انا زوجتك..الا تذكرني

28

😱 انا زوجتك الا تدكرني؟😱28😱<br>
لكلب مشا لسلم طوارئ طلع ليهم الفوق و دخل على الفرمليات عريانات كيبدلو كاين غير هرب و هو عاجبو الحال تابعهم خطف واحد سوتيان و هرب <br>
كريمة : ضحى اجي عونيني نجرو سهام بينما جات اميمة <br>
ضحة: ههه غزا فيها الله هاداك غير سمها خليها تما باي غنمشي نتسارا <br>
سهام : اهيء اهيؤ ااااي والله لبقات في موك اييي بشوية خالتي <br>
كريمة : هاهي اميمة غتجعيب المقص و غنعتقوك <br>
بالنسبة للحاجة دخلات للمنطقة الخاصة بالاطفال كتشوف في واحد المرة هازا ولدها كيبكي<br>
الام: حبيبة اهيء اهيء اهيء مالك<br>
الحاجة : ولدك من امتا كيبكي<br>
الام ديلو: من البارح اهيء اهيء انا خايفة عليه بزاف ...<br>
الحاجة : ممم غتكون شي مرة دخلت عليه بشي كتاب و لا شم ريحة بخور شوفة و لا قاسوه اهل المكان <br>
الام😱: او نو سي با بوسيبل <br>
الحاجة : البوليس معندهم فين ينفعوك انا نقولك ديه لمولاي دريس زرهون دقة بطلة كيحيد الجعرة لدراري الصغار مية في المية غتكون قاستو مو صبيان <br>
مرة وحدة اخرى : و انا بنتي ناض ليها في لحمها نقاط حمرين <br>
الحاجة : هديك كتسمة الجمرة هل المكان كانو كيكميو و طبعوها (اودي الحاجة غتخرجي على عباد الله ) ...هما كيسمعو ليها و هي جلست وسط منهم و جمعاتهم عليها و تعطيهم في النصائح و ديك الساعة الكلب داز من حداهم هاز ستيان و تابعينو خمسة دالعساسين <br>
في واحد غرفة العمليات يلاه غيبداو يبنجو المريض يلاه دارو ليه ديك لكمامة على فمو و طبيبة كتلبس ليكات حتى وقف الفار فوق المريض زدق هارب كلشي تمن المريض بنفسو هارب وسيروم لاصق فيه و الطبيبة من موراهم و الفار بقا تم واقف كيدور<br>
في الطابق 5 كانو غيديرو عملية زرع الكبد و لكن تكرمات عليها القطة كلات فيها حتى شبعت خلات ليهم غير طبسيل وسط القرعة<br>
في الطابق 8 لي فيه حياة كسرات طابق بالريحة و بوشات القادوس و داكشي انعاكس سلبا على جميع قنوات الصرف الصحي بالمستشفى اما هبة دخلات لبيرو دمحسن و فرتكات داك المجسم و بدات تلعب بيه <br>
اميمة جابت لمقص لكريمة مقص خاص بالجراحة و قطعو لسهام شعرها غير قطعوه تحل سانسور سهام جلست الارض كتبكي : اهيء اهيء انا ضعت و برت شكون غيشوف فيا دابا و شعري قصير صافي غنبقاا بايرا <br>
كريمة : الله ابنيتي الله اش كتقولي <br>
اميمة : غزا فيك الله انا كنتشفا فيك <br>
سهام : ياك الحمارة تبيري نتي ..صونا لاميمة تيليفون بعدات عليهم وجوبت <br>
اميمة بشوية و كدور تشوف فيهم هما جالسين في الارض و يشوفو فيها و كتهدر بشوية : الو سكينة <br>
كريمة ناضت دغيا : هادي سكينة اري ندوي معاها (كتسمع غير لي بغات )<br>
اميمة بصوت خشن : مامااع كلسي الارض غتمشي عندها و تشوفيها<br>
كريمة : ياك ابنيتي كباارت و شرفت و ديتيني لمي الحبيبة <br>
سهام : نيت اخالتي زيدهم في عدد الحلاقات و دي معاك تالحاجة ...كريمة حيدت الصندالة و تكات تجبدها <br>
سهام جمعت الوقفة : اخليك بصندالتك اخالتي<br>
اميمة : الو سكينة لقيتو <br>
