انا زوجتك..الا تذكرني

29

حطات كريمة الصينية و تجمعو عليها و جلسو في الارض كيضحكو و عاجبهم الحال و كيهدرو و يضحكو في وحد الجو عائلي زوين <br>
سهام مسرحة: بان ليا نجلس معاكم مزال في هاد دار و نطلق ديك دار الكرا <br>
اميمة دربتها لرجليها : غتجمعي كراوعك لا ؟<br>
حياة : لا بنيتي غتمشي معايا معندك مديري هنا ندبر ليك على راجل راه باك فرع ليا مخي <br>
سهام : و الخدمة <br>
كريمة : و الكابلاج تاهيا خدمة <br>
بقاو شد فيا نقطع فيك بالنسبة لمحسن مشا لدارو دوش و بدل عليه و مشا لمستشفى لقاه في حالة من الفوضى عاد طلع البيروه لي تهو مرون طلب من ان كلشي يحبس من الخدمة لمدة ساعة غيديرو لسبيطار صيانة شاملة <br>
وصلات العشية تقريبا سكينة عيطات لبيازيد باش يجي يديهم و مشاو يتوادعو مع العائلة <br>
كريمة 😢: صافي غتمشيو <br>
اميمة عنقات كريمة : ماما تهلاي ليا في راسك هنتو باتو هنا و الباب غير سدوه <br>
حياة تهيا معنقة سكينة: الله يا بنيتي الله غنتوحشكم بقاو معانا اشوية <br>
سكينة : مكرهتش اماما و لكن نتي عارفة عندنا الخدمة بليل....الحاجة قربت ليهم و خشات في جيب سكينة ثلاتين الف <br>
سكينة : لا الحاجة اويلي <br>
الحاجة : خودي و سكتي دروك تبغيو شي حاجة ....تعانقو و تسالمو و كلهم واقفين في الباب كيديرو ليهم باي باي و كلشي في عينو البكية و تا سكينة و اميمة يديرو باي باي و جاتهم البكية (تفوو تانا جاتني البكية معاهم ) صافي هبطو لتحت بقاو كيتسناو بيازيد حتى جا و طلعو معاه سكينة القدام حداه و اميمة لور سكينة كتجر في سمطة و تكوانسات ليها و هي كتجر على جهدها بيازيد حط يدو فوق يديها ووجهو مقابل مع وجها و كيشوف فيها وهي كتشوف فيه و حنات عينيها و جمعت يديها هو جر سمطة و كيلصقها في بلاصتها و مزال على نفس الوضعية و هي غير كتخطف نظرة و تهبط عينيها و غيبدا يقرب ليها <br>
اميمة : احم احم (هو رجع لبلاصتو) خاصنا نمشيو ....بقاو غديين في جو هادئ كسر الصمت بيازيد : ممم سكينة بغيت نسولك <br>
سكينة : ممم فاش <br>
بيازيد: شهر العسل ديالنا؟ فين دوزناه؟<br>
سكينة😱 : اينا عسل اه ؟(دار شاف فيها باستغراب )ههه عسل ممقالش ليك سي طبيب بيازيد باستغراب: و علاش غيقولها محسن هدشي كيخصنا انا وياك <br>
اميمة : هو سراحة نتا كنتي مشغول بزاف مدوزتوهش (اش كدير هي و محسن الكدوب وااو)<br>
بيازيد: ممم اوكي <br>
اميمة : علاش هاد سؤال فجأة؟<br>
بيازيد: لا والو غير سولتو ....دارت سكينة كتشوف في اميمة و هدرو غير بالعين <br>
سكينة: واش واش شاك في شيحاجة <br>
بيازيد: فحالاش ؟<br>
اميمة كتحاول تنقد الموقف : مديش عليها راه غلقت في الحلوة ......مشاو للدار دخلو.. بيازيد القدام وهما من موراه حتى وقف ودار لعندهم هما وقفو كيشوفو فيه <br>
بيازيد : مم سكينة <br>
سكينة بخوف: ن ع ا م<br>
بيازيد: ممم سكينة وجدي حوايجك دابا شوية غنمشيو نسافرو ...ودار بغا يمشي<br>
سكينة😱: اويلي فين <br>
