انا زوجتك..الا تذكرني

22

لالة سعدية: مممم جيبي ليا نشرب و تكون باردة ...دارت اميمة عند لالة عيشة لي كطلبها بعينيها دير داكشي لي قالت حتة اميمة مقالت والو ومشات الكوزينة كتغني دخلت مدتها في حد حلات تلاجة لقات العصير تكات عليه و عمرت فمها شيبس عاد هزات القرعة و مشات تجبد كاس تكب ليها و هي تلقا لالة حليمة <br>
اميمة تخلعات : بسم الله رحمان الرحيم منين نتي جايا لهنا لاش مسخراني ....لالة حليمة غير تتشوف في اميمة كبات ليها الما <br>
اميمة : هاكي <br>
لالة حليمة: انا قلت ليك بغيت شي ما و عاد يدك مسخة (دارت عند الخدامة ) غتصيبو داكشي لي قلت ليكم ...<br>
الخدامات و مدام بوعزاوي غيقفقفو : حاضر ...وخرجات <br>
اميمة : دابا اش غندير بهاد الما هاهو هنا لي فيها العطش تجي تشربو ....خرجات و مشات راجعة لجردة لقات لالة سعدية جالسا و كتمسح لشعر سكينة و لالة عيشة حداهم <br>
لالة سعدية بابتسامة : دابا جيتيني مرة ديال الدار بيازيد عرف مايختار تباركالله <br>
لالة عيشة : لا حماتي راها غير ...<br>
لالة سعدية دارت عندها بتخنزيرة : انا عارفة اش تنقول ....جات اميمة و جلسات حداهم <br>
لالة سعدية : فيناهو الما ؟؟<br>
اميمة طلعت فيها راسها : الحاجة واش كضحكي على مي <br>
لالة سعدية : هاد درية قليلة الحيا نوضي جيبي ليا الما <br>
اميمة: شوفي لكان فيك زهيمر متزهيمريش عليا <br>
لالة سعدية نغزتها بعكاز : تي نوضي كوني تحشمي...لالة عيشة ولات غير طلب بعينيها مسكينة ناضت اميمة على سعدها ووعدها تاني مشات لكوزينة بالنكير حلات الثلاجة بالنفخة شوية و طير داك الباب <br>
لالة حليمة: أبشوية على الثلاجة ...<br>
اميمة ضحكت ضحكة جنب: جاية تابعاني تالهنا مزيان ...جبدات القرعة و حطاتها قدامها <br>
اميمة : هاكي شربي دابا <br>
لالة حليمة : تي راك مسطية الله و علم حيدي عليا مبغاش نشرب ...<br>
اميمة : نتي راك باغا تحمقيني ...شدات القرعة و مشات و بدات تشربها بزز و الخدمات يفكو <br>
لالة حليمة : نتي راك حمقة عيشة وااا عيشة <br>
لالة عيشة : شنو ياك لاباس ا حماتي<br>
لالة حليمة : شوفي هاد خيتي فزكتني <br>
لالة عيشة كتخاصم : اميمة ؟ ماشي فعايلك هادي حشومة <br>
اميمة : راه هي لي بغات ....<br>
لالة عيشة كتهدن في لالة حليمة : تهدني عفاك راها باقا صغيرة معرفاش <br>
لالة سعدية : شنو واقع هنا؟؟....اميمة خرجات عينيها ولات دور هاك و هاك و لصقة مع ثلاجة <br>
اميمة😨: اناري هادي ولات كتصرف <br>
سكينة : لا راهم توام ؟<br>
اميمة دارت عندها : اويلي توام شارفين ؟<br>
لالة سعدية : و ليني نتي سليطات اللسان خصو يتقطع ليك <br>
لالة حليمة : غير خليها عليا حمدي الله منين نتي ماشي مرت حفيدي <br>
لالة سعدية : تبعيني ا سكينة عندك بزاف مايدار اليوما <br>
لالة عيشة : لا راه ماشي مرتو دبصح <br>
خنزرو فيها بجوجات <br>
لالة سعدية : مكنعرف لا مرتو بصح لا بلعاني مرتو هي مرتو <br>
لالة حليمة : و نتي بلاما تباني ليا مرة خرى (على اميمة ) <br>😱
لالة حليمة : و نتي بلاما تباني ليا مرة خرى (على اميمة ) عيشة عيطتي ليا الحفيدي محسن يجي يشوفني قبل ما نموت <br>
لالة عيشة : متقوليش هاكا الله يطولينا في عمرك و تشوفي وليدات وليداتو<br>
اميمة 😨: هاد المرة لي فزكتها هي جدات سي الطبيب <br>
سكينة : قفرتيها سي طبيب صبر ليك بزاف <br>
لالة سعدية : سكينة تبعيني .....لالة سعدية شدات من يد سكينة <br>
لالة سعدية : فين حوايجك ابنيتي ....<br>
سكينة : في الماريو ديال البيت <br>
لالة سعدية : مكتكونيش مع بيازيد في بيت واحد ياك<br>
