انا زوجتك..الا تذكرني

13

اميمة كتهدر بشوية مع سكينة : يلاه الساطا فازي <br>
سكينة: متخفيش على ختك انخرج ليه الشخصية المزدوجة .....هو جاي هابط لابس تيشرط زرقة و سروال بالكحل سيد انيق<br>
اميمة:😍😍 وينو على زيونات <br>
نغزتها سكينة تسكت <br>
لالة عيشة : جلس اولدي حدا مرتك ...دار و خنزر في سكينة و هي ضحكت ليه ببرائة و جلس حداها و هي تحط ليه في طبسيلو <br>
سكينة بابتسامة : كول هادي كانت تتعجبك(كلشي حاديهم) ... استغرب من تصرفاتها لي تغيرت فجأة و كحز طبسيل بيدو و كب لراسو و يلاه كان غيخشي ضغمة لولا لقا كلشي كيشوف فيه <br>
هو بخشونة: مالنا ؟ ...كلشي قلب شوفة و بداو ياكلو شوية كحب سكينة حطات ليه دغيا لما هو يشوف فيها و ناض بزعفة <br>
سكينة 😒:ها الفشوش الخاوي ليمبغيناش (مسمعهاش ههه)<br>
اميمة : اشش خليه بخاطرو <br>
لالة عيشة: ولدي فين غادي، بيازيد معندك فين تخرج بيازيد ....مجاوبهاش خرج و هز سوارت ديال الاوطو و كسيرا <br>
اميمة: هاالعار ما قولي ليا اخالتي علياش توحمتي باش جبتي هاد البقلاوة <br>
امينة : مخسوش يخرج هو راه باقي مريض <br>
سكينة : نعيطو على سي طبيب <br>
لالة عيشة : انا غادي نهدر معاه ....نمشيو عند بيازيد لي مشا ديريكت لواحد البلاسة عامرا باليخوت وقف و دار يدو في جيبو و غمض عينو و بدا كيراجع افكارو و كيحاول يدخل لراسو فكرة اصلا ممتدكرهاش ووممتيقهاش فهادا اصعب احساس هو انك تنعس على حياة وو فاش تفيق تلقا حياة اخرى معرفش راسك كيف اسستيها و لا امتا بدات زائد وجود اشخاص جداد في حياتك مكتعرفهومش و لا عمرك شفتيهم في حياتك و كيقولو بلي هما اقرب اشخاص ليك بيازيد طلع نفس و حل عينو و مشا طلع في الاوطو ديالو و اتاجه لشركة ديالو لي كانت شركة صناعة السيارات وصل تما كانا عبارة عن 3 العمارت كيربط بناتهم جسور لفوق و كانو عبارة عن ناطحة السحاب سميتها شركة الطريونكل لصناعة السيرات و فوقها واحد الهيليكوبطير كدور عليها كان حدا الباب جوج كاردكورط شافوه عطاوه السلام هو غير دخل بديك الكريزما و شخصية ديالو كلشي ناض وتوقف على الحركة وقف حتراما ليه و كيقولو على سلامتك هو مكيرد على حد طلع في سانسور ديريكت لبيرويالو لي كان في طابق 12 و كان كيطل على المدينة كاملة <br>
سريكريتير : سلام مسيو(دخل لبيروه) ...بدا كيقلب في واحد المجر ديالو على تصاور مروى و لكن ملقا والو دار لبيرو لقا فوقو تصويرة ديال سكينة مبتسمة هو يغوت على سكريتير : مليسااااا <br>
مليسا: ن ن نعام ا ا ا م مسيو <br>
ييازيد: شكون دخل لبيرو و فين تصاور لي كانو هنا <br>
مليسا بدات كتسرط ريق : را راه امسيو ن ن نتا لي ح ح حيدتيهم من هادي ش ش شحال ق ق قبل م م ا تزوج ب بمدام س سكينة <br>
بيازيد ضرب كرسي برجليه : خرجييي برااا <br>
خرجت برا كتقفقف وشادات طيليفون <br>
مليسا : الو دوكتور راه المسيو هنا ءءء؟ ويي قلت ليه كيفما وصتيني و علمت الموضفين كملين اوكي دكتور اوكي (قطعت)اووف انخرج على خدمتي .....محسن اصلا كان كيقلب على بيازيد و جا الاتصال ديال مليسا في وقتو قلب الاتجاه ديال الاوطو ديالو لاتجاه شركة <br>
محسن : فينهو بيازيد <br>
مليسا: سلام دوكتور راه في البيرو ديالو <br>
محسن: معاق بوالو ياك <br>
مليسا : نو جو بونس با مي راه قلت ليه كيفما قلتي
مليسا : نو جو بونس با مي راه قلت ليه كيفما قلتي ليا <br>
محسن مع غميزة 😉: ميرسي كانت عندي بلي راك مغاديش تخدليني <br>
مليسا😊: ميرسي سراحة انا من هادي شحال (قطعها) <br>
محسن : اوكي جوتو ليس ..دخل عند بيازيد لقاه قالب مكتب و فيه غير تصويرة سكينة و هو جالس و مشبك يدو و حاني راسو <br>