بيازيد عاود دار عندها : ممم شكون عرف يمكن باريس (ضحك ضحكة شريرة) اعتابريه شعر عسلنا لي مدرناهش....سكينة و اميمة 😱😱: اويلي ....هو طلع الفوق و لخرين تهما اميمة كترعد و كتقلب على نمرة محسن و سكينة جالسة فوق ناموسية و كتندب في حناكها <br>
اميمة و تليفون في ودنها و كتمشي و تجي: يلاه امحسن جااااوب<br>
تيليفون: مخاطبكم لا يجيب حاليا المرجو اعادة الاتصال لاحقا ...اميمة حيداتو و خبطاتو مع الارض و شدات من راسها (تيليفون موقع ليه والو حيت نوكيا )<br>
سكينة: مكيجاوبش؟؟ (دارت ليها براسها لا ) اش غنديرو دابا <br>
اميمة : اوووف نتفكو من مشكيلة نطيحو في وحدة اخرى(خطفتيها ليا من فمي ) بلاتي نمشي نقلب على خالتي ....نزلات اميمة كتقلب لقات غير مدام بوعزاوي في الكوزينة <br>
اميمة : مكيناش خالتي <br>
مدام بوعزاوي: مشات لواحد الحفلة تكريمية مغتجيش دابا ...اميمة خرجات تويل كان هابط بيازيد مزيز و الاناقة كيف ديما <br>
بيازيد: فين سكينة ؟<br>
اميمة: ءء؟ سكينة ؟مزالا الفوق انطلع نعاونها تجمع حوايجها <br>
بيازيد: واخل قولي لها متعطلش <br>
اميمة: واخا ...و طلعت عند سكينة لبيت و سدات الباب <br>
سكينة : امدرا ؟<br>
اميمة: اووف مكينينش شوفي اش غيجيك مليح نوضي لتحت عند بيازيد عطليه انا غنمشي لسبطار عند محسن لملقيتوش نقلب على عنوان دارو نمشي نزعزعو <br>
سكينة: غتمشي بوحدك في هاد ليل <br>
اميمة : غنشوف شيفور يلاه عطليه <br>
سكينة شدات منها : ولا مقدرتش <br>
اميمة: متخافيش سي طبيب غيتكلف ماشي بعيد يتبعم الباريس <br>
سكينة : نعول عليك <br>
اميمة : حاربي عمرك تحطي سيفك (نتي هي سيف الله المسلول)...خرجو بجوجات مشادات و ملصقات و مبغينش يتفرقو (يعطيكم الدل شكون كره يمشي الباريس ) <br>
بيازيد : مالكم ؟ انا راه مغديش خاطفك <br>
سكينة: العار لما خلينا تالغدا <br>
بيازيد 😒: لا <br>
سكينة : الله يرحم بيها الواليدين و يخلي ليك خالتي عيشة<br>
بيازيد: لا هي لا جسكينة :الله ينعلك (دارت عند بيازيد) اكيد مجمعاتش ليا كلشي انمشي نعاود نجمع <br>
الخدامة : لالة جمعت ليك كلشي <br>
سكينة : الله يجمعك بنص انشاءالله مالكي خرجتي ليا في عودي <br>
بيازيد: ديهم لطومبيل سكينة لجي لهنا (قربت ليه بشوية حط يديه على حنيكاتها و هبط لمستواها ) شنو المشكيل <br>
سكينة حيدات ليه يديه: الله يرحم بيها الواليدين متعاملنيش هاكا لوحني على الحيوطة و متعاملنيش هاكا كنحس براسي في شكل <br>
بيازيد: مفهمتكش ؟<br>
سكينة : انا مفهماش راسي بغيتي تمشي اباريس زيد نشوفو اخرتها فين غتوصل ...غادا جاراه طلعو في الاوطو و انطالقو سكينة جالسا و متوترة كتلعب برجليها ...بالنسبة لاميمة كانت لقات وحد شيفور و مشا بيها لسبيطار غادل و تصوني و هو مكيجاوبش: اوو هادا مالو ميت يكونو طيرو ليه تيليفون زعمة تفووة كنس صربي صربي عافاك اعمي حمد (شيفور) داها للسبيطار دخلت كتجري طلعت في دروج عند بالها سانسور باقي خاسر ياودي حاجة الفلوس دغيا تصايب <br>
سكينة : غنمشيو بطموبيل ؟<br>
بيازيد: لا بطيارة <br>
سكينة: ههههه غاسولتك قمعتيني <br>
بيازيد:؟؟؟؟<br>
سكينة: غادين نيت في طيارة <br>
بيازيد: و علاه باش كيسافرو الناس <br>
