انا زوجتك..الا تذكرني

20

😱انا زوجتك الا تدكرني؟😱20😱<br>
صافي ركبو مع محسن في طوموبيل <br>
سكينة شافت راسها في المرايا : اجي مكنبانش ليك وليت صفرة مأخرا <br>
اميمة قربات ليها و حلات ليها عينيها: ااااه راك صفرة فيك بو صفير خصك تاكلي الباربة (محسن غير كيسمع و ساكت و كيشوف المهنة لي قراها 10 سنين اميمة ولات طبيبة في دقيقة و كتشخص المرض و كتعطي الدوا )<br>
سكينة : و علاش الباربة بضبط مكنحملهاش<br>
اميمة: راه كتزيد في الدم حيت حمرة ...وقف الطموبيل على غفلة هما شافو فيه و دار عندهم :ايه كملي <br>
اميمة: فااش؟؟ ..محسن: كاعما حسابلي طبيبة نتي و كتفهمي....اميمة كتقابح زعمة: علاش مالك الباربة مكتزيدش في الدم ...محسن: فين قريتي هادي ....اميمة: سير سير عاود القراية راك ما طبيب ...محسن : ياك؟ نتي لي الطبيبة <br>
سكينة: حتى العدس قالو مزيان للبواسر <br>
محسن : و اش دخل البواسر في الهدرة <br>
سكينة : علاش مفخباركش بلي البوايسر هو بوصفير <br>
محسن: شفتي انااا مسخوووط لي دير عقلي في وحدين فحالكم ....و دار يسوك<br>
اميمة بشوية : سير بالمسخوط لاخر باغي يفهم علينا<br>
محسن: نسمع صوت شي برهوشة فيكم نهرسها <br>
اميمة : هحنا ساكتات .......بقاو ساكتين و جبدو موضوع اخر على النملة منين كتبول محسن تكرازا هو لي داير عقلو فيهم هههه شي شوية و قفو حدا لقياضة (مع شافو البوليس فيها عند بالهم كميسارية ) و هما يبداو يشوفو في بعضياتهم <br>
سكينة:شتي يالحمارة هانتي خرجتي علينا اش داك تقيسي شي معلم ولا مول حانوت هيء هيء <br>
اميمة:هيء هيء والله ماقصدت و هو يهبط محسن و حل ليهم لباب ديال طوموبيل و قاليهم هابطو و هي تهبط اميمة و شدات ليه من لكول ديل لقميجة و نزلاتو لعندها و قربات ليه حتى الوجهو محسن تصدم <br>
اميمة:عفاك سمح ليا هيء هادي اخر مرة نقيصك والله و من ليوما كاين غير نعام ا سيدي زيد اسيدي <br>
محسن مغيب كيشوف غير في وجه اميمة و تفاصيل و فمها و هو كيتحرك اما لهدرة شكون داها فيها حتى جات لالة سكينة و دفعات اميمة و قفزات محسن <br>
سكينة :حيدي نتيا سمع اسي طبيب هادي من احمر لحمير لي شفت في حياتي هيء هيء عافاك ماديش عليها واش كاين شي حد كيديها في حمار لا هرنط ياك كيقول ليه غير اعود بالله من الشيطان الرجيم داكشي لي دير عفاك <br>
محسن :اش كتخربقي نتي براكا من لهدرة لخاوية و يلاه ندخلو راه سيد لي عيطلع ليكم لوراق كيتسنى <br>
اميمة :انا وراق؟ <br>
محسن:ديال منحة كيفاش انا وراق ياك هدرنا في هاد لموضوع <br>
اميمة:اه لمنحة شتي يل كلبة غير عيرتيني على والو <br>
سكينة:اوف لحمد الله ....محسن :يلاه زيدو<br>
صافي دخلو تبعوه غير دخل تلاقا مع واحد الموظف تما <br>
الموظف :اهلا سي محسن زارتنا لبراكا <br>
محسن :خويا عاديل اش خبارك ..كريم كاين؟ الموظف:كاين في بيرو ديالو الفوق فاش... تسالي دوز عندي نقصرو انا وياك ...<br>