انا زوجتك..الا تذكرني

7

😱انا زوجتك الا تدكرني؟😱7😱<br>
نمشيو دابا لعند بيازيد او محسن في المكتب ديال سهيل<br>
بيازيد كيلبس في واحد طريكو :فين هو هادا دابا حنا غنبقاو نتسناو <br>
سهيل دخل المكتب ....<br>
سهيل:انا جيت (سهيل هو طبيب لي كانو كيهدرو عليه سكينة او اميمة هو طويل ا بيض اوعندو لعضلات او محسن لحيا او حرفو زويونين بزاف او عندو غمازة ) <br>
بيازيد :على سلامة <br>
محسن:تهدن ا صاحبي مالك معصب دابا خاصك تسمع مزيان هادشي لي غيقول ليك سهيل سهيل :سمعني ا صاحبي انا عارف هادشي صعيب شوية ولكن عارفك قوي هاد لحادث لي درتيه اثر ليك على جانب من دماغ ديالك سهيل جبد واحد صور ديل الاشعة او بدا كيوري لبيازيد لبلاصة فين ضرب <br>
سهيل:او لاسف هاد لجانب فيه باحات مسؤولين على داكرة ديالك هادشي علاش نتا فقدتي واحد لفترة من لحياة ديالك او خاصني ندير ليك واحد لحصة باش نعرف انا مرحلة من حياتك مشات<br>
محسن:انا عرفت هو مبقاش عاقل على سكينة مراتو (بيازيد شاف فيه بتخنزيرة) سهيل:كيفاش؟ لا مسكينة سكينة <br>
بيازيد( ناض او غوت) :واش نتوما باغين تحمقو ديال مب هادشي ميمكنش<br>
سهيل:محسن سير نتا تكلف بي سكبنة ديها لدار مسكينة ترتاح راه من ضرب بيازيد و هي هنا في صبيطار و خليني هنا مع بيازيد محسن:واخا .... غمز سهيل من مورا ضهر بيازيد او خرج و مشا عند سكينة و اميمة و لقاهم غاليسين كيشوفو في واحد لفرملية او شادين فيها تبرغيغ<br>
محسن :اجيو معايا نتوما هادوك جوجات اميمة:راه عندنا سميا معونينك او من لفوق كتعامل معانا هاكا محسن جر سكينة و اميمة من دراع ديالهم :اش اش غتفضحونا زيدو <br>
مشا و ركبو في الاطو ديلو محسن و غادين في الطريق<br>
اميمة:فين غدينا دابا؟<br>
محسن :لفيلا ديل بيازيد <br>
اميمة:اويلي و حنا اش غنديرو في الفيلا ديالو محسن :متخافوش هو راه ساكن مع العاءلة ديالو و هوما راه عارفين كولشي و نتوما غتوليو تباتو تما باش بيازبد يتيق ان سكينة مراتو <br>
اميمة :غتبات بوحدها ياك<br>
محسن:ماخافيش غتبات بوحدها هو مشاف فيها حتى شوفان مزال غير ينعس معاها هه
اميمة:حتارم رايك ا سي طبيب حنا واخا شفارات راه بنات دارنا راه لمنحة لي دارتها لينا <br>
محسن:انا غير ضحكت متخافوش من حتا حاجا انا خططت لكلشي سكينة نغزات اميمة و هضرو بعينيهم<br>
اميمة :اه حاقا نسيت كاعما هدرتي لينا على ثمن لي غتعطينا في شيك حنا ماشي جمعية خيرية كنعالجو لمرضى فابور <br>
محسن :عارف ا لالة و انا غنتهلا فيكم مزيان غير بلاما ضربي لحساب <br>
سكينة :لا ا خويا من نهار لول يموت لمش خاصنا نعرفو راسنا من رجلينا <br>
محسن :غنعطيكم 6 مليون كافيا باش تكملكم قرايتك او تفوتكم لهيه اميمة و سكينة حلو فمهم او شافو في بعضياتهم <br>
اميمة:6 6 تلمليون هاه يا ربي <br>
سكينة:هاد لمبلغ عمري حتى محلمت بيه شدوني غنطيح <br>
اميمة:انوضي تكعدي حتى غنشدو 6 مليون عاد بان ليك طيحي دابا لي خصنا نوضو صافي ا سي طبيب نفديك بحايتنا يلا بغيتي <br>
سكينة :مسكين راجلي فاقد داكرة <br>
اميمة :هانتا شفتي شونتيو سكينة من دابا بدات في الدور <br>
سكينة :نمثل ليك حتى في احلامي يلا يغيتي محسن :هههه مهم اميمة جبدي لا فاليز ديالي غتلقاي فيها واحد لعقد قراوه مزيان و وقعو عليه باش متوقعش بيناتنا لمشاكيل فل مستقبل <br>
اميمة :واخا ا سي طبييب <br>
جبدت اميمة لعقد او دارو راس على راس او بداو يقراو فيه و محسن كيسوق و مرة مرة كيشوف فيهم من المراية ديل الاوطو اميمة كتهدر بشوية مع سكينة : شناهيا هادي <br>
سكينة : منعرف اختي هادشي مكتوب بشينوية اميمة: هادشي كاتبو نتا <br>
محسن : اه كتبو سهيل <br>
اميمة: سهيل طبيب ؟؟؟ <br>
محسن: ااه <br>
اميمة : واحطني حدا شي فرماسيان <br>
محسن: فرماسيان ؟؟؟ علاش <br>
اميمة: باش قراو ليا هادشي هما لي غادي يعرفو يقراو كتابات طبيب <br>
محسن بلاصة الاوطو في جنب و دار عندهم : انشوف (خطفها ليهم من يديهم😒😒😒 ) هادي راه ماشي ورقة العقد (جبد واحد الورقة مطبوعة من نفس لا فليز و حطها على وجه اميمة) هاهي الورقة <br>
سكينة : اااه هي هادي ولكن علاش كمشتيها خاصنا وحدة اخرى (محسن دار و ديمارا الاوطو و هما شدو و بداو يقراو في العقد <br>
سكينة : لا لا لا هادشي بزاااف <br>
محسن شاف فيها من المرايا : شنو لي بزاف <br>
سكينة : لا والو غا جتني في سياق <br>
اميمة: سكينة اجي اجي تشوفي اش كتب قالك مخصكيش تولي تبغيه و مخصكيش تحاولي تغويه و لا تستغليه لي مصالحك شخصية <br>
سكينة: كيفاش مصاليح شخصية <br>
محسن : زعما تخليه يشري ليك طموبيل و لا دار (باستهزاء😏) وخا عمرو يديرها حتى يتقبلك بعدا و حتى يكمل فيك شوفة<br>
سكينة بحزن : علاش مالني انا <br>
محسن بلامبالات: حيت ماشي من نوعو المفضل هو كيبغي البنات طاي منكاه و زوينات دكشي لاش ختاريتك حيت عارفو مغيديهاش فيك<br>
سكينة رجعت عند اميمة: علاش كيقول ليا هاكا اميمة عينيها في العقد: غير خالي هاداك راه كيقلب عليها خايبة