°•○FLORALAND○•° [Completed]

•°•°8°•°•

Би сандал дээр суун гутлаа тайлах гэж байтал тэр хүрч ирээд дахиад л надад туслав.

Бид гутлаа буцаагаад тавиур дээр тавьчихаад хамтдаа буцан ордон руу ортол Эрнест "Одоо 2лаа явах хэрэгтэй. Флоралэндэд удахгүй тэргэл сар гарах болхоор мөсөн чулууг авах ёстой. Энэ бол Аяслэндийн хаант улсын үнэт эрдэнэ. Энэ байхгүй бол Аяслэндэд аюултай. Чи ойлгож байгаа биз дээ" гээд гэмших мэт доош харан зогсоход нь би "Тиймээ" гэж сулхан хэлэв.

Бид өмнө нь ирсэн тагт дээрээс явахаар болж би зузаан нөмрөгөө өмсөн тагт руу гартал түүний хэлсэн гайхалтай шөнө намайг угтан авсан юм.

"Аяслэнд яагаад ийм үзэсгэлэнтэй юм бэ? Хэдий энд их хүйтэн ч гайхалтай зүйлсээр дүүрэн юм." ингэж хэлээд хүндээр амьсгаагаа гарган дээш одод руу харан зогсоход
"Чамд энд байх таалагдаж байна уу?" гэж ард чимээгүйхэн намайг ажиглан зогсож байсан Эрнест ийнхүү хэлэв.
"Мэдээж... Гэхдээ дахиж энд ирэх боломж олдохгүй байх.
Учир нь...учир нь..." гэхэд өөрийн эрхгүй гунигт автан нулимс дуслах нь тэр. Би хурдхан гараа гарган нулимсаа арчтал Эрнест гэнэт хүрч ирээд намайг тэврэн авав. Хэсэг байсны эцэст би ч бас түүнийг зөрүүлэн тэврээд "Би энийг яг ямар мэдрэмж гэдгийг мэдэхгүй байгаа ч бидний харилцаа тэр чулуугаар дуусгавар болохыг хүсэхгүй байна. Би чамтай хамт баймаар байна" гээд чичирсэн хоолойгоор түүнд шивнэн хэлэхэд тэр тэврэлтээ салган бүх зүйл зүгээр дээ гэх шиг харцаараа ширтээд нэг гараараа эрүүнээс минь барин уруул дээр зөөлхөн үнссэн юм.