انا زوجتك..الا تذكرني

10

😱انا زوجتك الا تدكرني😱10😱<br>
صبح صباح و محسن جا لدار لقا سكينة واجدة لابسة كسوة بيضة نص كم مطلوقة من لتحت و اميمة غالسا كتسرط و لابسة سروال دجين و سوفيطما بيضة شافت <br>
محسن : من لبارح باقا تاكلي <br>
اميمة : حسدتوني ديرو فحالي <br>
سكينة: فحالا دايرا الكيران <br>
محسن: مهيم سكينة يلاه ....مشا بيها في الاوطو طريق كاملة وهو يقري فيها كيف غتصرف و كتحفظ دكشي... وصلو لمستشفى سكينة حافظة اش غتقول دخلت بابتسامة عند بيازيد هو شافها و خنزر فيها يلاه غتهدر ضرب فيها و زاد بلاما يعبرها محسن بغا يهدر معاه حتى هو ضرب فيه حتى هو و زاد<br>
سكينة طلع ليه زعتر المخ :مال هادا هاز خنافرو لسما بغينا غنتقياو عليه دوك جوج كليمات لي حفيتضنا<br>
محسن:سكينة اوش يلاه تبعيني <br>
سكينة: دابا انا حفضت داكشي على والو <br>
محسن: قلت ليك اوووش <br>
سكينة:دابا انا شنو الدور ديالي غير ديتيني او جبتيني كونا خليتيني ناعسا حسن<br>
محسن :واش غتسكتي ولا غنهرس ليك داك لفم غتفضحينا <br>
سكينة:صافي انا ساكتة يلاه زيد ....مهم ركب محسن هو و بيازيد لقدام و محسن هو لي كيسوق حيت بيازيد مريض معندوش الحق يسوك و سكينة لور <br>
محسن :ختي سكينة على سلامت راجلك خرج على خير<br>
سكينة: ربي اخليك اسي الطبيب على سلامتك اسي بيازيد .....اشمن سي بيازيد اش كتخربق هادي محسن مزير على الكيدون (غتفرشو ) ولا غير يدور في عينيه يلاه غيدوي باش يقلب الموضوع<br>
سكينة: راني دويت معاك لا؟ غير جوبني قوليا الله يسلمك و لا صواب معندكمش <br>
بيازيد بدات طلع ليه القردة : غتسكتي و لا غنقلب مها هاد الاوطو دابا <br>
سكينة كدوي بزربة : اويلي تا ستغفرت الله العضيم يكما ولفتيها لكنتي باغي تموت باكسيدة موت راسك انا باق صغيورة <br>
بيازيد بعصب وكيورك على الهدرة: محسن وقف هنا في الجنب <br>
محسن : ع ع علاش ....بيازيد غوت : قلت ليك وقف....هو يبلاصيها محسن خرج بيازيد و دار لباب ديال سكينة و تبعو محسن حل الباب و بغا يخرجها على برا هي لصقت مع لباب لاخور هو دخل راسو و بغا يخرجها شدها من دراعها <br>
سكينة : اش باغي دير <br>
بيازيد: انا غنوريك اش باغي ندير <br>
محسن جر بيازيد: رجوع الله اصحبي اش باغي دير <br>
بيازيد : يا غتخرج عليا هاد البرهوشة و لا غنقتلها <br>
محسن: تهدن اصحبي نتا مالك معصب <br>
سكينة : لا غير خليه يقيسني نيت انا غير ساهلة ليه <br>
محسن دار وخرج فيها عينو باش تسكت <br>
بيازيد: انا غنهرس لمك داك الفم ... محسن سد الباب على سكينة بقات كدوي بلاصوت و كتنقيه ليه و كتعاير : شفتي انا غنقسمك على جوج راه انا سكينة و اجريك على اللله (و كدير ليه بيديها نقسمك ومع الاوطو عازلة للصوت تاحد مسمعها كتبان فحالا كدير بيديها نص خبزة فيه الطون ) الحمدالله منين مسمعوش هادشي اما كون علقوها بجوج محسن مسكين بزز كيحاول يهددن بيازيد و يدخلو لوطو و سكينة فشات قلبها و سكتات حتى هدن بيازيد و دخلو و بقا يتحلف على سوكا من المرايا د الاوطو وولا الجو مشحون داخل الاوطو وخا سكات كانت غتنوض غير على فتيلة حتى وصلو لدار الحمدالله ولكن لقاو اميمة في الباب واقفا <br>
اميمة:مرحبا ا سيدي مرحبا على سلامتك رجعتي لدارك <br>
بيازيد مستغرب :شكون هادي <br>
محسن:(بدم بارد )هادي لخدامة <br>
اميمة:و ماشي غير لخدامة انا راه صديقة ديالك انتيم كنتي دايما كتعود ليا كولشي واش معقلتيش عليا <br>
بيازيد:كيفاش؟ <br>
محسن دفع اميمة:مديش عليها تفضل دخل مرحبا بيك ..محسن و بيازيد دخلو لفيلا <br>
اميمة:ياخ على جنس يدو سابقاه <br>
سكينة:اش كتخربقي نتي هادشي متفيقناش عليه <br>
اميمة:ختي حتا انا خاصني دور في هاد لقصة غنبقا غير حاضياكم او نتفرج <br>
سكينة:مهم يلاه ندخلو ...<br>
العاءلة كاملة ستقبلات بيازيد و غرحانين بيه و كبكيو و هو فرح بزاف و عنق الام ديالو او الاخت ديالو او طالعو معاه لبيتو يرتاح <br>
الام:سكينة سيري دي لبيازيد كاس ديال لما زعما راكي مرتو او كاهتمي بيه <br>
سكينة:واخا ا خالتي <br>
محسن:او حضي راسك يلا تزلق ليك شي حاجة و تعاودي دكشي لي درتي قبيلة نقسمك على جوج <br>
سكينة:راه هو لي عصبني <br>
محسن : سيري دابا و ياويل و نسمع هاكا مرة اخرة هدي الاخرة ليك ....سكينة طلعت عند بيازيد <br>
اميمة: علاش اش دارا <br>
محسن :اميمة نتي بدات تبعيني لبرا <br>
اميمة:ا ااانا ؟ <br>
محسن:علاش شكون سميتو اميمة من غيرك اميمة صرطات ريق :واخا غير سير انا تابعاك ..مشا ..اميمة اناري اش درت (لا والو نتي ضريفة )ناضت و رجلينها مهزينهاش ولات تمشي و تولي ترجع و تهضر : الله يا ميمتي الله اش بغا عندي هادا اناري يا مي مالي كلي عرقت شوفي اميمة سيري عندو و لي ليها ليها الله يربي غنموت قبل منوصل عندو الله ياربي الله لا لا منقدرش اصلا مدرت والو علاش انخاف <br>