انا زوجتك..الا تذكرني

26

😱انا زوجتك الا تدكرني؟😱26😱<br>
سكينة بعدات محسن و قربات وجهها للراجل: علاش تتكدب عقت بيك باغي تسارا<br>
سيد مخرج عينو في سكينة مكرهش ينوض ليها و يعفط عليها برجليه وصلو لطابق الاول <br>
محسن : هاكو ساروت سيرو الطموبيل راها في لاكاف انا غندي سيد لبلاصة ديالو <br>
اميمة: و فين جا هاد لاكاف <br>
محسن : سيرو لسانسور راه فيه ناقص واحد ضربوه غيهبطكم لتحت (باقي كملش لهدرة تسد الباب دسانسور )<br>
محسن : على الله ميديرو حتى مشكيل (ههههه من نيتك )...مشا داه <br>
اميمة و سكينة في سانسور ضربو ناقص واحد و هبطهم لاكاف كان خاوي فيه غير سيارات خرجو من سانسور و خيفات<br>
سكينة : علاش كنحس بيهم غيخطفونا <br>
اميمة : بصح هاد الاجواء ديال الخطف اجي اجي نقلبو على الاوطو دسي طبيب و نحلوها و نجلسو <br>
سكينة : مبانش ليك كاع طموبيلات كيتشابهو <br>
اميمة: اجي نجربو ندخلو ساروت لي دخل هو هداك لمادخلش راه ماشي هي <br>
سكينة : اوكي ...(اويلي يضربو غير البطون فيها حل سد غير يشعل الفار دطموبيل راه هي هديك وليت نتعجب في هاد جوج) بداو من وحد الاوطو في الراس مبغاش يدخليهم دازو لتانية غير قاسوها بدات تزوي <br>
سكينة: اويلي اش درتي <br>
اميمة ضربتها باش تسكت: اويلي مدرت ليها والو بالبحاطية لخرا كتحط الباطل....هما يسمعو صوت الكلب و شي حد سلط عليهم الفلاش : هو شكوون <br>
اميمة ديرا يديها حيت ضو مجهد: حيد ضو راك عميتينا <br>
سكينة: حييييد الضووو الزمر ...حيدو و شافو فيه لقاوه العساس و شافو في الكلب لي كان شادو هو ينبح عليهم هما يلصقو في بعضياتهم و هو يتم جاي ليهم <br>
سكينة : بعد لهيييه نتا وكلبك <br>
شدهم من تريكهم : كنتو باغين تشفرو <br>
و هي دور ليه اميمة و جبدات ليه ساروت: لهلا يحييك قالا نشفرو ها سروت طموبيل <br>
سكينة : اه ها سروت راه غير تلفنا عليها <br>
محسن : شنو واقع هنا <br>
اميمة مهزوزة من تريكوها و ربعت يديها : هنتا تشوف اسي طبيب مبقا حد يحتارم ضيافك محسن دوز يدو على شعرو : غير طلقهم راه معايا <br>
سكينة : شفتي حكرتيني ....<br>
محسن خدا سوارت من عند اميمة : اري نتي هاد سوارت <br>
اميمة : غير بشوية قوليا نعطيهم ليك غنعطيهم ليك ...كليكا على ديك البطون و شعلو الفرات و تحلات طموبيل <br>
محسن حل القدام و شافيهم واقفين مصدومات اولي واش شي حد ميعرفش يحل طموبيل : طلعو مالكم ...مشاو طلعو معاه و انطالقو و دارو راس على راس و نعسو ...في واحد البلاصة قريبة من المدينة كانت واحد البيكوب صغيرة كلها مخرشة من عام جدي سايقاها مرا كبيرة لابسة جالابة و زيف حياتي فوقو زيف و شادة كارو في فمها و معصبة <br>
الحاجة بصوت رجولي محض: واااا زيدووووو دفعوووو ....كانو لور كيدفع طموبيل جوج عيالاا كبار شوية عندهم الفورمة دعيالات المغربية اي غليضات شوية(كريمة و حياة) و معاهم بنت في مقتبل العمر 18 عام زوينة (ضحى)و درية صغيرة عندها 5 سنين مكتهدرش مزيان فحال زيزونة شاكين فيها حمقة(هبة) و عندهم كلب و مشا و فار الكلب جاري على المشا و يدورو على طموبيل (حشمت نقول طموبيل غير حديدة مصدية فيها مطور و ربعة الروايد و قيطون فوقها)<br>
