انا زوجتك..الا تذكرني

33

😱
#ميامي.....
سكينة فاقت بكري باقي نهار يالاه بدا يطلع (منعرف اش باغا دير الله و علم يمكن اتمشي تقلب على تيليفون) مشات دخلت دوشات و خرجات لاويا فوطة و مشات تخشات تقلب في لافاليز متلبس و بركات تخرشش جبدات دوبياس كحلين و جبدات كسوة بيضة شبكة طويلة شوية ناضت لبساتهم بتقرقيب هي معندها حتى حاجة صمت تالبسات و سلات
بيازيد مشبح : اححح على طرف عندي و صبحت عليه انا (تمنظر سيد حتى شبع )
سكينة شداتها السخونية من نيفها و مشات و بركات ضرب فيه بالمخاد و هي حشمانة : حشومة عليك حشومة هادشي طل على الناس كيبدلو ...بقات ضرب ياما ضرب خنقاتو هو يجرها تحتو : دابا شنو
سكينة : نوض حيد براكة من لبسالة
بيازيد طلع حاجب : بسالة ؟ و لكن انا باقي مبديت فيها ....هو يبدا يهر فيها و يقيسها فشي بلايص ياربي السلامة و هي كي البكرة ضحك حتى سلاو هو مغمض عينيه و معنقها
سكينة تزعزع فيه : نوض نوض خلاص عافاك
بيازيد على نفس الوضعية : فين؟؟؟
سكينة : نعوموو البحر زوين( دابا هادشي علاش نايضة بكري انا قلت سيدة مطورة موك يا موك )...نوضاتو بزز و هو كيتماوت عليها دخلاتو للدوش و سدات الباب و جات غادية و عاود حلو
بيازيد شدها: دخلي معايا ...رجعات دخلاتو: دخل خلاص خاصنا نعومو الما شيبي نقي .... و سدات الباب (قالت ليك الما شيبي 😂) بقات هي جالسة لبسات سنيدلة دصبع تخرج و خلات شعرها مطلوق هو خرج من دوش جا شدها من لور و لاح تقلو عليها
سكينة : نوض عليا غتقتلني
بيازيد: خليني هاكا
سكينة : وااع لبس دغيا راه مزال خاصنا نكريو باراسول (وجه الكحط قالت ليك باراسول تفو عمر مكم تقدمو)
بيازيد : ههههههه حنا في ميامي ماشي مهدية (شاطئ القنيطرة ختكم قنيطيرية 😀✌)
سكينة : المهيم نهبطو يالاه سربي ...صافي مشا لبس عليه شورط و سوفيطمة بيضة دارو نضاضر دالمرايا هي بالغوز و هو بالكري و هبطو يتبحرو مشاو جلسو في واحد الكراسة طوال و براسول دوك ديال القش تابعين لاوطيل اصلا و كينا قهوة تما فطرو هو وياها بتعافير و تعابيز و شي ينغز فشي حتى وحلات لسكينة شربت الما و دارت عندو
سكينة: وحلتوها لينا كاع مخلينيناش نعقلو على فطورانا
بيازيد : يلاه نوضو نعومو ههه ....حيد ليك الالة سوفيطحة ودوك العضلات اميمتي انا (oumaima mega )و سكينة حلينا فمنا تطريقة باش حيديها كتسطي بقات سكينة كتفرج فيه حتى طرطق بصباعوو في وجهها : اييه يلاه نمشيو ...هي داخت : ءءء؟ شنو كيفاش ....هو يهزها و مشا غادي كيجري بيها البحر و هي تغوت و هو يلوحها في البحر و تلاح من موراها هي خرجات من البحر تلتاقط انفاسها و عينيها مغمضين و تحاول تشد توازن و تقلب بيديها و فمها تخوي الما هو يشد منها و جابها لعندو جلسها فوقو حليها رجليها و تخشا وسطهم و هما تحت الما و حيد ليه شعر على عينيها هي كتحول تحل عينيها فيه لقاتو كيشوف فيها و كيضحك : هي سمطتها معاه لكتف مع عريان : مال ضحكك باسل فحال دالبناية دابا كون غرقت
بيازيد : غترقي في ميطرو دالما
سكينة : والمهيم هادا ضحك باسل ....باسها بوسة خفيفة في فمها و ركبها فوق ضهرو : شدي مزيان غندخلو لداخل شوية شدات بيديها فوق كتافو و ترخات و كضرب برجليها اما هو حلفي عليه سباح فشي الامبيات كيسبح بطريقة احترافية فحال الحوتة و غادي مزايد يدخل لداخل (احم احم بيازيد متبعدش عافا خويا راه هاد القوم على سبة) بقا غادي بيها على ديك الحالة و كيهدرو و يضحكو شوية جبدات سكينة سمكة القرش بقا يخلع فيها و عاد مكيدخل لداخل دالبحر شوية لصقت ليها في رجليها طحلبة (ربيعة دالبحر ) غوتات يحساب ليها حوتة و طلقات منو و بدات تخبط و تبعد بيازيد مع الدورة جا قدامو يخت نزل تحتو يقلب عليها و مكيلقا والو فينهيا سكينة الله و علم هو تصدم و تخلع بقا غاطس تحت الما و حال عينيه كيقلب هاك و هاك مكينش الاثر ديالها فين مشات الله وعلم حماق تماا بقا كيقلب تكانت غتقطع ليه النفس طلع خدا الهو و هبط تاني بغا يخرج ليه العقل مكين ليها اثاار اوو(😱😱اويلي فين سكينة ) ........