سكينة : لا راه حيت انا ...<br>
لالة سعدية : ماشي مشكيل دابا انمشي نقلب لبنيتي على كسوة باش تنعسي بيها نتي وراجلك بليل تكون نيت اول ليلة ليكم <br>
سكينة:ر ررا جلي كيفا ش ن نعس مع راجلي دارت عند لالة عيشة او هي تجي لالة عيشة حدا سكينة او خبرتها<br>
لالة عيشة :عفاكي غير ديري داكشي لي كتقول او متخافيش مكاين لا نعاس لا والو هما غيمشيو بحالهم ليوم غير نفدي اش بغاو عفاك ولا غيبقاو هنا باش تيطبقوه بزز غير سايريهت<br>
سكينة تخلعت:واخا اجداتي يلاه نمشيو نقلبو دغيا قبل ميجي بيازيد<br>
لالة سعدية:الله يرضي عليك ابنتي <br>
شدت منها و بقاو غاديين اما لالة عيشة مشات تعيط على بيازيد و محسن و لالة حليمة مشات جلست في صالون و اميمة بقا الدور على الصالون و طل من دروج خايفة على سكينة من لالة سعدية <br>
لالة حليمة: غير اجي طريحي و متبقايش الدوري كي طرومبية ،نتي بغيتي طلعي معاهم والله لكانت ليك مغنخليكش <br>
اميمة هبطت راسها و ضحكت جنب : دابا نتي مغتخلينيش نطلع عندهم <br>
لالة حليمة حلات فيها عينيها : اه انا مغنخليكش اميمة قربت ليها تال وجهها: شوفي اه منعرف اينا لالة نتي فيهم غنسميك الفردة ليسرية ماشي دسباط دسندالة الميكة نمرة 53 بالخضر خخخ(حيت هي لابسة جلابة خضرة)<br>
لالة حليمة : واقلة نتي مكتعرفينيش ابنتي مزيان لا مسكتيش انخلي بنتي دوز ساعة في الجحيم<br>
اميمة: لواه مداولة خبارك مكتعرفيش تعيري غير طالقاها دايرا فيها الهيبة على والو<br>
لالة حليمة مشات جيهت الطابلة و هزات غراف ديال الما و كباتو على اميمة من راسها الرجليها <br>
اميمة كتلتاقط انفاسها : ش ش شا رفة <br>
لالة حليمة😏: بنتي انا منخليش فيك دقتي لا كنتي نتي يلااااه فقصتي من البيضة انا راه لالك حليمة و اجرك على الله<br>
اميمة : ن ن نتي راك مر مريضة<br>
لالة حليمة: يلاه بلاما تبقاي تقاقي عليا كي دجاجة غبري من قدامي جبتي ليا الب ....(هاي هاي علةالحاجة ) اميمة معرفت ما تجاوب مشات طالعة مسرسطة بالما و كترعد باش تبدل<br>
في شركة ديال بيازيد...<br>
بيازيد جالس في الاجتماع ولكن غير الجسد لعقل مامعاهمش <br>
المدير تنفيدي :سيدي كنضن ان هاد الطريقة غتجيب لينا ارباح اكثر وغنقدرو نزيدو نوسعو لفروع ديولنا بيازيد داير يدو على ناضرو و رجل فوق رجل و متكي على لكرسي او كيشوف في الطابلة ديال الاجتماعات <br>
بيازيد:لا مكنضنش ميمكنش <br>
المدير تنفيدي :علاش اسيدي ياك حنا من شحال و حنا كنفكرو في هاد الطريقة <br>
و هو يشوف فيه بيازيد :مكنهدرش معاك نتا خرجو خليوني نرتاح كلشي قال:واخا ا سيدي<br>
و خرجو و هو يتكي راسو على لكرسي : اوووف مبغاتش تخرج ليا من بالي هاد البرهوشة(على سكينة 🙊)<br>
مليسا :(دقت لباب و دخلت)سيدي .. و هو يغوت و ناض بيازيد:ناس كيدقو لباب عاد كيدخلو <br>
مليسا بتوتر :س م حليا ا سيدي راه ددقيتو والله<br>
بيازيد حط يدو على الطابلة و حنا راسو بيازيد:اوووف<br>
وهو ينوض بيازيد:كنعتدر راني شوية معصب بغيتي شي حاجة <br>
مليسا :ماشي موشكيل راه لام ديالكم تاصلات و قالت ان لعائلة راه كيتسناو فيك بيازيد:اوووف مشاو لي من بالي شكرا يمكن ليك تمشي صافي..... خرجت مليسا <br>
في الدار ديال محسن لي هي فيلا صغيرة و لكن راقية و فخمة و لاثاث ديالها كلو عصري هو كيعيش فيها غير بوحدو و لخدامة لان عائلتو في مدينة اخرى كان محسن شاد جورنال و متكي فوق لفوتاي ديالو و حداه قهوة حتى جاه اتصال شاف لقاها لالة عيشة محسن:الو خالتي كين شي مشكيل ،بصاح ،إمتا اوك انا جاي..... صافي طور جورنال ديالو او ناض خرج هز الاوطو ديالو نيشان لدار دبيازيد <br>