الحاجة : واااااا دفعوووووو ازبابيل <br>
ضحى دربت طموبيل برجليها : راه ما زبل هادا ماوالو<br>
كريمة كدفع على حر جهدها ووالو طموبيل مكتزيدش : هدشيييي مناااافعششش <br>
حياة كلات زعبول في طريق من حدها تدفع و هي طلق القرطاس من لور <br>
الحاجة و الكارو في فمها و شافت في لفران اماه : هادا مالو هابط ...طلعاتو عاد زادت طموبيل (الحاجة راه كتكيف شكون عطاها تسوك ) ديمرات طموبيل و و زادت طايرة هما تبعوها يجريو ووالو الكلب بوحدو لي تبعاها هما بقاو يجريو تابعين ووالو سيدة طارت ساروخ جلسو في جناب ديال طريق بينما رجعت حياة تزير عليها الحال دخلات بين سبولات تقضي حاجتها كريمة حيدت زيف و عكساتو مع الصهد و جلسات في الرض تسرحت ضحى ساخطة على الوضعية و تعاير و هبة حادية حياة كتقضي حاجتها واقفة عليها كي البروصي عيات تجري عليها ووالو لصقت و شادة من نيفها و تفرج فيها كتعسر و اش داك نتي تغلقي فشي زعبول بالنسبة للحاجة باقااا غادة طيرا و هي دور دازت عليهم تانيي طايراااا و الكارو في فمها (الحاجة مكتعرفش تحبس طموبيل حيت اصلا معندهاش البيرمي غير معلمينها تسوك وورتات ديك طموبيل ابا عن جد) 😒😒 <br>
#تعريف <br>
#كريمة ام اميمة و ضحى و هبة <br>
#حياة ام سكينة ......#الحاجة ام كريمة و حياة <br>
#الكلب ديال الحاجة سميتو لايكا ...#المشا ديال ضحى سميتها رولا ....و #الفار ديال هبة سميتو الفار (على فكرة الفار اصلو طوبة تكب عليه ضوا الحمر ولا حمر )<br>حتا رجع الحاجة المورال عاد وقفت ليهم طلعو الكلب جالس القدام وهما جالسين مزاحمين لور و ضحى الوسط بين حياة و كريمة و هي كتلوى بيناتهم عصروها و هما متزعزعوش غير كيشوفو فيها و كريمة مجلسا هبة قدامها و المشا حدا راسها ناعسة <br>
ضحى كتحاول تحرك: اوا الله ينعل بوها عيشة معاكم (خرجات من وسطهم تلاسقو و هي وقفت و دارت تشوفيهم )اويلي نتوما تزعزعو شوية نتوما كنتو تساينوني النوض ....هما غير كيشوفو فيها و هي تفرانيي الحاجة بجهد ضحى طاحت القدام <br>
ضحى جات نايضة : وبربي حتى معيشا مزمر هادي ...هو يلحسها الكلب خالا كاع دفالو فيهااا بردها شوية سكتت <br>
كريمة: علاش وقفتي الحاجة؟؟(تما اشمن حاجة و سيدة كضرب جوانات )...و هي ديماريي تاني رجعت ضحة على حياة عفطات ليها على رجليها <br>
حياة : اييييي امي رجلييي الحمارة عفطتي علياا <br>
ضحى : فحالا انا لخاطريي شوفي هي لي دمارات بزربة <br>
كريمة كتغني : مزل مزال مفقدت الامال مزال مزال <br>
حياة : هرستيي ليا رجلي بالمصنة لخرى <br>
ضحى : انا مصنة منعرف شكون من صباح و هو يفشفش علينا <br>
حياة : ياك الكلبة وليتي تعايري خالتك الخانزة لخرا <br>
كريمة : اش داك تمشي لزين و نتا ياراجل مسكين <br>
الحاجة صونا ليه نوكيا و نزلات راسها تقلب عليه و الوطو غاديا و بدات تعواج و طموبيلات ديزين و كيطوطوو و يبعدو حتا لقات تليفون قرات نمرة و جاوبت <br>
الحاجة: الو شعيبة راه لتحت في المخيزن و سير اه راه حطيتو تما (كلاكسونات عليها رموك ردات الكلاكسون تاهيا و ردات عليه بلكلاكسون وداك الكلاكسون فحال ديال بولو )<br>
الحاجة : واشعيبة و سمعني نقوليك (خرجت راسها) مال موك نتي طوط <br>
مول الكاميو طل عليها و تصدم: والحاجة ماشي ديالك هادي <br>