#باريس ....
اميمة ناضت في احضان محسن حلات عينيها في وجهو نيشان كانو قرابين من بعيضياتهم بزااف نيف على النيف و ناعسة على دراعو و اليد لهرى فوق خاصرها بقات كتشوف و كتستوعب المنظر و داكشي لي ديرين كانت غتغوت و لكن شدات من فمها و تفكرات دوك ضربات لي ضربها البارح تسلتات منو بشوية و كلها مدكدكة حيدات ليه يدو لولة و تانية و ناضت وقفت كتشوف فيه و دير يديها على نصها و هو في سابع نومة و كتنخف و تفش علي راسو : وليتي تمد عليا يدك اسي طبيب واخا انا غنوريك اميمة اش كتسوى لما خليتك تسطا ليوم راه من تسماش اميمة بنت كريمة ....كان فحال دقان في الباب مشات حلات لقات واحد المرة سمرة قصيرة غليظة و لبسة لباس الخدامة و جارا كروسة عامرة بالماكلا كرواسا و طرموس دالقهو و لي ميلفو دخلاتها حطاتها و خرجات اميمة سدات الباب دخلات لطواليط كتسقطر البولة تال اخر نقطةخرجات و كطل على محسن واش باقي ناعس سيد عيان مناضش مشات لماكلة كلات و شربت مزيان هزات في جيبها ربعة الكرواسات و قرعة دالما صغيرة و قرعة خرى صغيرة دزجاج عند بالها عاصير لبسات المونطو ديال محسن حيت كين البرد بزاف و حلات الباب و دارت جيهت محسن ودارت ضحكة جنب : و دابا قلب عليا لالقيتيني بعدا المهيم نتلاقاو في العشيا في الاوطيل بااي ...خرجات (نخاف عليها من هاد الطيران دوالو) هو عاد تقلب لجيهة لخرا كمل نعاسو هبطات في سانسور و خرجات مع الباب و دارت شافت في الكميرا و خرجات لسانها و هنا كان واحد خينا واقف في الباب لابس مونطو طويل تال الرجل كحل و دير طاقية ووجهو مخصر شوية مغطيه بالكول دالمونطو و باينا في ملاميحو عربية وبين عليه متشرد بقا حادي اميمة تخرجات مع الباب تبعها هي بقات غادية تدور و كتحاول تعقل على طريق باش ترجع اول حاجة شافت سمية الاوطيل (بلازا اتيني من اشهر 15 اوطيل لي في باريس تصاورو لتحت 👇 و لكن اميمة واش غتعقل على سمية الله و علم هي معقلت حتى على شارع لبنان ) بقات غادية كتحفظ لبلايس تما و غادا في اتجاه برج ايفل حيت كتبان القبة ديالو بقات غادة مدة طويلة و كتهدر غير بوحدها مخلات ما سبات و داك لي تابعها عرف اصلها عربي المهيم بقات غادة لديك جيهة غادة و دخل من هاد شارع يلوحها لداك شارع (لعقلت على شي اوطيل هاوجهي ها وجهكم ) حيت واخا البرج كيبان قريب هو في الاصل بعيد بقات غادة هكاك و لاخر مفرقهاش و كتقطع شانطي بجرية ...هنا فاق محسن كيحاول يحل عينيه تفكر بلي نعس حدا اميمة البارح دار لقا بلاصتها حداه خاوية ناض جلس و شد من راسو مسح وجهو و مشا جيهة الحمام كيدق فيه : اييه نتي خرجي من تما دغيا....زاد الدقة التانية هو يتحل الباب ديال الحمام واحد شوية ، مسمع حتى ردة فعل و لا حتى صوت دخل دغيا لحمام مكيناشش خرج كيقلب عليها في ارجاء الغرفة ووالو و كيهدر غير بوحدو و كيردد فين مشات هادي خرج يجري على الله تكون في الاوطيل قلب اوطيل على قدو شي ساعة فحال هكاك حيت الاوطيل كبير كولو و لا عرقان و مشا لمركز الاستقبال علمهم بحالة اختفاء و دخلوه لغرفة المراقبة لي كانت مليئة بتلفازات و جالسين قدامهم شي ناس و قدامهم لي كلافيي بداو كيرجعو الكميرات لور و يشوفو واش خرجات تبانت ليه غادية بالمنطو ديالو
