انا زوجتك..الا تذكرني

6

😱انا زوجتك الا تدكرني؟😱6😱<br>
سكينة غير سمعات صوتها بغات تنوض هما يجلسوها <br>
جات ديك المرا كتجري : مسيو راه قربنا نسليو ليها (محسن خدا الميكات من عند اميمة لي مبغاتش طلقهم ليه غير بزز) <br>
محسن : هاكي لبسيها هادو ...داتهم و مشات اميمة دارت عند محسن: شوف اسي طبيب نتا رجل كريم بزاف( شاف فيها و طلع حاجب) عفاك دير ليا بوكلي الله يحفضك كريبي ليا شعري عفاك راه معنديش المنحة و طول عمري و انا كنحلم ببروشينك في فصالون واعر الله يحفضك الله الله يخلي ليك ميمتك هاالعار <br>
محسن : صافي سيري <br>
مشات تجري و كتشرح ليهم اش يديرو ليها ...شوية نزلت سكينة و شادة منها نوال لابسة كسيوة بالبيض قصيرة و معندهاش لكمام و شعرها مطلوق دارت ليه بوكلي من لتحت محسن كان خاشي يدو في جيبو حيدها و خرج فيها عينو <br>
اميمة دايرا روروات في شعرها و صفرت : فووووو واااو جيتيي تيتيزااااااا بووووووم قنبولة بيو بيو<br>
دارت اميمة عند محسن لقاتو كيطلع او يهبط في سكينة او مصدوم <br>
اميمة: هههه مالك دختي اوليدي ههه <br>
محسن : احم احم كيفاش؟ لا اش كتخربقي بدلو ليها لبسة شوية محتارمة و نتي مبان ليك تختاري غير هاد لباس <br>
اميمة عيباتو و دارت كملو ليها صافي سكينة لبسوها كسوة كحلة حد ركبة فوق منها بوليرو ديال دجين قصير و سنيدلة و شعرها مطلوق اميمة دارت غير بوكلي و نطالقو في الاوطو في اتجاه لوبيطال و كيعلمها شنو خاصها تقول نمشيو لوبيطال في ديك الغرفة الفخمة لي هي مزيج مبين اللون الباج و البني و ستائر لي باج مغطيين على اشعة الشمس شيء لي خلا في الغرفة ضوء خافت و غير خيوط قليلة ديال شمس لي استاطعو انهم يختارقو الستائر كان ناعس فيها داك سيد و ديرين بيه الالات و صمت كيتسمع غير صوت مؤشر القلب فجأة حل عينو لي كحلين و عقد حجبانو و ناض و حيد ديك البرة ديال سيروم لي في يدو ناض وقف على رجليه و شد من راسو لي كانت فيه واحد الفاصمة وقف و كان لابس غير شورط يلاه بغا يخرج هو يتحل لباب <br>
محسن: بيازيد ع علاش نضتي من بلاستك اصحبي<br>
بيازيد بصوت خشوني: غادي نخرج فين حويجي سكينة دخلت و مدت ليه يديها : سلام بيازيد انا مراتك...هو يدفعها محسن عليه حتى عنقاتو وقاست ليه بيديها صغيورة الباردة عضلاتو هو طلع معاه شي رعشة هو يدفعها و طلع فيها و هبط : شكون هادي؟ ...يلاه غادي يهدر محسن هي تدخل اميمة و هي تبلوكا و بقات مخرجة عينيها في بيازيد و كتهدر بجهد : اش هادشي ياربي (قربت من بيازيد و كتشوف ليه في عضالاتو ) هادو دياولك اش كيجيك جون سينا واش نتا كين في المغرب و لا غير مستوردينك وااو واش نتا...حط محسن يدو على فمها و رجعها عندو حتى زدحها مع صدرو <br>
بيازيد بدا يزعف: شكوون هادوو ؟<br>
محسن طلق من اميمة و بدا جاي لعندو :كيفاش شكون هادو <br>
بيازيد: دابا انا كنسولك و نتا كتجاوبني بسؤال <br>
محسن : واش من نيتك ؟ بلاتي بلاتي جلس(جلسو بزز ) سكينة اجي دقيقة (سكينة قربات) واش معرفتيش شكون هادي <br>
بيازيد خرج عينو فيها و دار عند محسن ببورودة : شكون هادي ؟ <br>
محسن : هادي مراتك اصحبي <br>
بيازيد دار عندو ببرودة و بغا ينوض و رجع جلسو <br>
محسن: راني كندوي معاك راه بصح هادي سكينة مرتك واش معقلتيش عليها <br>
بيازيد عقد حجبانو و وبدا يغوت : واش مرضتي و لا مال ك**ك (اميمة و سكينة🙊)
محسن: لا اولدي نتا لي مرضتي واخا امدام تخرجو دقيقة(سكينة كتشوف في جنابها) مدااام<br>
سكينة: اااه مدام زعمة انا واخا (خرجو ) <br>
بيازيد:اش هاد تخاربيق داير ليا ا محسن <br>
محسن:اينا تخربيق ا صاحبي غير تهدن او نتا غتفهم كلشي اجا معايا <br>
مشا محسن او هو معنق بيازيد حقاش مزال كيحس براسو مقصح من الحادث او خرجو من الغرفة او لقاو سكينة و اميمة دايرين راس على راس و كيتخابرو و هو يخنزر بيازبد في سكينة و زاد هو و محسن سكينة:مال هادا كيخنزر فيا بحالا واكلا ليه ورث باه اميمة:كون كنت انا في بلاستو كون قتلتك عرفت شنو معنا تفيقي او يقولو ليك راك مزوج او والد او نتا معاقل على والو سكينة دارت يديها في جبتها سكينة :قاصحة شوية اميمة:اجي غاعما عطانا طبيب الشيك سكينة: اه فكرتيني كتا يجي او نهضرو معاه اميمة:الله الله فين كانو مخبيين هادو اح ا قلبي سكينة دارت تشوف او هو يبان ليها واحد طبيب لهيه كيهدر مع واحد الفرملية سكينة :ناري اميمة حاكا انا فاش كنت صغيرة كان فيا واحد لمرض جا لوقت باش نعالجو تمت غادية في اتجاه داك طبيب او هي تجرها اميمة :افين غادية اه اجي لهنا متنسايش حنا دابا في عمل او مخسناش نخلطو لحياة شخصية مع العملية متنسايش نتي دابا راك مرت داك الزين او خاصك تقنعيه انك مرتو باش ناخدو لفلوس او مخاصو يشك في والو سكينة:بصح عندك لحق فين كنتي مخبيا هادشي يالعفربتة اميمة:(قادت لكول ديل لكيطمة )راه غير نتوما حاكريني