بيازيد: محسن جلس<br>
محسن : علاش اصحبي جيتي ياك علمتك باش..<br>
بيازيد: مقادرش نتقبل سكينة كمراتي <br>
محسن: متجهدش راسك دابا تفكر و تقبلها <br>
بيازيد: عييييت ا محسن عيييت راسي كيضرني و انا كنحاول نتفكرها كنبغي نحماق <br>
محسن: لا لا متحاولش حتى تفكرها على خاطرك مهيم دابا يلاه معايا منقدرش نخليك هنا يلاه ... معارضوش خرج مع محسن و رجعو لدار مهيم داز داك نهار عادي ليل مشا محسن عند سكينة لغرفة هي و اميمة <br>
محسن :سكينة بغيتك مضغطيش على بيازيد بزاف باش متوقعش ليه شي حاجة في راسو سكينة:انا والله مضغطت عليه ا سي طبيب اميمة:اويلي شفتك حطيتي على درية باطل فين قربات ليه بعدا <br>
محسن:(غوت)وا زمر خليتي نكمل هدرتي ...قفزو من بلاستهم <br>
سكينة:واخا ا سي طبيب كلمتك هي اللولة محسن خرج اميمة:خلعني قفزني ياخ<br>
سكينة:اميمة باراكا دابا بغيت غير نفهم حاجة واحدة كيفاش منضغطش عليه زاعما منهدرش معاه <br>
اميمة:مالكي مكلخة زاعما هدري معاه ولكن متقربيش ليه(غير كتخربق ) ...سكينة بقات ساعة اهي تفكر فيها سكينة:اه فهمت(كملات ) اميمة:اوا على سلامتنا.....<br>
صبح صباح اميمة لبسات سايا كحلة طويلة شوية و قميجة بالكري او سكينة كلسو دجين لاسق و سوفيطما بيضة نزلو لقاو محسن جا و جالس كيفطر اميمة جلست مقابلة معاه محسن:اجي نتي ماشي خدامة هنا نوضي جيبي ليا لعاصير يلاه <br>
اميمة:كيفاش بزف عليك ولهلا يحييك و يطول زمان عليك <br>
محسن:غتنوضي ولا نساي امر لمنحة<br>
اميمة: و نت مالك و مال المنحة <br>
سكينة جلسات فحال شي مرا شارفة : اببي اح اح ضهري اولدي صحيحة مشات و المنحة سرطوها المسرولين في كرشهم اخليني ساكتة <br>
محسن:راني كنوجد ليكم في ملفات او غندير ليكم استئناف باش تاخدوها <br>
اميمة:بصاح حلف حلف قول والله <br>
محسن على نيتو : و الله <br>
اميمة: لا قول ياربي عطيني شي كاميو يضربني و يشتتني و مايلقاو ما يجمعو فيا حتى صايبت ليكم المنحة <br>
محسن: واش نتي بعقلك اش غنقوليك صافي بلاش منها <br>
اميمة : لا لا عفاك صافي تيقتك ربي يخليك انا غنمشي نجيب ليك لعصير <br>
سكينة:معرفتش كيفاش نشكرك اسي طبيب بيازيد:علاش غتشكريه .....كلشي دار لقى بيازيد جاي لجيهت الطبلة و بداو غير كيشوفو في بعضياتهم معرفو ميقولو او هي تجي اميمة <br>
اميمة:غتشكرو على قبل انه كيعتني ليها براجلها لعزيز <br>
بيازيد :بلاما تعصبيني نتي في هاد صباح <br>
سكينة: خلعتي درية اويلي ابشوية ...يلاه غيدور ليها محسن خرج فيها عينو فيها <br>
لالة عايشة :احم احم اجي ا ولدي تفطر جا بيازيد و جلس قبالت سكينة و كيتحلف عليها بعينيه<br>
محسن :اميمة لعصير مسوس <br>
اميمة:راه ملقيتش سكار <br>
محسن :لا حولة ولا قوة الا بالله <br>
اميمة:راه نتا لي لا حولة و لاقوة الا بالله اصلا نتا سكار بلا سكار (و خرجات نسالها غزلاتو🙊🙊) بيازيد طلقها بواحد الضحكة اما محسن استغرب من الجواب ديالها و معرف باش يجوبها عطاتها ليه على غفلة على وجهو <br>
بيازيد:اصاحبي ا كضحك معاك مال وجهك تلون ههههه <br>
محسن : لا ماشي هكاك غير.. واش نتا كضحك لا ....دار لقى كولشي كيشوف فيه و مبتاسم بسيف ما يبتاسمو راه القمر بنفسو ضحك <br>
بيازيد:مالكم <br>
اميمة:مشاء الله بقلاوة و هو كيضحك (هادي شفتها دارت لكلشي غزل في غزل )<br>
بيازيد ابتاسم و دار يشوف وجه محسن لي كان غير مطلع فيها عينيه و ناض<br>
بيازيد :اه نسيت طيلي ديالي لفوق في البيت اميمة عافاك طلعي جيبيه ليا <br>