سكينة : خبارك انا معندي لا باسبور لا والو غير غادا <br>
بيازيد: نتي معايا مغيهدر معاك حد <br>
سكينة: ااه نتا هو الحسن التاني (بيازيد دار فيها نص شوفة )دابا راه مغيدوزونيش من المطار والله خاصني الباسبور (بيازيد مجاوبهاش) ياودي غير جاوبني غنبقا هاكا نهدر بوحدي <br>
بيازيد: تنوصلو تما و غتفهمي ......اميمة طلعت الفوق سخفانة و اخيرا لبيرو محسن و دازت على سانسور هو يتحل و خرجات منو واحد الفرملية اميمة: الله يقطعني تانا فحالا ركابية شيطين عليا تفوو ...مشات لبيرو بغات تدخل لقاتو مسورت عيات تدفع <br>
فرملية : اش كديري امدموزيل <br>
اميمة : كين محسن ؟؟<br>
فرملية : اه نتي من طرف دوكطوغ راه عندو عملية جراحية دالمخ <br>
اميمة : وايلي فاينا بلاصة <br>
فرملية : في طابق 4 <br>
اميمة : شكرا اختي .....فرملية : العفو....مشات كتجري هابطة لطابق 4 غير وصلات خرجت تقلب عليه مشات لبلوك لقات فيه بولة حمرة زعمة انطيردي دخل و لقات تما بنت في مقتبل العمر باكية عينيها دامعين و شي دراري و مرة كبيرة شوية مي عصرية كانو كلهم متوترين<br>
اميمة شافت فيهم و تاهيا كتر منهم خرجات وحد الفرملية كلهم تجمعو عليها و تا اميمة وسط منهم و كلشي كيهدر دقة وحدة كيسول على المريض <br>
اميمة: ختي كين محسن لداخل كلميه ليا <br>
دوك الناس: كيبقا واش نجحات العملية عفاك قولي لينا <br>
اميمة: سبقيني انا اختي <br>
فرميلية : صافي باراكا (سكتو كاملين) العملية ما زال مكملاتش باقي ليها 5 سوايع و من بعد عاد نعرفو واش نجحت و لا فشلت <br>
اميمة 😱: اويلي على 5 سوايع <br>
فرملية: المهيم استسمح منكم خاصني نمشي...مشات و هما مشاو جلسو و اميمة حداهم جالسة و متوترة شوية ديك البنت و المرة داكرو عليها وهي تسولها البنت :شكون نتي اختي و اش كيجيك (كتهدر على المريض)<br>
اميمة بضحكة صفرة: حبيبي (كتهدر على محسن)<br>
البنت شافت في المرة 😢: عزيز كيخوني اخالتي <br>
المرة : لا ميمكنش هادشي (البنت ناضت ومشات كتجري كتبكي) نورا ا نورا فيصل تبعها عافاك واش نتي ابنيتي متأكدة <br>
اميمة: مناش؟<br>
المرة: من امتا وهو حبيبك؟<br>
اميمة: كنضن هادي امور شخصية لا؟<br>
المرة : ولكن انا خالتو خاصني نعرف بهادشي راه هو مزوج <br>
اميمة😱: اويلي على مزوج <br>
المرة : والله واش نتي معرفهاش ؟<br>
اميمة: بالعمة(وشدات من فمها) وديك نهار لي باسني<br>
المرة شدات من صدرها: باسك ميمكنش ولدي يدير هاكا<br>
اميمة: اه اه والله باسني من فمي....المرة جاتها فحال سخفة ناضت و بدات طيح بشوية بشوية شدها داك سيد لي معاها و سخفت و داوها ايرجونص (ياودي يا بنتي اميمة فينما تمشي تعميها)<br>
اميمة: ولايني واحد ولد الحرام منو مكان زدق مجوج ويلي و 5 سوايع سكينة مشات فيها <br>
بالنسبة لسكينة مشات مع بيازيد المطار جاو لي كاردكور هزو لي فاليز و بيازيد شاد من يد سكينة تاهيا لاصقا عليه و تشوف مامشاوش من البابليك (العامة)مشاو لوحد جيهة خاصة فيها طائرات صغار مستفين و تاجهو لوحد طائرة صغير لهيه سكينة كدور في راسها و هي تقرب من بيازيد : واش مغيطبعوش لينا دوك لي خدامين هنا الباسبور <br>