سكينة : لاا ملقيناش رجعنا غير لدار سي طبيب <br>
اميمة : اوكي انا في سبيطار ديالو <br>
سكينة 😱😱: اويلي راه غيريب ..محسن سمع غيريب تخلع : شناهو <br>
سكينة : بلاتي <br>
اميمة : متخفيش راني مسيطرة على الوضع (عنداك متقيش بيها )<br>
سكينة : اه اوكي <br>
اميمة : عطيني لادغيس ....سكينة عطات تليفون لمحسن: هاك عطيها لادغيس <br>
محسن : الو <br>
اميمة : الوو صربي عطيني لادغيس <br>
محسن : هانتي سمعي مزيان غنقولها غير بالعربية <br>
اميمة : و صربي من تبوزيق ديالك <br>
محسن : بربي تاغنخرس موك <br>
اميمة : و كمل راني ممسالياش ليك <br>
محسن : اش غديري دبري راسك <br>
اميمة : صافي صافي العار سمحليا كمل كمل <br>
محسن : هانتي شوفي قوليلهم شارع لبنان ريزيدونس الفا عاوديها <br>
اميمة : شارع لبنان ريزوس الفا <br>
محسن : ريزيدونس هي اقامة ريزيدونس <br>
اميمة : وي عرفتها شارع باكستان اقامة الفا <br>
محسن : اشمن باكستان شوفي اش غديري انسيفطو ليك في مساج و عطيه لمول طاكسي اميمة : لاا راه الحاجة عندها طموبيل <br>
محسن: دونك الحاجة انسانة متحضرة (ياودي غير سكت ) عطيها تقراه <br>
اميمة : مغتعرفش مهيم جيين نسولو <br>
محسن : من نيتك غتقولي ليهم بلاتي نسول فين داري <br>
اميمة : ياودي تا اش حرك شطاتك تواحد مغيدي مغيجيب يلاه بسلامة (قطعت و دارت تقوليهم يلاه نمشيو ملقات حد) اويلي فين هادو اناري فين هادو مشات كتجريييي تقلب <br>
سكينة :صافي قلتيها ليها <br>
محسن شاد تيليفون كيسيفط ميساج : ويي غنكتب ليها لادريس <br>
سكينة : كتب كتب خلاص و ارا تيليفون و مدخلش للتصاور <br>
محسن : شكون داها في تصاورك تنتي زيدي طليعي.....بيازيد حضيهم من الاوطو غيطرطق شلقومتو لتحتانية طيرها بالعضان خلي حجبانو تفيكساو على تغوبيشة عند بالو كيخونوه غير طلعو هو يخرج من الاوطو سدها و تبعهم (هو كيعرف بلي تما كين الابارطومون دكريمة : غنسيقو سبيطار....<br>
سهام : اويلي علاش مجداكين في شقا <br>
كريمة : هزي سطل و تبعيني نحيدو على دريات العداب ديال تسياق مساكن ميقدوش على هاد سبيطار كامل غيطيح ليهم كتافهم واخا هاد الكراطة صغيورة (لكيكرطو بيها زاج )<br>
سهام هزات سطل و سربيتة و غادة تابعها عمرو لما من طواليط و كبوه من فوق الدروج بالنسبة للكلب طلع في سانسور خرج في الطابق 8 لقا سكيريتي تما يلاه طالعين من دروج سخفانين <br>
سكيرتي غوت : هاهوااااا ....رجع دخل ليهم في سانسور طلعو تابعنو من دروج هما يشوفو الما نازل فحال شي فيضان و تمو هابطين يتجراو و لكن فزكو من رجليهم <br>
الحاجة باقا جامعة عليها عباد الله و تعاود ليهم خرجات وحد الفرملية : عدرا سيداتي ممنوع الرجال في هاد الجناح <br>
الحاجة دارت عندها : و فين بان ليك شي راجل هنا <br>
الفرملية 😅: اه نتي لي كتهدري استسمح <br>
الطابق 5 نايضا فيه الروينة ملقاوش الكبدة باش يديرو العملية و المريض مبنج وواجد بالنسبة لضحى دخلات لوحد الجناح و مقراتش بلي مكتوب فيه الفوق للمرضة نفسيين اجيو لالة كريمة و سهام لردو الجناح تيشعل و غاديين هابطين للجناح الموالي دخلو فيه على مرة كتولد و كلشي مركز معاها و هما كيشطبو تحت منها <br>
