انا زوجتك..الا تذكرني

25

اميمة و سكينة جالسين لور في الاوطو و سايق بيهم شيفور و جالسين و مصدومين مخرجين عينيهم و كيشوفو القدام <br>
سكينة مصدومة: س س سمعتيه و لا غير انا لي ودني زمرو <br>
اميمة: سمعتو سمعتو قالك مرتي ياكما تفكر كلشي <br>
سكينة دارت عندها: اش غيتفكر وهو مافقد لا داكرة لا والو <br>
اميمة: و منعرف تكوني نتي و لا انا لي فاقدين الداكرة و كيمثلو علينا <br>
سكينة : كتخربقي عليا لا ؟<br>
اميمة هزات يديها : هادا جهدي عليك دابا نركزو راه موك و مي جيييين و معاااهم الحاااااجة كتعرفيييي شكوووون الحاجة <br>
سكينة 😔 : الحاجة مو سواني شعالت العوافي <br>
اميمة : اوووف علاه داك سي طبيب يدير شي حاجة <br>
سكينة : ويييه مبانش ليك كترو المشاكيل و تعقدو <br>
اميمة : كنااا هنييين <br>
سكينة : وييه <br>
وصلو لوبيطال نزلو قالو لشيفور تيعيطو ليه عاد يجي مشاو يجريو للمصعد ووقفو يتسناو هما ووحد الواحد كلو مكبص جالس في كرسي متحرك ووجهو مكوانسي هو كيشوف فيهم بنص عين و حتا هما قربو من بعضياتهم <br>
اميمة: مكيبانش فحال شي ملوية و لا مسمنة مغلفة بورقة الزبدة <br>
سكينة : ههه هادا كولو مدكدك كون غا مات حسن (هو غير كيسمع و معصب و لكن مقادر يدير والو) تحل لمصعد و طلعو بجوج و بان ليهم بقا واقف مكيتحركش <br>
سكينة : مسكين مقادش يتحرك اجي نعاونوك طلع ...هو خرج عينو و باغي يقولهم لاا ضربو الطابق 8 (فيه البيرو ديال محسن )<br>
اميمة: اينا طابق نتا نعاونك اسيدي...هو مقادش يهضر غير كيدير ممممم <br>
اميمة: شحاال اينا طابق <br>
الراجل : مممممممممم (هبطوني زعمة)<br>
اميمة: شحال ؟طابق 9 ؟ (معرفتش منين جابت هاد 9)<br>
الراجل خرج عينو و كيدير ليها لا : ممممممم (لا لا لا )<br>
سكينة: الااا راه بغا طابق الاخر<br>
اميمة : ااااه بغيتي الطابق الاخر ؟ واخا ...دربت الطابق الاخر <br>
الراجل مخرج عينو و كيقولها لااا براسوو : ممممم <br>
اميمة😊: مكاين لاش تشكرني ؟<br>
سكينة:😒تشكرنا، حيت انا لي فهمتو ....تصد سانسور و جات واحد الفرملية كتقلب على الراجل كانت هي لي مقبلاه : اه يربي فين مشا هادا خاصو يدخل دابا عند طبيب...هبطو في الطابق 9 و دارو لراجل باي باي وهو غيخرج ليه عقلو بلا تصد المصعد <br>
سكينة بتفاؤل: ربي غيعاونا درنا الخير <br>
اميمة : وييه الحمدالله ياربي انت 75 في الميا و هي غير 25 في الميا <br>
سكينة: اش كتقولي <br>
اميمة: غير كنقسم نسبة الصدقة لي درنا حيت انا لي درت كلشي نتي غير ترجمتي <br>
سكينة: يااك الحماارة الخانزة <br>
ممرضة جات العندهم: عفوا ا دي مدموزيل نتوما في مستشفى و المرضى مراضين خاصهم الراحة و نتوما كتغوتو راكم ماشي في الزنقة ....ومشات <br>
اميمة : نقاتو لينا لا ؟؟<br>
سكينة: مخلات فينا ريحة الدم في وجهنا <br>
اميمة : والله يا مها لا دازت ليها ...يلاه كانت غادية و هي تشد من قرفادتها و رجعها عندو <br>
محسن: اجي لهنا ....جر حتى سكينة من يديها و دخلهم البيرو <br>
محسن: مالنا نتوما صوتكم كيتسمع من هنا <br>
اميمة الصمت حاطة عينيها في الارض و حشمانة<br>
سكينة: سمح لينا اسي الطبيب و الله منعاودو و لكن فكرتي لينا في دكشي (كدخل طول و عرض)<br>
محسن جلس في البيرو و تكا على الكرسي و شد كاس ديال القهوة : وي لقيتليكم ابارطومون غديروها سكنين فيها و بالنسبة لخدمة غتمثلو بلي خدامين هنا في المناج المهيم تسناو هنا بينما عيط ليا السيد لي غيجهز الابارطومون و غينضفها عاد نديكم تشوفوها<br>
سكينة :واااو (دارت عند اميمة )دغيا لقا حل ...اميمة باقا على نفس الوضعية هو ينوض محسن و حط يدو على راسها و خربق ليها شعرها : نساي دكشي لي وقع البارح انا اعتابرتو كيفما قلتي مجرد تحية و لا شي حاجة عابرة ....طلعت فيه عينيها و حيدات ليه يديه من على راسها و تعصبت : العابر هو نتا اصلا و فصلا شكون داها فيك و لا تفكر شي حادثة <br>
محسن😏: واش بقا فيك الحاال <br>
اميمة: ااانااا يبقا فيا الحال حيد....مشات عطاتهم بالظهر و كتشوف في شرجم هو ضحك و رجع لبلاستو و سكينة مشات لواحد المجسم ديال هيكل عضمي فيه الاعضاء ديال الانسان غير قاصتو بدا يريب ليها و هي تبدا تلصق و تشوف في محسن لا يشوفها لهلا يوركم بلاسة الكبد دارت الطحال و بلاستت البنكرياس ملقاتهاش خشات فيها قاعط اما محسن فدير يدو على حنكو و كيشوف في اميمة لي معصبة وواقفة يدربها البرد كتدور تشوف فيه كيدور هو و كتهدر : الناس عندهم الزهر و انا في بلاستو عندي خرية و ماشي اي خرية خرية و جاااااريية <br>
سكينة جات عند اميمة و كتهدر بشوية : عتقي عتقي ليوما سي طبيب يقتلني <br>
اميمة : علاش مالك <br>
سكينة : تلفت البنكرياس عتقيني <br>
اميمة:؟؟؟ اش كتقولي ....و هي تشير ليها سكينة في جيهت المجسم اميمة شدات من حناكها :اويلي و كيف داير هاد البنكرياس <br>
سكينة: منعرف اقستو طاح ويلي ويلي شوفي مكيناش حتى المرارة <br>
اميمة : الحمارة تلفتي دوارة كل