بيازيد: عندنا طائرة خاصة علاش غيطبعو لينا و لا يزمرو لينا <br>
سكينة: مالك دغيا تعصبتي دابا نتا عندك طائرة خاصة و راك مرفح <br>
بيازيد : اول مرة تعرفيها<br>
سكينة : وي اول مرة منين غنعرفها متلا و اصلا انا عمري ركبت في طيارة و لا عتبت خارج المغرب <br>
بيازيد : و علاش<br>
سكينة: معنديش يماهم ...استغرب و طلعو في طيارة وهي غطير بالفرحة غتركب في طيارة(عدابا كانت خايفا) و شاد ليها من يديها حتا طلعو كانت وحد المضيفة تما استقبلاتهم و دخلو كانت لداخل فحال شي دار فيه بيت فيه ناموسية و كراسةبدات طيارة في الاقلاع سكينة شدات من يد محسن و بدات تقرا القرآن و غمضت عينيها هو غير تيضحك شوية بدات كتزعزع باش طلع <br>
سكينة زادت في الفوليم ديال الصوت ولات فحال الفقهة و تكات: اعودووو بالله من شيطان الرجييم بسم الله الرحمان الرحيم ءءءءءءءءءءءء<br>
بيازيد حط يدو فوق شعر سكينة: ديكالم سكينة ديكالم رجعي هاكا...رجعها على الكرسي<br>
سكينة رجعت : احنا مديكلميين ميي اهيء اهيء غنموتو <br>
بيازيد: هههه اشش متخافيش ...وهي تشنق عليه و تخشات فيه و بدات تعرض سورة الكرسي بيازيد سخف بضحك مبقاش قاد يدوي معاها حتى طارت طيارة عاد ارتاحت و تكلمات <br>
بيازيد: ههه هدشي كاملة خلعة فيك <br>
سكينة: يودي غير سكت كنت غنموت <br>
بيازيد حيد ليها سمطة و جرها جلسها فوقو ركبتو وحوط يدو بكرشها: و انا غنخليك تموتي ؟منقدرش ...هي كضحك ليه بلعاني و كتحاول تحيد ليه يدو : ههه بيازيد مخسنيش نخرج من حزام سلامة ههه <br>
بيازيد: هههه هديك كنديروها لبغينا نطلعو و لا نهبطو و لكن انا وياك غنهبطو و نطلعو بلاما يكون ههه😈(ههه ولد الحرام قليل الادب )<br>
سكينة ساعة و هي تشوف فيه كتستوعب اش قال عاد فهمت: احم احم خليني نمشي <br>
بيازيد: فين<br>
سكينة كتحيد ليه في يدو: فيما كان غنحيد من هنا ....طلقها و هي تنوض هو يشدها من يدها و هبط لكرسي تكاه و جرها لعندو فوقو وحيوط خصرها بيد و اليد لخرى دارها تحت راسو : فين باغا تهربي مني غير قولي ليا ...كتفركش باش تفلت منو : بيازيد طلقني ؟ عفاك<br>
بيازيد: توتوتو دابا جيتي بين يدي تحد مغيعتقك مني ...حيد يدو من تحت راسو و دارها في راسها و جرها قربها ليه تال فمو و بدا ياكل ليها في فمها بشوية بشوية (انا باليا غيفضيها معاها في طيارة😂 وفينكم اولاد الناس)بالنسبة للسبيطار اميمة جالسا في الارض و لايحا رجل من هنا و رجل من هنا و ناعسا و تكتبغي طيح و ترجع <br>
واحد من دوك رجال لي كانو مع ديك المرة(سفيان): مسكينة هاد البنت باقا صغيرة و كتبغي عزيز شوف كيف ناعسة و كتسناه <br>
راجل لي معاه(بدر): وييه و زوينة مسكينة باقا بريئة (يودي ديو على هادي راه شيطانة راه غير ناعسة دابا اما كون زعزعاتك نتا وياه و تسيفطكم لشي قنت فحال لي دارت للخرين)<br>
سفيان: والله ياخويا كاعما سحابلي عزيز هكا (يودي سيد مدار والو)<br>
بدر: الله يهدي مخلق و جايبها معدبها في هاد ليل(راه هادي غير طيران ديالها لي جيبها)<br>