أميمة قلبات تعيات لقات بعدا الفارة هزتها و بدات من الفوق من طابق 8 لقات حياة خارجة و هازا يديها كتقلب على شوية تيد كلشي عرفها خارية <br>
اميمة : خالتي يلاه زيدي غنمشيو <br>
حياة : بلاتي بغيت شوية تيد <br>
اميمة : تالدار و غسليه دخلي لسانسور بقاي تم انا جيا فين هبة بعدا <br>
حياة : راه بانت ليا في ديك المكتابة كتلعب بالمنيكات <br>
اميمة دارت : اينا مكتبة 😱 ويلي ديال سي طبيب ....مشات خرجتها لقاتها شقلبت كلشي دخلتها لسانسور و هبطو في كل طابق اميمة كتخرج تقلب لقات المشا هزتها دخلتها دازو لي من بعدو خرجات اميمة لقات كريمة و سهام يلاه مخرجينهم واحد الفرامليات <br>
فرملية : نتما مراضين لا ؟<br>
سهام : لاواااه الا خالتيي راه نتف لختي زغيباتها <br>
اميمة دخلت : هيهيهي سمحيلينا ....جراتهم لسانسور دخلتهم ثم مشات للطابق الموالي مكين حد طابق لي منبعدو والو تال طابق 2 خرجات لقات الكلب تماا كالس وهاز ستيان في فمو و 2 من سيكيريتي كيقربو ليه بشوية يشدوه دخلت بناتهم اميمة حيدات ليه ستيان عطاتو ليهم و جراتو لسانسور مشات للطابق الاول خرجتهم من بعد سانسور طفا صافي خسر ووقف على عمل و خرج منو دخان مهيم اميمة كانت غادية و هي يبان ليها جناح الاطفال العيالات كلهم جالسين في الارض و الحاجة وسطهم كتهدر معاهم اميمة جراتها من الوسط خرجتها عاد خرجتهم مع الباب وخلاو روينة من موراهم ناضت القيامة سبيطار كامل حابس اميمة ستفاتهم قدامها من الحاجة في ليمن تال الفار في ليسر و بدات تحسب فيهم 😱: ويلي ويلي نسيت ضحى طلعو الاوطو انا جاية ....دخلات تجري هما دارو كاملين جيهت لبيكوب لقاو ديباناج هازها و ناض دكشي لي لور رجع القدام بقا غير الهيكل لتحت بربعة الروايد و هي تنوض الحاجة تغوت مشاو كاملين تبعوها يتغاوتو و يدابزو ......<br>
محسن دخل للدار و دخل سكينة من موراه و سد الباب و كيوسي فيها <br>
محسن : هااا لاكارط ضيعيها و لا توقع ليها اي حاجة نعلقك <br>
سكينة : كون هاني اسي طبيب والله لشدها شي حد <br>
محسن دور سكينة : شوفيي مزيااان هاد لابطومون بغيت فاش نرجع نقلقها هاكا (ياودي سير شوف سبيطارك تحسرو فيه القوادس ولا الواد الحار يخرج من روبيني بان ليا غدير مغلق للصيانة)<br>
سكينة : وتال هادي منضمنكش فيها <br>
محسن : مهيم انا علمتك ...شي حد كيصوني في الباب بجهالة<br>
محسن : اكيد جاو وانا باقي هنا<br>
سكينة : نونو بلاما تخاف ماشي هما هما مكيدقوش الجرس هما كيفرعو الباب .....مشا محسن كيحلو على نياتو مع دخلة جاتو لكمة لوجه معرف باش تبلا <br>
بيازيد : هادي هي الرجلة كضحكو عليا اولد****....و نزل عليه بضرب و البونية <br>
سكينة شادة من حناكها : ناريي عرف الحقيقة سالا منو و هو يدور ليها ناض لعندها سكينة كترجع بلور و تخشات في الحيط <br>
سكينة : و و و الله ا ا ا سي بي بيزيد م د رتها بلعاني والله ماعرفا شي حاجة <br>