محسن : سطووب رجع هادي ...رجعها و شافها خارجة و دارت تشوف في الكميرا و خرجات لسانها خبط يدو مع الكلافي قسمو على جوج : غتحمق مي هاد البرهوشة ...وخرج ساخط يقلب عليها (اححح عليك ا اوماا كتقفريها على راسك)
طلع في الاوطو صونا ليه تيليفون كيعلموه بلي مكينش الاثار ديال بيازيد في باريس هادشي لي زاد عصبو و عطا تعليمات باش يقلبو في نواحي دباريس
#المغرب .....
ضحى طار عليها البنج و لكن مطارش عليها النعاس كتقلب من هاد جيهة وهاد جيهة و سهيل جالس فوق الكرسي و دير رجل فوق رجل و مربع يدو و حاضيها تتفيق هي دارت هو يبان ليها بدات تكسل و تشوف فيه : مالنا نتاا تاني صبحنا على الله
سهيل : نوضي تكعدي راه الخمسة هادي
ضحى جلست : وايليي كعما فطرت و كاعما تغديت (اااخر همها ههه)
سهيل : مقلتش ليك غبري عليا لا ؟؟
ضحى : و نتا لي جيتي عندي مالني انا لي جيت عندك (وجهها قاس شي بنت سولاتني على عمر ضحى عندها 18 عام #تحية لديك البنت 😘)
سهيل : غتنوضي تهزي من سبيطار و لا غندي نهزك من كراوعاك و نزاوطك من هنا
ضحى : اه اه كاع هادا حقد دايرو في اتجاهك قلبك عامر اوو قولي ورتا ليكم ورثكم هانا غادا ربحو بهاد سبيطار ...نضات خارجة حلات الباب و هي ترجع عندو و مدات ليه يديها : فلوس الطاكسي...طلع فيها عينو و ضرب ليها يديها
سهيل : والدتك و نسيتك
ضحى : ياا غتعطيني يا مخرجاش من هنا ...جبد من جيبو 100 درهم : هاكي سيري عند وليديك و باراكا من سعاية و خودي ليك متاكلي
هي تكات باستو في حنكو (😳): شكرا اسي سهيل ..هو صدماتو و خرجات هو يدور : اووف و اخيرا الحمدالله تفكيت من هاد البعلوكة (هو يضحك وقاس حنكو ) هه و لكن زوينة اووف نوض نكمل لخدمة ديالي ...ناض لخدمتو هي شدات طاكسي و مشات (فين؟ الله و علم انا هاد 3 خرجو عليا ) هو دوز داك نهار عادي خدم من هنا و خدم من هنا سالا شغلو و مشا هز الاوطو ديالو و مشا للدار حل لقا مو تما جالسة تحلفي عليها صاحبتو انا لي مو ماشي هي شافتو جات عنقاتو
نورة : اوو ماشيغي جيتو ...تبادلو لابيز
سهيل : اووو الحبيبة ديالي علاش معلمتينيش بلي غتجي و شكون حل عليك
نورة شادة ليه من حنكو : اوو حبيبي بغيت ندير ليك سيغيخيز و لكن كنت غنبقا برا كون ما الخدامة هي لي حلات ليا
سهيل باستغراب : الخدامة ؟؟
نورة : ويي الخدامة
ضحى بابتسامة عريضة: جيتي اسي سهيل ....هو دار و شاف فيها فحالا شاف جن خرج عينو فيهاااسهيل جلس مو و دخل الكوزينة عند ضحى لقاها كطيب البيض المسلوق (هادشي لي قدرها ربي تصايبو )
