها فحال شي ببوشة خضرا و طلعت فيه و هبطت : الخاوا شفتك زعمتي <br>
هو يقربها لعندو مخنزر اميمة ولات غير ترمش بعوينتها : ههه اصلا زعم تاكل اللحم متعصبش الخاوا وايليي <br>
سكينة: هااااالعاار اسيديي لما طلقنا <br>
هو: غنربي مكم بعداااا زيدو المكم معايا مزيان تبركالله زيدو طلعوو...بقاو كيتجبدو عليه باش ميزيدوش سكينة جلست ليه في الارض و اميمة كتحاول تنسل لفيست ديال الكيطمة و لكن سيد صحيح شد سكينة خشاها هي لولا في الاوطو و الاخرى بقا شدها و حضيها حتى حيداتها على خطرها بقات غير بديباردو بيض هو يشدليها من كتفها و بغا يدخلها لور حدا صحبتها<br>
اميمة كطلب فيه : عفاك اشاف والله منعاودو راه عندنا لافاك و معطوناش لمنحة والله (دخلها)الله يحفضك راه سكنين غير مع واحد الزمرة (سد باب الاوطو دارت عندنا سكينة )يخ منين تصرف لينا هادا تانيي تفو على كنس سكينة فحالة غتبكي : م م مشينا فيها غيضربونا بعشر سنين حبس <br>
اميمة بدات تحس بخطورة الموقف : اويلي يسمعوها وليدينا هادي هي الموتة ديالهم ناري...هو يطلع داك سيد غيسوق <br>
اميمة كسيرات بالبكا: هيء هيء هيء عاااافااااك ا سيدييييي غيضيع ليناااا مستقبلنااا عافاااااك اهيء اهيء هو سايق و كيشوف فيهم من المراية : اشمن مستقبال عند جوج شفارات فحالكم و لكن انا غنربي مكم غير بلاتيي...دار واحد سماعة في ودنيه : الو امين معاك محسن راه جيبليك واحد جوج كريساجيات تكلف بيهم عافاك الى لقيتي كيف دير تلفهم على القبلة مهيم بغيتهم يترباو مزيان <br>
سكينة: اهيء نتا وحش <br>
محسن : غتسكتو ولاا <br>
اميمة: و لا شنو غضربنا اناا غنقوليهم بغيتي تحرش بينا و فاش مبغيناش لصقتي فينا تهمة سرقة<br>
محسن هز حاجبو : اياااه مزيان زيدي غلطي معايا ..سكينة نغزت اميمة و كيهدرو بشوية لمسموعة: سكتي اصحبتي راه فحال هادو ممعاهمش اللعب <br>
اميمة: وااش غنديرو ليه راه غيبتنا في الحبس هاد خينا كتعرفي شحال ديال العصا غناكلو سكينة : شوفي رجعي رجعي بكيي عليه غيحن فينا <br>
اميمة: راني تنحاول نعصر البكية بزز<br>
محسن : هادوك جوجات غتسدو دووك الفام و لا غادي نخليكم تحسبو سنانكم <br>
اميمة: اهيء اهيء غضربنا و حنا غير فتيات حشومة اهيء اجي متقدرش دير براسك مشفتيناش و طلقنا يلاه ا سكينة رجعي لسيد بسطامو <br>
سكينة: ختي مهزيت ليه والو لهلا يحط علينا شي باطل <br>
محسن: و هي عندها القدار تحط يديها بغيتيي نهرسهاا ليها اميمة دارت عند سكينة و شيرات ليه بصبعها : دابا نتي ماديتي لهاد خاينا لا بسطام و لا حتى لعبة (سكينة دارت ليها براسها لا و هي دور عند محسن) واااا بنااادم تا مالك شوية في عقلك يا غادي تحطنا هنا يا غنقلب مها هاد الطموبيل <br>
هو : بان ليا حتى غنهرس لموك داك الفم عاد غاتسكتي....وهي تنوض اميمة و شدات ليه من الكيدون(المقود) و بدات كدورو و هي تبدا طوموبيل تتعوج على طريق وسكينة شدات من ودنيها و تغوت و محسن مخلوع و كيحاول يقاد المسار و هو يفراني و دار عند اميمة و شدها من عنقها من لور: وا نتي مال موك صافا كنتي بغا تقتلينا اميمة كدفع ليه في يديه: حيد يدييييك علييااااا المرض راك قسحتيني ...و هي سكينة تبغي تحيد يدين محسن من اميمة: غير طلق منها ا مسيو و كمل طريقك و انا غنتكلف بهادي .... و هي تكفض سكينة من هاد اليد و كفضت اليد الاخرة و بدات تقرفد و ضرب و محسن غير كيتفرج مصدوم : دويي الموك كنتي باغا تقتليني في عمر الزهور الكلبة لخرا بان ليك غير الكيدون تلعبي فيه زبالة لخرا و باقي ماتبتش كنت غنمشي لجهنام نيشان ....شوية صونا تيليفون محسن : شششش سكتو هادوك جوجات الو سهيل واش فاق <br>
اميمة بشوية : سكتي سكتي خنسمعو <br>
سكينة بشوية : و حنا مالنا سوقنا <br>
محسن: منين غنجيب ليك انا وحدة وااااسكتووو االمرض <br>
اميمة بشوية جبدت واحد لافليز صغيرة من التحت : شوفي شوفي فيها صناتة و طابلية الله و علم الى سيد طبيب <br>
سكينة: نو نو موحالش غيكون غير سطاجير و لا فرملي <br>
اميمة: هههه وراك عطيتيه العاصير ههه<br>

Tanhbkoum❤