الحاجة : ديال موك طييط طييط طييط ماشي معاك اشعيبة طيط طيط<br>
ضحى : و كحزي اخالتي براكا من البسالة<br>
حياة : دابا عينك فياا غير انا <br>
كريمة : فينك ياجبال الاطلس فينك يا بحور البوغاز <br>
هبة طلقت الفارة و الفارة طلعت عند المشا تبومبا عليها حتة المشا ماشي من العاكزين تبعتها و الفارة تجري و لا طوم و جيري فوق راسهم<br>
هبة شافت صداع كلشي كيغوت حلات فمها شوية و بدات كتغوت بشوية : ءءءءءء ءءءء ءءءءءءء <br>
الكلب تهو : عووووووووووو ....و الحاجة تعاير في مول الكامية ....واااو شحال ديال الصداع كلشي كيهدر واوواواواوا سماكيت نرجعو عند محسن وصلو لواحد الحي كلو عمارات تقريبا وقف قدام واحد ريزيدونس و دار ينوضهم لقهم متكين على بعضياتهم و شد اميمة قرصها من حنكها و زير ناضت ضربت ليه يديه و غوتت و سكينة قفزت <br>
اميمة : وااش حماقيتيي لا ؟؟<br>
محسن : ههه نوضو راه وصلنا ....خرج من الاوطو <br>
سكينة كتحك في عينيها : علاش شنو واقع هنا <br>
اميمة : والو غير سي طبيب تبرهش تعالي تعالي نهبطو ....هبطو لقاو دوك العمارات طلعو عينيهم لفوق <br>
سكينة : هادشي طويل اه <br>
اميمة : متقوليش ليا هنا فين غنسكنو<br>
سكينة : بغيتيهم يشقلبو العمارة راه المافيا و متقدش عليهم <br>
اميمة: يلاه نطلعو نشوفو اخرتها مع هادا <br>
تبعو محسن لقاوه كيهدر مع شي حد في طيليفون ضرب رقم ستة وهو كيهدر وصلو لطابق لقاوه خاوي و نقي وواقف واحد سيد تما كيساينهم تسالم هو محسن و دوز واحد البطاقة فحال دالبنك على وحد اللعيبة هو يتحل الباب اميمة و سكينة لصقو على الراجل كيشوفو داك العجب كداير<br>
اميمة : واااو هدشي كين في المغرب <br>
محسن : لا في اسبانيا دخلو ...دفعم لداخل كانت ابارطومون نقية لي فطوي الكوزينة عصرية دكشي كلو بالكري ضواو بيضين دكشي زاز و عصري و كلشي اوطوماتيك تمن روبيني غير تحط يدك تحتو يطلق الما <br>
سكينة : وااااو هدشي واعر هههه والله لا بقات شي حاجة صحيحة ههههه <br>
اميمة : سي طبيب هادشي راه منافعش <br>
محسن : علاش ؟<br>
اميمة : راه غادي غير يخسرو لسيد لابارطمون ديالو <br>
محسن 😒: هادي ابارطمون ديالي <br>
اميمة : بزعطاا انا داوية ليك في جيه و نتا كتبان عليا القوم لي جاي عندنا يصلح ليه غير الدس <br>
محسن : و شنو بغيتيني ندير ليك <br>
سكينة : اميمة عندها الحق خدامين جفافات في السبطار و غنديرو هاد الابارطومون <br>
محسن : وشنو بغيتو دابا <br>
اميمة : دبر لينا في وحدة عادية في حي شعبي غير جوج بيوت و كوزينة فشي سطح <br>
محسن : ماكنعرفش بلايص فحال هاكا <br>
اميمة :اووف واش باغي دير فيها مكلمن علينا و لا شنو <br>
محسن : شوفي راه من صباح و انا صابر عليك <br>
اميمة : و اش غدير كاع تقتلني متلا ؟<br>
محسن : متلا <br>
سكينة دخلات بيناتهم : دابا العار ما عتقونا معندناش الوقت <br>
محسن : اوووف زيدو قدامي ايهم هاك (عطاه داك البطاقة ) وزاد بيهم طلعو للاوطومبيل و كسيراو كيقلبو في الاماكن الشعبية على شي بيت تما و كيهدرو مع سماسرية حتى صونا على اميمة نوكيا <br>
اميمة 😨: ماما كتصوني <br>
سكينة : نارييي باقيي ملقيناش <br>
محسن : جوبيها <br>
اميمة : اش غ