سهيل جا ودورها و شدها من دراعها: اش كديري نتي هنا
ضحى : كنطيب البيض المسلوق حشومة خالتي تبابت بلا عشا
سهيل : و مكيهمنيش ،و كيف دخلتي لهنا ...كتحيد دراعها : غير تهدن نتا طرطقتي فيا عينيك راه ديك سوسيطة هي لي حلات عليا
سهيل : اينا سويسطة
ضحى : ديم زقيونح ديال صاحبتك لقيتها هنا غير دقيت حلات ليا و خرجات فحالها صراحة ملقيت فين نمشي و نتا قلتي ليا سيري حيدي من السبطار و انا جيت لهنا
سهيل : سيري لداركم ماشي لداري انا
نورة : سهيل حبيبي تعالا نتسلفاو بغيت نلوحها في الانستا
ضحى : سير سير تسيلفا معاها
سهيل : غنتفاهمو على هدشي
ضحى : ايه ايه غير سير (مشا) والله لخرجت ليك من هنا نبات في الزنقا انا بعدا تفكيت من ديك شيماء و دارت كطيب
فلاش باك.......⏩⏩تسريع
نرجعكم فاش عطا سهيل لضحى فلوس تمشي في طاكسي فكرت و فكرت فين غتمشي ووالو شدات طاكسي و خبراتو على عنوان دسهيل( كتسولوني كيف عقلت حيت اسيادي البارح فاش جبها لدارو قرات العنوان و نمرة الدار و كلشي باش لوقعات ليها شي حاجة تعيط لبوليس و منين نتي مطورة كون عقلتي غير على دار خواتتك على اقل يعرفو فصلك و اصلك منين ) مهيم خدات طاكسي جات للدار مشات دربات دورة جلسات في محلبة شيعات كريشتها و مشات جلسات حدا باب الابارطومون بينما جا سهيل شوية عيات قالت ندق على الله كانت شيماء تما حلات ليها ضربت فيها و دخلت
ضحى : اه اه منين نتي هنا لاش انا ضروني رجلي بالوقيف
شيماء : جيتي عاود تاني ؟ سيري فحالك
ضحى و تخراج العينين : سيفطني سهيل لهنا (لعنة الله و عليك سهيل سيفطك ؟)
شيماء : ميمكنش هو قالي بلي البارح غتمشي
ضحى: قال يقول قيلة دابا انا اقول واش من نيتك بنت و راجل قضاو ليلة مع بعضياتهم اش كتسناي منهم و تيقيه راه رجال مفيهم ثيقة
شيماء عينيها عمرو بدموع و خرجات كتبكي
ضحى : مسكينة بقات فيا صاحبها و لا منعرف اش كيجيها كيخونها ...دخلت تما و جلست تفرج شوية صونا الباب ناضت تحل لقات مرة زوينة طويلة و دايرا نضاضر
نورة : بونجور
ضحى دارت يديها على الباب : اش كين شكون نتي
نورة حيدت نضاضر : نتي صاحبت سهيل جديدة
ضحى : دابا شكون كيسول انا و لا نتي
نورة ضحكت : انا ماماه ....
ضحى تقادت في الوقفة : ايه ايه مرحبا بيك دخلي دخلي
نورة : ههه ربي يخليك شكون نتي
ضحى: انا انا الخدامة 😊
نورة : اوو ههه عند بالي صاحبتو قلت مع راسي ولدي مشا تال القصيرات
ضحى : ههه راني طويلة شوية تشربي شي حاجة
نورة : جيبي ليا كاس دالما ... ضحى مشات لكوزينة
نورة : من ايمتا وهو مخدمك ولدي
ضحى : وراه جاية لعام
نورة : ولكن انا كنت هنا الشهر لي فات
ضحى جات عطاتها الما: شربي الما و متبقايش تحكري في الهدرة قلت عام صافي عام ....نورة ضحكت و شربت الما و جلست هي و ياها شدوو الهدرة تاجا سهيل
#ميامي ......
