انا زوجتك..الا تذكرني

8

😱انا زوجتك الا تدكرني؟😱8😱<br>
اميمة: ممم عندك الحق اجي سي الطبيب الحويج لي غتشريهم ليها غنديوهم معانا ياكا <br>
محسن : ايياه <br>
سكينة : ومالها ممكتوباش في العقد <br>
محسن : وراه حاجة باينا <br>
اميمة: لا لا لا هاد باينا ممعناش نتا راه مفيك تيقة (خنزر فيها من المرايا و هي مخرجة عينيها )ماالني كدبت منين درتي هادشي في خوك غتجيك ساهلة ديرها بينا حنا <br>
سكينة كتنغز اميمة و كتهدر سادة فمها : سكتي سكتي شوفي على شوفة متزيديش حرف ولا غادي يخلطنا دابا <br>
اميمة بجهد : احنا ساكتين نشوفو هاد العصارة في غتوصلنا <br>
محسن مفهم والو و كمل طريقو و هما طريق كاملة و هما يتخابرو و يتزعزعو و يضحكو و محسن عروقو خرجو ليه من يدو و هو سايق و غيطرطق عيا ميغوت عليهم سكتو كيسكتو دقيقة و ينوضو يشعلوها و خاصة فاش دخلات عليهم نحلة لطموبيل واي واي ناضت القيامة في الاوطوموبيل <br>
بقا محسن سايق حتى وصلو لواحد الحي كبيير و راقي و كامل فيلات و ماشي اي فيلات دوك اشباه القصور و الحي صامت و سكينة و اميمة كل وحدة شادة شرجم كطل فيه حتى محسن دار مع واحد الباب كبييير كلو رخام و احجار لامعة و كانو واقفين فيه جوج صعاصع لابسين كمبليات و ديريين نضاضر و الباب تحل اوطوماتيكي و بقاو غادييين مع طريق طويلة و كلشي شجر و وورود و ازهار و كينين لي جاردني كيعتانو بيهم و كاين بيسين وسط منها علا شكل ثمنية و ديرين بيه كراسا و براسولات و كينا طابل كبيرة ديررين بيها الكراسة و ربيع خضر فحال الكازو ديال التيران وهو وقف الاوطو خرج محسن و جا عندو واحد العساس كيجري خدا من عندو سوارت الاوطو اميمة و سكينة خرجو و لاصقين في بعضياتهم و كيشوفو في داك القصر لي قدامهم لي كبير بزاف و غالب عليه زاج والاثاث المنزلي كيبان من على برا <br>
سكينة مخلوعة و شادة من سكينة: فين حنا؟؟ <br>
اميمة حالا فمها : الجنة <br>
محسن قفزهم: كتسناو المغرب يأدن زيدو دوخلو (دار و مشا ) <br>
اميمة: بدا كيعصبني هادا <br>
سكينة: زييين اختيي زيين <br>
محسن كيغوت : واش غنبقاو هنااا <br>
سكينة : غير هو كيغوت <br>
صافي دخلو لقاو الخدم مصافين رجال ونسا كلهم لابسين لبسة موحدة و كينين غير لي فوطوي تما و الاثاث مزيج بين الايطالي فحال ثماثيل و الاثاث المصري المثمثل في لي فوطوي و طبعا لمسات المغربية فحال زربية عاد كاينا ثرية كبيرة الوسط ديال كريستال كتلمع و عاد الدروج لي لوسط و دار كاملة على الهواء مباشرة كلها جاج <br>
اميمة: فين حنا ؟؟<br>
سكينة: ياك قلتي جنة <br>
محسن : خالتي انا جبتهم <br>
كانت واحد المرة كبيرة شوية مي كلاس قصيرة و شعرها مقطعاه كاري كحل ووخا كبيرة في العمر و تجاعيد شوية تحت عينيها بقا زوينة لابسة جلابة و صباط دومي طالون و معاها جوج مراوات وحدة تكون في تلاتينات كتشبه ليها و لابسة مزيان و طالقا شعرها طويل و ثانية تكون في ربعينات و صارمة و لابسة لبسة رسمية <br>
خالتي بلهفة :جبتيها اولدي فيناهيا اينا وحدة فيهم (نعت لسكينة و هي جات عندها و شدات ليها من يديها ) معرفتش كيف نشكرك ابنتي على هادشي لي غادي ديري معانا <br>
محسن ببورودة و خاشي يدو في جيبو: اصلا ايا وحدة كانت غتكون في بلاستها غدير هادشي راه خارجا ب 6 مليون زائد مزايا اخرى <br>
خالتي شافت في محسن: محسن حشومة <br>
اميمة كتخنزر في محسن: غير خليه االحاجة راه مبغاش يستغفر الله و يبدل علينا ساعة باخرة (محسن خرج عينو في اميمة و تاهيا ماشي من ناس لي كيحشمو اما سكينة شدو معاها ستون ) <br>
خالتي : انا مامات بيازيد و هادي رباب ختو و هادي مدام بوعزاوي هي المسؤولة هنا طلبي منها لي بغيتي صافي و كينا امينة لفوق خت بيازيد صغيرة تكون قدك في العمر تقريبا <br>
محسن شاد من دراع اميمة: صافي هاهيا سكينة معاكم (شاف في سكينة) و انا راه حاضيك و هادي غادي نخرجها من هنا <br>
اميمة ولات تطلب: عفاك عفاك معندي فين نمشي مبغيتش نرجع عند سهام <br>
سكينة مشات عندو : لا لا فين غادي بختي يا غنمشيو بجوج يا غنبقاو بجوج <br>
رباب : ماشي مشكيل ا محسن خليها معاها <br>
محسن: اش غتبقا دير هنا ؟؟ <br>
اميمة: اندير اي حاجة غير نبقا مع سوكا الله يرحم باك <br>
محسن بضحكة جانبية شريرة : مدام بوعزاوي هاهيا الخدامة جديدة <br>
اميمة دارت عندو: شنو ؟خدامة ؟انا في اخر يامي نولي خدامة<br>
محسن: يكما بغيتي تخرجي <br>
اميمة: لا صافي خدامة مزيان