شدها من شعرها وجرها لعندو : غنقتل موك انااا رديتوني شماتة نتي وياه ....محسن ناض كيحل في عينيه و ناض شدو : تهدن اصحبي طلق منها انا نفهمك ....طلق منها و دار عطاه البونية محسن تهو تعصب و رجع ليه و بداو مني منك دقة فيا و دقة فيك <br>
ضحى دخلات القسم المرضى نفسيين جا عندها واحد شارف : ماما ماما جيتي <br>
ضحى: يعطيك الغما بنت ليك قد موك <br>
هو : علاش اماما (بدل الصوت وخرج فيها عينو )غنقتلك اماما <br>
ضحى : اويلي نتا مسكون ولا مالك <br>
هو : طوجيبطاهو كطارا سنم بيار هوطاهي ديفانا سنم انا شاروخان<br>
ضحى : قلب على مي ناقصني <br>
هو جمع فمو على شكل بوسة : بوسيني (صمكاتو ) غنقتلك (صمكاتو) ماماااا (صمكاتو )ماما بوسنيي غنقتلك موتيي كنبغيك ...سيد ولا فحال المحسن كان غادي ووقف و دار و دارليه ابتسامة ديال بلعانية و زاد و طلع الاوطو ويلاه غيديماري و ديك ريحة دالحاجة بقا ليه في نيفو جبد بارفان مجهد غالي على الله تحيد ليه ريحة من نيفو و كسيرا لدارو يدوش راه تبهدل <br>
بيازيد كيمسح لسكينة في شعرها : فاش تسالي عيطي ليا ...هي كتشوف فيه ببراءة و دارت ليه براسها واخا و هو يتكا تالودنيها كيهدر و فمو كيقيس ودنيها : المرة جايا بقاي طلعي سنسلة ديال سروال حيت محلولة ...هو يشدها و طلعها كتبان ليك سكينة تلونت و باسها في عنقها اميمة خاشية معاهم وجها و مبتاسمة : ساليتو ...بيازيد خربق ليها شعرها و سكينة واقفة مجمدة حشمانة على ود سنسلة سروال و اميمة كدير البيازيد باي باي مشا بالاوطو و هي دور لسكينة و قاست ليها راسها : اييه راه مشا <br>
سكينة : ويلي ويلي اخر يامي سنسلة سروالي محلولة <br>
اميمة ببرودة : ههه ياك سدها ليك يلاه نطلعو دابا عندهم راه توحشت نجلس معاهم <br>
سكينة: يلاه ...غير طلعو لقاو كريمة كتغاوت مع ديك المحامية <br>
كريمة : بغيتي تقتلي الفارة والله لكانت ليك <br>
المحامية : غندعيكم على هادشي <br>
سهام مكفدة يديها: حيدي حيدي خنوريها نيت علياش دعي ....خرجو ناس العمارة كيستغربو من جاي هاد صداع و كيشوفو <br>
واحد سيد: الالة اش هاد صداع غنعيطو البوليس <br>
الحاجة : سير ديها غفي مرتك شوف فين ديعة (الحاجة اش جبدك في مرتو ).....سمعو الغوات ديال شي مرة كلشي دار عاد خرج الكلب كيجري هاز سترينك ديال المرة المشا فرتكات وحد الفاز غالي محطوط تما ...طلعات سكينة و اميمة كيشوفو في هاد الحالة فحال تسطية عاد دخلوهم و طلبو الاعتدار دخلو لدار لقاوها مقلوبة سفاها على علاها المخاد في الارض مقطعين القطة واش كدير حياة فرشت ليها في الارض و جلسات روبيني تبوشا ولا الما غديز طواليط العصرية مبقاتش عصرية مبقاتش كتدوز الما و الكرسي تحيد من بلاصتو الكوزينة مبقاتش كوزينة معرفو يخدمو فران معرفو يخدمو بوطة مع كلشي اوطوماتيك معادا ديك محمصة الخبز حطو فيها جوج خبزات كبار ديال زرع عاجناهم الحاجة حطينهم تم يسخنو (رويدات ديال رموك) و الثلاجة كاملة عمرات خضرا و تفاح و ليمون و بنان و زعبول و كرعة و كلشي <br>
اميمة : واش كتشوفي لي كنشوف <br>
سكينة : سي طبيب مغيرحمناش <br>
اميمة : اجي تشوفي واحد سبيطار كيردوه ياربي <br>