بيازيد واقف في الرملة و كلو كيقطر و شعرو مرجعو لور و غير كيقلب بعينيه عينيه حمرين حفاو بتقلاب وولا كامل حمر و دوريات شرطة دخلو يقلبو عليها بالبطوات و الغطاسيت هو غيحماق واقف تما و كيمشي و يجي شوية دخل يقلب عليها مبغاش يخرج من الما كان غيموت خرجوه بزز و قربلها معاهم علاش تخرجوني و بقا غادي جاي و لخرين يقلبو و كاع لي في شاطئ كيتفرجو و هو تسطا صافي دابز مع واحد فيهم بالبونية فكوه غير بزز واقف في فطرف ديال البحر عينيه حمرين غيطرطقو عروقة دعنقو خارجين و : كنقسم بربي المعبود الى وقعات ليك شي حاجة غنتبعك ...بقا واقف تما ووالو مكينش ليها الاثار كيخرجو كيقولو ليه مكيناش لي كيقوليه مكيناش كياكل العصا مبقاوش يقدو يهدرو معاه و هي مكيناش في خطرة صافي هو قرب يموت بالخلعة عينيه دخلو بقا ليه غير لبكا لي مبكهاش حتى تحطات شي يد عليه
سكينة : شنو واقع غرق شي حد (الله ينعل موك خلعتينا عليك) ..هو بلا سابق اندار عنقها و خشا و جهو في عنقها و تكا وغطات يدو ضهرها كامل لدرجة ان رجليها تهزات من الارض
بيازيد فحال نبرة دالبكا: عمرك تخلينييي عمرك تخليني
سكينة مخشية فيه و كتسمع صوتو وهي تهزو عليها باش تشوفو و حطات يديها على وجهو : لاا انا مغنخليكش اويلي ....وهي تجرو عنقاتو تعلقات فيه و هو زير عليها فحالا غتهرب ليه البحر كامل كيشوف فيهم بواحد الفرحة في عينيهم و دوريات شرطة تهما فرحانين (تفكو منو هههه) عاد دخلو القهوة باش يتغداو عاد بدا يستفسرها فين مشات
سكينة : دابا شنو وقع انا لسقات ليا اخطوبوطة في رجلي (راه غير ربيعة ) نضت غوت و طلقت منك كنت غنغرق الحمدالله في داك اليخت كانو كيتمنظرو عتقوني و داوني معاهم حتى رتاحيت و رجعت ليك نعتقك جايا على رجلي حتى كتبان ليا واقف و انا نجري عندك
بيازيد😒 شدها من راسها و نخدها : و انا مخلياني غنحماق
سكينة : و انا لي حساب لي غرقتي
بيازيد : طلبي شنو بغيتي تاكلي
سكينة 😀 : خودلي على دوقك .....صافي طلبو حطو ليهم داكشي تغداوصافي طلبو حطو ليهم داكشي تغداو في جو مرح و من ضحك و تعابيز فاش سلاو مشاو يتبرونزاو شوية تكاو في داك الكرسي دارو دوك نضيضرات شوية سكينة ناضت فيها شواية بغات تعوم مخلاهاش بقات لاصقاه غوت عليها راها جالسة مربعة يديها غضبانة كتشوف الناس كيعومو و هي جالسة و دور عندو تلقاه هو مكوانسي قدامو و داير نضاضر المرايل و كيشوف قدامو و كانت واحد خيتي تتعوم سمرا و طاي حوتة بدو بياس و كتبوزا قدامهم جمالها مكسيكي سكينة بقات حالة فيها فمها و هي دور عند بيازيد لقاتو على حالو عرفاتو كيشوف فيها بقات تشوف فيه و تشوف فيها و هي تجي قدامو مخنزرة هو متزعزعش و هي تقرب ليه حيدت ليه نضاضر بشوية لقاتو مغمض عينيه ناعس( هههه غير شكيتي فيه مسكين ) رجعات لبلاصتها فرحانة ههه صافي غربات شمس سكينة تهيا نعسات عاد فيقها بيازيد طلعو لبيتهم دخل بيازيد لدوش خرج عاد دخلات هي تدوش و تغني خرجات بفوطة في شعرها و بينوار غوز
سكينة : بيازيد نتا هنا ؟؟ (كتسول باش تبدل ) بيازيد ...دخلات وحد المرة زوينة لابسة لبسة كلاص سية حد ركبة و قميجة و كرافاطا كحلة و شعرها جامعاه ديل الحصان و لابصة طالون سكينة كتذوف فيها و شادة الفوطة من جيهت صدارها
سكينة : ش شكون نتي
مريا بلغة العربية الفصحى المعكلة: انا مريا يا سيدتي
سكينة: ايه مريا شكون
مريا : لقد كلفني سيد بيازيد بان اجهزك
سكينة : اشمن جيهاز مفهمتش
