انا زوجتك..الا تذكرني

9

😱انا زوجتك الا تدكرني؟😱9😱<br>
دخلو العاءلة سكينة و اميمة و رحبو بيهم احسن ترحاب او حطو ليهم الحلوة بجميع انواعها و اتاي و لعصير و لمسمن و بداو كيشرحو لسكينة على الطباع ديال بيازيد و شنو كيبغي و شنو لا باش تبان انها مرتو و كتعرف عليه بزاف ديال لحويج و هي غير كتشوف في طابلة باغا تاكل كتسرط ريق و هما شادينها بالهدرة اما اميمة غير باركة او كتاكل او تخشي في هاداك لفم و محسن داير يدو على حنكو او كيشوف فيها <br>
محسن :مفهمتش انا كيفاش يمكن لبنت تاكل هادشي كامل <br>
اميمة:معايا انا ولا <br>
محسن :على شكون لي بان ليك في هاد الطبلة كياكل من غيرك <br>
اميمة:ايوا الله يعطيك القطيعة في دوك العينين لي حضييني <br>
محسن ناض شد ل اميمة من دراعها او زير عليها محسن :انا غنقطع لموك داك لسان لي متيسكوتش <br>
اميمة : اي اح اح دراعييي غتحيدوو ليا <br>
(لعاءلة كاملة ناضت و بدات تفك) اي اي غير غير كنت كنضحك معاك ا سي طبيب والله لي عالم بنيتي صادقة <br>
خالتي :راه غير كضحك ا محسين هي باقا صغيرة مديش عليها <br>
سكينة :عافاك ا سي طبيب هاديك ا حمقة مديش عليها محسن طلق منها او اميمة باركة تبرد في لبلاصة لي شدها منها <br>
محسن :لمهم انا غادي خالتي انا غنخليهم ليك عفاكي تكلفي بكلشي <br>
خالتي:مايكون غير خاطرك ا ولدي <br>
محسن خرج <br>
اميمة:سير مشية بلا رجعة <br>
خالتي:بنتي حشومة راه ليومة فكيناك منو غدا يلا عودتيها راه مغيعقلش علينا او غيفوت فيك شي ضربة <br>
اميمة:علاش هو كيضرب ؟<br>
خالتي:ولدي محسن معندوش مع لبسلاة و يقدر يدير اي حاجة يلا تعصب <br>
سكينة:صافي اميمة باراكا راه ماشي بروف هادا نضحكو عليه حتى نعياو او ميدير لينا والو هادا راه سي طبيب <br>
اميمة:صافي انا غير ضحكت ندمتونا <br>
محسن مشى رجع عند سهيل او دخل لبيرو ديالو <br>
محسن:سهيل فين هو بيازيد <br>
سهيل :راه في الغرفة ديالو كيرتاح نتا عارف راه مزال مقصح <br>
محسن:اش درتي معاه <br>
سهيل :متخافش على خوك غير اجي و ولي طبيب مهم انا راه قدرت نقنعو انه راه فاقد الداكرة او مخصوش يجهد راسو راه غيتفكرها مع لوقت و وريتو شي ادلة مهم خربقت عليه و هو بان ليا بلي تاق دابا انا ساليت دور ديالي بقا غير دور ديال سكينة لي خصها تكون حاضية راسها بزاف او نتا خصك ديمن ترد معاها لبال راه مزال برهوشة مشرباش عقلها يمكن ليها دير اي خطا <br>
محسن:انا عارف شكرا بزاف ا سهيل <br>
سهيل :الله يا ودي راه بيازيد خويا مهم غدا يمكن ليك تخرجو تديه لدار يرتاح <br>
محسن :واخا انا غنمشي نطل عليه ...<br>
نمشيو عند اميمة و سكينة <br>
سكينة:واو هاد لغرفة كاملة ديالي <br>
اميمة:ديالنا لايخليك انا مغنعسش مع الخدامة سكينة:صافي صافي ديالنا حتى دخلات عليهم امينة خت بيازيد <br>
امينة:سلام...<br>
دارو عندها :سلام... ااامينة اش كديري هنا امينة:خطفتوها ليا من فمي متقولوش ليا نتوما هما لبنات لي غيعاونو خويا <br>
اميمة:خوك دابا هاداك زين خوك ياه على صدفة <br>
امينة:والله حتى صدفة زوينة هادي مرحبا بيكم البنات <br>
دخلات خالتي:امينة خلي ضياف ديلونا يرتاحو امينة:ماما هادو راه صحاباتي كيقراو معايا في لافاك<br>
خالتي : واو صدفة زوينة هادي<br>
امينة:مهم البنات نخليكم ترتاحو دابا مزال ليام الله طويلة بيناتنا من بعد او نجي عندكم نهدرو اوك باي يالاه ا ماما .....امينة و خالتي خرجو سكينة:شحال مكناش كنحملو هاد امينة زدقات خت لافير <br>
ديالنا اميمة:واياه شحال من مرة كنبغي نسرق ليها دوك لحويج لي كتعيق علينا بيهم او مكنقدرش على زهر عندها <br>
سكينة:هنا ما كاين لا شفرة لا والو خلينا هانيين طبيب والله حتى يدبحنا شتيه غبيلا اش دار <br>
اميمة:هو غير شفت راه مزال ديك لبلاصة كتوزوز عليا مهم متخافيش ختك عارفة اش كدير اجي مجاوكش كيهدرو فحال ديك دبلجة في دوزام سامحني<br>
سكينة: ههه مسخوطة ههه طبيب كيصوني علينا يا ختي عمرو طويل هاكي جاوبيه اميمة:نتي مالكي مريضة او نجوبي سكينة:صافي صافي الو وي واخا صافي كون هاني يلاه بسلامة <br>
اميمة :اش قاليك <br>
سكينة:قال ليا غدا نكون واجدة غيجي يديني معا صباح باش نجيبو لافير لدار <br>
اميمة:و انا مقالش ليك نمشي معاك ياك سكينة:لا <br>
اميمة:الحمدالله ماباغاش نشوف كمارتو سكينة:مهم يلاه نهبطو نتعشاو<br>