انا زوجتك..الا تذكرني

5

😱انا زوجتك الا تدكرني؟😱5😱<br>
و فيه صالون و كلشي و غالب عليه لون دهبي وكين صفوف فيهم مرايات قدماهم كراسة و كينين غير العيالات و البنات راقيين و اميمة و سكينة مخشيين في بعضياتهم و مخرجين عينيهم <br>
اميمة: واش كتشوفي لي كنشوف <br>
سكينة: واش الدص ديال دهب بصح ..جات واحد المرة كتجري عند محسن لابسة لباس رسمي سايا هابطة تالتحت بالكحل و قميجة بيضة فوق منها لافيست كحلة و شعرها مجموع بواحد طريقة انيقة <br>
هي: مرحبا ادوكتور في محل ديالنا متواضع <br>
اميمة: هههه متواضع من نيتك <br>
محسن شد من دراع اميمة و زير عليها <br>
اميمة: اح اييي احح قسحتيني (طلقها وبقات هي شادة من دراعها و كتخنزر فيه) <br>
سكينة: وعتك يا ختيي ...هو يجرها من تريكو من جيهة كتفها ولات سكينة كتف طالع و كتف هابط <br>
محسن ببرودة: هادي بغيتها تولي وحدة اخرى(دار عند سكينة) اري نتي بعدا ديك لاكارط <br>
سكينة: ل لاش ب ب بغيتي لاكارط <br>
محسن: مغنعاودش الهدرة جوج مرات <br>
سكينة: راه عند اميمة ...لاح محسن سكينة على المرا و تم راجع عند اميمة لي باقا دايرا الفيلم ديال الدراع <br>
اميمة هزت عليه صبعها: شووف حنا راه ماشي عبيد عندك ...مخلاهاش تكمل هزها بنفس طريقة من كتفها حتا راسها دخل في العنق ديال تريكو و داها الاوطو و دخلها <br>
اميمة: اويلي فين غادي بيا اويلي غنخليو سكينة هنا ...بغات تخرج دخلها بيدو و سد الباب <br>
سكينة شاداها ديك المرة: افين غادييين مخليينيي تيي طلقييي تي مال جداك (مشات الاوطو ديال محسن) لااااااا متخليونييش هناااا اميممممممة <br>
اميمة لور : ف ف فين غ غ غادي بيا و و ف ف فين خلينا سكينة ( هو ممسوقش كيسوق و هي تغمض ليه عينيه و غمضت عينيها تاهيا و بدات تغوت) واااااااااع عتقوووونيييي واااع <br>
محسن كيحيد ليهااا يديها: حيديييي يديييك غتقتلينااا <br>
اميمة باقا في نفس الحالة : اهيء اهيء مامااااا عتقونيييي ...هو يضرب الفران بجهد حتى لاطراس ديال الرويد بقاو في الارض و جمع ليها يديها بضربة : نتيي مالكيي مريضة بغا تقتليناا <br>
اميمة شادة من يديها: اهيء اهيء و نتا و نتا لي منعرف فين غادي بيا <br>
محسن: مالك برهوشة فين غادي نديك كاع و اش بغيت بيك <br>
اميمة: اهيء اهيء هي الى رجعتيني عند ختي <br>
محسن: اوووف راه خليتهم يقادوها و دابا انا غادي نجيب ليها متلبس و معارفش المقاس ديالها دكشي لاش جيبك معايا <br>
اميمة كتمسح دموعها : اااه ههه و قولها من صباح ههه زيد زيد مديش عليا غير شحال مابكيت ههه <br>
محسن : ياربي يصبرني <br>
نرجعو عند سكينة لي كلشي شادها و هي باغا تبعهم <br>
سكينة: سييييي طبيبب اميماااا بعدو منيي اميمااا حيد يديك نتيي بغيييييت نمشي فحاليي<br>
ديك المرا معنقاها من لور : راه غيجيو متخفيش امدموزيل اي اح (كضربها بضراعها ) ...تال شوية عاد هدؤوها جابو ليها كاس ديال عصير ديال ليمون و شادة ستون مع البنات <br>
ديك المرا : رتاحيتي دابا <br>
سكينة : الحمدالله الله يدومها نعمة <br>
هي: يالاه تفضلي معايا <br>
سكينة خرجت عينيها فيها: فييييين <br>
هي: لحمام سونا الفوق <br>
سكينة: اااه اوكي نيت نكمد عضيماتي اجي بعدا شحال <br>
هي: اه لا كلشي على حساب الدكتور <br>
سكينة ناضت : و قوليها من صباح يلاه نطلعو واخا نخد من عندكم سطولة <br>
كلهم ضحكو ...هي: هههه لا ماشي هاكاك حمام سونا تعالي معايا نوواااال نواااال <br>
سكينة: شكون هادي الكلاسة <br>
نوال : ههه لا تعالي معايا ..دخلتها لحمام نمشيو عند اميمة و محسن لي دخلين لواحد البويتيك ديال لي مارك هو جالس على واحد الفطوي و متكي راسو على الكرسي و اميمة شطحات ديك الموضفة و حمقتها معاها جبدات كلشي بطاي اكس ايل و كتاخد جوج من الحاجة وحدة ليها ووحدة لسكينة بلاما حتى تشوف في البري حتى كملات و جات عندو <br>
اميمة بابتسامة عريضة: ساليت نوض خلص <br>
شاف فيها و ناض عطاهم لاكارط بونك ديالو<br>
اميمة خرجات عينيها: متقوولش ليا بصح غتشري هدشي كامل(خسر عليها نص شوفة)وااااو نتاااا بوكووو لعاقة بلاتي خليني نزيد شي حوايج...شدها من الكول لوراني و جرها : غنمشيو دابا الحاجة لي معرفتش علاش من كل وحدة كينين جوج <br>
اميمة: هدشي ديال البنات متعرفوش نتا <br>
نرجعو عند سكينة لي خارجا لاويا فوطة بالغوز و لاويا فوطا على شعرها و شادة الهدرة مع نوال <br>
نوال كتبكي : انا فاش شفتو خاني متخيليش احساسي <br>
سكينة كطبط عليها : لي كلب كلب واخا تبغي طرديه بنادم <br>
نوال مسحات عينيها: سمحليا ديرونجيتك معايا مهيم اجي غادي نديرو ليك لاسيغ <br>
سكينة: مديريش في بالاك مي شناهو لاسيغ <br>
نوال : لي كيحيدو بيه زغب <br>
سكينة: لا لا هادشي ممعاناش ديك المرة السقات ليا المسكة في رجلي محيدتها حتى غفر ليا الله دنوب العروق ديال راسي خرجو <br>
نوال : ههه لا لا هادا مكيقسحش <br>
صافي تاقت بيها سكينة دخلوها تكات غمضت عويناتها مع الجبدة لولا غوتات ربي لي خلقها و بغات ت