مريا ضربات بيديها و دخلو وحد البنات لبسين نفس اللبسة الرسمية و هما كوريات العلاقة معلقين فيها الكساوي على جهد ديال لي سواري و عاد الاكسسوارات و ادوات تجميل سكينة غير تشوف بعينيها : ف ين ب يازيد
مريا : لا تخافي السيد هو لي كلفنا بهادا
سكينة : نخاف قالا منخافش (جاو باتجهها ) ايه بعدو لهيه
مريا : سيدتي تيقي فينا ....شدوها اول حاجة رجعوها للدوش عاودو نقاوها من الاول بلاصير من راسها تال اخمس قدميها ردوها تشعل دارو ليها لي ماسك في وجهها و كيصوبو ليها شعرها و كيقادو ليها ضفارها هي ترخات ليهم حيدو ليها الماسك صففو ليها شعرها و دارو ليها تقطيعة خطيرة و قادو ليها الميك اب ديالها فريمون ولات وحدة اخرى لخرين كيقادو ليها اللبسة و لي زاكسسوار ليتجي معاها لبسوها وحد الكسوة كحلة حد ركبة مطلوقة من لتحت و دارو ليها اقراط لءلء في ودنيها و دارو ليها سنسلة خفيفة في عنقها الماسية و ختارو ليها بلبراسلي ديالها و ختارو ليها طالون علي بارجونطي و بوشيط بالارجونطي جات اميرة من اميرات ديزني كلشي فرح بيها و مغمضة عينيها و دوروها لمراية و كتحل عينيها بشوية هي تصدمات في راسها كيف ردوها
سكينة : وااااو
مريا بابتسامة : تفضلي معي سيدتي السيد بانتضارك .....سكينة دارت ليها براسها واخا و مشاو خرجو على برا و هابطة معاهم على برا و عينيها كدور بيهم على بيازيد و كلشي كيشوف فيها فحال شي سحر كيف كتقلب عينيها و كيف كتمشا و من موراها دوك البنات فحال الاشبلات دياولها كتحس براسك وسط فيلم ديزني كلشي كيشوف و كيتخابرو كي بنات كي دراري
مريا : تفضلي معي
سكينة : فين بيازيد؟
مريا بابتسامة : تفضلي معي
سكينة زادت معاها كانت واحد ليموزين بيضة طويلة و كان واقف حداها واحد شيفور شافها و تحنا ليها وحل ليها الباب (السندريلا كتعاود ) طلعت و جلسات تما و هي متوترة و على فمها ابتسامة معرفاش ديالاش نسات حتى شكون هي غادية بفارغ الصبر باغا تلقا بيه فحال شي اميرة غتمشي عند ملكها بقات طريق كاملة كطل من شرجم كانت فحال طريق جبلية و لكن كين البحر و الظلمة شي ربع ساعة هكاك وقفات طموبيل قدام واحد الفيلا على شكل قلعة فوق واحد الحجرة كبيرة و تحتها البحر نزل شيفور حل لسكينة الباب حطات رجليها الاولى و نزلات كتشوف في المنظر ديالها كان وحد البساط حمر وقفات شيفور سد الباب هي شافت فيه و دخلات تما فحال شي اميرة كان فحال شي قصر من لداخل و دروج الوسط و كان الضو خافت نوعا ما و بيازيد كان لابس كومبلي انيق و عاطيها بضهرو هو واقف اسفل الدرج هي وقفت و ضحكت هو دار عندها و رد عليها الابتسامة و قرب ليها شد ليها من يديها و هو غير كيشوف في وجهها بانبهار نزل راسو باس ليها يديها و شد ليها من يديها و غادي بيها لواحد طابلة فيها جوج شمعات بغا يجر ليها الكرسي دارت نفس الفلاش خلاتو بلاكة و مشات جلسات من لهيه (الله ينعل بوك كنت عايشة معاكم اللحظة ) هو ضحك و جلس ......
#باريس .....
و اخيرا اميمة و صلات لبرج ايفيل حتى سخفت وصلات لديك الساحة و بدات تجري فرحانة لبرج وقفت قداموو مع هو كبييير بزااف بقات حالا فمها و مطلعا راسها حتى عنقها عواج بقات دور تما و تنقز بغات تصور معندهاش باش بان ليها وحد الكوبل كيتصورو تصورات حداهم بقات كدور تما سمعات بلي كينا قهوة الفوق بغات تطلع مخلوهاش صافي مشات جلسات في وحد البلاصة و كتاكل كرواصة (ولاخر باقي من موراها حاضيها )
اميمة : لي سمع برج ايفيل يقول هنا نبات غير الحديد وهو غير اكبر بوطو ديال الضو عندنا فحالو في المغرب (الله يمسخك )