اميمة:ايه هي اللولة او هي دفعها سكينة و درت ليها بعينيها مال موك :انا غنطلع نجيبو لراجلي <br>بيازيد بزعفة :اووووف ....طلعت سكينة كتجري و بدات تقلب على طيلي طل من هنا و تشوف من هنا نزلات طل من تحت النموسية هزات زربية طل تحتها مشات ليه الحوايج قلبت ليه كاع جيبو قلبات تحت المخاد <br>
سكينة : اويلي فين حاطو هادا ...و هو صوني ليها محسن في تليفونها <br>
محسن :الو سكينة سربي راني صيفطت واحد لميساج بالغلاط لبيازيد كنت غنصيفطو لسهيل على البلون ديالنا<br>
سكينة : و اش بغيتيني ندير ليك انا متلا <br>
محسن: نتي باقا في بيت بيازيد <br>
سكينة : وي كنقلب على تليفونو<br>
محسن : ومسحييييه ديري ليه سيبريمي <br>
سكينة: اااااه سفتيه ليه في تليفونو <br>
محسن : ياربي الصبر ايه سيفتو في تليفونو واخا دخلي لتليفونو و تمشي لبلاصة المساجات و تقلبي على محسن و تمسحيه <br>
سكينة: نمسح نمرة كاملة <br>
محسن: غنمسح بموك لرض <br>
سكينة: صافي صافي واقيلا فهمتك تنلقاه بعدا محسن : نعول عليك ...وقطع سكينة كفدت يديها لافير غيضيع ليها خاصها تلقا تليفون بدات تقلب على تيلي حتى لقاتو لداخل في الحمام شداتو و هي تلقى فيه لكود <br>
سكينة: اويلي هادا مكودي ....بقات تجرب في سميتو متحلش دارت سميت مو متحلش و هي دير سميتها 😂😂 اكيد مغيتحلش و هي تزعف و بغات تخبطو مع الارض<br>
بيازيد:بقيتي تلاتة سوايع باش تجيبي تيلي اري لهنا سكينة دارت دغية لقاتو واقف في باب ديال حمام سكينة كتقفقف <br>
بيازيد : واش ما سمعتيش طلقي طليفون <br>
سكينة بقات دور في عينيها : ءءء؟ لا لا ؟اه لا مغنعطيهش ليك <br>
بيازيد:مال موك بغا تحمقي مي اري لهنا.. يلاه دار خطوة وحدة اتجاها و هي تمشي دغيا حدا طواليط لعصرية <br>
سكينة كتقفقف :وقف ولا غنلوحو <br>
بيازيد:لا لا واش نتي مريضة ولا مالك<br>
سكينة خرجت عينيها و يديها كتفيفري :عطيني لكود <br>
بيازيد :سكينةاري تيلي بلاما تعصبيني<br>
سكينة مخرجة عينيها وولات فحال المسطية :يا اما غتعطيني لكود ولا نلوحو والله حتى نلوحو راني مسطية دغيا نديرها <br>
بيازيد:صافي صافي ديري xxxxx ..سكينة بدات دخل في الكود هو يتلاح عليها بيازيد بغا ياخد ليها طيلي و هي تشدو قدامها و عطاتو بضهرها و تاهو لصق عليها و باغي ياخد طيلي و هي زيرت عليه تاهو حوطها بيدو و زير عليها <br>
بيازيد: طلقي طيلي <br>
سكينة تسممات : والله لا طلقتو ..<br>
في هاد اللحظة كانت اميمة واقفا حدا الباب حاديا المنظر و شادة من حنكها <br>
اميمة مطرطقة عينيها فيهم :ويلي ويلي اش هاد شي حشومة (مكينش لي مكيحشمش قدك مطرطقا فيهم عينيك) بيازيد شاف اش داير معنق سكينة و تملكو احساس في شكل هو يحيد دغيا <br>
بيازيد: اميمة اش كديري هنا <br>
اميمة : تبعاك بغيت نقوليك راه جا وحد الراجل سول عليك الصباح (كتخربق عليه باش تعطي لسكينة الوقت حيت محسن لي سيفطها )...هنا سكينة استغلات الفرصة دغيا حلاتو و مع الخلعة باش تمسح ميساج خدمات الميزاجور دخلات لبلاي ستور دخلات لجمايل عاد مشات لرسائل مسحاتهم كملين و مسحات حتى لي زابيل ودارت لاميمة اوكي بيديها <br>
اميمة: و مات مسكين و الله يرحمو <br>
بيازيد : اش كتخربقي<br>
سكينة :شكرا ا ميمة هاك تليفونك الله يعاون العونات <br>
بيازيد شد سكينة من دراعها :خرجي ا اميمة اميمة:هي اللولة ...هربت هههه <br>
بيازيد:اش درتي بي تيلي ديالي <br>
سكينة:ا ي اي قصحتينني زداحها على لحيط و دار يدو بجوج يد من هنا و يد من هنا و حبسها و قرب ليها و كيشوف في عينيها <br>
بيازيد:اش درتي بي تيلي ديالي <br>
سكينة خرجات فيه عينيها و كتقفقف <br>
سكينة:لا لا والله غير صافي (عندهم مشكيلة في تركيب الجمل )<br>